五月天黎左香港開演唱會，開場前同朋友喺附近IFC覓食，呢間舖頭，好耐之前同屋企人食過，今次就一於帶朋友試吓😆 店員稱，每年四月中至七月左右，為蟶子季節，會有一系列菜式，推薦我哋試吓，我哋揀咗「薑蔥炒蟶子」、「滋補野生紅菇蟶湯」兩款季節菜。 我哋都係抱住好奇既心google下，究竟乜嘢係紅菇，原來野生紅菇「係一種比較稀少的野生真菌，多生長於深山野林中濕潤高温的腐質層中。每年端午節前後紅菇就開始生長了，每次生長期都不是很長，大約一個月不到。」經過咁樣一查，先發現佢嘅珍貴之處，「滋補野生紅菇蟶湯」 湯品呈粉紅色，營養價值豐富，紅菇誘發蟶子鮮甜味道，兩者一起烹煮相當益彰！ 相比之下「薑蔥炒蟶子」，中規中矩，用上香口薑蔥蒜爆炒，熱辣辣送上枱，並無任何失分之處。 「刴椒黃花魚」以砂煲炮製，制作時間需時，上枱時把煲蓋打開，湯汁聲還在噗通、噗通。刴椒烹調令辣味滲入魚中，辣味不會很重，反而香味更甚，砂煲令黃花魚受熱均勻，魚肉滑嫰鮮味，恰到好處👍 「鮮果荔枝蝦球」，店家採用新鮮菠蘿、無花果伴碟，色彩鮮艷豐富，原來荔枝蝦球並非荔枝味，是店家以麵包糠包裹蝦肉，製成荔枝模樣，幾可亂真😜 夏日炎炎，最後一道甜品，以冰凍「椰奶銀耳燉桃膠」作為結尾，的確係一個唔錯嘅選擇👍 ✣ 滋補野生紅菇蟶湯 $148 ✣ 薑蔥炒蟶子 $128 ✣ 刴椒黃花魚 $188 ✣ 鮮果荔枝蝦球 $138 ✣ 椰奶銀耳燉桃膠 $58

四月份下半月幾乎係病痛之中渡過，感冒過牙痛過，仲臨時去左剝牙🦷 嚟到五月第一個禮拜，好返少少就嗱嗱臨約朋友食吓飯🍴
一上到去，即刻比Umi個全海景窗吸引住，可惜係夜晚，日光應該會更靚🌃不過香港個維港景一向吸引，呢個價錢嘆到呢個景觀，真係抵到爛😆
今次就同朋友Share食，「炸軟殼蟹咖喱蛋包意大利飯」率先上枱，未食先比個造型吸引住咗，軟殼蟹兩隻蟹鉗手拖手呈圓形，微微將蛋包飯分開，熱氣立即上升，意大利飯用上蘑菇、忌廉拌勻，鋪上半熟蛋皮兼濃郁嘅咖喱汁，原以為忌廉拌意大利飯，伴上咖喱汁會不太夾，意外地好味👍
西餐都有廚師發辦😆抱住強大既好奇心下點餐，是日驚喜「黑松露忌廉汁煙三文魚意粉」，如果喜歡黑松露既朋友一定唔會失望，我朋友形容黑松露忌廉超多，睇落份量唔多，但係絕對夠食！
另外再點左份「七味薯條松露醬」，我哋見到枱枱都點，後來先追加，完全冇後悔，即炸配上七味粉，少少辣，配左松露醬同茄汁🥹冇得彈！
問店員，邊款飲品最打卡able，推薦下點左「爆谷綠鴦」、「草莓酸奶」，原以為「綠」係美祿既祿，經過店員解釋係綠茶既綠（人地英文都有寫matcha coffee🤣)係抹茶加咖啡，2種口味撞出黎，意外地配合！
如果2種甜品比我揀，我就較喜歡「特濃朱古力蛋糕」🍫 雖然佢只係加$48既精選甜品，但係朱古力TOP非常Creamy，蛋糕底濕潤，唔會雪到硬哂上枱！
「宇冶金時班戟」，雖然唔係我杯茶，但係！鐘意綠茶嘅朋友，必點！由頂層計起，足足有6層！雪糕糯米糍>大大球紅豆雪糕>綠茶蛋糕>班戟> 紅豆雪糕> 班戟，打卡超靚！

