影片
港鐵香港大學站 B1 出口, 步行約4分鐘
繼續閱讀
電話號碼
31811666 (WhatsApp)
開飯介紹
The Praya is a premium casual neo-Chinese restaurant at the heart of Shek Tong Tsui that pairs subtle Chinese elements with modern aesthetics. At The Praya, you’ll find a menu full of Chinese culinary techniques presented in a contemporary style that makes it easy to fall in love with our food.
Inspired by the 1960s Bauhaus design in Hong Kong, The Praya creates a premium, functional and contemporary dinning hotspot. The restaurant incorporates many classic Hong Kong design elements and building materials, such as terrazzo and mosaic tiles, and the black lines of the Central Market. The interior design coincides with the concept of the restaurant, which is a combination of Chinese elements and modern aesthetics from ancient times to contemporary times.
繼續閱讀
營業時間
今日營業
11:30 - 23:00
星期一至日
11:30 - 23:00
*午餐: 11:30 - 15:00 單點: 18:00 - 23:00 Happy Hour: 15:00 - 19:00
以上資料只供參考, 請與餐廳確認詳情
🪭又係輪到熊妹同豬妹貓妹羅賓漢一行四人出動的時候。📌今次慶祝好閏蜜貓妹大壽🎊，當然揀間有派頭高質素的餐廳先襯得起佢。位於西環粵海181酒店三樓的《The Praya》係一間高級中菜餐廳，華麗摩登的裝潢✨，配合高水準的中式佳菜，牽起一時城中熱話。📌環境地方好大，樓底好高，暗黑嘅格局營造浪漫嘅氣氛💞，紅酒配佳餚，氣氛絕對一流。大大張餐枱可以擺到好多餐碟碗筷🍽️，枱與枱之間距離很大，熊妹高談闊論都唔怕🗣️。糟鹵鵝肝，$178一向怕內臟味怕食鵝肝嘅熊妹，今次真係另眼相看。聽個名以為係潮州滷水菜式，但係擺款竟然係超級西式化，四大片厚厚嘅鹵味鵝肝入口軟綿綿，好似慕絲質咁軟滑，唔係粉狀，一口放入口令佢慢慢溶化，而且滲入了滷水嘅醬汁但係一啲都唔鹹，濃烈嘅鵝肝味道一直在口腔中縈繞著，遲遲都未散，可以繼續感受食後的餘温，呢份鵝肝係做得好出色，可以配合酸甜嘅橋頭除掉鵝肝味再可以品嚐下一道菜色。陳年花雕醉蜆，$288一大碟大大粒嘅醉規放喺碟上面，望落好吸睛，花雕味好重但係一啲酒味，而且帶點甜味，甜味可以更出蜆肉嘅鮮味，相輔相成，呢個花雕汁做得好唔錯。粒粒蜆肉脹卜卜食落好鮮甜，美中不足嘅係有幾粒蜆食落有一兩粒沙，睇吓好唔好彩食中。