1138
90
28
影片
開飯介紹
哈豆！台灣人在觀塘開的餐廳，將要邁入十年！從只有肉燥飯，到後來有各種台灣美食，牛肉麵精益求精到滷肉飯、鹹酥雞、各種乾拌麵，還有芋泥奶凍吐司，許多甜品！美食界的大集合，在哈豆富利店全都找得到！歡迎你走入哈豆的世界，點杯三峽碧螺春，享受老闆挑的音樂悠閒放鬆！
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
-
網上訂座服務暫停
相關文章
見到呢間台式餐廳喺網上有咁多正面評價 呢晚就嚟咗呢度試一試 餐廳店員係操國語嘅 我估佢哋真係台灣人嚟㗎 牆上面亦都有台灣著名景點嘅壁畫 我哋就坐咗喺可以望住個九份景嘅位置😂豐盛台灣牛肉湯麵呢個湯麵真係冇改錯名 佢真係好豐盛 有好多款唔同嘅配料喺入面 香菇貢丸 花枝丸 牛𦟌 滷蛋 油麥菜🥬 佢用上關祖麵 都幾有咬口 湯底都幾濃郁 我最鍾意佢嘅牛𦟌 因為真係滷得好入味 同埋好腍🐮麻油雞+飯菜套餐一份套餐有齊一個台式麻油雞湯 滷肉飯 灼青菜👍🏻 一盤咁嚟 望落好豐富 我幾鍾意佢個滷肉飯 因為除咗有滷肉之外 仲有大量嘅肉鬆 送飯一流🫢 麻油雞湯唔會好鹹 清清地 仲有成隻雞腿肉喺入面 抖起來~兔刨冰見到店員拎嚟嘅時候隻兔仔已經跳緊🐰 呢隻兔仔係一隻桂花味嘅布甸🍮 所以都幾有驚喜 兔仔嘅下面有一層紅豆蓉 喺下層係有仙草汁嘅刨冰😮 唔少得嘅係佢側邊嘅芋圓 地瓜圓 紫薯圓 三種同樣整得出色 呢一份份量好多 啱晒同朋友分享飲品珍珠鮮奶茶 呢一個鮮奶茶嘅味道唔會好甜 而且呢度嘅珍珠煙煙韌韌整得幾好食🧋 黑糖芋芋鮮奶 呢一杯我哋嗌咗少甜 鮮奶撈埋甜甜地嘅芋泥 真係好夾呢間台式餐廳都幾地道 食物味道幾吸引 特別嘅刨冰仲好啱打卡添😉
繼續閱讀
今次去觀塘食台灣菜，呢間餐廳開咗好多年，由台灣人主理，負責接待嘅都係台灣人，服務態度幾好！呢度有好多食物選擇，飯、麵、小食、甜品、飲品應有盡有～ 有啲食物仲係其他台式餐廳少有，值得試吓！餐廳牆身仲有好多台灣景點壁畫，幾有特色！🔸麻油雞湯+水餃+滷肉飯+油菜套餐 $110一早睇定menu想食麻油雞☺️ 因為比較少地方有得食呢道菜～ 麻油雞用鐵鍋裝住，保持住熱度，無咁易凍！麻油雞湯好暖胃，麻油味唔會超濃，相對較易入口，湯入面仲有冬菇同紅棗，幾滋補～ 有3大塊雞肉，仲要係雞髀肉，肉質爽嫩，唔算好滑又唔會覺得嚡～滷肉飯有一半肉鬆，滷肉唔算太多，滷汁幾好味，唔會覺得肥膩～ 水餃有兩隻味，有高麗菜同韭菜味，餃子皮唔會太厚，幾清淡純粹嘅味道，想濃味啲可以點吓個醬汁，酸酸地幾開胃！🔸走心牛肉番茄湯麵 $78牛肉麵幾抵食！有4大塊牛𦟌，幾厚身爽口，仲有花枝丸、貢丸同滷蛋！番茄湯底清甜，大人小孩都愛嘅味道！幾鍾意麵質爽口唔腍，又夠滑身！🔸哈豆鮮果茶 +$42好飲！仲要有得揀去冰👍🏻 甜度揀咗微糖，覺得啱啱好，水果有熱情果、橙、火龍果、車厘茄，好清新嘅味道！🔸黑糖芋芋鮮奶 +$39揀咗熱同微糖，芋泥綿密，加埋熱鮮奶，幾好飲！🔸芋泥奶凍吐司 $64推介！呢度嘅芋泥做得幾出色！好幼滑綿密又唔會太甜，奶凍香滑，用竹炭吐司夾住，中間仲有麵包皮粒增加口感！係從未食過嘅凍芋泥吐司，幾新奇好味😋
