影片
更多
2024-04-23
30 瀏覽
位於中環士丹利街嘅PHI Coffee & Pancake, 以超夢幻糖果色彩獨角獸為主題嚟俘虜少女心; 餐廳由外到內都以超級夢幻粉紫色為主, 只係門口嘅佈置, 由色彩繽紛嘅花藝配合雲朵天花, 再加獨角獸公仔, 已經將你吸咗入店內了; 裡面仲擺放不同尺寸種嘅My Little Pony獨角獸公仔比你打卡。 今期店鋪推出咗多款芋泥甜品系列, 芋泥控真係必試呀。甜蜜芋泥獨角獸疏乎厘 - $158皇牌疏乎厘pancake 配上芋泥奶蓋, 加上藍色嘅cream, 獨角獸造型嘅彩色棉花糖, 伴碟有煙煙韌韌麻薯, 自家製芋泥粒, 味道不算太甜, 再加咗糖果色系嘅棉花糖, 獨角獸造型白朱古力, 成碟都好色彩夢幻;梳乎厘嘅蛋味香濃, 質地鬆軟, 一口即溶, 配埋芋泥奶蓋同忌廉一齊食, 十分滿足。夢幻獨角獸芋泥蛋糕 - $75紫色和湖水藍色相間嘅蛋糕, 紫色係中間兩層芋泥蛋糕, 湖水藍色似係薄荷味嘅蛋糕; 賣相很好看, 份量也大, 仲有芋泥奶蓋及獨角獸造型白朱古力係面。蛋糕會送飲品一杯呀!粉紅吞拿魚貓耳朵粉 - $112呢碟上枱顏色好靚好少女心嘅貓耳朵粉, 醬汁呈粉紅色, 原來是用火龍果製成, 用紅
甜蜜芋泥獨角獸疏乎厘 - $158
皇牌疏乎厘pancake 配上芋泥奶蓋, 加上藍色嘅cream, 獨角獸造型嘅彩色棉花糖, 伴碟有煙煙韌韌麻薯, 自家製芋泥粒, 味道不算太甜, 再加咗糖果色系嘅棉花糖, 獨角獸造型白朱古力, 成碟都好色彩夢幻;梳乎厘嘅蛋味香濃, 質地鬆軟, 一口即溶, 配埋芋泥奶蓋同忌廉一齊食, 十分滿足。
夢幻獨角獸芋泥蛋糕 - $75
紫色和湖水藍色相間嘅蛋糕, 紫色係中間兩層芋泥蛋糕, 湖水藍色似係薄荷味嘅蛋糕; 賣相很好看, 份量也大, 仲有芋泥奶蓋及獨角獸造型白朱古力係面。蛋糕會送飲品一杯呀!
粉紅吞拿魚貓耳朵粉 - $112
呢碟上枱顏色好靚好少女心嘅貓耳朵粉, 醬汁呈粉紅色, 原來是用火龍果製成, 用紅色花龍果肉blend埋落忌廉汁, creamy得來又帶點微微水果酸, 加有黑椒粒, 味道真心不錯; 吞拿魚有少少煙燻嘅味道, 再上面有芝士鹹香味, 兩者味道非常夾。
獨角獸魔法三明治 - $85
玉子芋泥肉鬆三明治, 一個幾台式嘅三明治, 厚厚嘅玉子, 芋泥加上豬肉鬆; 蛋同麵包嘅鬆軟, 配上芋頭嘅香甜襯托豬肉鬆嘅鹹香, 真係超好味!
繽紛獨角獸咖啡 - $62
綿棉獨角獸沙冰 - $68
2款都係夢幻糖果色, 加咗獨角獸造型棉花糖, 面層仲有好多糖果色棉花糖, 更灑上彩針, 真係好靚; 沙冰不太甜帶點芋香, 都打得好滑。獨角獸咖啡係分開芋泥鮮奶同咖啡, 咖啡則另外放在小樽子內, 等客人可以自行調配, 杯上鋪滿色彩繽紛棉花糖配上紫色芋泥鮮奶, 加入咖啡後味道豐富多層次。兩杯飲品都好啱打卡呀!
張貼