芝麻蝦多士，$188三大隻蝦型嘅蝦多士，面頭灑滿黑白芝麻，賣相做得非常吸引。蝦多士混入了蝦肉同麵包一齊炸起，大大粒脹卜卜，蝦肉彈牙同軟綿的麵包一齊食口感好夾，驚喜地炸到咁脆口但都唔會食到成口油，做法唔錯，值得一試！黑毛豬叉燒，$228招牌菜黑毛豬叉燒當然要點來試吓！切到一片片厚實的叉燒整齊咁排列係碟上面，一上枱，真係令人嘩然😯。真係冇得彈！本身用上黑毛豬口感會比較爽口，慢煮製法令肉質軟淋得來都好實在，肉裡間帶點脂肪，加強豬肉的油脂香味，叉燒表面燒灼過形成一層好薄的脆面，但又唔會好乾身，叉燒醬汁味濃但唔鹹，食完一舊再一舊都唔會覺得好膩濟，果然係招牌菜🏵️。煙燻三黃雞，$238煙燻味好重，雞肉嫩滑，主要用烤焗嘅方法泌出好香的雞油油脂，收乾油份的雞皮又好脆口，跟上有同油雞絕配的蔥油，但熊妹認為唔需要點任何醬汁原油原味已經好夠味。荔蓉香酥鴨，$288一籠三件芋泥酥，好大一件，半個拳頭咁大，入面包裹好豐滿的芋泥蓉，口感綿綿，外表炸得酥脆，實行外脆內綿的感覺，當中再混入了鴨肉，淡味的芋頭蓉令本身獨特的鴨味味道更出，再加點紅醋汁多一點點酸甜味，成件荔蓉香酥鴨用上三款和而不同的材料，配撘出意想不到嘅味道，讚！薑汁啫啫芥蘭煲，$128食咗咁多肉，緊係食啲菜，解下膩消下濟健康一下啦。芥蘭煲直呈用上瓦煲上枱，芥蘭份量都幾多，瓦煲焗出嚟嘅芥蘭冒出煙來熱辣辣，焗的火喉剛剛好🔥，每條芥蘭好翠綠，食落好爽口，唔會烹調過度變得太淋，感覺好新鮮，食左好多纖維落肚清腸胃，舒服哂。大根魚湯浸瓜，$148貓妹話想要個湯湯水水濕潤一下，大根魚煲出嚟嘅湯雪白色，望落就知真材實料。湯入面有腐竹，青瓜🥒同絲瓜切成絲煲湯，好清甜，冬天飲呢個魚瓜湯，成個人都暖和起來。臘味煲仔飯，$288有肉有菜都要點返個主食，《The Praya》煲仔飯都好出名，食煲仔飯緊係食正宗嘅臘味煲仔飯。呢個煲仔，對一般人來講一啲都唔煲仔，可以話係巨人嘅煲仔飯。一揭開煲蓋，熱辣辣的蒸氣冒上來，面頭鋪滿切片的臘腸潤腸，仲有粒粒白菜仔，紅紅綠綠望落去已經令人流哂口水🤤。臘腸潤腸係飯上面蒸，令米飯吸盡豬油精華，很窩心地將白菜仔切粒🥬，可以撈飯入面變成菜飯，食啖飯就已經食到成煲飯的精髓，難怪咁受歡迎👏🏻。黑芝麻豆腐布甸，$78壽星女貓妹望個甜品menu就話好想試呢個布甸。又叫得幾好喎，超級驚喜地係用上湯碗🥣咁大個碗裝上的布甸而唔係一般的布甸杯仔，唔講個味道淨係講份量已經夠晒抵食！豆腐布甸質感軟滑，完全不似有魚膠粉，淡味豆腐味淡淡，食食下會食到濃烈的流心黑芝麻，兩者互相輝映，味道絕配。面頭有一大片薑味薄脆，同埋布甸一齊食，慢慢滲透出薑味，好似糖水加了薑汁咁，而薄脆仲多了重脆片口感，成件事就係將一個中式糖水變成西式甜品，掂！合桃費南雪配自家製雪糕，$98又一驚喜甜品傑作，剛焗起的法式financier外脆內軟，甜甜地原來係紅棗味！實不相瞞，真係第一次食紅棗味蛋糕。將中式嘅元素融入係西式的甜點，感覺好奇妙，咁創新的做法真係《The Praya》先諗得到！四小碟，$98中式甜品四小碟原來係花椒伯爵千層卷、紅棗鬆餅、桂花酒釀小丸子、焦糖合桃酥，擺款特別，每樣都係一啖仔，當中花椒伯爵千層卷想法係新穎，但加入中式花椒元素，蓋過了伯爵茶味，而且味道帶辣，熊妹認為辣味的忌廉就真係唔係幾夾做甜品🥲。Langmeil ‘Three Gardens’ 2022，$380一啖美食一啖紅酒🍷，充滿法式的浪漫感受💕。📌《The Praya》的菜式新穎有趣，中西合璧，環境氣氛既時尚又浪漫，難怪成為城中一時佳話。更值得一讚的係服務良好🕴🏻，店員態度有禮，帶有微笑的對答，仲會不時自動加水，成頓飯的感覺都食得好舒服。一生難得遇上好知己，能夠與閏蜜們係優美的環境氛圍下享受美酒佳餚，熊復可求？📌生日快樂🎂！
