852
89
52
| 餐廳: | 富山麵家 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵銅鑼灣站 F1 出口, 步行約6分鐘
繼續閱讀
電話號碼
56464503
開飯介紹
主打醬油湯底拉麵，以秘製鮮魚醬加豬骨、雞骨及蔬菜等熬煮五小時而成。直身的麵條粗幼度適中，掛湯力不錯。另有沾麵、沙律及日本小食等供應。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
-
網上訂座服務暫停
相關文章
今次來到以日本人氣貓咪Mofusand為主題的富山麵家，由門口到餐具都充滿貓咪元素，簡直係貓奴天堂！ 每一樣食物都有Mofusand貓貓，打卡度爆燈～超靚！🍜 必試拉麵：**牛奶鹽味拉麵** ($98) 🌟4.9/5• 湯底混入北海道3.7牛乳，濃郁順滑• 搭配叉燒同埋 豬軟骨• 配搭咗一嚿心心造型既玉子，超可愛！🍛 驚喜之選：**特製咖喱撈麵** ($118) 🌟4.5/5• 日式咖喱加入甜味，甜辣平衡• 連埋炸蝦天婦羅同埋炸雞，嫩滑多汁• 連咖哩入面嘅蘿蔔都係心心型🐙 特製章魚燒 ($38) 🌟4.9/5• 每份5粒，入面有章魚粒粒，外脆內軟，好好食• 表面灑滿會跳舞嘅木魚花🍓 特製三色芭菲 ($48) 🌟4.5/5• 分別有抹茶雪糕，士多啤梨味雪糕，同埋楊枝甘露雪糕• 另外仲有兩粒哈密瓜波波， 必食之選**白桃烏龍奶茶** ($38) • 台灣烏龍茶底+日本白桃果肉• 杯身印有Mofusand貓咪圖案** 士多啤梨椰子梳打** ($38) 🌟• 面頭有一層 鋪滿星星糖嘅cream• 底層有椰果，撈勻嚟飲味道好夾
繼續閱讀
Mofusand粉絲第一時間就黎打卡📸銅鑼灣嘅富山麵家定期就會有唔同嘅卡通主題，今次係我都好鍾意嘅Mofusand🥰不得不到‼️真係未出發先興奮😆▪️特製咖喱撈麵$118咖喱汁幾濃，小辣，建議要快啲食，如果唔係會結埋一舊 。貓樣係用魚片製，口感同日本嘅鳴門卷差唔多，初初以為係紙，估佢唔到🤣另配一份炸物小食，有炸雞、炸蝦、溏心蛋同紫菜▪️特製牛奶拉麵$98初初都考慮左好耐要唔要試牛奶，好彩都唔差，鹹鹹地似豬骨湯，上面嘅貓貓都係一片魚片製成，麵質算爽口▪️章魚燒$38幾厚實，章魚較少，普普通通▪️三色芭菲$48賣相幾好，滿滿生果，有三球迷你雪糕，入面仲有一件忌廉餅乾▪️特製士多啤梨椰果梳打$38個人鍾意梳打多過奶茶，味道清爽，同拉麵較夾▪️特製白桃烏龍奶茶$38奶味好重，帶淡白桃香，上面仲有一層厚忌廉同貓貓棉花糖，可愛到唔捨得食～除咗嘢食，仲有少少禮品可以加錢買～
繼續閱讀