✣ 炸軟殼蟹咖喱蛋包飯意大利飯 $158
+$48 自選飲品+ 精選甜品
爆谷綠鴦｜特濃朱古力蛋糕

✣ 廚師發辦 $138
黑松露忌廉汁煙三文魚意粉 
+$88自選飲品+自選甜品
草莓酸奶｜宇冶金時班戟

✣ 七味薯條松露醬 $68

之前幾次去朗豪坊已經見到呢間HAND3AG 都人山人海😀 見到期間限定秘製芝味牛肉漢堡包價錢唔係貴，一於試吓🍔🤪另外朋友仔仲嗌左芝士野菌雞肉螺絲粉 、脆脆芝士蝦球、香脆炸雞塊 、H3 自家手切薯條、Salad bar。 秘製芝味牛肉漢堡包，雖然價錢唔貴，但係比足料，除咗有手打牛肉漢堡扒之外，仲有煙肉、生菜、烤蕃茄、車打芝士，要講到最特別一定係加咗H3燒烤醬同埋特製漢堡醬😋 我朋友覺得最好味就係芝士野菌雞肉螺絲粉，在場見到有唔少客人食緊，佢即叫即整，要等15分鐘先有得食😋佢加咗大量嘅厚鋪芝士，有勁大滿足嘅拉絲感😋 循例出嚟食飯都想嗌個菜食吓，Salad bar就滿足到我哋嘅需求，除咗有羅馬生菜/混合沙律菜🥬可以選擇，Top都有20款咁多，呢個沙律吧一定可以滿足到你嘅需求！ 炸物就正正常常，H3 自家手切薯條最為出色！ 店員提醒我哋，佢哋仲有另一間HAND3AG the table分店喺太古城，消費滿$100即送$30現金券供下次使用，仲叫我哋去埋太古分店試吓🤪 ✣ 秘製芝味牛肉漢堡 $33 ✣ 芝士野菌雞肉螺絲粉 $68 ✣ 脆脆芝士蝦球 $38 ✣ 香脆炸雞塊 $32 ✣ H3 自家手切薯條(M) $25 ✣ Salad bar $58 / s 𝟺 ᴛᴏᴘᴘɪɴɢs - 羅馬生菜 - 煙蜜糖火腿 - 德式烤豬手 - 煙燻鴨胸肉 - 日本蛋沙律 - 焙煎胡麻沙律醬

星期五放工之後例牌同朋友happy Friday，近近地就喺公司附近搵咗間舖頭食，「一起食堂」地點超級方便，附近已經有地鐵站，方便我哋食完之後返屋企🤪 喺門口已經見到個餐牌，套餐都幾抵食$208 有個set，同朋友都好感興趣，就行咗入去試吓🙈 入到去之後，我朋友仔就俾Menu吸引住咗，見到蒲燒鰻魚飯，就即刻話要改食呢樣嘢🫣我就簡單少少，揀返魯肉飯同鹽酥雞🤪 侍應都幾快手上好菜，魯肉飯一馬當先就到咗，跟住冇幾耐鹽酥雞都到埋，魯肉飯啲滷肉都幾多，魯肉每條都肥瘦分明，隻滷蛋神之來筆，好耐未見過滷得咁入味嘅滷水蛋👍正評比隻蛋！鹽酥雞熱辣辣即場炸起，份量其實都唔算少🤪 朋友仔點嘅蒲燒鰻魚飯，就比我個餐耐少少，無他只因廚房即場炮製😆佢大讚師傅燒既鰻魚鎖到肉汁，條魚非常Juice！另外配菜雖然唔多，其中醃蘿蔔等等既伴菜，令成碗飯增添咗唔少色彩，提升左食物嘅味道👅 食到最後，我哋各自點咗芋圓仙草同愛玉荔枝綠茶，估唔到芋圓仙草，可以大碗到兩個人食都得🙉最驚喜係侍應攞到上枱，甜品連碗都係凍嘅，三色芋圓煙靭，紅豆軟糯可口！愛玉荔枝綠茶正正常常就算冇少甜都唔係話太甜😀 ✣ 魯肉飯 $69 ✣ 鹽酥雞 $48 ✣ 蒲燒鰻魚飯 $112 ✣ 芋圓仙草 $42 ✣ 愛玉荔枝綠茶 $28

