Bingo & Cook (京都廣場)

營業中

休息中

最近又心思思想食韓國野，所以就來到Bingo & Cook嘅銅鑼灣分店！一去到門口就已經有個櫻花樹打卡位，再望吓周圍嘅環境，個感覺真係彷如置身喺韓國街頭一樣！望住呢啲充滿韓國風格嘅裝修，然後一邊品嚐住韓式料理，真係零舍有氣氛啊～✨前菜有泡菜、西蘭花、蓮藕同埋青瓜～韓式牛肉海鮮鍋加粉絲💰HK$375叫咗呢個近期嘅新品 — 韓式牛肉海鮮鍋！中間有大量嘅秘製牛肉，仲有多款海鮮包圍住！湯底嘅味道越煮越突出，推薦一定要加粉絲，等啲粉絲吸收晒湯底嘅精華！韓式粉絲嘅口感Q彈，掛汁能力極高，越食越惹味～醬油蟹一隻連飯💰HK$270蟹肉質地嫩滑，醬油嘅鹹香味亦增強咗蟹肉嘅鮮味！用醬油蟹啲蟹肉蟹膏，加埋雞蛋撈飯，味道真係超正👍🏻～蜜桃忌廉溝鮮奶💰HK$58啖啖都係蜜桃嘅果香味，清新爽口～Snowing Choco Latte💰HK$88賣相滿分，最頂層仲有雪糕啊！充滿濃郁嘅朱古力奶味，甜度剛剛好～

聖誕除夕特別多活動聚餐，今次去左銅鑼灣既Bingo & Cook 同朋友慶祝。餐廳由出lift到內部風格佈置已經韓風復古大排檔Feel，加上聖誕節添置了唔少聖誕裝飾，基本上未食之前可以瘋狂打卡！人氣推介▫️50cm韓式海鮮鍋 $380，基本上每枱必點。湯底係泡菜湯，味道愈煮愈濃味；仲有滿滿既海鮮，有蟹、蜆、青口、八爪魚等等，十分豐富！食蟹嘅季節當然要嗌▫️醬油蟹 $380，兩隻嘅醬油蟹都蟹膏肥美，可惜入口有啲腥，加入蛋黃同紫菜飯會好些少。推薦▫️牛肉炒粉絲 $128，香口惹味！唔夠食仲可以叫多份▫️甜辣炸雞配香腸年糕串 $218，完全大滿足。店內環境寬敞，而且韓feel滿瀉，十分適合一大班朋友聚餐聯誼！喜歡韓風既朋友仔，絕對不能錯過呢一間打卡餐廳。

為咗醬油蟹 同朋友特登走過去銅鑼灣食 兩個人叫左兩隻加一個泡菜豆腐湯 醬油蟹好食 膏鮮甜 撈飯食一流 但個泡菜湯..真係唔太得 一味得個辣 有種加辣油搞辣佢嘅感覺 食左唔夠一半都停晒手 當日現場環境昏暗 會唔小心起身撞到周圍嘅佈置 再加上兩個人埋單都700… 表示只此一次..

👧🏻😋👅🍽✨韓國街頭風味🥰必食醬油蟹-🇰🇷 店內好多韓國特色打卡裝置, 車站路牌, 電話亭, 牆邊小店佈置都令食客好似置身於韓國街頭🇰🇷 韓式前菜有番薯, 青瓜, 菠菜同泡菜, 都係無限refill; 特別一提啲餐具同碟立立令勁乾淨-🦀 醬油蟹2隻 (連飯) $380💯秋風起食大閘蟹, 而韓式醬油蟹係一年四季都岩食🥰 蟹肉軟滑, 蟹膏濃香鮮甜爆晒出黎, 配上鹹辣甜味好平衡既醬油, 同飛魚籽紫菜飯係絕配可以瘋狂食!-🐂 牛肉煎餅 $148✨與其叫牛肉煎餅, 不如叫煎餅牛肉😂 咬落啖啖肉好juicy, 質地較soft但亦有少少煎餅香脆同埋唔會覺得膩; 鋪面既辣韭菜勁惹味-🍗 蜂蜜黃油炸雞 (半份) $130💯外脆內軟肉嫩爆晒汁, 蜂蜜黃油粉好幼細, 均勻滲透炸雞-🍲 雪濃湯 (配飯) $145✨牛骨湯底呈奶白色好清甜, 飲多多都可以, 入面有牛𦟌同幼麵條, 另附上胡椒調味, 再配個白飯做湯飯係健康之選

從駱克駅搬遷至京都廣場的「Bingo & Cook」不僅空間變得更寬敞，還加入了許多充滿特色的打卡點，讓整間餐廳充滿了濃濃的韓國街頭氣息。一進門，你會被這裡的裝潢所吸引：有路牌、甚至還有復古髮型屋，瞬間把你帶入韓國街頭大排檔的場景。配合店內播放的K-pop音樂，整個氛圍感直衝滿分，絕對是一個享受美食的好地方。仲有街機打！這次我們嚐了幾道必點的招牌菜，每一道都讓人驚喜不已：醬油蟹：這道菜的醬油蟹絕對是整個用餐過程的亮點。蟹肉鮮嫩多汁，配上醇厚的醬油，味道濃郁且層次豐富，讓人一吃就停不下來。蒜香醬油炸雞配香腸年糕串（半份）：炸雞外酥裡嫩，蒜香四溢，每一口都充滿了驚喜。搭配的香腸年糕串更是口感豐富，絕對是下酒的最佳選擇。雪濃湯：牛骨製成濃湯湯底濃厚鮮美，喝上一口，整個身心都暖了起來。海鮮煎餅：煎餅酥脆香濃，內裡充滿了豐富的海鮮，口感層次分明。「Bingo & Cook」不僅提供了正宗的韓式料理，還讓你在這個充滿韓風的空間裡，彷彿置身於首爾街頭！