影片
開飯介紹
德美壽司有多間分店，日式木門及窗棱設計，使你尤如置身於日本。供應日式料理包括壽司、刺身、燒物等選擇。
繼續閱讀
營業時間
今日營業
12:00 - 16:00
18:00 - 22:00
星期一至五
12:00 - 15:30
18:00 - 22:00
星期六至日
12:00 - 16:00
18:00 - 22:00
以上資料只供參考, 請與餐廳確認詳情
-
網上訂座服務暫停
德美壽司 觀塘協和街33號裕民坊YM² 3樓310號舖味道評分:☄️(必食之選)>☀️>🌤>⛅️>💨✨壽司☄️油甘魚腩壽司 x2 $53☀️吞拿魚茸+鵪鶉蛋軍艦 x2 $50☄️火炙左口魚邊 x2 $50三款都很推薦✅所有食材好新鮮~識食一定食油甘魚*腩*，會比油甘魚油脂感重d同滑左，我覺得我食既係滿滿的幸福感🩵軍艦有一口「爆蛋」的感覺，主打一個體驗，幾神奇🤣仲有冇人未食過左口魚邊🥹係入口即融既感覺‼️☄️芝士鰻魚卷 $69原粒芝士cube包左係d鰻魚隔離，未食過既一定要試下，超級邪惡亦超級好食😆☀️蔥拖羅茸卷 $100簡單直接粗暴菜式，就係比大量拖羅茸你，想象得到既味道，但愛拖羅茸的人士應該會好中意👏🏻☀️野菜牛肉鍋定食 $98有菜有肉有飯，營養均衡之選~壽喜燒湯底，唔會過甜，都係一個晚餐唔錯的選擇~☀️炸雞軟骨 $45炸得香脆，唔會有好厚炸粉問題👍🏻令人一口接一口咁食🤤☄️温泉蛋天婦羅 $52一個全新的世界✨超打卡able，尼個係我下次去會再encore！愛蛋人士(is me)表示好少見之如又好食🤤一啖食温泉蛋，係個非常奢華的食法，我表示好滿足！最後仲每人送左一粒泡芙做甜點添🩵
繼續閱讀
以前隔一段時間都會去德美食日本野，貪佢性價比高。不過自從寶琳果間冇左之後就冇再食，難得星期二係觀塘做完野，就去試下呢間分店。我地見到menu有二人餐($358)，啱哂好餓唔想諗野既我地。入面有多款野食。.前菜有煙三文魚和風沙律，沙律菜夠新鮮，配埋沙律醬夠哂開胃！另外仲有帶子裙邊，呢個食落有驚喜，加埋個汁酸酸甜甜幾惹味。壽司剌身方面就有四塊厚切三文魚同兩塊油甘魚壽司～厚切三文魚夠哂肥美！平時好怕油甘魚一咬會有腥味，但呢個厚身得黎唔腥，食落帶點甘甜。.燒物我地揀左三文魚鮫腩，十分有驚喜👍🏻魚身瀟上少少鹽燒，令魚肉味道更加提升，皮脆但魚肉好嫩，入口即溶，魚油封哂係魚身入面，食完個嘴成口魚油香😍.主食我地揀左日式炒飯同野菜牛肉鍋。牛肉鍋既牛肉份量超級多，牛肉都好嫩滑，壽喜燒湯汁比較濃，個人好推介炒飯加入少少湯汁，兩者既味道都好夾。而炒飯入面既蝦肉終於唔係出面食既急凍野，蝦味濃、肉質爽彈🦐.講到呢度，其實仲未食哂，仲有個天婦羅拼盤，入面有大蝦 2 隻、茄子、番薯、南瓜同冬菇各一。個人好鐘意大蝦天婦羅，入面蝦肉都係好爽彈新鮮，外皮脆身。.最後仲有個味噌湯同甜品(泡芙)，為今餐畫上完美句號。味噌湯有大大隻蜆，用料唔馬虎，味道亦唔似現成既咁鹹。總括黎講，我地覺得德美既二人餐好抵食，兩個人400零蚊有找但食到間質素唔錯既日本野，特別係炸物燒物做得好出色。我地兩個人食到飯同牛肉鍋已經好飽🤣
繼續閱讀
2大1小叫左3個餐Salad ，蒸蛋同湯送左2set 黎先，唔叫都唔送埋第3 set 黎，送完個蛋黎，又唔送salad 同湯，成班waiters 同mgr行黎行去叫極都見唔到客人舉手。最大件事係manager揸住個熱水壺揈嚟揈去，成個熱水壺揈到我個仔塊面瘀晒，行路唔帶眼。成班人做嘢都唔嗲唔吊咁。道歉唔係大晒㗎。嘢食唔算貴，但質素就普通，叫左個海膽三色丼，啲海膽係唔新鮮又臭味，建議唔好叫呢個。另一個魚生餐就正常，熟食好味啲
繼續閱讀
係觀塘做完野，突然想吃魚生飯，捻起裕民坊有間日本餐廳就去八下，平日的晚上不用等位直入，看完Menu 太多選擇，有天婦羅，魚生丼，鰻魚定食，銀鱈魚西京燒等等，最後揀咗魚生丼飯，哈哈😂。德美海膽魚生丼飯 $163 呢個應該係德美人氣魚生丼飯，原本配大粒魚子，但我麻麻地喜歡，就問下服務員可否不要大粒魚子轉細粒魚子，服務員很好幫我問師傅話後話Ok 可以改細粒魚子，咁我就叫呢個啦，海膽魚生丼飯上枱，真係幾吸引，厚切的三文魚同油甘魚，真係幾厚，兩款魚生好新鲜又有鮮味，加埋鮮甜帶子，海膽同勁多魚子，重有蛋蛋，熟蝦同蟹柳，非常足料，真係高性價比又高質，吃完很滿足😌。丼飯配麵豉湯，沙律，同芝麻布丁🍮，埋單$179，呢個價錢幾抵食。
繼續閱讀
假日係觀塘海蝦後順便食晚飯，諗唔到食咩又落雨係商場行下，見到德美壽司，見餐牌晚市價格都合理，一於係到醫肚。餐廳面積頗大，裝潢以木系為主調，日式的設計，感覺柔和溫暖。餐牌，晚市定食。便當三段，$92，有刺身、炸雞及牛肉烏冬，配味噌湯、沙律及甜品，十分豐富。刺身有兩片三文魚及兩片油甘魚，厚切大件，都幾鮮味，玉子軟滑香甜。炸雞有4件，夠熱，外脆雞肉滑，伴上醬汁食更美味。牛肉烏冬，熱騰騰的牛肉烏冬，牛肉份量頗多，烏冬滑溜，正常水準。有小甜品，泡芙，滿足下。食物味道不俗，坐得舒適，價格合理，服務態度有禮又親切(今時今日好難得><)，冷雨夜，係一個坐得舒適的店子慢慢享用晚餐，倍感溫暖。
繼續閱讀