好耐冇幫襯過放題店，對上一次都可能係半年前，朋友食過呢間話幾好食，除咗海鮮之外，就係主打泰式放題，感覺幾新鮮，就跟咗佢去試吓😀 舖頭喺銅鑼灣京都廣場3樓，上到去個場都幾大，可能係平日，我哋兩個人都俾咗張大枱我哋，呢樣嘢就已經比唔少放題店優勝，終於可以唔使坐到逼逼夾夾，未食已經加晒分👍 平日 18:00-20:00 收費 $259+$148 可以升級任食海鮮、海膽帶子同埋飲任飲Hoegaarde 、Stella Artois啤酒。 一坐低冇幾耐，侍應已經上咗一盤刺身同海鮮拼盤俾我哋，刺身有三文魚、珍寶赤蝦、油甘魚刺身、鮑片、馬刀貝刺身、赤貝刺身等等，全部都食得出好新鮮，唔會有擦子膠嘅感覺🤩 等多陣佢就送埋個任食海鮮同海膽帶子俾我哋，先講海膽帶子，佢一碟有六粒，帶子刺身夾住海膽，呢個食法都係第一次，感覺好新鮮！海鮮拼盤啱晒我哋鍾意食海鮮嘅人😋最特別竟然係每兩個人就送一盒魚子醬，四個人就會送兩盒，如此類推🤩呢間舖頭竟然咁抌本！同朋友仔好快就啪咗一盒🤪 食完兩盤海鮮都開始有少少飽飽地😜我哋另外再加咗少少佢嘅泰式食物，當中最好食就係炭燒豬頸肉、辣椒膏炒蜆、泰式魚餅！另外熱嘅海鮮仲有蒜蓉焗蠔、焗元貝，你點幾多隻，佢就即場燒俾你食，上到枱仲係非常熱辣辣👍 再講埋甜品，本身蛋糕櫃都有唔少選擇，最驚喜就係雪糕🤪隨手都好似搵到8款出嚟，除咗雪糕杯之外仲有韓國雪條可以任食❤️ 另外侍應同我哋講，用社交媒體打卡，就可以得到一盅超級足料嘅燉湯🤩不過就送完即止，手快有手慢冇🤣

