樓下火鍋飯店

該店嚴格執行“超時趕客走”的company policy打邊爐限時兩小時其實已經食得好趕（我地準時冇遲到)。再加上係慶祝生日大家飲多兩杯，兩小時真係吾多夠。但該店話之你，1.5小時放低張單，1.8小時催你埋單，2小時正立刻收曬台面D野。我地有肥牛餸菜未食飯完 - 俾膠袋我地載走我地有酒未飲完 - 叫我們拎走係街飲成班人當場呆左係，該店好多人訂台有人等緊。係，佢地做生意想高table turnover。但我地吾係食緊茶餐廳，每人每位俾緊$1000點解要咁受氣？唔知其他食客俾人趕走時有D咩感受，但Sorry我好肯定我唔OK亦唔會再幫趁。食物的話其實係OK，環境亦都唔錯。係service零分，可惜！…查看更多

詐騙餐廳，轉菜式收貴我$111落單後呀姐話無$248刺身，幫我哋轉另一個，無講清楚轉咩幾多錢，又無講清楚價錢唔一樣， 仲要一路講一路好急咁走左去，淨係話都幫手轉幫你搞掂佢。平時幫手轉嘅價錢都一樣，價錢有差距一定講，埋單對單先發現要俾多$119，我問點解揀呢個呀姐話我哋揀咗大牛肉，但係我哋當時冇點菜子喺手所以睇唔到，地牢收唔到訊號，佢哋又冇提供無線上網，根本佢話乜就乜，之後返到屋企先發現刺身固定大細，阿姐自把自為幫我哋揀咗個大嘅就屈我哋。我問阿姐點處理，阿姐又問返我想點話我而家食咗佢碟肉要收全數呢間嘢詐騙咁落完單幫你轉咗個菜，然後等你食晒埋單嘅時候先發現，因為佢哋上菜係就咁擺低啲嘢就走開，根本唔會同你講呢個係乜嘢嚟，你亦都冇餐牌喺度對唔番啲價錢。地牢無signal又唔提供wifi , 電話完全收上唔到網小小一碟前菜收你廿蚊碟，按人頭計$20 ，會唔會人多上多幾碟就唔知啦汽水漏單，叫佢補上佢收我兩次錢，俾錢之前對單先發現，叫阿姐過嚟幫我剷咗佢個豉油又收$15 ，去咁多次打邊爐都冇試過收豉油錢，去超市買仲大份過佢呢杯仔。佢又用呢個木盒海量醬料俾你揀做賣點，但係個盒每次上嚟用完唔夠5分鐘就會俾人收走，$15係水魚價兩個人食埋單$600俾呢間劏遊客嘅店劏到一頸血個湯一開始ok ,加多幾次勁鹹想你買嘢飲…查看更多

每年生日我有個朋友都會同我食生日飯，不知為何每一次都係打邊爐！今年他揀咗樓下火鍋，其實我之前都嚟過。氣氛真係好好，我很喜歡它的裝修，很有九龍城寨的感覺！香港草根的味道。霓虹燈以及舊式地鋪的門匝。他們的樓面穿着白色復古樓面果種扣鈕的工衣，很有90年代的感覺。食物方面，我們選擇了胡椒豬肚雞湯底，牛三寶，好似係咁叫（三款牛肉）蟹子蝦丸 同埋西洋菜。朋友見到有哈爾濱啤酒，話好好飲，確實唔錯，係唔苦的。幾適合我這種不飲啤酒既人。牛肉好味 蝦丸好味！湯普通少少胡椒豬肚無咩味，可以再好d！本身無唸住寫評論，所以無影相，不過都係想記錄一下呢餐飯！仲有它開到凌晨2點！…查看更多

呢間位於樓下既火鍋飯點好有香港的大排檔味道，一進入店舖，成個飯店都裝修成一個像電視劇黑社會講數咁既場景。而且飯店仲係用緊gas 爐。食物質素方面，牛肉都幾好食、仲有啲特色丸子、餃子，食落又彈牙又多汁。湯底係雞湯所以唔錯，仲有菊花茶飲。…查看更多

