Shahrazad Lebanese Dining Lounge & Bar

中環好特別嘅黎巴嫩餐廳，週末semi lunch buffet，餐廳裝修色彩繽紛，好鐘意佢個夢幻藍色，搭配好多中東元素，十分有feel，窗花打落黎嘅陰影，迷幻又有味道，真係打卡一流！semi lunch buffet 逢weekend推出，設有自助區，有充足嘅中東蔬菜沙律、Tabouleh塔布勒沙律、Makdous salad茄子沙律、鷹嘴豆蓉、煙燻茄子蓉、炭烤紅椒核桃蓉、香蒜醬及香草烤馬鈴薯。全部都係非常有特色嘅中東美食。沙律菜十分新鮮，中東口袋餅Pita Bread仲有溫度，用嚟搭配鷹嘴豆是絕配。每人仲可以選一款蛋類菜式，另外加錢仲可以加配主菜。shakshuka北非番茄水波蛋由黑椒、洋蔥、蕃茄、阿拉伯香料配蛋焗成,流心蛋糖心，配獨特嘅酸醬汁好開胃。Makanck Omclet羊肉腸唔會有羊羶味，蛋味香濃。我哋加埋Main courseMashawy阿拉伯烤羊肉和雞肉串，其實buffet已經食得好飽，但一場黎到都係試吓佢哋出色嘅串燒， 火候啱啱好，肉質keep到juicy，食落好香口。