影片
港鐵銅鑼灣站 C 出口, 步行約4分鐘
繼續閱讀
電話號碼
22149388
59866999 (WhatsApp)
開飯介紹
店舖佔地9000呎，裝修設計走70年香港懷舊風。火鍋湯底除懷舊選擇外，亦有不少新式湯底。配料多樣，供應澳洲牛肉、安格斯、手切本地牛等，亦有其招牌配料鬼馬蝦膠及海膽餃子等。
繼續閱讀
營業時間
今日營業
18:00 - 02:00
星期一至日
18:00 - 02:00
以上資料只供參考, 請與餐廳確認詳情
有關獎賞計劃
相關文章
呢間火鍋朋友仔講咗好多次話好食，但次次我哋都太臨時約，Book唔到😂 呢日終於Book到喇！餐廳喺地牢，要落一層，落到去好似時光倒流咁，懷舊風嘅裝修，氣氛好好！而且地方都幾大，都有幾多外國人食～坐低無耐，職員放低咗#醬料 盤。除咗有常見嘅炸蒜、辣椒、蔥、芫荽⋯等等，佢地仲有提供 #新鮮沙薑 ！平時我都鍾意食新鮮沙薑，而且打邊爐未見過有得落，有驚喜！湯底好多選擇，有成22款😯 最尾我哋揀咗 #花雕藥膳醉雞湯 + #大紅袍招牌麻辣燙 雙拼$178花雕藥膳醉雞鍋酒味好香，隻雞醃得好入味，而且好滑唔鞋👍 麻辣都好香好惹味～嘢食方面叫咗呢啲：極級本地手切肥牛 （例牌）$338桂花蚌 $138鵝干墨魚丸 $98墨魚丸 $88梅菜豬肉丸 $78娃娃菜 $42個肥牛牛味又香又濃，好食👍佢哋啲丸都出色，夠彈牙，仲有我鍾意嘅梅菜丸❤️呢間火鍋裝修有特色，湯底、嘢食好食，特別有新鮮沙薑做醬料，加分加分～ 不過打邊爐真係要人多先食得多嘢～下次要約多啲人去！
繼續閱讀
【灣仔區】【樓下火鍋飯店】約咗啲朋友喺銅鑼灣打邊爐，一行五人嚟咗呢間喺地庫嘅火鍋店。裝修得幾有老香港情懷，好似啲好舊嘅大牌檔咁，有 feel。開動之前享用咗 $15 位嘅「醬油」先，混吓醬。仲有 $40 兩碟嘅「餐前小食」，開吓胃都幾好。打邊爐，湯底好緊要，叫咗 $138 嘅「火焰花甲煲湯」，著住火咁煮夠過癮，食落亦都唔錯嘅。冇人唔食牛就整碟 $398 嘅大「極級本地手切肥牛」，係好食，又嫩又重牛味。跟住 $88 嘅「蟹籽墨魚滑」香口又彈牙，都唔錯呀。之後 $88 嘅「手打牛筋丸」係工夫之作，值得叫。到 $75 嘅「椒鹽雞軟骨」、$70 嘅「冰鎮鮑片」同 $58 嘅「椒鹽粟米」都係唔使淥即食嘅食物，水準都可以嘅。第二 round 嚟喇，碟 $338 嘅大「頂級安格斯牛頸脊」都幾好。我至愛係 $90 嘅「新鮮肥鵝腸」，一個字：正。而 $88 嘅「黑柏葉」同 $65 嘅一「花枝片」都好食嘅，炸物就叫咗 $60 嘅「紫菜炸響鈴」同 $52 嘅「炸芋頭」，今次呢啲都係放湯食都得嘅，可以話係多一重享受，幾好呀。嘢飲方面，由於有我呢個嘢飲怪喺度，所以叫咗三渣嘢，分別係各 $68 嘅「百香果檸檬七喜」同「青檸梳打」加埋 $40 嘅「竹蔗水」，前者有新鮮感，可以一戰嘅。埋單價係 $2089，我哋五位，即係一人 $418，我覺得個價可以吖。。。（地址：銅鑼灣駱克道441號駱克大廈A座地下A號舖及地庫）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #樓下火鍋飯店 #銅鑼灣火鍋 #打邊爐 #火焰花甲煲湯 #極級本地手切肥牛 #蟹籽墨魚滑 #手打牛筋丸 #椒鹽雞軟骨 #冰鎮鮑片 #椒鹽粟米 #頂級安格斯牛頸脊 #新鮮肥鵝腸 #黑柏葉 #花枝片 #紫菜炸響鈴 #炸芋頭 #百香果檸檬七喜 #青檸梳打 #竹蔗水 #1am1271 #1ambackup
繼續閱讀
樓下火鍋@銅鑼灣🌟鍋底嚟講，我哋就叫咗鴛鴦，有沙嗲同埋豬骨湯，我哋四個人嚟食，所以都叫咗幾個唔同嘅嘢食大家分，比較出色，有佢嘅手切肥牛，牛肉味非常香濃，而且油脂平均分布，賣相已經好靚仔，食落去都唔錯，鴨血加埋沙嗲湯底，吸收晒湯精華更加好食，略嫌overall有少少貴好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟
繼續閱讀
Random地想打邊爐～臨時臨急先打去book枱好彩都book到即晚（星期五）八點社交平台成日見到呢間 終於去試到！一入去已經覺得個裝修好靚 好有八九十年代feel店員好好人👍🏼👍🏼“湯底$138 醬料每人$15 唔算平 不過選擇真係好多同埋好足料特別推薦ヾ(´︶`*)🍽️手打牛筋丸 $88🍽️蟹籽墨魚蝦滑 $88🍽️頂級安格斯牛頸脊 $338🍲火焰花甲湯底 $138 （呢個超正！“女仔食量 最後埋單平均每人$360其實唔算平 不過質素一定好食過任食邊爐尤其是佢個花甲湯底 牛肉粒同埋花甲都好香 火焰效果又可以影相 推薦(*´∀｀)〃📍地址：樓下火鍋飯店 (銅鑼灣)銅鑼灣駱克道441號駱克大廈A座地下A號舖及地庫
繼續閱讀
一直都覺得火鍋嘅食評好難寫，因為太多野想寫，花多眼亂，所以都係集中講幾樣好啲，減法的藝術。 銅鑼灣樓下火鍋飯店真係喺住宅大廈樓下落地牢，一入門口有水缸養住生猛海鮮。懷舊港式大牌檔裝修，鐵閘、圓枱、gas爐。 🧂醬料方面都有唔少選擇，不過我一般都係用蒜蓉、辣椒、蔥花、麻油、豉油。簡單做少少調味又唔會太蓋過食材嘅鮮味。如果有時有啲特式醬料都會另外試少少嘅。 🥥清甜椰子雞湯：主要有粟米、椰子同埋雞。近年花膠雞湯大熱，但係食得太多都有啲膩，清清地食椰子雞湯都唔錯 🥩大紅袍牛肉五拼：一次過可以試5款牛肉，不過我最愛嘅都係封門柳 🥚滑牛肉：配一隻生雞蛋，喺其他地方都有試過呢個做法，不過比較少見喺一般鮮牛肉上面 🪿鵝腸：好肥美 🍜粉絲：好多人打邊爐鍾意食公仔麵或者烏冬，我就鍾意食粉絲，比想像中大碟，我影相嗰陣已經係食左少少 🪑座位分佈唔會太密集，枱同枱之間都有足夠空間，唔會太逼。
繼續閱讀