今次同朋友嚟到樓下火鍋飯店打邊爐，感覺好似一秒返到70年代！裝修走懷舊港式大牌檔風，霓虹燈、鐵枱鐵凳同手寫招牌超有Feel，仲見到一啲外國遊客影相，氣氛熱鬧！🍽️椒鹽粟米椒鹽粟米炸得外脆內嫩，鹹香微辣，食落好似小份薯條咁開胃！唔使涮直接食就得，好惹味！🍽️鴛鴦鍋（花雕藥膳醉雞湯 + 清甜椰子雞湯）鴛鴦鍋真係今晚嘅主角！花雕藥膳醉雞湯帶濃濃酒香，雞肉炆到軟滑入味，仲有藥膳嘅暖胃感覺，飲落唔會太重口，清甜自然。清甜椰子雞湯就走清新路線，椰香同粟米嘅甜味混雜，湯底滑溜又有少少膠質，涮菜特別啱。兩款一濃一清配搭得啱啱好🍽️大沙白蜆大沙白蜆新鮮彈牙，肉質飽滿，涮熟後有海水嘅鮮甜味，放在清甜椰子雞湯煮，味道更突出！🍽️肥牛肥牛薄切得啱，涮幾秒就熟，油花均勻，入口嫩滑牛味濃郁！放喺花雕藥膳湯底特別juicy🍽️桶蠔桶蠔肥美多汁，涮熟後鮮味爆棚，肉厚又有海鮮嘅天然甜味，配花雕湯底嘅酒香好match！🍽️CoCoBerry Ice-Cream香蕉拖肥味收尾有CoCoBerry嘅香蕉拖肥味雪糕送，清新解膩！香蕉味濃郁，拖肥（奶油）滑溜甜度啱啱好…查看更多

朋友最近推薦了一家餐廳，說它的裝修充滿懷舊的港式風格。然而，實際經歷卻讓我相當失望。首先，餐廳的服務效率極差，漏單情況非常嚴重。我呼叫待應等了很久，但始終沒有人來跟進，這讓我感到非常不滿。眼見餐廳人手充足，但似乎職員當顧客透明。見到食客招手，裝作看不見。再者，食物的質量也讓我失望。雖然菜單上有很多選擇，但實際上食物的味道平平無奇。此外，性價比不高，最後以3000多元的價格結帳，卻感覺吃不飽。更讓人無法接受的是，服務態度極差，十分趕客，不僅沒有服務，還要收取10%的服務費、醬油費和前菜費用，共400-500蚊。在銅鑼灣這麼多選擇中，真的不需要選擇這間餐廳。任食放題質素比這間還好。這家餐廳真的不值得一試。…查看更多

香港探店感樓下火鍋飯店這家樓下火鍋飯店裝潢上真的非常用心全部複製70年代懷舊風餐廳非常寬敞處處都是復古風情，打咭一流（醬料出色除咗有常見嘅炸蒜、辣椒、蔥、芫荽⋯等等，佢地仲有提供#新鮮沙薑！平時我都鍾意食新鮮沙薑，而且打邊爐未見過有得落，有驚喜！湯底好多選擇，有成22款最尾我哋揀咗懷舊龍沙嗲湯之前試過花雕藥膳醉雞鍋酒味好香，隻雞醃得好入味，而且好滑唔鞋麻辣都好香好惹味😍😍😍😍…查看更多

想食咗好多年嘅火鍋，終於喺11月時趁生日捉朋友請我食😂依間火鍋店裝修勁懷舊，好多唔同主題，好有feel, 吸引咗好名遊客幫襯，坐我哋隔離檯嘅就係韓國遊客🙂我哋要咗胡椒豬肚雞湯底 $148，叫咗花雕肥牛 $138，三文魚腩刺身 $128，牛脷粒 $128，五寶丸 $108，鮮鵝腸 $98，脆鯇魚骨腩 $98，紫菜炸響鈴 $68，打邊爐最重要係飲返楂酸梅湯 $40，兩個人埋單 $1100，食物質素唔錯，價錢中上，如果要嚟幫襯記得訂檯，平日都全場爆滿🤩評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉翻兜指數：🩺🩺🩺🩺樓下火鍋飯店銅鑼灣駱克道441號駱克大廈A座地下A號舖及地庫📍銅鑼灣港鐵站C出口4分鐘路程#healingbobo #foodie #hkfoodie #foodiehk #香港 #美食 #CWB #銅鑼灣 #香港好去處 #香港打卡 #香港美食 #銅鑼灣美食 #留港消費 #高質 #人氣 #火鍋 #Hotpot #樓下火鍋 #樓下火鍋飯店…查看更多

日本朋友嚟香港探訪想帶佢體驗吓香港嘅地道文化天氣又凍凍地就諗起打邊爐啦朋友介紹嚟呢一間火鍋店裝修感覺極度港風睇得出喺呢方面店家用咗好多心思去呈現每一吋都好有香港情懷好似入咗一個電影場景咁湯底方面都好多選擇我哋就揀咗沙嗲、美人鍋、醉雞鍋同胡椒豬肚雞食材方面其實都幾多選擇有啲古靈精怪嘢都值得試吓例如有鵝肝，豬腦非常新奇真係嚇你一跳！牛肉我地都order左好多唔同部位試吓其中一個覺得幾得意係牛肉刺身個人就覺得唔係咁好食刺身牛太薄又凍冰冰個感覺真係好似喺街市買咗啲打邊爐嘅肥牛就咁生食可能係食唔慣最後都係用嚟烚晒佢反而有入口即溶嘅感覺🤣其他食物水準都ok 朋友都食得好開心嘅唯一問題係唔知點解明明好多員工但好多十問九唔應😮‍💨加單叫咗個蔬菜盤等咗差唔多半粒鐘都未嚟希望Service可以改善下…查看更多

