煉奶香蕉煎餅結合了香蕉的天然甜味和煉奶的濃郁香滑，簡直是完美的搭配！首先，煎餅的外皮金黃香脆，內裡則是柔軟的香蕉，吃起來口感層次分明。每一口都能感受到香甜的香蕉味，彷彿在口中融化。 煎的時候，煉奶則被淋在煎餅上，增添了更多的奶香味。下午茶食一個，讓你一天的疲憊瞬間消散。 這道小吃不僅色香味俱全，更是喚起了童年的美好回憶，每次品嚐都仿佛回到了那無憂無慮的時光。快去葵廣試試這道簡單又美味的煎餅吧！

這間韓國菜一直都有好多好評，今次終於都嚟試下，但係就冇坐到外面韓式大排檔嘅座位 三個人叫咗三樣嘢 人參雞湯唔係原隻雞上，入面只有半隻雞，而且煲到好爛，亦都冇見到有人參，老老實實我就覺得味道一般，好多其他韓國餐廳都做得好過佢 另外叫咗一個生菜包肉，佢起初唔記得咗畀醬我哋，個肉食落去本身係冇味嘅，後來其實應該係跟蝦醬同埋包飯醬，味道當然好咗好多 最後叫咗個辣炒章魚，海鮮味好濃，一股鹹海水嘅味道，章魚上枱嘅時候係生嘅，喺個鑊入面慢慢整熟，好爽脆，味道唔錯

最好食就係個豬肉湯飯，唔會有豬肉臭味，湯底好濃，豬肉份量亦都好多 叫咗個燒牛肋條，佢好好咁樣幫我哋燒，但係最錯嘅就係佢一次過燒曬，跟住就擺咗喺嗰度變凍同埋變硬，所以如果你叫烤肉，應該要慢慢燒，食幾多燒幾多，唔好一次個燒曬，因為去到最後就會唔好食 大膽咁樣試咗個fusion菜，醬油蝦意大利粉，係將醬油蝦煮熟咗，感覺就好似忌廉豉油味嘅意大利粉咁，唔難食但係唔係太知道確實係乜嘢味 最唔抵食就係菜包肉，好似要200蚊，但係得九片五花肉，而且仲係極度薄，好似紙一樣咁薄，味道亦冇咩特別，兩個字唔抵

又係開餐時候！ 有一日返工路經見到有間新開的食店，所以今日約埋 brother 去呢間王子牛腩牛雜粉麵專家試下🤗 話說回來我第一次喺牛腩牛什粉麵店見到有煲仔飯，有南乳豬手煲，真係好 surprised，啱啱好秋風起，點都要試下😆 我哋叫咗一個：南乳豬手煲🐷 第一樣要讚嘅係，佢嘅豬皮 好滑，即係話喺清理豬毛做得非常好！食豬皮最怕就係食到豬毛，但係佢一條毛都冇，仲要有皮有肉🐷 食落去唔會太鹹食到南乳味，食完之後嘴唇 "漿住" 係充滿骨膠原！最適合需要保養的美女🥰 Brother 指定要食崩沙牛腩河 呢個崩沙牛腩河真係不得了🐮講真我未食過一啲牛腩係咁好味，牛肉係好難煮嘅，因為煮太耐會硬同韌，但係佢肉質新鮮，咬落去係好柔軟的，仲要係多肉小脂肪，唔食真係對唔住自己👍🏼👍🏼👍🏼 然後意由未盡，再嚟多過煲仔咖哩牛腩飯🐮🍲 咬落去嘅牛腩係啖啖肉，一層好薄嘅脂肪係不可少。仲要咖哩有咖哩味，唔會太鹹又唔會太辣😋怕辣嘅美女們 不妨試下😋😋尤其是秋冬食完好暖胃👍🏼👍🏼👍🏼 兩個人食三味咁重份量都唔夠喉，再加多個🐟炸魚皮🤣🤣 炸魚皮炸完係要即刻食，如果唔係就會韌同林，所以店主好細心👍🏼地，炸完之後放入 Zip 袋存氣！ 所以倒出嚟食嘅時候好脆，佢會跟一碗紫菜湯。當然我同 brother 就連咖哩汁都唔好嘥，將炸魚皮飲加埋咖哩汁一齊食，如果食唔曬又可以放返落 Zip 袋帶走，幾好😉 最後值得一提嘅係： 近期韓國熱話綜藝節目《黑白大廚》一眾廚師各有所長，亦各有身為廚師既執著。 ＜王子牛腩牛雜粉麵專家＞既創辦人亦都一樣，年紀輕輕但就已有接近30年的入廚經驗，曾於2014年初次創業及後因市道低迷黯然無奈退場，到今天逆市重來，再次為打造香港人特色牛腩牛雜粉麵再戰江湖，全因大家的喜愛和對食的執著。 店舖位於尖沙咀樂道23號地下B號舖，大家可以黎品嚐一下一位執著創辦人既用心再為香港人打打氣。