繼續閱讀
充满艺术感的新中餐，餐厅藏身于酒店中，但格调又比酒店本身高级，装潢和视野都相当棒，在以市井食肆为主的石塘咀可以说是独树一帜。·尝试的signature tasting menu，出品很有潜力，食材也很优质，但还可以做得更好。有几道菜的调味是分离的，整套菜单也没感到什么连贯性。·【生醃本灣鱆紅魚】新鲜的食材用朴素的调味就够了。·【荔蓉香酥鴨】手撕鸭肉、荸荠和芋泥调和成浓稠而咸香的内馅，蜂窝状的外壳酥脆绵密又感觉不到油腻，淋上一点甜醋，漂亮。·【黑虎掌菌燉雞】需要提前预定的炖汤，是一道鲜美滋润的大放送。鸡肉菌菇份量超足，不仅没有被长时间煲煮消磨了滋味，反而口感出落得更加细腻和嫩滑。·【果香松子魚】看上去红红火火的一道菜，有点像高配版的松鼠鱼，但炸鱼和酱汁各是各的，炸衣略厚，既阻挡了入味，也掩盖了鱼肉本身的柔嫩。·【栗子舞茸雞煲】鸡腿肉做成台式醉鸡卷的造型，口感紧致柔韧，裹上浓稠的酱汁，是种四平八稳的鲜。·【金湯菜心】蔬菜往往是一顿贵饭中容易被忽视的角色，然而制作却不简单。高汤是要花时间吊的，腊肉也是自家腌制的，码在脆嫩的菜心上面，工工整整。·【豉椒白鱔煲仔飯】自制豆豉酱的咸香逼入白鳝厚韧的肌理，咀嚼间分明感受到阵阵炭火烤的香气。但米饭翻车，跟一般的酱油炒饭基本无异，也不是干干爽爽的质地。·【合桃費南雪配雪糕】现烤出来的费南雪边缘散发着焦香，口感还是脆的，内里的海绵蛋糕藏着黄油和坚果的无限香浓和柔情。·自家制咖啡雪糕好像倒进了整份espresso那么浓郁，没有一般冰淇淋那么冰，丝滑口感像极了慕斯，裹上费南雪进一步凸显了湿润和弹性。
繼續閱讀
之前去過食lunch覺得好味,今次試吓dinner啦. 呢間餐廳喺酒店入面,服務係專業嘅. 侍應嘅態度都係好友善👍茶嘅選擇都有好幾款茶位每位20蚊,喺酒店嚟講絕對唔貴. 之後就係點餐,今次係用信用卡優惠, 套餐包括咗頭盤,燉湯,主菜,台灣米飯,蔬菜同埋甜品.頭盤內點咗先醃本灣章紅魚, 同埋脆皮百花魚. 蟲草花松茸燉雞. 主菜揀咗剁椒蒸馬友同煙燻三皇雞. 另外加咗一個臘味煲仔飯😜甜品揀咗一個熱一個凍嘅, 熱嘅係茶香椰子燉雪梨. 紅棗費南雪配紅豆雪糕.食物嚟講每一樣都由中上嘅水準, 煙燻三皇雞同埋個煲仔飯底我都好鍾意👍每人大約500頭嘅價錢喺酒店嚟講食個中菜係合理😉
繼續閱讀
近期上網成日見到呢間餐廳廣告，post出嚟嘅相都非常之靚，見新年有新春tasting Menu，就book黎試吓$1388/person.糟鹵鵝肝，喬頭同鵝肝mouse都幾夾，但係個鵝肝mouse好鬼凍。龍蝦撈起，配菜都切得幾幼，不過龍蝦就無乜鮮味。金衣發財大利卷，每人半舊春卷，好似返炸咁，個皮唔係太脆。呢個龍王杏汁花膠燉豬肺要提前72小時預訂，仲以為係重頭戲，杏汁勁重，偏甜，好似飲緊糖水，花膠比較薄身，冇吸到湯嘅味，唔知係咪一齊燉。最離譜係呢個要加$280/位嘅關東遼參！根本就未發好，用刀切都切唔開！ 浪費食材！ 同咗侍應講，最後幫我哋減返呢個錢。西澳龍蝦陳年黃酒蒸蛋白，龍蝦唔鮮甜，落勁多黃酒。煙燻三黃雞ok金銀蒜豉椒白鱔煲仔飯，無問我哋食唔食飯焦，幫我哋撈勻晒，而且啲飯焦唔係一塊塊好脆，而係好黐牙。臘味炒芥蘭，冇諗過呢個價錢係用啲咁差嘅臘味。紅棗費南雪配自家製紅豆雪糕，全晚最欣賞呢個甜品。
繼續閱讀