影片
開飯介紹
裝修風格以泰國街道特色的漫畫塗鴉為主，營造出休閒舒適的氣氛。菜式由泰國師傅團隊製作。在保留傳統味道的同時不失新派擺盤的視覺享受。
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
相關文章
每間餐廳都總會有一道或者幾道招牌菜，今日去了銅鑼灣百樂中心的Milu Thai มิลู่ไทย，個人特別喜愛它們的招牌菜～火山排骨，賣相和味道都讓人驚豔😍 由出𨋢門開始，到餐廳每一幅牆壁都是漫畫塗鴉，氣氛好輕鬆，我和兩個朋友坐近窗邊的位置，可以望到街景很不錯。火山排骨$228，個火山砌得好高好澎湃，排骨份量很多，舖了大量蔥花、芫茜、辣椒，顏色配搭特別搶眼，醬汁惹味偏辣，越食越過癮！大推👍泰式蛋包炒金邊粉$118，賣相同樣精緻，但味道比火山排骨較為遜色，有3隻大蝦，每人一隻 份量剛好，炒金邊粉沒有大驚喜。蒜蓉炒雜菜$88，雜菜包括有芥蘭、椰菜、通菜、黃芽白和什菇，可揀蒜蓉/馬拉盞/飛天/清炒，揀了蒜蓉炒，比較香和惹味。炸蝦餅六件$88，香脆彈牙，沾埋醬汁就更美味。芒果糯米飯$88，必點甜品之一，今次仲要係心形擺盤 更加賞心悅目💯珍多冰$36椰青$52，味道、價格正常。整體環境氣氛和食物水準都很高，價錢合理，十分推薦！
繼續閱讀
再訪依舊出色！火山排骨震憾級好食好睇🌋，咖哩必點，愛辣波友請去食 一波🤘🏻！・・・・・・・・・・・・・・・・・・・・🍖 火山排骨 HK$228・味道：排骨肥瘦相間，仲有骨之間有好多骨膠原，只靠原本排骨肉味，冇乜明顯調味都已經夠好食👍🏻！醬汁酸酸辣辣好開胃，有青檸🍋、辣椒🌶️、香料🧂、芫茜🌿，中和排骨膩感，必點！・口感：超巨型🌋！3-4人食先食得晒XD，排骨軟腍一搣就甩，醬汁可以揀另上，單食或點醬食兩種味道，仲會按人頭畀埋手套，開心share啱晒！🥘 咖哩三重奏 HK$218・味道：紅黃青三色咖哩🚥！紅色偏酸辣，青口同大蝦正常發揮🦐；黃色鹹辣為主，配扇貝同炸魚柳，魚柳炸得好惹味🐠；青色係椰奶味偏種嘅咖哩，加炸軟殼蟹好邪惡XD🦀 想讚一讚啲炸嘢炸皮香脆，浸住咖哩都唔易淋！三款咖哩都係入口冇乜嘢，但個辣味會慢慢滲出嚟，惹味有層次！仲有一碗蒜香牛油麵包粒畀我點住咖哩食🍞，呢個出色，點滿咖哩嘅蒜香牛油多士真係不死級嘅美食！！！・口感：咖哩醬汁夠杰身掛汁，炸物香脆，不過炸皮薄啲更好～🥩 泰式燒牛柳 HK$98・味道：一開始見到全熟以為中伏，點知煎得好香，完全mind blown🤩！食唔晒拎返屋企叮返熱孝敬波爸XD，都依然好食，佢都被驚艷到👍🏻！冇乜脂肪，主要靠燒嚟帶起牛肉香。個酸辣醬係提鮮嘅神來一筆，正！・口感：外皮焦脆內里軟腍，有啲似豬柳嘅口感幾易咬，0筋🤌🏻！🍝 泰式蛋包炒金邊粉 HK$118・味道：炸蝦脆到連蝦殼都食得🍤，金邊粉配花生碎好香口🥜！唔係蕃茄醬底係豉油底，鹹香配辣椒碎，掂！・口感：乾爽有鑊氣🍳～🥗 柚子鮮蝦沙律 HK$118・味道：juicy清新柚子碎加爽脆鮮蝦🍐，加炸蒜碎、香蔥、生菜，甜酸鹹辣齊晒，開胃！・口感：爽脆新鮮！🧋 泰式奶茶 少甜 HK$36・味道：泰茶底香醇有餘韻，真係少甜而且唔係奶水，本波要哭了，零甜波給過😋！・口感：薄身奶茶但唔會削，唔係啲好厚身有負擔感嘅奶茶，茶奶比例不錯～🍉 西瓜沙冰 HK$48・味道：香甜天然西瓜香，解渴清暑，想像到嘅好飲🍉！・口感：起沙的清甜西瓜，正！・・・・・・・・・・・・・・・・・・・・🤰性價比：高～🤰9衝度：9衝～🤰結論：早幾年夜晚去癲拿係要排隊排到去後樓梯，隊尾係落幾層！呢個價錢係銅鑼灣食到咁高質嘅泰菜真心超值！召喚想食嘅波友們，去吧🏃♀️！・・・・・・・・・・・・・・・・・・・・
