影片
電話號碼
61888270
開飯介紹
店面設計成古樸的木門，內裡則糅合西式裝潢。餐廳選用來自世界各地的優質食材，炮製擺盤精緻的日式鐵板燒；如坐吧檯座位，更可近距離觀賞師傅製作菜式。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
相關文章
大埔有間隱世鐵板燒，要不是住在大埔的朋友帶路會找不到，店外是一道古樸木門，要撳鐘仔這道神秘大門先會為你而開這裡有單點也有套餐，午市套餐最便宜$588就有，真係好抵食✨乳酪Parma Ham充滿鹹香味吧Parma Ham配上乳酪，食起來味道非常夾，加上帶酸酸地的柚子蓉，絕對開胃，擺盤亦很有心思✨煙三文魚野菜煙三文魚煙燻味道好香，野菜食落清新爽口，配埋酸酸甜甜的泡沫和龍珠果一齊食特別開胃✨南非孔雀鮑魚有兩隻飽魚，鮑魚食落軟腍彈牙，底下更有充滿牛油蒜香多士，食落口感豐富，沒想到鮑魚配上多士係咁夾✨黑松露扇貝扇貝食落新鮮彈牙，鮮甜多汁，充滿牛油香味和黑松露香味✨宮崎縣厚切黑豚扒宮崎黑豚豬肉質細膩軟腍，咬落Juicy多汁，並有濃郁豬肉香味，配埋旁邊香辣菜汁食落更惹味✨澳洲牛柳牛柳口感軟腍，牛肉味道濃郁，肉質鮮嫩多汁更帶少少甜味✨炒飯食鐵板燒點少得炒飯，炒飯炒到粒粒分明，加上紅蘿蔔和蔥花特別香口✨啤酒 $88配返杯啤酒更可以中和返鐵板燒中的油脂，讓口腔更清爽，飲落特別爽餐廳座位數量不多，如想座近吧檯位置，建議先訂位說明
繼續閱讀
傳說中嘅鐵板界 阿媽家姐👩🏻🦱👩🏻🔖 bookmark 左好耐 終於搵到藉口 請男朋友請我食🥰😌餐廳將自己收得好埋 好有神秘感到左門口已經令我好興奮😆禁完鐘仔 就會有人開門🤗📜入門八道菜廚師發板套餐沙律🥗 前菜🍖 鐵板海鮮2品🐠鐵板肉類1品🥩 炒飯🍚 湯🥣 甜品🍰🥗煙三文魚沙律用煙三文魚包住沙律菜超方便嘅一口沙律😂🍖Parma ham 配柚子蓉咸香嘅Parma Ham 配上清甜嘅柚子蓉 中和左個咸味 幾正😋🐠新鮮東星班 +越南虎蝦 & 蒜蓉鮑魚+扇貝平時嘅阿媽家姐 個個食嘅野一模一樣但我同男朋友個碟 完全唔一樣架 🤩呢個上菜方式幾特別 我鍾意❤️食材全部都好高質 調味醬汁亦都計過度過 恰到好處🥩澳洲牛柳 & 日本宮崎豬肉眼🐮點左7成熟 火喉剛好 肉淋而不韌 一片肉配一片蒜片 超香口😋🐷超juicy嘅豬 再配埋旁邊嘅醬 食幾多都唔會滯🍚鐵板粉飯 炒到粒粒金黃 將個胃填得滿滿🥰🍰一邊聽住啲鐵板嘅zizisasa聲 一邊享受住美食 再叫左杯啤酒 真係Chill到一個點☺️十分欣賞餐廳嘅用心+細心 每一碟食物+擺盤 都好似一件藝術品咁廚師仲會根據客人嘅進食速度 去控制上菜嘅速度 十分貼心❤️呢餐飯真係好滿足☺️☺️
繼續閱讀
