Bingo & Cook (京都廣場)

營業中

休息中

喺香港想食韓國嘢好簡單，近年真係好多韓國餐廳，但係要食正宗嘅韓國菜，仲要有feel嘅環境真係好少有！ 今次我嚟到銅鑼灣呢一間韓國餐廳，佢嘅佈置真係靚到哇一聲，打卡必食！佈置到好似韓國鐵路同埋街景，仲有大排檔、車仔檔、各式各樣韓國嘅元素，未食嘢先興奮影多啲相先！醬油海鮮（連飯）$582好豐富嘅set，有醬油蟹x2、醬油蝦x3、醬油鮑魚x3 及 醬油扇貝 x3，仲配咗一大碗紫菜飯用嚟撈蟹膏食🤤🤤 佢哋嘅醬油海鮮好鮮甜唔會勁鹹，蟹🦀仲有好多膏！撈多兩碗飯都得🤤🤤LA烤牛排 （連飯）$240LA牛排跟一碗白飯，呢個烤牛扒其實係類似牛肋骨嘅部位，連埋火爐同埋煎pan上枱，牛扒嘅油花好靚，店員會幫手燒，加白酒點火有火焰表演睇好有氣勢🔥😆 燒出嚟嘅牛扒好軟嫩好淋，甜甜哋嘅醬油炒埋嘅洋蔥撈飯都好正。海鮮煎餅 $148每次食呢間餐廳都會叫海鮮煎餅，煎得金黃又香脆勁足料。燉煮豬腳 $320配生菜及大量洋蔥、辣椒、蒜頭、醃蘿蔔、泡菜以及韓式辣醬等等俾你夾住食。好大份！ 無3個人以上都好難食得晒😮 燉煮咗嘅豬腳好肥美軟熟，好入味，滿滿骨膠原口感一流。冷麵（少辣）$120可以揀辣嘅程度，可以大膽少少揀辣啲😂 少

呢日嚟咗呢間韓式餐廳 見到餐廳有唔少打卡位 好似一開𨋢門就見到嘅櫻花樹同紅色電話亭 仲播住好多韓文歌 真係好韓啊🇰🇷燉煮豬腳份量真係好多🐷 除咗有原隻嘅豬手之外 仲有兩隻豬腳 滿足晒鍾意噒骨或者係鍾意啖啖肉嘅朋友☺️ 豬腳燉得好入味 側邊仲有其他配菜包括辣椒 醃菜 可以包個生菜包一齊食 咁就冇咁肥膩啦🥬 再點少少韓式辣醬係一個完美嘅組合原味炸雞配芝士球我哋嗌咗一份全份嘅炸雞 份量都真係幾多🍗 炸雞係無骨炸雞 熱辣辣炸完入面仲好Juicy 個人覺得點埋蜜糖芥末醬更加可以減輕油膩感👍🏻 呢個炸雞仲配有三舊芝士波 芝士波嘅外層係薯蓉 都幾有驚喜🧀炸魷魚呢個小食係原隻嘅炸魷魚🦑 炸粉唔算太厚 魷魚嘅肉質彈牙 整個小食都好香脆 不過略嫌少咗個醬汁 如果有埋個專點炸魷魚嘅醬汁就會冇咁乾啦😮 不過呢一個都係一個好味嘅小食炸蝦紫菜包飯紫菜包飯係韓國菜其中一款好出名嘅菜式 呢度有幾款餡料可以選擇 我哋就揀咗炸蝦🍤 紫菜包飯入面除咗有好大隻嘅炸蝦之外 仲有紅蘿蔔絲 青瓜絲 雞蛋等等嘅配菜 所以一啖食落去嘅口感好豐富🥒牛肉炒粉絲呢個係友人好鍾意嘅粉絲 韓式粉絲嘅質地較軟身 唔算好有咬口 但係就非常足料 有秀珍

想食韓國嘢，朋友極力推介bingo and cook，話呢度味道好正宗，因為餐廳真係有由韓國人 經營。一上到去，餐廳氣氛好好，除不斷播放韓國 k-pop，連裝潢都好有特色，極具韓風，感覺好似真係去左韓國。蒜香醬油炸雞配香腸年糕串(半份)  $140甜辣炸雞配香腸年糕串(半份)  $140點咗兩款唔同口味嘅炸雞，半份嘅份量都幾多。炸雞外皮炸得香脆，內裡雞肉嫩滑多汁。蒜香醬油味道甜甜地，炸雞加入蒜片一齊炸，好有蒜香味。而甜辣炸雞味道辣中帶甜。年糕炸過，外層焦脆，裏面煙煙靭靭。Bingo特製紫菜包飯  $ 80好鍾意食紫菜包飯，飯卷包住好多材料，除咗自選嘅芝士同牛肉，其他材料有青瓜絲、甘筍絲、蛋絲、醃蘿蔔，口感好豐富。燉煮豬腳  $320朋友極力推介呢個燉煮豬腳，話之前食過勁好食。豬腳燉得好腍好入味，燉豬腳仲附有一籃生菜，俾客人包住豬腳同配菜一齊食，減低油膩感。牛肉炒粉絲  $128炒粉絲口感煙韌，加入牛肉、洋蔥、甘筍、菇菌，味道甜甜地帶點麻油香。海鮮煎餅  $148煎餅煎得又薄又香脆，入口脆卜卜。大大塊海鮮煎餅，裏面勁多材料，每一口都充滿海鮮餡料，真係食唔停口。燒酒塔  $258燒酒塔