Bingo & Cook (京都廣場)

今次嚟到位於銅鑼灣韓國菜餐廳Bingo & Cook，由韓國人主理，食物味道正宗。餐廳用上韓國街頭布帳馬車為風格，令人好似置身喺韓國路邊大排檔一樣，好有韓國feel，佈置有韓國路牌、地鐵、店舖、電話亭、機舖、紅綠燈等，到處都係打卡位。餐廳位置方便就腳，環境舒適闊落，同朋友喺度傾計食飯好有氣氛。1小時無限任食醬油蟹最近餐廳推出$199/1小時任食醬油蟹。除咗蟹油蟹，仲可以任食炸雞、年糕香腸串、紫菜飯、韓式炒牛肉、大醬湯同埋炸餃子，另外仲有汽水供應，性價比好高。醬油蟹第一碟雌蟹肥美多膏，鮮濃飽滿，口感滑嫩Creamy，用嚟拌飯一流，難怪有白飯神偷嘅稱號，其後第二碟可以向店員無限追加任食雄蟹，雄蟹蟹肉比較飽滿，加上醬油鹹香帶甜，同樣好適合拌飯。炸雞 炸雞外表金黃酥脆，而且係無骨啖啖肉，食落好方便，內裏Juicy有肉汁。韓式炒牛肉牛肉味道鹹鹹甜甜，帶有芝麻醬汁香同埋洋蔥甜味，牛肉質感軟嫩多汁。年糕香腸串韓式年糕口感煙靭，帶有醬料嘅甜辣味道，搭配味道鹹香香腸，係經典嘅韓國街頭小食。…查看更多

一向都勁鍾意食韓式醬油蟹🦀，今次老公俾咗個超大驚喜我！💖 特意帶我去咗間醬油蟹放題店，啖啖鮮甜蟹膏完全係天堂級享受😍，絕對能滿足我愛蟹嘅心情！食到超滿足，大滿足！👍Bingo & Cook 而家推出左醬油蟹任食套餐，套餐已包左醬油雄醬、紫菜飯、泡菜豆腐湯同埋一啲炸雞、小食，仲可任飲汽水，真係抵呀！🔅醬油蟹60分鐘任食，質素都好好，啲蟹膏多到滿瀉😱，好似食緊鹹香版冰淇淋咁！🍦🦀 蟹肉一啜就滑入口，鮮甜到不得了🤤，撈飯真係無得頂呀！👍🍚🔅炸雞塊個皮脆到「咔嚓」聲📣，入面啲雞肉仲好juicy💦🐔！個甜辣醬啱啱好，食到舔舔脷👅，好邪惡但好滿足！🔥🔅韓式串年糕+腸仔年糕煙煙韌韌🍡，腸仔煎到香噴噴！個醬汁甜甜辣辣🌶️🤎，掛滿成串，好惹味，一口接一口停唔到！😆🔅泡菜豆腐湯泡菜夠酸辣🥬，豆腐滑溜溜💫🍲，湯底好濃郁！🔅紫菜飯簡單但係好好食！紫菜脆口💥，飯又軟熟🍚，配醬油蟹，一流👐✨套餐外我額外加左🔅醬油蝦啲蝦肉爽脆彈牙到不得了！🦐 醬油鹹中帶甜，完全滲透入蝦肉，鮮味大爆發🤩！蝦膏甘香，好妹味！必試～👍最後老公話想試下啲個🔅超巨型50cm海鮮盤嘩！個盤成半米長🍲，要2㑼爐頭先可以搞得掂！好誇張！海鮮全部都好新鮮💯，大蝦爽甜🦐，鮑魚彈牙🐚，仲有元貝、青口每樣都鮮味爆棚！💥🌊…查看更多

記得第一次食醬油蟹已經係好多年前喺韓國食，而家喺香港都可以食到喇。餐廳內部嘅設計令人覺得好似身處韓國咁，有韓國店員接待，好有地道風味同埋特色。任食套餐係60分鐘嘅，店員推介咗我哋食雌蟹，雌蟹體型雖然較雄蟹細，但佢肉質緊實，蟹膏較為濃郁。首先店員會將全部菜式都上一次先，醬油蟹，第一碟一次雌蟹，之可無限追加公蟹，而無限追加的蟹就沒有蟹殼。雌蟹蟹肉飽滿，搭配特製的醬油醬汁，味道濃郁，帶有微微的甜味。蟹的鮮味在醬汁的襯托下，味道好突出。之後由於其他食物太豐富嘅關係，我哋都冇再追加公蟹，建議嚟食任食醬油蟹嘅朋友要留肚食啊。烏冬炒年糕烏冬的滑順與年糕的嚼勁形成了絕妙的對比，搭配新鮮的蔬菜和香噴噴的醬料，讓整道菜色彩繽紛，香氣四溢。炸雞 炸雞係原味炸雞，外皮金黃酥脆，咬下去時能感受到裡面的肉汁四溢，味道鮮美。年糕香腸串 年糕香腸串係一道好吸引人的小吃，年糕的柔韌與香腸的香氣相互融合，口感獨特。每一串都經過精心烤製，外脆內軟。紫菜飯 紫菜飯，搭配新鮮的配料，清爽的口感為整頓餐點畫上了完美的句號。紫菜的鹹香與米飯的細膩，讓人感受到海洋的氣息。罐裝飲料可以有唔同嘅汽水選擇。我哋再追加咗支啤酒，啤酒配炸雞係必然嘅選擇。另外，我們加了$99，追加了一個韓牛烤腸，配料10分豐富，有薯仔片，南瓜，韓牛，牛腸仲有香腸。韓牛味道好濃，肉質鮮嫩，油脂分布均勻。烤腸的外層焦脆，內部則保持多汁，帶有濃郁的肉香和微微的煙燻味。這一餐我們真的感受到食材嘅鮮味，從醬油蟹的鮮甜到炸雞的酥脆，每一道菜都展現了廚師的用心與創意。…查看更多

