影片
開飯介紹
裝修風格以泰國街道特色的漫畫塗鴉為主，營造出休閒舒適的氣氛。菜式由泰國師傅團隊製作。在保留傳統味道的同時不失新派擺盤的視覺享受。
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
相關文章
情人節當然要食餐好某人對泰菜情有獨鍾～今年特登搵左依間風評唔錯既泰國菜撐枱腳本身係比火山排骨同火焰燒雞吸引左嚟，但後嚟見到實物有啲多唯有等下次人多啲一齊食再叫拼盤真係岩晒我依啲三心兩意既人一次過滿足晒我咁多個願望～蝦餅魚餅陣牙又香口香葉包雞夠晒惹味，仲有淡淡葉香蝦片脆卜卜深得我心燒魷魚夠地道有係泰國食既味道～爽脆既魷魚圈加埋酸酸辣辣既醬汁真係開胃又好味一個鍋可以食晒紅黃青三款咖哩唔需要取捨既感覺太完美啦～紅咖哩濃郁惹味、黃咖哩椰奶味香、青咖哩味道清新配埋各類新鮮海鮮一齊食無得輸咖哩三重奏仲有另外附上蒜蓉包粒提供，可以沾咖哩一齊食，吸晒咖哩既麵包粒好香好好味～真係神來之筆粉金邊粉都唔錯，麵身有咬口夠乾爽，又唔會炒到一舊舊，味道夠正宗食泰國菜飲個椰青水就夠晒地道清甜又解膩，飲完仲可以刮椰肉食
繼續閱讀
🥘咖哩三重奏配蒜蓉包粒 $218有齊三種咖哩，仲有好多海鮮好足料，海鮮控必食，每款咖哩都有唔同海鮮同配菜要尋寶😂，配菜同海鮮都好吸汁，仲可以用蒜蓉包點埋咖哩😉個人覺得青咖哩椰奶味重甜甜地，入面有脆卜卜軟殼蟹🦀、茄子🍆，軟殼蟹撈青咖哩好好食👍🏻 紅咖哩最酸蕃茄味重似冬薩公，入面有蝦🦐、青口、魷魚🦑、菠蘿🍍，蝦煮到稔鮮甜😝，菠蘿加咖哩味道酸甜😂黃咖哩最辣同濃味，入面有扇貝🐚、炸龍脷柳、西蘭花🥦、薯仔🥔、天婦羅番薯🍠，炸龍脷柳肉滑外脆加埋咖哩汁惹味🌶️🦐大頭蝦冬蔭公湯 $128大頭蝦好正啖啖肉多蝦膏🦐，鮮味十足，冬蔭公湯重蕃茄味🍅酸同奶味重啲，好開胃好送飯亦加左香茅，微微辣🌶️，唔洗擔心會太辣，岩哂小辣人士😉🥦椰菜苗（馬拉盞) $98椰菜苗香帶油光，馬拉盞炒鹹香加惹味🌶️，亦可以揀飛天或者蒜蓉😆🍡泰式串燒（半打）$108串燒厚肉，沙嗲醬帶濃郁花生味🥜，甜甜地，略嫌串燒乾左啲，豬肉、鷄肉、牛肉各揀左2串😝🍋青檸茶 $34青檸茶荼味濃，唔會太澀解膩清新😆.🍹乳酸梳打$34乳酸味重，口感順滑，解辣之選🔥.✨餐廳以火山排骨同埋火焰燒雞為招牌，野食大碟，性價比高，岩哂一班人聚餐，座位闊落，牆上面仲有唔少色彩繽紛塗鴉
繼續閱讀
月初去了曼谷渡過元旦，初次品嘗到曼谷夜市網紅菜式火山排骨，但味道有點強差人意，後來機緣巧合下見到銅鑼灣一間泰菜餐廳推介火山排骨，於是再探究竟。人氣必點火山排骨 $228 🌋 選擇了醬汁另上，的確令人視覺震撼，將份量十足的排骨疊高成一座巨型火山，未食已經覺得飽了！餐廳會提供手套和濕紙巾予客人，十分貼心。排骨肉質細嫩入味，容易拆件方便進食；淋上青辣椒醬 🌶️ 味道更惹味吸引。生蝦刺身 $108 🦐 亦是泰菜必點菜式之一，生蝦爽口彈牙，夾上紅辣椒和蒜片，更能突出青辣椒醬的辣，辣得過癮！泰式海南雞 $148 半隻 🍗 頗為有點失望，色澤金黃，但肉質未算嫩滑。