成日行過銅鑼灣一期，都好想試吓呢間爆爆鍋，今日天氣突然轉凍，一於就去左試吓。 本身睇到「爆爆鍋」，以為係食燒肉，原來係一人打邊爐，其中有「爆炒」兩個字嘅鍋底，就係餐廳推介！ 雖然話係一人打邊爐，價錢豐儉由人，由 $78-178都有得選擇，價錢嚟講都好彈性，同朋友就各自揀咗綜合海鮮拼盤同安格斯牛小排，湯底就揀咗員工推介嘅爆炒櫻花蝦鮮鍋同剝皮辣椒烏雞鍋。 講吓綜合海鮮拼盤先，除咗一般嘅蝦、蜆、爽脆中卷外，最特別就係有台灣鵰魚，鍾意食魚嘅朋友一定會覺得好特別，而且海鮮都好新鮮。朋友配左爆炒櫻花蝦鮮鍋，職員會喺你面前即刻同你爆香個鍋入邊嘅章魚粒、櫻花蝦等等嘅配料，最後加昆布湯，呢個鍋的確味道比較香口。而我揀左安格斯牛小排配剝皮辣椒烏雞鍋，職員話剝皮辣椒會越煲越辣🌶️🥵 套餐加咗懷念鹽酥雞、夜市炸魷魚鬚，廚房即場炸出嚟，熱辣辣非常香口！蘋果醋QQ紅茶同真心橙意翡翠就再加$14就可以飲到👍 估唔到除咗以上有咁多嘢食之外，隨餐仲附送咗一個拼盤，內容有少量蔬菜、丸、響鈴、豆腐、蟹柳、蜆、芋頭 😆個拼盤完全係預期之外😍除此之外仲加咗一份手工松露海鮮丸，有少少淡淡然嘅松露味，同埋都幾彈牙😛推介！ 食到最後，職員問我哋想食咩雪條（估唔到仲有雪條食🫣），可以揀杏仁、咖啡、雲呢拿，職員比較推介食杏仁味，我朋友就話杏仁味的確係幾好食😋 題外話：餐廳仲有得任食自助蔬菜🥬同埋有唔少調味料可以選擇👍如果擔心唔夠飽嘅話，個餐仲包咗白飯/寬粉/新竹米飯可以選擇，不過留意番，有時間限制，全程可以食1小時30分鐘，有加一服務費。 🚩綜合海鮮拼盤 $148 ✢ 爆炒櫻花蝦鮮鍋 +$12 ✢ 懷念鹽酥雞 +$22 ✢ 蘋果醋QQ紅茶 +$14 🚩安格斯牛小排 $158 ✢ 剝皮辣椒烏雞鍋 +$20 ✢ 夜市炸魷魚 $28 ✢ 真心橙意翡翠 $14