寿司いろは｜香港抵食$480廚師發辦午餐
推薦指數：🌕🌕🌕🌗🌑社交平台經常見東京Omakase嘅龍珠太卷，估唔到香港都有得食✨ 加上午餐廚師發辦 18貫料理都知係$480，感覺性價比頗高！值得留意「龍珠太卷」需要+$120將手卷升級先有，個人覺得蛋黃味道濃郁，但有蓋過其他食材的鮮甜（e.g. 海膽/吞拿魚） 反而 壽司 及 日式刨冰 有被驚艷，唔想咁貴食Omakase，都超推薦嚟單點呢兩款試【LUNCH OMAKASE】
◐ 沙律
◐ 日式茶碗蒸
◐ 刺身4款
◐ 壽司8貫
◐ 手卷 （+$120升級彩羽太卷）
◐ 玉子燒
◐ 麵豉湯
◐ 甜品 - 日式刨冰：綠茶紅豆白肉《🥢刺身》
主要有真鯛、大分縣真蠔、鰹魚、鮟鱇魚肝泡芙。真生蠔用黑松露酸汁調味，一放上枱黑松味撲鼻而來，酸酸甜甜非常開胃。最有特色應該係鮟鱇魚，以泡芙嘅方式呈現，差啲以為係甜品，所以遲遲都未能動筷🤣 想帶女朋友俾個surprise，呢間都有港女打卡至愛嘅「仙氣泡泡🫧」滿足鍾意有儀式感嘅各位女士《🍣壽司》
首先有 墨魚，用碳鹽同芝麻調，個人認為碳鹽份量落得比較重手，所以偏鹹，但墨魚肉質幾鮮甜✨ 第二款係鰤魚，白身魚肉味道無特別突出。第三款係貝柱，咬落幾有口感。第四款係池魚。第五款開始幾特別，有瀨尿蝦配上蛋黃碎。然後有炙燒碟魚 配櫻花蝦🦐 超級多油脂迫爆，好似食緊高級版嘅左口魚咁樣！最後一定唔可以冇嘅就係海膽，味道都幾鮮甜

=
彩羽壽司屋 @sushiya_iroha
📍 灣仔謝斐道151-161號金聲大廈地下A號舖
🚶 灣仔A1出口，步行約4分鐘
🕐 Mon - Sun 12:00 - 22:00

🏷️
地區：#laymao_灣仔
分類：#laymao_日式
=
#omakase #wanchai #japanese #廚師發辦

長沙灣樓上舖，街坊小菜館，位置方便易搵，係環境可以有改善空間。 飲食業生意難做，星期一至四送👇 要求唔好太高，入口唔似普通新鮮九孔鮑，有種乾鮑果種有咬口之感 椒鹽九肚魚 女朋友第一次食都話好味，炸得香脆，凍咗都冇變淋 蒜蓉西蘭花 西蘭花爽口新鮮，唔係烚定半熟再去炒到軟爛果種，蒜蓉亦唔吝嗇，非常香 燒腩仔 份量唔錯，肉肥分明，皮脆肉香，非常適合餸酒 最後都仲會送上糖水：紅豆沙 有加入果皮(橙皮!? ) ，入口層次豐富，但建議師傅唔好打芡調節濃稠度，不過免費送嘅都唔要求啲乜。 小菜價位尚算合理 款式多，選擇多

