影片
開飯介紹
人氣韓式餐廳的銅鑼灣分店，店內裝潢以地道韓國風格為主，在此吃韓式炸雞、海鮮鍋等配啤酒特別有風味，猶如置身當地一樣。
繼續閱讀
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
有關獎賞計劃
這間人氣韓式餐廳其中一間分店位於銅鑼灣的京都廣場，由韓國人親自主理。店內環境寬敞舒適，裝潢還原地道的韓式大排檔風格，有櫻花、電話亭及懷舊遊戲機等可拍照。韓式前菜涼拌豆芽清脆；蕃薯軟糯；韓式泡菜集鹹酸辣甜好有層次。韓式牛肉海鮮鍋 - $350一片片牛肉堆積如山，有著豐富且均勻的油脂分佈，牛味濃郁又嫩滑多汁；海蝦爽滑彈牙充滿鮮味；厚肉爽身的鮑魚已去除內臟，有著明顯的鮑魚鮮味；雪白肉厚的帆立貝有純淨的甘甜，裙邊爽脆，而月牙位軟糯，還有魷魚鬚、雜菇及蔬菜等，湯頭愈煮愈鮮味。粉絲 +$25跟餐為公仔麵，可轉成晶瑩剔透的粉絲，吸飽湯汁的精華。蜂蜜黃油炸雞(全份) - $198韓式炸雞有多塊無骨雞件，金黃酥脆的雞皮有著薄透的炸衣毫不油膩，雪白的雞肉保留大量肉汁好嫩滑不乾柴，還撒滿芝士粉。炸魷魚 - $78原隻魷魚份量十足，魷魚鬚較香脆，魷魚身較為厚肉，煙煙韌韌充滿彈性。牛肉紫菜包飯 - $65韓式紫菜包飯內餡豐富多樣，紫菜包裹著絲絲嫩滑的牛肉之餘，又有醃白蘿蔔、紅蘿蔔及青瓜等蔬菜，帶微微麻油香。
繼續閱讀
最近又心思思想食韓國野，所以就來到Bingo & Cook嘅銅鑼灣分店！一去到門口就已經有個櫻花樹打卡位，再望吓周圍嘅環境，個感覺真係彷如置身喺韓國街頭一樣！望住呢啲充滿韓國風格嘅裝修，然後一邊品嚐住韓式料理，真係零舍有氣氛啊～✨前菜有泡菜、西蘭花、蓮藕同埋青瓜～韓式牛肉海鮮鍋加粉絲💰HK$375叫咗呢個近期嘅新品 — 韓式牛肉海鮮鍋！中間有大量嘅秘製牛肉，仲有多款海鮮包圍住！湯底嘅味道越煮越突出，推薦一定要加粉絲，等啲粉絲吸收晒湯底嘅精華！韓式粉絲嘅口感Q彈，掛汁能力極高，越食越惹味～醬油蟹一隻連飯💰HK$270蟹肉質地嫩滑，醬油嘅鹹香味亦增強咗蟹肉嘅鮮味！用醬油蟹啲蟹肉蟹膏，加埋雞蛋撈飯，味道真係超正👍🏻～蜜桃忌廉溝鮮奶💰HK$58啖啖都係蜜桃嘅果香味，清新爽口～Snowing Choco Latte💰HK$88賣相滿分，最頂層仲有雪糕啊！充滿濃郁嘅朱古力奶味，甜度剛剛好～
繼續閱讀
Food ate:- Soy Marinated Crab (HKD380)- Soy Garlic Chicken with Sodduck (HKD140)- Yukhoe Naengmyeon (HKD158)- Mango Milkis (HKD58)- Peach Milkis (HKD58)@bingo_and_cook is a Korean restaurant with Seoul metro and old-school Korean theme concept. Once the elevator opens its doors on 2/F, the vibrant and colourful ambience with pojangmacha décor make us feel excited. Signature soy marinated crab was one of the best I have tried recently, with crab paste rarely seen in restaurant but available here. Comes in 2 fat portions, the meat was soaked in soy sauce, making it flavourful and juicy, soft and sweet in taste. It was best to pair with seaweed rice, a perfect combination. Fried chicken was marinated with soy garlic, making them crispy and juicy with rice cakes and hotdog skewers placed at the side. We have eaten Korean cold noodles several times but not raw beef cold noodles. Beef broth was served icy cold and noodles was really chewy, with sliced beef tender and juicy. @bingo_and_cook was definitely one of the best and IG-worthy Korean restaurants.
