影片
更多
2023-07-29
25 瀏覽
香港鐵皮燒一直都幾高質，好似去到大埔一間小店試試。木製大門完全見唔到入面嘅環境，入到去有種日式味道，但抬頭又見魚缸養住金魚，又幾地道。💡 入門八道菜廚師發辦套餐 $688💡煙三文魚沙律前菜沙律賣相係煙三文魚活於泡泡之中，泡泡其實係沙律醬，唔少鐵板燒都鍾意以泡代醬，保留味道但又唔洗有醬嘅膩感。💡蟹籽乳酪巴馬火腿配菠蘿呢個組合完全係我想像唔到，食落口感豐富，火腿包住乳酪，Creamy嘅口感好特別，火腿一路咬一路慢慢有一種鹹香味。蟹籽一粒粒嘅質感，再加醬油漬味都幾有趣。仲有菠蘿同菠蘿醬喺底，味道清甜，又多一個層次。💡鯛魚帶子刺身配魚子醬鯛魚新鮮，肉質嫩滑。帶子真係大大粒，搭配上魚子醬嘅微腥同鹹香，味道更升華，好過俾魚生豉油蓋過食物原味。💡鐵板海鮮兩品黑松露牛油扇貝 x 南非孔雀鮑魚 & 蟶子皇 X 生燒鰻魚扇貝本身味道唔重，用黑松露牛油整，令香氣同味道都更升一個層次。 孔雀鮑魚肉質較軟腍，味道較濃郁搭配蒜味就更有鮮味。蟶子皇配韮菜花炒，一硬一彈牙嘅口感。 生燒鰻魚好香好濃，冇骨又有口感，點上旁邊嘅柚子泡泡，清新又提鮮，又唔會膩。💡宮崎厚切黑豚肉外層燒得焦香，內裏都保留咗肉汁。份量對女仔嚟講都
💡 入門八道菜廚師發辦套餐 $688
💡煙三文魚沙律
前菜沙律賣相係煙三文魚活於泡泡之中，泡泡其實係沙律醬，唔少鐵板燒都鍾意以泡代醬，保留味道但又唔洗有醬嘅膩感。
💡蟹籽乳酪巴馬火腿配菠蘿
呢個組合完全係我想像唔到，食落口感豐富，火腿包住乳酪，Creamy嘅口感好特別，火腿一路咬一路慢慢有一種鹹香味。蟹籽一粒粒嘅質感，再加醬油漬味都幾有趣。仲有菠蘿同菠蘿醬喺底，味道清甜，又多一個層次。
💡鯛魚帶子刺身配魚子醬
鯛魚新鮮，肉質嫩滑。帶子真係大大粒，搭配上魚子醬嘅微腥同鹹香，味道更升華，好過俾魚生豉油蓋過食物原味。
💡鐵板海鮮兩品
黑松露牛油扇貝 x 南非孔雀鮑魚 & 蟶子皇 X 生燒鰻魚
扇貝本身味道唔重，用黑松露牛油整，令香氣同味道都更升一個層次。 孔雀鮑魚肉質較軟腍，味道較濃郁搭配蒜味就更有鮮味。蟶子皇配韮菜花炒，一硬一彈牙嘅口感。 生燒鰻魚好香好濃，冇骨又有口感，點上旁邊嘅柚子泡泡，清新又提鮮，又唔會膩。
💡宮崎厚切黑豚肉
外層燒得焦香，內裏都保留咗肉汁。份量對女仔嚟講都幾多，唔怕唔夠飽，仲有自家製嘅菠蘿醬，酸甜味化解咗肉類厚重嘅感覺。
💡澳洲牛柳
剛剛好嘅5成熟，牛柳冇咩筋位，食落肉質好腍又有肉味。個人最愛係配wasabi，唔係平時食壽司好嗆個隻，減少咗辣味，提升咗肉嘅甜味，但又唔會蓋過牛味。蒜片炸得香脆，同牛肉一齊食，重口味啲但好好食！
💡紅豆吉士班戟
班戟鬆軟又香，但唔會一口麵粉好濟嘅感覺。十勝紅豆大大粒，配上吉士醬，作為結尾非常完美。
💡Red House
食鐵板燒點少得飲返杯，Red House都幾順口，但唔好睇少佢，比一般啤酒嘅酒精濃度高㗎~
張貼
