影片
更多
2024-05-30
36 瀏覽
蟶子當造嘅季節又嚟喇。行街路過中環IFC有間食福建菜嘅4口，有性價比高嘅福建菜食。門口Menu有當造嘅一系列蟶子菜式同埋一人佛跳牆套餐選擇，吸引咗我入去試試。門口裝修俾人好型格新潮感覺，完全睇唔出係食福建菜嗰啲傳統店。店內環境舒服寬敞。睇過menu, 都幾多食物款式選擇。鐵板鹽焗蟶子 $128蟶子先上枱，賣相不錯。肉質彈牙，味道鮮甜。福建金湯佛跳牆套餐 $268，包括一盅佛跳牆，一碟酥炸黃花魚及凍桂圓檸檬烏龍茶。以中環IFC地段嚟講，食到咁多湯料去煮，好價錢都唔算好貴。有一整塊原條嘅鮑魚，花膠，海參，竹笙，元貝，瘦肉，雞肉。個湯濃郁好清甜，落足料煲出嚟，好正呀😍勝瓜燴海蟶 $128鮮甜嘅蟶子同勝瓜一齊食，清清哋，都幾惹味。廈門沙茶麵 $138呢個我大推，不愧係招牌菜，真係好好味又多料。沙茶湯底非常濃郁香口，好飲到我飲咗好多啖😍😍。用油麵去煮。都落咗好多麵嘅配料，有大大粒彈牙嘅大蝦，蜆肉，溏心蛋，魷魚圈，豆卜，半肥瘦嘅豬腩肉。豬腩肉油脂好香，幾好味。家鄉土筍凍 $38平時我少食呢個菜，入面係沙蟲。今次好想試吓。幾有咬口，食到我口索索聲，味道調得幾惹味。甜品時間，我同朋友都叫咗椰奶銀耳燉桃
門口裝修俾人好型格新潮感覺，完全睇唔出係食福建菜嗰啲傳統店。店內環境舒服寬敞。睇過menu, 都幾多食物款式選擇。
鐵板鹽焗蟶子 $128
蟶子先上枱，賣相不錯。肉質彈牙，味道鮮甜。
福建金湯佛跳牆套餐 $268，包括一盅佛跳牆，一碟酥炸黃花魚及凍桂圓檸檬烏龍茶。
以中環IFC地段嚟講，食到咁多湯料去煮，好價錢都唔算好貴。有一整塊原條嘅鮑魚，花膠，海參，竹笙，元貝，瘦肉，雞肉。個湯濃郁好清甜，落足料煲出嚟，好正呀😍
勝瓜燴海蟶 $128
鮮甜嘅蟶子同勝瓜一齊食，清清哋，都幾惹味。
廈門沙茶麵 $138
呢個我大推，不愧係招牌菜，真係好好味又多料。沙茶湯底非常濃郁香口，好飲到我飲咗好多啖😍😍。用油麵去煮。都落咗好多麵嘅配料，有大大粒彈牙嘅大蝦，蜆肉，溏心蛋，魷魚圈，豆卜，半肥瘦嘅豬腩肉。豬腩肉油脂好香，幾好味。
家鄉土筍凍 $38
平時我少食呢個菜，入面係沙蟲。今次好想試吓。幾有咬口，食到我口索索聲，味道調得幾惹味。
甜品時間，我同朋友都叫咗椰奶銀耳燉桃膠。椰奶味好香濃，清甜又消暑解渴。女士會大愛，食完好滋潤。
總消費：$816.00
張貼