白色情人節就到，除咗男仔可以俾驚喜女仔，女仔都可以買返份情人節禮物比男仔，我就預早買定心心形狀嘅蝴蝶酥，作為回禮禮物💝

「雜錦蝴蝶酥禮盒」一盒有15塊，原味、蘋果山楂、三星蔥芝士、日本柚子香梨、日本黑豆芝麻 各有3塊。

同一般嘅傳統蝴蝶酥唔同，佢加入咗好多唔同種類嘅口味，我問左我老公邊款最好食，佢話最鍾意一定係日本黑豆芝麻，覺得黑芝麻味好出，好香口！

而我就覺得蘋果山楂同日本柚子香梨，口感相似，有少少果肉都幾好咬口，值得推介！


平時蝴蝶酥一般就係甜點，三星蔥芝士鹹鹹地其實都幾得意🧀


呢間鋪頭，所有蝴蝶酥都係獨立包裝📦咁就唔怕放耐左會漏氣💨 ，不過我都唔敢放太耐，佢哋話無添加防腐劑，記得要快D食哂🙈


🚩雜錦蝴蝶酥禮盒 (15件裝) $109

另一半系不折不扣既牛魔王，對牛嘅品質非常有要求，講起燒肉，不得不提喺希慎廣場新開嘅「佐賀燒肉谷」，我哋一放工就去食，揀咗LV3，套餐包括澳洲和牛+海鮮放題，早割有優惠$448，正價$488，全程120分鐘👍 一坐低職員就已經介紹，慶祝銅鑼灣新店開幕，會有期間限定，LV3 會送DIY和牛壽喜燒一份😀 同埋職員介紹可以試玩埋Guu•燒肉可頌🥐，可以用自己創意 DIY 喜歡嘅餡料喺牛角包入邊🤟🏻 我自己就放咗澳洲和牛肉眼芯、生菜、醬汁，一啖咬落去非常Juice😝 職員介紹完一輪，就已經攞咗一盤梯級牛肉過嚟，呢一盤已經包括曬我哋套餐大部份嘅牛肉，有埋牌仔話你聽你食緊啲乜嘢，如果啱嘅話可以再order第二份！ 職員好快手就上埋壽喜燒，雖然話就系DIY，但系全程翹埋雙手就可以食，職員會用佢嘅經驗同你煮到啱啱好，咁就唔怕嘥咗啲靚牛肉！ 食咗好多款牛肉，其中最有印象就系呢幾款，嚴選牛肩里肌肉、特選牛小排、澳洲和牛-上級牛胸肉、澳洲和牛肉眼芯（醬醃） ，全部油脂分布均勻，而且各有特色。 印象最深刻一定系，煙薰壺漬封門柳（醬油味）！佢會擺成卷放落壺內，上碟已經好靚，餐廳毫不吝嗇，封門柳拉起後，足足有一把間尺咁長，職員仲非常helpful地幫手燒，佢哋經驗好足夠，燒得好過自己燒多多聲😆燒完仲會同你剪埋放上碟👍 個餐仲包咗海鮮，因為啲牛肉實在太好味，海鮮變得食得唔多，一開始除咗上牛肉之外，佢仲會俾咗一盤時令海鮮，最靚系啲鮑魚，就算燒完都冇縮水，唔使落任何嘅鹽或者調味料，已經食得出鮮味！ 飲品方面非常之多選擇👍 仲有得揀日本啤酒，飲飽食醉之後食埋個燒香蕉朱古力棉花糖，作為ending真系唔錯！

聞名不如見面，公司同事喺銅鑼灣買咗各式各樣嘅飯糰蛋糕，作為散水餅，樣子特色可愛，行過銅鑼灣希慎，忍唔住買返幾舊同屋企人分享！ 招牌飯糰蛋糕呈三角形狀態，包裝上似足日本飯團，就算喺街食，依足指引絕對唔整污糟隻手指！飯糰蛋糕采用「蛋糕>忌廉> 蛋糕」三文治式，以法式薄餅扮紫菜包裝，十分可愛！ 意式芝士飯糰蛋糕和曲奇忌廉飯糰蛋糕同樣有內餡，前者蛋糕層用上咖啡口味，芝士Cream包住朱古力粒👍 後者中間竟然夾雜着麻糬，口感煙靭！伯爵茶朱古力飯糰蛋糕，蛋糕層明顯清晰可見有不少伯爵茶碎片，茶味濃郁👍 京都焙茶抹茶切件忌廉蛋糕，賣相精緻，切件蛋糕也毫不馬虎！為了突顯焙茶與抹茶味，將兩種口味分開蛋糕層，切餅層次分明👍 開心果士多啤梨切片戚風蛋糕，為了他的顏值而買，整個戚風蛋糕比切片顏色更為漂亮，如果多人食用的話，可以選擇一下！ ✣ 意式芝士飯糰蛋糕 $29 ✣ 伯爵茶朱古力飯糰蛋糕 $29 ✣ 曲奇忌廉飯糰蛋糕 $29 ✣ 開心果士多啤梨切片戚風蛋糕 $19 ✣ 京都焙茶抹茶切件忌廉蛋糕

希慎廣場地庫兩層悄悄地已經開咗新既Food Court，我同朋友食完飯之後就去咗食甜品。 我見到人哋嗌嘅雪花手捧冰份量超大，如果唔係天氣咁凍，我就一定會揀佢！ 我就揀咗「芋泥桃膠盛盤」$58，砵仔細細，份量其實都唔少，佢嘅桃膠鋪咗喺中間，撈勻咗之後，每一啖都食到有桃膠👍 雖然係熱嘅甜品，但係唔知點解攞到嘅時候，唔知係咪差唔多收工嘅關係，只不過係微暖，熱啲會更好！ 朋友揀咗「圓仔芒果嫩仙草盛盤」$58，我覺得就係普普通通，冇乜驚喜又冇乜特別。 整體嚟講價錢真係幾抵，同埋冇時間限制可以任坐嘅food court，同朋友傾吓偈吹吓水都係一個唔錯嘅選擇！