飛天通菜 $88 🥗 口感清脆有鑊氣，鹹香味重帶有少少辣度。芒果糯米飯 $88 🥭 糯米飯熱辣辣上枱，淋上大量椰漿，口感甜甜的又煙煙韌韌；芒果微甜不酸，整體不錯。再來兩杯泰式特飲🧋泰式奶茶 $36 ，第一口感覺有種在泰國便利店買到的泰式奶茶，屬於甜度較重的味道；龍眼冰 $36 🍹 口感清甜。今次所挑選的味道大多數都是辣，的確無辣不歡的人可來一試店家的青辣椒醬 🌶️ 但泰國菜集合了甜、酸、苦、辣和鹹的味道，因此不愛吃辣的人都會喜歡泰菜，可以在眾多的菜式中找到自己喜歡的。
繼續閱讀
唔係好諗到食乜，上Openrice🍚見到呢間泰國菜幾熱門，啲主菜又幾打卡咁，姑且一試，又有驚喜啵。大頭蝦冬蔭公湯（小）（$128)呢幾日天氣好凍，飲返啲🍲熱辣辣嘅湯就啱哂❗️☺️ 冬蔭湯底bb辣，酸酸辣辣咁幾開胃，🦐大頭蝦雖然大頭但都有啲蝦肉喎😋泰式鳳爪沙律 ($88)鳳爪爽口，配料嘅辣度辣過湯，但係辣得嚟又幾過癮。🦑泰式燒魷魚 ($148)🙌推介之選！魷魚有底味，調味好均勻！燒得啱啱好，表面唔乾入面仲juicy，幾驚喜😋泰式串燒（半打）（$108)叫咗雞牛豬各兩串，肉量好多，好抵食❗️正常泰式串燒都偏乾，估唔到食落又冇想像中嘅dry啵。🐮牛肉調味幾好，香料味適中，當中夾雜少少肥嘅部位，推介🙌🐷豬肉串燒調味幾香同偏甜，會食唔停口❤️。🐤雞肉都ok，不過俾火焰燒雞嘅juicy搶咗focus，但靠沙嗲醬都挽回到下🤣🔥🐤火焰燒雞 ($208)重頭戲！ 明知佢會放火，但現場見到仍然係會嘩一聲😱 雞肉好juicy😍 少少爆汁嗰種，雖然雞皮唔係脆皮，但燒得好好，最後連皮食哂。侍應哥哥勁好，等大家手機相機📸ready先放火👍 再等大家影完仲會拎返去斬件再上。飲品叫咗🥥椰青 ($52)好清甜。仲刮到好多椰肉😍 朋友就話龍眼冰（$36)有好多龍眼，甜度適中好清新。
繼續閱讀
呢間泰國🇹🇭餐廳嘅「火山排骨」好惹味😋，喺另外一間分店食過之後念念不忘🤣，朋友👧🏻話不如 encore，結果我哋一行4人👧🏻👩🏻🌾👩🏻🦰🥷就約埋一齊喺銅鑼灣店開餐🤣$228「火山排骨」：排骨豎起嚟整到成個火山咁🌋🤩，好立體👍；排骨勁大塊，係成塊唔係一支支，份量勁多，有好多肉🤣；排骨🐷炆煮得好腍，帶住手套好容易食，食得超級暢快😋；「火山🌋排骨🐷」加咗大量香蔥、芫荽、蒜頭，亦都似乎落咗青檸檬汁，少少酸仲有少少辣，開胃又好味😋$98「柚子鮮蝦沙律」：柚子鮮甜多汁，好似撈咗啲花生碎、腰果碎、魚乾仔 等，香口又好食😋$118「椰汁雞湯」：見到落咗好多雞肉、雜菌、香茅 等，雞湯有香濃椰汁味，好飲👍$98「飛天椰菜苗」：椰菜苗🥬新鮮又爽脆，「飛天」睇返英文即係「泰式炒」🤣，見到有蒜蓉🧄、紅辣椒 🌶️、麵豉 等，炒得好惹味🤩$88「芒果糯米飯」：糯米飯煙煙韌韌🤩；芒果🥭新鮮又鮮甜😋；配埋白色嘅甜椰漿，真好味🤣$52「椰青」：叫咗2隻，好清甜🤩 $34「凍青檸茶」：叫咗2杯，都要咗走冰少甜，真係唔係好甜，完全唔凍不過夠晒清新🤣我哋4個人👧🏻👩🏻🌾👩🏻🦰🥷食得好飽兼勁開心🤣
繼續閱讀