呢排咁凍一定係要打邊爐🈶 今日就去試朋友推薦嘅呢間樓下火鍋飯店 一大班人食都得 ‼️記得要book位‼️ 裝修好靚嘢又好食 湯底推薦胡椒豬肚湯 落配料之前飲番碗 勁暖身😭❣️仲有必試係滑牛肉($118) 係連埋雞蛋一齊的 幾特別 好食！另外手打丸類推薦梅菜豬肉丸 ($82) 好少見同埋好入味好好食…🥹 仲有手打牛筋丸($92) 牛味好濃 叫呢個絕對唔會錯😝 -推薦指數: 🦐🦐🦐🦐🦐性價比指數: 🦐🦐🦐🦐.5…查看更多

問訂座問題，鄉音大嬸接電話，同一個問題 問3次都問唔到，3次都問左一半就不斷插嘴打斷我，最後唔問、唔食、唔洗煩⋯未訂到位已經一肚火😅幫襯過都因為咁唔會想再黎食可唔可以請返啲唔好咁倒米嘅員工？…查看更多

港式裝潢有氣氛，燈光柔和，仲有一種輕鬆嘅感覺。無論你係想同朋友聚會定係一家人食飯，呢度都好適合！🍲 進入餐廳後，服務員即刻熱情迎接，讓我感受到一種賓至如歸的感覺。坐低後，環境愈加舒適，牆上掛住嘅藝術畫作，令我感到愉悅，唔會有壓迫感。整體氛圍都好輕鬆，適合享受一頓豐盛嘅火鍋大餐。🎨🍽️同埋呢間餐廳喺裏面係極具港式地道嘅氣氛，入到去真係比香港嘅旅客嚟打卡係一流！同埋食物水準都非常之高，如果得閒喺附近嘅好值得去呢…查看更多

樓下火鍋真係一個唔可以錯過的好地方！他們的火鍋選擇多樣，無論你喜歡麻辣還是清湯，都能找到心頭好。湯底方面，麻辣湯香氣四溢，辣得恰到好處，讓人食得開心；而唔辣嘅湯底都有好多選擇，十分適合搭配各式食材。食材新鮮，特別是他們的肉類，無論是牛肉定係海鮮，都切得薄厚適中，煮熟後口感滑嫩，令人回味無窮。除了肉類，還有多種蔬菜和豆腐，讓火鍋更加豐富。另外，樓下火鍋的醬料吧也是一大亮點！可以隨意調配自已喜歡的醬汁，增添了火鍋的風味。環境方面，店內裝潢好特別，有大排檔feel，服務態度亦十分友善。總之，樓下火鍋係聚會理想之選，快啲約埋朋友一齊來享受美食吧！…查看更多

裝修主打懷舊風格➡️味道方面湯底及配料最特別。火焰沙白蜆湯，Staff會點火，所以有少少火焰，炒幾下，再加湯。配料：冬瓜有荔枝味，超特別的味道！！！而蜆新鮮，亦有幾粒安格斯牛肉粒。其他火鍋食品如鵝腸、鴨血味道不錯。手切牛肉一般。➡️環境方面餐廳招牌係大大嘅霓虹燈，入面門口黐住幾張有年代感嘅poster。要行樓梯落下一層打邊爐。樓下裝修同樣保持懷舊風格，光線是合適的偏暗，加上輕微的紅射燈，用鐵閘圍住不同嘅房間，地板也是配合一貫的風格，用了細格子的樣式。P.S.連洗手間的地板都是細格子樣式及洗手的水龍頭都是水管模樣。➡️價錢方面最後叫得偏多，三人食咗$15xx，偏貴但食物質素好。…查看更多

一直都好鍾意打邊爐~ 所以成日都四出試吓啲新嘅火鍋店~樓下火鍋，其實已經唔新食過好多次，但真係好好味👍🏻佢裝修好有懷舊氣息～打卡一流😂必點紫菜，吃到一半加入紫菜，立刻變成另一種湯頭，目前試過花雕雞、胡椒豬肚、芫荽皮蛋豆腐，都非常搭配 ～另外小菜必點椒鹽粟米超級好吃，椒鹽帶出粟米粟米的甜味，特別又好吃！椒鹽九肚魚、椒鹽豆腐也很不錯，但係都係覺得粟米好食啲～仲有個椒鹽魚頭一樣好食😋所以每次嚟呢幾樣小食都係必叫經常光顧，絕對係真食！…查看更多