影片
更多
2024-10-11
200 瀏覽
「鍋霸」我地食到已經係常客，佢哋出晒名係無限任食火鍋，「鍋霸」開幕五週年，依家仲可以自選時間，可以揀120分鐘或者無限時任食！無限時都係加$40就食到😆想食幾耐自己選擇✌🏻「鍋霸」一共有三個級別可以選擇，我哋就揀咗第一級別「Prime Grade 牛肩胛肉 及 西班牙無激素豬肉片」，之前食過幾次，覺得啲肉已經唔錯😜佢仲有其他選擇，包括： 「美國 Prime Grade極上牛頸脊+西班牙伊比利亞黑毛豬」（每四位額外送多一碟價值$168既手切安格斯prime grade 牛肉) & 「極上Prime Grade霜降牛小排+西班牙伊比利亞黑毛豬」(每兩位便送多一碟價值$168既手切安格斯prime grade 牛肉)。一共有20款唔同嘅養生湯底，如果想要鴛鴦鍋就+$48，我哋揀咗「台灣養生花膠雞」拼新湯底「藥膳胡椒豬肚雞」。兩者嚟講我比較鍾意「藥膳胡椒豬肚雞」，啲胡椒味好出，食到最後都仲keep到胡椒濃湯底！未食牛之前，餐廳先奉上小食～墨魚丸+鹽酥雞🤣 全部即叫即整～熱辣辣，仲有shack shack粉可以調味🧂Prime Grade 牛肩胛肉，無論係顏色定係肉質，都幾新鮮，肥瘦相間，厚薄
「鍋霸」我地食到已經係常客，佢哋出晒名係無限任食火鍋，「鍋霸」開幕五週年，依家仲可以自選時間，可以揀120分鐘或者無限時任食！無限時都係加$40就食到😆想食幾耐自己選擇✌🏻
「鍋霸」一共有三個級別可以選擇，我哋就揀咗第一級別「Prime Grade 牛肩胛肉 及 西班牙無激素豬肉片」，之前食過幾次，覺得啲肉已經唔錯😜
佢仲有其他選擇，包括： 「美國 Prime Grade極上牛頸脊+西班牙伊比利亞黑毛豬」（每四位額外送多一碟價值$168既手切安格斯prime grade 牛肉) & 「極上Prime Grade霜降牛小排+西班牙伊比利亞黑毛豬」(每兩位便送多一碟價值$168既手切安格斯prime grade 牛肉)。
一共有20款唔同嘅養生湯底，如果想要鴛鴦鍋就+$48，我哋揀咗「台灣養生花膠雞」拼新湯底「藥膳胡椒豬肚雞」。兩者嚟講我比較鍾意「藥膳胡椒豬肚雞」，啲胡椒味好出，食到最後都仲keep到胡椒濃湯底！
未食牛之前，餐廳先奉上小食～墨魚丸+鹽酥雞🤣 全部即叫即整～熱辣辣，仲有shack shack粉可以調味🧂
Prime Grade 牛肩胛肉，無論係顏色定係肉質，都幾新鮮，肥瘦相間，厚薄均勻！order幾多就真係俾幾多😌豬我地就冇叫～主要狂啪牛🐮😗
另外好推薦佢哋嘅海鮮，通常啲蝦我都係5碟5碟咁上！啲蝦通常都係大大隻，唔會任食就揸流攤😀 出邊食一斤蝦都唔平，極度推薦🍤
佢哋嘅手工丸類，都係一流！我就比較鍾意手工三寶丸，每粒都係細細粒，可以食多幾款！
另外仲提吓佢哋嘅牛丸～爆漿濃芝士牛丸（流心）呢粒牛丸唔係周圍都有，平時去街市買都要$4一粒🤣 呢度係任食，通常我都會啪返幾粒！而我老公就比較鍾意濃汁牛肉丸👍🏼
不得不提，佢哋飲品櫃，超多選擇😛識飲一定係飲佢哋嘅自家製冷泡茶🧊唔飲得凍嘢仲可以揀熱飲😌啱晒我哋啲女士！
最後記得食埋雪糕先好走😀個雪糕一樣係好高質✌🏻
✣ Prime Grade 牛肩胛肉 及 西班牙無激素豬肉片」｜無限時 $313｜兩小時 $273
張貼