繼續閱讀
好耐之前響舊鋪食過一次，知道近來佢哋推出咗一個50cm韓式海鮮鍋😮好正咁呀！當然要黎試吓啦！原來佢哋搬咗去京都廣場，新店面積比以前更加大好寬敞，店內裝飾係韓式大排檔風格，由一出電梯門口已經開始見到打卡位處處，櫻花、鮮紅色電話亭、郵筒、重有座真係可以玩嘅懷舊遊戲機，店內裝飾全部都好有特色，以火紅色為主，真係啱晒我哋呢啲咁鍾意影相打卡嘅人吖🥰🌀50CM韓式海鮮鍋$380 《+$15拉麵》一上枱就覺得好澎湃既長形鍋放上滿滿嘅海鮮，有青口、藍青口、大蝦、鮑魚、扇貝，蜆，蟹、魷魚，8種海鮮，鍋底重有好多大豆芽菜和蔬菜，店員附上鉸剪和食物鉗，當見到魷魚熟晒嘅時候就要自己剪開啦😊食到最後當然係要加埋個拉麵落個湯汁度啦！呢個時候個湯汁已經充滿着海鮮嘅濃郁味道，鮮甜無比個拉麵索晒啲湯汁，好正呀😋個湯我真係飲咗好多碗🥰🌀海鮮煎餅$140呢個海鮮薄餅好有驚喜，同樣係好大份😆平時食韓國菜我就好鍾意叫泡菜煎餅，但係呢度嘅海鮮煎餅真係唔可以唔試，真係超級好食，餡料多到爆滿😍而且煎得極香脆，控制得恰到好處👍🏻呢個我推介必點🌀蒜香醬油炸雞配香腸年糕串《半份》$140好采只係叫半份，因為半份都真係好大份，真係好抵食👍🏻炸雞做得相當出色😍炸粉好薄，外皮炸到金黃香脆卜卜，一啲都唔會過火，但雞肉依然保持到肉質嫩滑有肉汁，醬油味香濃好食，同埋欣賞佢唔會食起上嚟一口油，烤過嘅年糕軟糯煙靭，外層有甜甜地嘅醬油味道，配埋小香膓一齊食味道又幾夾喎😋🌀Blue Lemon Coronarita$98食炸雞又點可以唔配啤洒呢😆今次唔止啤酒咁簡單，呢款有一支瓶裝啤酒既特飲顏色好靚，重有酸酸哋嘅檸檬味道，極解渴解膩，重要超大杯，一路食炸雞一路飲真係超爽❤️
繼續閱讀
喺香港想食韓國嘢好簡單，近年真係好多韓國餐廳，但係要食正宗嘅韓國菜，仲要有feel嘅環境真係好少有！ 今次我嚟到銅鑼灣呢一間韓國餐廳，佢嘅佈置真係靚到哇一聲，打卡必食！佈置到好似韓國鐵路同埋街景，仲有大排檔、車仔檔、各式各樣韓國嘅元素，未食嘢先興奮影多啲相先！醬油海鮮（連飯）$582好豐富嘅set，有醬油蟹x2、醬油蝦x3、醬油鮑魚x3 及 醬油扇貝 x3，仲配咗一大碗紫菜飯用嚟撈蟹膏食🤤🤤 佢哋嘅醬油海鮮好鮮甜唔會勁鹹，蟹🦀仲有好多膏！撈多兩碗飯都得🤤🤤LA烤牛排 （連飯）$240LA牛排跟一碗白飯，呢個烤牛扒其實係類似牛肋骨嘅部位，連埋火爐同埋煎pan上枱，牛扒嘅油花好靚，店員會幫手燒，加白酒點火有火焰表演睇好有氣勢🔥😆 燒出嚟嘅牛扒好軟嫩好淋，甜甜哋嘅醬油炒埋嘅洋蔥撈飯都好正。海鮮煎餅 $148每次食呢間餐廳都會叫海鮮煎餅，煎得金黃又香脆勁足料。燉煮豬腳 $320配生菜及大量洋蔥、辣椒、蒜頭、醃蘿蔔、泡菜以及韓式辣醬等等俾你夾住食。好大份！ 無3個人以上都好難食得晒😮 燉煮咗嘅豬腳好肥美軟熟，好入味，滿滿骨膠原口感一流。冷麵（少辣）$120可以揀辣嘅程度，可以大膽少少揀辣啲😂 少辣真係無乜辣味。好清新酸酸地夠冰涼，加咗半隻烚蛋、牛展、蘿蔔及青瓜絲，食完咁多濃味嘅韓國菜，食返個冷麵解解油膩感非常唔錯。米酒 $120倒咗落一個大嘅韓式金屬鍋上檯，用金屬細碗同朋友乾杯好有儀式感。原來有多款有酒精及無酒精特飲，唔飲酒嘅朋友叫咗杯曲奇沙冰都好濃郁賣相又靚。
繼續閱讀