作為每期都不同主題既富山麵家， 岩岩做完PC狗主題，現在終於被知名插畫Mofusand 貓咪登陸🤣🥳 超愛佢地既粉絲一定要去朝聖🐱🐱🍜 特製牛奶拉麵 （$98） ： 拉麵上有Mofusand貓咪圖案既魚片， 超級可愛😍拉麵軟硬適中， 牛奶湯底本身有諗過會唔會唔夾， 但原來完全唔會！ 🍜 特製咖哩撈麵 （$118） ： 依個唔打卡唔得😳 on top係大大個以麵包糠堆砌而成的炸蝦頭套造型Mofusand😳😳 超！級！可！愛！😭😭 咖哩一啲都唔辣，係日本既甜咖哩黎。 對唔食辣既朋友很友善🤩🐙 特製章魚燒（$38） ： 味道鬆脆好咬口， 一啲都唔係粉製感甚濃🍨 特製三色芭菲（$48） ： 賣相鮮艷。 on top係3款唔同口味既雪糕， 再加上哈密瓜、草莓、Cream, 底下是奶油蛋糕， 口感幾特別，食落反而有d似gluten free 蛋糕🤔細問下， 原來有Tiramisu口味， 不過因為怕內裡有酒精成份對小朋友不友好， 所以就選了奶油蛋糕。 🧋 特製士多啤梨椰果梳打（$38） ： 味道唔錯， 士多啤梨梳打比想像中唔算過甜🍓有埋椰果可以增加口感。🧋 特製白桃烏龍奶茶（$38） ： 比預期好的飲品。 白桃同烏龍奶茶好夾， 白桃味清香。Mofusand 主題為期2個月。 有時間一定要黎試下同打下卡。 除左食野之外 ， 餐廳仲可以購買周邊產品， 包括環保袋、碗、扣針。 買哂成set仲有優惠添🩵🩵
繼續閱讀
4月「富山麵家」又轉咗新主題🆕今次係Mofusand主題🐱仲有得加購Mofusand珍藏拉麵碗及湯匙🥄環保袋👜精美木扣針🧷.特製咖喱撈麵🥘單點$118💰咖喱撈麵香濃小辣🌶️混合薯仔🥔秋葵、蘿蔔🥕天婦羅碎、Mofusand造型魚片🐠仲有天婦羅🍤炸雞🍗溏心蛋🥚炸雞外脆內嫩😋.特製牛奶拉麵🍜單點$98💰湯底濃郁奶香🥛有天婦羅、叉燒🥩豬軟骨🐖大蔥、粟米🌽紫菜、溏心蛋、Mofusand造型魚片🐟玉子燒🍳麵條滑順掛湯🤤.特製章魚燒🐙單點$38💰外皮微脆，內裏軟嫩😆每粒都有彈牙章魚、木魚絲😍.三色芭菲🍨單點$48💰有3球雪糕🫐🥭🍵配上士多啤梨、藍莓、哈密瓜🍈底下係木糠忌廉餅乾🍪.特製白桃烏龍奶茶🧋單點$38💰白桃味道香甜突出🍑但遮蓋咗濃奶茶嘅茶味🥺.特製士多啤梨椰果梳打🍓單點$38💰.Pochacco珍藏拉麵碗及湯匙🐶單點$178💰.Minna No Tabo精美電話架📱
繼續閱讀
富山麵家不時都會有唔同卡通人物做crossover! 最近佢哋換咗新主題，身為貓奴嘅我見到已經心心眼，皆因今次主角係 mofusand啊!! 整間店鋪都充滿住mofusand元素，食物都有可愛貓貓造型，真係打卡打不停～▪️章魚燒一份有5粒，章魚丸外脆內軟，記得要趁熱食▪️牛奶拉麵湯底濃郁順滑，配料有叉燒、豬軟骨、炸蝦、玉子、糖心蛋，仲有片mofusand魚片，而且拉麵碗都印有貓貓圖案，趣緻可愛▪️咖喱撈麵比個炸蝦貓貓造型吸引咗，可愛到唔捨得整散佢! 日式咖喱味道香濃，帶點甜味而不辣！配料有炸蝦、炸雞同溏心蛋，相當豐富▪️三色芭菲3球雪糕分別有士多啤梨、抹茶同芒果味，加上配搭多款水果，底層仲有木糠忌廉餅乾▪️另外仲有兩款限定主題飲料，白桃烏龍奶茶同士多啤梨椰果梳打，杯身印有貓咪圖案，每杯仲有一片貓貓棉花糖添！▪️餐廳更有推出限定週邊商品，可以價錢換購珍藏拉麵碗及湯匙、環保袋、扣針等產品，貓奴必入手啊!
繼續閱讀