今日同朋友走左去呢間試新野。入到去環境似西式酒吧，服務唔錯。 當時叫左2個pizza1個pasta。青醬pasta同啲芝工一齊夾超級香濃奶油香草味，口感超香，意面比較硬，偏西式口感。pizza餅皮口感唔錯，當時叫左藍芝士蘋果同埋墨西哥辣椒味，两款都超級推薦。藍芝士蘋果味超香藍芝士，食落去咸甜味，有好香蘋果味。墨西哥辣椒勁惹味，辣辣地仲，帶有醃辣椒獨有嘅酸酸的味道。

好耐無去呢度食飯啦！今次帶埋成班屋企人一齊再嚟開飯，水準依然無得頂，絕對唔會令我地失望！餐廳仲免收開瓶費、免切餅費、免加一，超級抵食！ 胡椒炒大肉蟹 大肉蟹一斤重，巨型又新鮮，鮮味無比，啖啖蟹肉，用上黑胡椒烹調充滿星洲風味，微辣而帶胡椒香，黑胡椒的「香」&「濃」，令蟹味更昇華！ 極黑豬叉燒 選用西班牙黑毛豬的豬脊肉製作，燒得香氣十足，外層略帶焦香，肉質肥美而不膩口，且肉味香濃，叫人滿足。 大元貝 大元貝鮮味十足，上面放咗蒜蓉、炸蒜同蔥花一齊蒸，食落更惹味，墊底嘅粉絲吸收哂海鮮嘅精華，仲有適量嘅豉油吊味，回味無窮！ 脆皮乳鴿 乳鴿每日限量供應，因為製作需時，師傅會將油不停淋上乳鴿，直至剛剛熟，所以皮特別脆肉特別嫩，肉汁勁爆，油香十足！ 冬瓜瑤柱海鮮羹 湯頭非常之清甜，配料有好多鮮蝦仁粒、帶子粒、冬瓜絲及乾瑤柱，鹹鮮味十足，口感綿密柔滑，非常好飲！

🍽️泰味泰國餐廳 📍觀塘觀塘道404號時運工業大廈1樓C室 近近地就係觀塘呢間「泰味」吃泰菜，真地道，相當不錯👍呢度由泰國人主理，不過招呼嘅職員係識講廣東話嘅泰國人，好有親切感！ ～泰式金柚蝦沙律 色彩繽紛，味道鮮美，金柚的酸甜搭配鮮蝦的美味，再加上香脆的炸蒜和香菜，口感豐富，味道也非常獨特。✨🍤🍊😋 ～馳名無骨海南雞（半隻） 雞肉是無骨的，啖啖都係肉，食起來格外過癮！搭配他們特製的醬汁，味道更添風味😃 ～泰式串燒(半打） 上枱賣相吸晴，豬肉、牛肉及雞肉各兩串，師傅毫不吝嗇，每件肉都係大大嚿的，食材新鮮，能吃到原本的肉味，點埋沙嗲醬一齊來食簡直係絕配😋 ～蒜蓉炒椰菜苗 椰菜苗鮮嫩爽脆，配搭蒜蓉來炒好香，好快比我哋秒殺😄 ～炸蝦餅 炸得金黃色，圓軲轆的幾可愛，蝦肉爽口彈牙，美味之選👍 ～芒果糯米飯 上枱啲糯米飯仲係熱辣辣嘅，芒果選料上乘夠鮮甜😬 ～泰式椰汁西米糕（4件） 椰汁西米糕呢款泰式經典小點心，口感細膩，甜而不膩，飯後食埋咁精緻嘅甜品特別滿足😍 ～原個椰青 夠大個又好清甜，我連椰肉都刮來食清光，超正❤️

❣️銅鑼灣正宗印度菜 
款式多且好味 😋
⭐️印度烤雞, 印度momo餃子, 咖哩, 薄餅 諗到既印度菜都有得食⛄️   🩷叫左半份烤雞 用特式印度調味粉烤成 雞肉入味帶微微辣香 點埋帶酸既青醬好夾   ❤️momo餃子選左雞肉口味
外皮炸得香脆 餡料豐富
點埋辣醬食仲好味   🩵咖哩方面叫左個薯仔味既
同出面食既咖哩比 呢間既香料味會重d 中間夾住一陣蟹肉味 點埋牛油薄餅食 好滿足   🤗唔想就咁單點 佢地宜家星期一至5仲做緊lunch 4 course meal , 星期日仲有buffet食tim😮  