繼續閱讀
Sawadee khaaa! Check out Milu Thai มิลู่ไทย if you are craving authentic Thai cuisines in big portions with very good price! Highly impressive Pad Thai; meat grills; and mango sticky rice!泰國之夜首先炒碟通菜，有四個炒法（飛天/ 馬拉盞/ 蒜蓉/ 清炒），飛天係泰式落左辣椒黃豆同蒜頭，真係幾夠辣，通菜新鮮爽脆。泰式春卷皮超薄！包住粉絲木耳紅蘿蔔椰菜，點泰式甜酸醬好開胃。金邊粉真係必食，好好味，個蛋網又炒得靚，面頭仲要有三隻咕嚕炸蝦碌，非常推薦！燒烤同樣出色，份量大價錢相宜，最鐘意豬頸肉入口軟嫩，原味食已經好正；燒魷魚有圈有鬚，搭個酸辣醋汁好夾；燒牛柳用香茅醃過，配個重口味咸甜羅望子醬，點少少已經好濃郁。順便可以飲番啖乳酸梳打解渴。甜品超級無敵有誠意仲好好味，心型芒果糯米飯，用左帶花香既水仙芒（應該係），椰汁又煮得濃稠剛好，糯米飯份量俾得足，我俾十分。
繼續閱讀
銅鑼灣同尖沙咀都有分店既泰菜 每碟份量十足 今次先挑戰巨型火山排骨 見到其他招牌菜 例如火焰燒雞 咖哩三重奏都受歡迎🤤🍖火山排骨 $228只有一個size 就係直接黎泰國夜市既XXL版 幾震撼🤯 排骨肉整體幾軟熟 唔算韌同乾柴 仲食到有少少骨膠原感覺 配埋酸酸辣辣既醬汁夠曬清新開胃 自問做唔到大胃王 有一大班人share就岩岩好🦐黃咖哩炒大頭蝦 $268另一座由大頭蝦堆積而成既火山 大頭蝦開邊後經過煎炸 大蝦頭保留唔少橙紅色既蝦膏😍 蝦肉亦肥美爽彈 黃咖哩厚身濃郁 夾雜蛋絲質感滑溜 撈飯撈麵一流🦐大頭蝦冬蔭公湯 $128呢個細size夠分五六碗湯 幾個人share都ok 味道超勁酸辣 香料同椰香味道都突出 夠曬重口味!😈 仲有大頭蝦同菇等等配料🍝泰式蛋包炒金邊粉 $118pad thai被蛋網覆蓋住 造型幾有特色 面頭係肉質較普通既大蝦 金邊粉口感炒得乾身香口 帶微微焦香 如果醬汁濕潤返d會更容易入口同惹味~以上份量兩三個人食真係好飽好飽 整體水平都平均 最後當然飲返杯珍多冰 唔會太甜岩岩好😋
繼續閱讀
好耐冇食過泰國野 🇹🇭今次約左朋友去銅鑼灣Milu Thai 店食長期人氣高企 平時都滿座好彩提早訂左位咋😎餐廳有好多漫畫塗鴉 予人輕鬆感覺 位置唔算好多 大多都係卡位 好有空間感菜單選擇多元化 全都由泰國師傅主理好多野想食 就樣樣叫D 勁滿足🥰值得一提 SERVE我地果位店員叔叔超好超細心已經好少係普通餐廳遇到咁好既服務👍🏻💥火焰燒雞呢個真係色香味俱全 打卡一流店員會將原隻雞放到枱 係我地面前即場點火🔥可以見到隻燒慢慢燒得金黃酥脆之後再幫我地切件雞肉嫩滑多汁 搭配甜酸醬 好惹味😈💥泰式串燒 6 串可以自由選擇豬 牛 雞既數量我地揀左各2 串燒燒得好香口仲有肉味 配埋個醬汁好正🥳💥炭燒豬頸肉份量十足 豬頸肉肥瘦分明 燒得恰到好處 又唔油膩😋💥馬拉盞炒通菜可以揀清炒/蒜蓉/馬拉盞/飛天個人中意馬拉盞 個汁微辣又惹味通菜新鮮爽口 好夾🥰💥泰式蛋包炒金邊粉擺盤好靚 有3隻炸蝦上面鋪左層蛋皮 配上花生碎同辣椒粉金邊粉炒得乾身彈牙 食落酸酸甜甜帶番茄香☺️💥青檸梳打 & 椰青青檸梳打好清新開胃原個椰青好大個 清甜可口 飲完仲可以刮D椰肉食☺️
繼續閱讀