影片
更多
2023-06-15
37 瀏覽
朋友想睇黃鴨，出發打卡前就去左呢間位於IFC既「4口 Four Bites」餐廳。佢地主打新派閩菜，又即係特色福建菜～近期仲有以蟶子做主角既季節菜單，一於要試下！✢ 酥脆椒鹽蟶子 $158 一上檯已經心心眼！鮮炸香脆既椒鹽蟶子，配上香甜菠蘿肉，呢個組合勁正～蟶子炸得剛剛好，唔會太油膩，而且粉漿均勻，脆口同時又食到啖啖蟶子，認真整得唔錯。✢ 姜蔥炒蟶子 $128首先啲蟶子隻隻都好肥美，全部連殼勁新鮮，仲要吐沙吐得好乾淨～用姜蔥同三色椒呢個經典組合做佐料炒蟶子，加上少少芡汁，味道好好。✢ 廈門沙茶麵 $138一碗麵入面，有齊流心蛋、油豆腐、蜆肉、魷魚、蝦、五花腩、芽菜。麵底用上油麵，軟硬度做得好好。沙茶醬湯底杰身濃郁，配有香氣十足既芫荽，加上吸晒所有醬汁既流心蛋同油豆腐，成碗麵超正勁足料，好惹味～✢ 臘味雞卷 $48✢ 閩香醬牛肉 $48雞卷同醬牛肉都係小食，每碟有四件，均配有秘製辣醬。先講下前者，鹹香臘味同嫩滑雞肉配合適中，同時有少少甜味。後者閩香醬牛肉，另配有青瓜，厚薄剛好而且牛味十足。兩款作為冷盤都幾開胃～✢ 洛神花茶凍 $38餐廳有幾款特色甜點可以簡，今次就試左洛神花茶凍。花茶凍上
朋友想睇黃鴨，出發打卡前就去左呢間位於IFC既「4口 Four Bites」餐廳。佢地主打新派閩菜，又即係特色福建菜～近期仲有以蟶子做主角既季節菜單，一於要試下！
✢ 酥脆椒鹽蟶子 $158
一上檯已經心心眼！鮮炸香脆既椒鹽蟶子，配上香甜菠蘿肉，呢個組合勁正～蟶子炸得剛剛好，唔會太油膩，而且粉漿均勻，脆口同時又食到啖啖蟶子，認真整得唔錯。
✢ 姜蔥炒蟶子 $128
首先啲蟶子隻隻都好肥美，全部連殼勁新鮮，仲要吐沙吐得好乾淨～用姜蔥同三色椒呢個經典組合做佐料炒蟶子，加上少少芡汁，味道好好。
✢ 廈門沙茶麵 $138
一碗麵入面，有齊流心蛋、油豆腐、蜆肉、魷魚、蝦、五花腩、芽菜。麵底用上油麵，軟硬度做得好好。沙茶醬湯底杰身濃郁，配有香氣十足既芫荽，加上吸晒所有醬汁既流心蛋同油豆腐，成碗麵超正勁足料，好惹味～
✢ 臘味雞卷 $48
✢ 閩香醬牛肉 $48
雞卷同醬牛肉都係小食，每碟有四件，均配有秘製辣醬。先講下前者，鹹香臘味同嫩滑雞肉配合適中，同時有少少甜味。後者閩香醬牛肉，另配有青瓜，厚薄剛好而且牛味十足。兩款作為冷盤都幾開胃～
✢ 洛神花茶凍 $38
餐廳有幾款特色甜點可以簡，今次就試左洛神花茶凍。花茶凍上面鋪左一層帶有蜜糖香甜既仙草條，仲有少少奇亞籽，層次分明味道又唔會過甜，作為飯後甜點一流。
✢ 大紅袍仙草茶 $58
✢ 桂圓檸檬烏龍茶 $58
兩款飲品都好有茶香，前者配有仙草凍，後者有原粒桂圓。甜甜地幾好飲～
最後，不得不提餐廳環境好舒適，而且侍應都好有善，同好熟悉餐廳既餐品。
張貼