🍽️朝Asa 居酒屋 📍太子大南街39號地舖 喺太子想搵間高級的居酒屋同閨蜜嘆吓，，諗起之前食過一次的以月亮為主題、環境雅致有格調的「朝Asa」，就一於去encore，今晚印象最深刻的有以下美食： ～鹽燒虎蝦 燒的時間剛剛好，肉質細膩彈牙，鮮甜香口，蝦膏香口又甜，亦能感受到廚師的用心烹調，高水準😍 ～鹽燒油甘魚鮫 外皮煎得很香脆，內裡鮮嫩多汁，搭配少許醬油和蘿蔔泥，已經非常好味，味道鮮美🍣🐟 ～鹽燒白鰻串 外皮烤得金黃酥脆，內裡肉質鮮嫩多汁，鹽味恰到好處，提升了白鰻的鮮美，我哋加咗少許青檸汁，味道更加清爽，鍾意食鰻魚的一定會讚口不絕🍢🍋😋 ～牛舌 口感爽滑有嚼勁，帶濃郁的牛舌香味😬 ～岩手縣赤崎生蠔🦪 超級大隻肥美可口，一入口就知道係優質之選，非常新鮮美味，再加咗少少蔥同檸檬汁等，真係令我哋回味無窮🥰 ～牛油燒蟶子 師傅燒得啱啱好，蟶子能保持嫰口而不過熟，烹調技術真一流，口感非常好😍 整體嚟講，這間居酒屋有日本feel，食材新鮮，坐得舒服，加上優質的服務，絕對值得一試 💯

浦東蒲西 銅鑼灣樓上上海菜 最近我去咗銅鑼灣一間專做上海菜嘅餐廳，真係俾我驚喜！今次我特別推介佢哋嘅「蔥香鴉片魚頭」，呢道菜名就已經好有吸引力，因為食完之後真係會令人上癮！！ 蔥香鴉片魚頭 $388 魚頭嘅肉質鮮嫩，配合蔥香味，食落去非常入味。湯底清澈而鮮美，令人每一口都想再來一口，真係好好味！ 無錫脆鱔$128 脆鱔外脆內嫩，醬汁更是香濃，食落去好有層次感，亦都係一個唔錯嘅選擇。 酸辣湯 每位$58 湯底酸辣適中，蝦仁新鮮，海參口感滑溜，非常開胃，絕對係開餐前嘅好選擇。 蟹肉羹 每位$68 豆腐滑順，蟹肉鮮甜，整碗羹食落去好有滿足感，暖心又暖胃。 手工樟茶鴨（半份）$200 鴨肉味道濃郁，肉質嫩滑，搭配樟茶香氣，食落去令人陶醉，真係唔可以錯過！ 雞油豆苗$188 豆苗鮮嫩，雞油嘅香味令整道菜更加提升，清爽又有滋味。 😋靜靜雞指數 🐥🐥🐥🐣🥚 🔂再偷食指數 ✅✅✅✅☑️ 💲減荷包指數 💸💵💵💵💵 —————————————————— 店舖資料 📍 銅鑼灣開平道1號Cubus 5樓 #eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #asianfood #hkig #hkfoodie

葵芳廣場出名多嘢食，是日難得來到當然唔可以錯過掃一掃。 下午3點3後，望見美食，食欲特別旺盛，自然會覺特別肚餓。行下行下，腳步停下來，找到想食嘅目標了： 🐙和風蜜糖芥末章魚燒🍡 看見特別多人等候買，自己鍾意食又想試下，於是加入等候團。😆有唔同口味選擇，最後揀左個大路嘅味道試下。等左大約8分鐘，唔算等好耐。 一打開個盒，第一個感覺係木魚好澎湃，佔據了盒子嘅三分一位置，外觀上章魚燒比轉較細粒，如果係標準size會合理啲。口感上接近在日本食嘅，比較軟身同腍，蜜糖味有而芥末醬就滿滿。 每個人口味唔同，要求嘅質感同味道都唔同，所以我個人覺得呢個唔稱得上好好味嘅章魚燒小丸子。

