哈豆

餐廳充滿濃濃的台灣情懷，精心設計的壁畫，花海裝飾，溫暖燈光，打卡位處處。最驚喜是價錢超級親民，不收加一服務費，凍飲吾使加錢。🍲蝦小紅燒牛肉湯麵 湯底濃郁醇厚，牛肉份量足且燉得軟腍入味，麵條吸飽湯汁，風味十足。🍲台式麻油雞湯 一上桌香氣四溢！麻油湯底溫潤滋補，重點是裏面真的有原隻大雞髀，肉質嫩滑，是補身的好選擇。🥟手工餃 餃子皮薄而帶點嚼勁，內餡飽滿。三種口味各有特色，值得一試。🍗香脆豆乳雞外皮炸得金黃酥脆，有微甜的豆乳香，內裡雞肉保持juicy，香口惹味。🥬蠔油時菜 / 香濃麻醬時菜蠔油清甜，麻醬則香濃惹味。🧋鮮榨檸檬椰果益力多清新之選！新鮮檸檬同益力多的微甜平衡，加上Q彈椰果，口感豐富。🧋躺平鴨珍珠豆漿名字趣致，真係有隻鴨躺平了😂豆漿香濃順滑，配上煙韌珍珠，甜度適中。🎂海獺黑冰河畔溫泉消費滿$250，前一日預訂可以免費手繪生日碟，職員畫功了得。預訂時想要「史迪仔」，成品真的超靚超可愛！為慶祝生日增添難忘回憶。海獺係朱古力奶凍，口感超級Q彈，底下是開心果雪花，味道香濃，質感綿密細滑，配上甜蜜的紅豆，煙韌的芋圓，薄脆增添口感。🌟超用心的台灣風情裝潢，餐點選擇多樣、味道地道且價錢親民，免費畫生日碟的服務充滿人情味和驚喜，是慶祝生日的貼心好地方。…查看更多

📍觀塘工廈小店好多，但地道台灣人人主理台菜店呢間就真係好驚喜又好食！約人食生日飯就啱晒，只要食夠$250嘅話，就可以免費係甜品畫自選生日碟。蝦小紅燒牛肉湯麵($78)除咗有大大件厚切牛腱，仲有兩粒大蝦丸。牛肉湯底個味道好濃，牛腱軟腍，仲會有半隻滷蛋，呢個價錢冇得彈！另外嘅豆乳雞沙茶醬麵($68)，除咗沙茶醬仲可以揀芝麻醬、青花椒麻香醬或蕃茄醬，亦都可以揀多汁、多麵或少麵，好歡迎客製化～豆乳雞脆口又香腐乳味。麻油雞湯($60)一上到枱已經聞到好香麻油味，入口飲到薑味啱暖胃。香酥腐皮蝦卷($48)就同蝦丸一樣咁彈牙做小食一流。最期待嘅甜品桂花奶凍兔兔咪紅豆($64) request咗畫chiikawa，冇諗過畫到咁精美！上到枱都忍唔住嘩咗聲，店員真係勁有心機，最癲係唔使加錢都咁靚。另外叫多份新出嘅開心果繡球花刨冰($118)，超大份直頭夠3-4人食，上邊有豆沙味繡球花同奶蓋。中間仲有朱古力刨冰、紅豆蓉同一大頭開心果軟雪糕，層次感都多，加上朱古力唔甜唔會膩。…查看更多

今晚同朋友嚟食生日飯，我哋叫咗四個set ，可以多飯同多麵又唔使加錢，抵食👍 我哋叫咗兩個小食，一個炸物拼盤，一個滷水拼盤，份量適中又唔貴👍 環境舒服，牆上面嘅畫可以一邊食一邊欣賞，不過啲燈有啲暗，食飽好容易眼瞓😂因為朋友生日，我哋預先叫咗餐廳寫生日碟，真係畫到我朋友個樣同埋我哋想要嘅圖案，真係好開心好有創意好驚喜. 今晚見到樓面得一個女仔，又要收銀又要出餐又要執枱, 應該都係唔夠人手。 想讚下佢哋嘅service好好，無論係WhatsApp覆嘢速度同態度都好好同埋好快回覆，已經感覺待客如賓，小店真要多多支持 💪🏻…查看更多

平日夜晚去食唔算多人，唔訂位都得。食物種類唔算好多，譬如牛肉麵幾種湯底、但本質上都係牛肉麵。飯類都係一樣，只係個主菜唔同，其他一樣。紅燒牛肉麵比想象中淡、雖然牛肉好食、但我會覺得濃少少（并非鹹）會更好食。而男朋友叫左番茄湯牛肉麵，個番茄湯又夠濃wo。豆乳鹽酥鷄幾好食、好新鮮好juicy同酥脆。個甜品刨冰外表造型好cute，但係基本上無味。除左上面層開心果cream同底下層黑芝麻雪糕之外，其他係非常非常淡，連個奶凍都只係淡淡茉莉花味，D冰簡直無味。覺得佢地應該平衡少少，加返D味道落某D菜式上面。…查看更多

今次捐窿捐罅去到觀塘工廈，搵到呢間「哈豆」台灣餐廳，見佢個甜品名咁得意，就決定要嚟朝聖下！✨我哋今次試咗：1️⃣ 紅燒牛肉肉燥飯 🍚🐮一次過滿足你想食紅燒牛同肉燥飯兩個願望！🤤 紅燒牛肉炆得超級軟腍入味，入口即化，肉燥鹹香惹味，撈埋啲汁同飯一齊食，真係啖啖都係濃郁嘅台灣古早味，送飯一流！👍2️⃣ 海獺黑冰河畔溫泉 🦦🍨全餐嘅焦點絕對係呢個甜品！個名勁得意，擺盤靚到好似藝術品咁，相機食先是常識吧！📸💯 佢係一個超豐富嘅甜品拼盤，有齊開心果雪花冰、朱古力奶凍、Q彈芋圓、濃香黑芝麻雪糕、清爽仙草冰同埋綿密紅豆！一啖食落去，有冰嘅涼快、奶凍嘅軟滑、芋圓嘅煙韌，口感層次勁豐富，味道配搭得啱啱好，完全唔會太甜，真心驚喜！🤩3️⃣ 珍珠豆漿紅茶 😋🤍食台灣嘢點少得珍珠！呢杯唔係普通奶茶，係豆漿紅茶嚟㗎！豆漿嘅清香同紅茶嘅甘醇出奇地夾，珍珠煮得軟硬適中，Q彈有咬口，整體感覺好清新！🥰總括嚟講，呢間工廈小店無論鹹食定甜品都好有誠意，特別係個甜品，絕對係打卡必點！想食高質台灣菜嘅朋友仔唔好錯過啦！🤩…查看更多