香港有唔少韓國餐廳，而今次去食嘅呢間餐廳，朋友覺得同韓國當地嘅味道同環境好似，想食韓國嘢可以去試下泡菜餅 $128呢個泡菜餅都有6、7塊，圓餅嘅外表同平時見開嘅有啲唔同，食落又幾重泡菜味，又唔會好辣， 中間仲有一小球忌廉薯蓉，都幾好食家燉煮豬腳 $320韓國其中一樣出名嘅菜式就係豬腳，今次都叫咗一份豬腳嚟試下，豬腳已經幫手拆骨切片， 另外仲有生菜、醃蘿蔔、大醬、青陽辣椒、洋蔥等配料，可以夾埋豬腳一齊食，豬腳口感軟淋，煮得入味Set b炸雞套餐 $316另外想食得豐富啲，就叫咗一個炸雞套餐，揀咗蒜香醬油炸雞、香腸年糕串，同埋玫瑰醬炒年糕。 雖然叫咗半份，但係其實份量都唔少㗎，炸雞外脆內軟，落嘅醬汁又夠，真係幾滋味； 香腸年糕串外表搽咗陣蜜糖，年糕食落去煙韌，有啲似麻薯； 玫瑰醬炒年糕更加冇得彈，入面有即食麵、洋蔥、魚糕、年糕、香腸同埋雞蛋等配料，醬汁濃稠，充滿芝士香味，年糕、香腸吸飽玫瑰汁，實在值得一試！梳打水 $36…查看更多

這家韓國餐廳其中一個賣點，就是馬車帳蓬位。說穿了就是韓劇常常出現的大排檔場景，坐在這個位置用餐，有種進入韓劇世界的感覺呢🦀50cm韓國海鮮鍋目測真的有50cm長，要兩個卡式爐才放得上去加熱，上面裝滿各式海鮮，由左至右數過去，有一隻完整的蟹/2隻中蝦/3隻扇貝/2隻鮑魚/1隻魷魚/3隻大青口/6隻藍青口/數不清幾多隻蜆，及放在窩底的蔬菜雜菌和泡菜，十分澎湃。煮海鮮timing 很重要，先吃最快熟的蜆/青口/扇貝，熟了殼自然彈開，肉質嫩滑無渣，一口一個相當痛快。然後到魷魚和鮑魚了，都是爽滑彈牙的口感。大蝦和蟹拆殼後把豐滿的肉肉往泡菜湯底浸一下，泡菜湯底的香辣味不會太霸道地蓋過海鮮的原味, 反而帶出鮮甜的味道。食完海鮮還可以加粉絲，好好吸收各款海鮮融入泡菜湯的精華，才是海鮮鍋的完整體驗🐥甜辣炸雞配香腸年糕串（半份）上次食過，今次再食，依然保持高水準。炸雞外層金黃香脆，沾滿多甜少辣，非常惹味的醬汁，包著嫩滑多汁的雞肉，還要已去骨啖啖肉。香腸年糕串也炸得香口，年糕外脆內煙靭有咬口，甜辣醬下仍然嚐到清新米香，和濃味的脆皮腸是絕配🥃Grape Coronarita一支Corona 啤酒倒插在玻璃杯上，上重下輕完全違反物理學的畫面好衝擊眼球，非常適合打卡。Coronarita 其實是 由Corona 和 Margarita 組合而成的雞尾酒。每呷一口，上面的Corona 會緩緩流下去混合杯裏的Margarita，舌頭會同時嚐到Corona 和Margarita 分別的味道，加上少許提子的甜味，整體是清新微醺的感覺，易入口不易醉🍹芒果忌廉溝鮮奶韓國的忌廉溝鮮奶，即是Milkis了，配香甜的芒果汁，怎會有不好飲的可能？還可以有效解辣呢P.S. 店內有大量韓國街頭風打卡位，要預留時間打卡啊…查看更多