最近聽朋友講話中上環九如坊有間水準極高嘅日本餐廳「杣 ‧YASHIMA 」。今日剛巧經過上環，便走去碰碰運氣，看看有冇位置給我試菜，果然皇天不負有心人，餐廳可以給我一個位置。 餐廳嘅裝修頗有日本庭園感覺，餐廳只提供板前座位，而晚餐則有兩款選擇，而我當然選擇了較平宜的一款$1980。 ➰ 蒓菜、黑無花果配北海道帆立貝 食落感受到蒓菜嘅清新、黑無花果嘅清甜和帆立貝嘅鮮甜，再配上秋葵和山藥磨成嘅綠色醬汁，呢個配搭夠曬特別。 ➰ 黃金武士真蠔配金橘啫喱 滑嫩嘅真蠔配上金橘啫喱嘅酸甜味，口感非常清新。 ➰ 慢煮八爪魚配蘿蔔 慢煮過嘅蘿蔔索晒啲醬汁味，而八爪魚更煮到夠軟身，呢道菜真係好好味。 ➰ 石垣鯛配蔥芽/愛知縣象拔蚌 / 醬油漬筋子配蘿蔔蓉 * 石垣鯛嘅清爽配搭埋蔥芽嘅微辛香，更能凸顯魚肉嘅鮮美。 * 愛知縣象拔蚌夠鮮甜爽脆。 * 醬油漬筋子口感Q彈，帶有濃郁嘅醬油香氣，配上口感細膩嘅蘿蔔蓉，能中和筋子嘅咸鮮味，增添更豐富嘅口感。 ➰ 八爪魚 / 鮟鱇魚干 八爪魚夠新鮮爽脆，而鮟鱇鱼干嘅咸鲜味中又带點淡淡嘅甜味。 ➰ 北海道磯粒貝 磯粒貝肉質飽滿，口感彈牙，配埋醬油和酒嘅烹調，增加咗咸鮮味，令到磯粒貝嘅味道更突出。 ➰ 吉列太刀魚配白松露 太刀魚外皮炸到夠酥脆，而肉質仍鮮嫩多汁，入口即化，配上矜貴嘅白松露，立刻增添咗奢華感和豐富咗口感層次。 ➰ 野山平目魚壽司 野山平目魚壽司口感夠細膩，有入口即化嘅感覺。 ➰ 春子鯛壽司 春子鯛魚肉粉嫩細膩，油脂較少，口感非常柔嫩。 ➰ 烏魚子昆布燒白子 烏魚子嘅咸香和脆爽嘅昆布配合埋白子嘅嫩滑，能帶嚟多重美味嘅體驗。 ➰ 九州芝麻鯖魚壽司 芝麻鯖魚嘅肉質夠曬細膩，口感非常柔嫩。 ➰ 喜知次壽司 喜知次嘅魚脂香氣非常濃郁。 ➰ 大拖羅魚腩壽 大拖羅油脂分佈似雪花，非常甘香，入口即溶。 ➰ 北海道海膽手卷 北海道海膽夠甘香，配埋日本米飯嘅清香和紫菜嘅香脆，口感勁豐富。 ➰ 麵豉湯 可能相比其他菜品太過精彩嘅關係，呢個麵豉湯相對有點兒比下去，但個湯都煮到好濃郁。 ➰ 甜品 ～ 柿子雪葩配柿餅 柿子雪葩嘅口感非常清爽，細膩滑順，帶有柿子特有嘅清甜。而雪葩底嘅柿餅帶著濃郁嘅香甜味，令人回味無窮。

麗豪航天城酒店的磊餐廳以其精緻的烤安格斯肉眼扒而聞名。這道菜選用高品質的安格斯牛肉，肉質鮮嫩多汁，經過精心調味和烹調，保留了肉的原汁原味。烤製過程中，廚師巧妙地掌握火候，使得外層微焦，內部卻保持完美的粉紅色，口感極佳。 在搭配方面，這道肉眼扒通常會配有新鮮的時蔬和特製醬汁，增添了風味的層次感。顧客普遍反映，這道菜的味道濃郁，肉質的鮮美與醬汁的香氣相得益彰，讓人回味無窮。此外，餐廳的環境優雅，服務周到，為用餐體驗增添了不少分數。 總的來說，磊餐廳的烤安格斯肉眼扒不僅是肉食愛好者的首選，也是享受高品質餐飲的理想之地。