影片
更多
2024-10-18
220 瀏覽
朋友話想試吓啲fusion嘢，順便同我飲酒談心，最後就揀咗AOAO，感覺上私隱度都高，傾計嘅時候都覺得好舒服。嘢食主打都係西日fusion，今次嗌得比較多都係蔬菜，但係出乎意料全部都處理得唔錯。‣ Akagai赤貝食落口嘅時候覺得好驚喜，質感相當彈牙嫩滑，感受到佢嘅爽口同埋本身嘅甘甜，調味亦做得相當好，唔需要醋唔需要醬油都已經好夠味，亦都突顯到佢嘅鮮味。作為開胃頭盤，絕對係相當推薦嘅一款。‣ Shredded Celtuce Salad萵筍本身嘅口感有啲似好爽脆嘅白蘿蔔絲，當我見到啲白蘿蔔蓉喺面頭嘅時候覺得都幾得意。沙律主要以豉油醬汁做底，唔會好濃味，偏向比較清新，夾埋其他比較濃味嘅菜式食就一流。‣ Caramelised Pumpkin鍾意食南瓜嘅人一定唔可以錯過，焦糖嘅脆皮包住軟腍腍嘅果肉，比我想像中好食，真係有入口即化嘅感覺。旁邊仲有爆谷粒，帶埋一齊食雖然有啲甜，但係又覺得好過癮，因為唔會覺得話好膩。‣ Charcoal Grilled Eel呢個鰻魚厚肉得來唔會腥，處理得相當唔錯，而且一上枱嘅時候，店員就會用炭直接燒塊魚皮。喺燒嘅過程都會聞到好濃嘅魚香，面頭閃閃發光嘅就係佢豐腴
‣ Akagai
赤貝食落口嘅時候覺得好驚喜，質感相當彈牙嫩滑，感受到佢嘅爽口同埋本身嘅甘甜，調味亦做得相當好，唔需要醋唔需要醬油都已經好夠味，亦都突顯到佢嘅鮮味。作為開胃頭盤，絕對係相當推薦嘅一款。
‣ Shredded Celtuce Salad
萵筍本身嘅口感有啲似好爽脆嘅白蘿蔔絲，當我見到啲白蘿蔔蓉喺面頭嘅時候覺得都幾得意。沙律主要以豉油醬汁做底，唔會好濃味，偏向比較清新，夾埋其他比較濃味嘅菜式食就一流。
‣ Caramelised Pumpkin
鍾意食南瓜嘅人一定唔可以錯過，焦糖嘅脆皮包住軟腍腍嘅果肉，比我想像中好食，真係有入口即化嘅感覺。旁邊仲有爆谷粒，帶埋一齊食雖然有啲甜，但係又覺得好過癮，因為唔會覺得話好膩。
‣ Charcoal Grilled Eel
呢個鰻魚厚肉得來唔會腥，處理得相當唔錯，而且一上枱嘅時候，店員就會用炭直接燒塊魚皮。喺燒嘅過程都會聞到好濃嘅魚香，面頭閃閃發光嘅就係佢豐腴嘅油脂。外皮焦脆，內裏嫩滑，唔需要醬汁都好好食，加咗檸檬汁味道又有唔同嘅變化。
‣ A4 Wagyu Cutlet Charcoal Sando
呢個絕對係重頭戲，我同朋友都係OpenRice見到先特登過嚟食。望住雖然好似細細份，但係其實食落去嘅時候就會覺得好飽。打卡一流，包中間都有啲牛油，呢度菜最主要就一定係個牛扒，個牛扒都唔需要多講，一樣都係外層酥脆，內裏相當柔軟。而且因為唔係全熟，所以食落口嘅時候濃郁嘅牛香真係散發晒出嚟。
‣ Double Fromage Cheesecake
呢個係我好滿意嘅飯後甜品，本身就好鍾意兩種芝士帶嚟嘅口感，口感好輕盈，而且蛋糕真係入口即化，每一啖都感受到芝士嘅香濃同埋細緻，所以真係好滿意。
‣ Red Bean Daifuku
大福話晒都係日本嘅傳統甜品，點樣都要試吓，加上我同我朋友都幾鍾意紅豆，所以食嘅時候都覺得幾開心。而餡料都幾多，同芝士嘅濃郁唔同，大福相對上味道溫潤好多，都冇咁容易覺得膩。
‣ Crown of the Andes
話明要傾計，酒當然唔少得。飲得出vodka嘅味道，但係都已經俾啲果味中和咗唔少，不過酒精嘅濃度絕對唔敷衍。而本身奇異果嘅酸甜都令到杯酒有唔同嘅層次，飲落去清爽得嚟，又唔會好強烈，算幾溫和嘅一杯酒。
‣ L'incomparable
威士忌嘅濃烈咁啱可以俾伯爵茶嘅茶香中和咗，而我覺得蛋白都令到杯酒嘅口感變得柔和啲，加上因為有提子嘅成份，你會飲到淡淡嘅果香同埋酸甜。杯酒都算係偏甜嘅，畢竟都有蜂蜜，但係一樣個後勁都唔細，我自己都幾鍾意。
張貼