繼續閱讀
以前九龍灣返工，有時放工會去觀塘食飯幫襯過幾次嘅哈豆，次次食都keep到水準，今次嚟都唔例外✨豐盛台灣牛肉湯麵 $78食台灣菜必嗌牛肉麵，一碗有齊牛𦟌、貢丸同花枝丸湯底係走清淡路線嘅牛肉湯底，唔會太鹹帶點蘿白嘅清甜，飲得出無味精👍🏻牛𦟌煮得夠腍，份量都唔少麵條用上台灣關廟麵，嗌「多麵」唔需要加錢，男仔都夠飽✨鮮梅佐豬排滷肉飯 $70豬扒新鮮炸起酥脆唔會太油膩，炸粉係用地瓜粉做法正宗滷肉飯好惹味但唔會太鹹，送飯一流🤤✨嘎嘎脆芋頭愛花生 $99好IGable嘅刨冰！😍 份量超大夠3-4個人share最頂係芋頭雪糕筒，刨冰淋滿低糖黑糖仙草糖水面頭有特濃花生奶蓋、黃豆粉同紅豆刨冰比較粗粒口感清爽 同喺台灣夜市食到嘅係完全一樣自家製奶蓋好好味三色芋圓口感煙韌，食落有芋頭同蕃薯味，真材實料✨哈豆鮮果茶 $48 鮮榨檸檬椰果多多 $52特色飲品選擇好多，主食加配有得減$10次次嚟必點鮮果茶，鮮果味同茶味平衡鮮榨檸檬椰果多多，多多味道好濃加埋檸檬酸酸甜甜，仲有椰果可以咬下😆
繼續閱讀
冇華麗既裝修, 但有好味又抵食既台灣美食, 而且一入門口, 就見到招待既係台灣人, 係台灣口音既華語!!!!!1. 逢甲鹹酥雞 $48香脆可口既,鹹酥雞, 雞肉唔會老, 食落都JUICY, 份量都唔算少2. 路邊攤小香腸 $48好有台灣既味道, 但份量唔多, 得4條小香腸, 味道都唔錯, 係油左少少, 不過就係台式香腸既特色。3. 台灣夜市特色湯品套餐$110呢個套餐真心抵食！套餐有：滷肉飯、健康油菜、四隻水餃、藥膳排骨湯，有三條骨咁多，勁足料！藥膳湯好好飲，完全唔會覺得揸流攤！！4. 鮮梅佐豬排滷肉飯$70呢個豬排飯勁正，台式炸豬排、鮮梅醬、滷蛋半隻、酸青瓜🥒油菜、滷肉飯。滷肉飯勁多滷肉，唔係肥肉，但都好好味，飯既份量已經係少飯，太足料！豬排係厚切豬排，炸得勁酥脆，配埋酸酸甜甜既鮮梅醬汁，味覺上即刻提升。5. 豐盛台灣牛肉湯麵 $78呢個牛肉麵真係勁豐盛！有牛肉、花枝丸、貢丸同菜！湯係以牛肉熬成湯底🐮🐮份量真心唔少！女仔真係未必食得晒！6. 黑糖芋芋鮮奶 $49 （套餐可減$10）有半杯都係芋泥！勁足料！芋泥勁綿勁正👍🏻👍🏻少少甜既芋泥夾埋鮮奶飲就啱啱好😋
繼續閱讀
餐廳位於工廈內，黃金時段好多人食，我平時亦會特登過嚟食，好啱我口味，而且款式好多，唔怕食到悶。豆腐拼丸子蕃茄乾拌麵 ＄64（可轉芝麻、麻辣、沙茶醬）今次我叫咗乾拌麵，配料有豆腐、丸、蕃茄、菜、滷蛋，食落去蕃茄味濃郁，質感比較濃稠，係屬於偏甜嘅蕃茄醬，大家都可以根據個人口味轉其他醬汁！😝拌麵帶有少少韌勁，咬落Q彈唔軟爛，而且好掛汁，好好食！豆腐吸汁是正常吧，酸酸甜甜非常好食，好開胃；丸類有兩款，我比較鐘意花枝丸，丸內有墨魚肉粒，爽口、彈牙，四個字：「真材實料」！食到台灣嘅味道😝
繼續閱讀
您可能會有興趣的...