AOAO

營業中

休息中

今日去咗中環一間「AOAO」嘅西日fusion酒吧餐廳食晚餐，餐廳嘅環境裝修得好精緻，室內座位有暗嘅燈光好有情調，亦有私人包廂俾多人聚餐，室外座位有暖爐同特色燈光效果，座位寬敞。每枱都有醬漬牛蒡同香辣生蒜頭作前菜，惹味又開胃。🍊 AKAGAI十分推薦呢個前菜，新鮮嘅赤貝包裹住幼細嘅蘆筍，赤貝嘅肉質爽口，味道鮮甜帶有海水味，加上微辣醬汁作調味🍊 SHREDDED CELTUCE SALAD非常特別嘅一個前菜，將大根蘿蔔切絲成為麵條嘅形狀，口感爽脆，配上日式昆布湯汁帶出蘿蔔嘅清甜，再搭配三文魚杍同木魚片，令個湯汁增添煙燻嘅香味🍊 CARAMELIZED PUMPKIN燒南瓜嘅口感外脆內軟，入面嘅南瓜肉切粒後燒得好腍身，表面嘅南瓜皮沾上燒焦嘅焦糖，味道又甜又苦，加上脆口嘅杏仁粒粒，味道層次豐富🍊 CHARCOAL GRILLED EEL非常驚艷嘅一道主菜，上菜後職員會用炭火喺現場火燒鰻魚皮，除咗噴出白煙營造滿滿嘅視覺效果，亦令到鰻魚皮食嘅時候有好重嘅炭火香味，毫無燒焦嘅味道；鰻魚嘅肉質肥美，食落充滿魚油香，調味嘅鹹度都掌握得好好🍊 A4 WAGYU CUTLET CHARCOAL SANDO