某日老豆帶我二訪大埔家傳戶曉嘅隱世鐵板燒😁 廚師用心經營，值得支持❣️嘆住梅酒等食🥰✨入門八道菜廚師發辦套餐 $688/位🎈Daily Salad沙律以煙薰三文魚包裹沙律菜咸香清爽的口感特別醒胃沾上泡泡（黑醋沙律汁）搭配酸甜小番茄好開胃～🎈Appetizer前菜以ham包裹香甜嘅菠蘿塊低下鋪滿菠蘿蓉酸甜嘅味道喚醒每一個味蕾🎈Seafood Teppanyaki (2 Types)鐵板海鮮兩品彈牙嘅鮑魚、爽口嘅大蝦、鮮甜的扇貝鐵板煎得金黃香口非常鮮香美味！仲有香脆多士配香蒜，絕對一流😋碟邊的竹炭鹽、黑醋泡泡讓海鮮味道更豐富～ 🎈Meat Teppanyaki (1 Type)鐵板肉類一品和牛經鐵板煎香後脂香更突出～ 以蘑菇為造型嘅櫻桃蘿蔔可作解膩之用🎈Fried Rice鵝肝炒飯粒粒分明非常香口！飯粒炒得金黃且焦脆🤩🎈Soup湯🎈Dessert甜品以自家製嘅pancake夾紅豆吉士Pancake煙韌、甜而不膩
繼續閱讀
早幾日放假去佐大埔這間隱密性很高嘅鐵板燒食lunch,,大木門要撳鐘仔先有人出來開門好神秘呀😅呢度主打親民Omakase鐵板燒, 上網訂位仲有優惠!我哋揀咗八道菜廚師發板套餐>包括沙律、前菜、鐵板海鮮、肉類、湯及炒飯！🥗沙律用煙三文魚捲住,賣相好靚,配上酸甜既泡泡檸檬柚子汁,非常開胃!🥢前菜乳酪Parma ham配上芝士及自製菠蘿汁咸甜咸甜好特別！加上紫色食用花好靚,,襯托得像藝術品一樣頭盤海鮮🍴黑松露扇貝及蒜香鮑魚多士扇貝加佐牛油同黑松露汁味好鮮甜,,碟旁有分子料理>柚子檸檬泡泡,將海鮮沾落去一齊食,即時提升鮮味！🍴鮑魚厚肉大隻,非常好彈牙有咬勁,,,加上秘製蒜蓉醬更惹味,,再配埋脆卜卜多士！味道好鮮口感爽脆好有層次😋 🍴澳洲牛肉 ,,肉味香濃,肉質鬆軟,不會韌連埋炸脆蒜片一齊食,好有層次,好正😋🍴日本宮崎豬肉眼扒豬扒實肉彈牙又多汁彈嫩柔滑配上鹽麴口感味覺雙重享受加上柚子醬汁肥美而不膩！🥢 炒飯炒至金黃色,粒粒分明,口感豐富👍配埋熱辣辣慨面豉湯好溫暖😋🍻喺咁chill嘅環境之下我倆當然叫返杯啤酒好好享這餐美食,,,好滿足！
繼續閱讀
大埔出名美食多，今日預約到一間小有名氣的鐵板燒-燚。餐廳環境有點與世隔絕的感覺，因為沒有窗同玻璃，所以都幾有情調同私隱度很高。今次點選了兩個$688的入門套餐。食鐵板燒飲酒是常識吧。所以就立刻點了兩杯啤酒。第一道煙三文魚沙律一定要連泡沫一起進食，酸酸甜甜的令三文魚沙律更開胃。前菜是乳酪巴馬火腿外觀很精緻，黃色的乳酪醬配上紫色食用花及巴馬火腿，蟹籽把色調襯托得像藝術品一樣。當然乳酪醬同巴馬火腿夾得天衣無縫地好吃。黑松露牛油帶子本身帶子已經非常鮮甜，肉質緊緻，加上黑松露牛油及濃濃的海水味實在太美味了。蒜蓉鮑魚多士這個組合真是第一次試，鮑魚爽口得來又啖啖肉，加上超香的蒜蓉已經令人食慾大增，蒜蓉每粒的尺寸做得剛剛好，食起上來口感非常好。最特別是加上多士，令整個口感層次更分明。東星斑肉質緊緻又嫩滑，基本就算淡淡的調味都已經夠好吃。值得一提的是碟邊有些竹炭鹽，點少少又是帶出海鮮的另一番風味，一定要試，我自己很喜歡。宮崎豬豬肉非常柔軟，加上酸酸的果蓉很不錯！秋田雞煎得外脆內軟，雞肉汁仍然在流，非常惹味，我們吃得慾擺不能。炒飯粒粒分明，炒得完美，又香又沒有多餘水份，加上蔥花及紅蘿蔔粒已經令口感非常豐富。麵鼓湯超香濃但又會過咸，帶甜的清一清口腔就進入甜品環節。吉士紅豆可麗餅餅皮即時製作，口感煙煙韌韌的很過癮，紅豆甜甜的很大粒，紅豆吉士醬不太甜好好食。非常完滿的一餐，是一間值得好好關注及珍惜的鐵板餐廳，因為每道菜都盡顯心思，食得出精心的配搭及對食材的要求，下次會再帶家人一同享受。
繼續閱讀