影片
電話號碼
26230075
營業時間
今日營業
07:00 - 22:30
星期一至日
07:00 - 22:30
公眾假期
07:00 - 22:30
公眾假期前夕
07:00 - 22:30
以上資料只供參考, 請與餐廳確認詳情
有關獎賞計劃
👦🏻👧🏻去荃灣愉景新城行街，見到開咗間泰式火鍋放題，泰式設計嘅環境光亮乾淨，坐卡位打邊爐好舒服！有三個級別嘅套餐，我哋揀咗Set B套餐$238，會有一份雞煲同任食五款肉類、泰式小食、火鍋配料等等，同任飲幾款泰式飲品等等。出面自助仲有火鍋配料、炸物、泰式甜品任拎！🐤雞煲嘅辣度自由選擇，雞件份量唔算多，上枱即刻食得，炒得香口入味，肉質夠嫩滑唔錯。🍲湯底有五款選擇，呢度可以免費轉做鴛鴦湯底，沙嗲湯底濃香帶有花生香味，而泰式清湯底清清地感覺冇咁熱氣。🥩肉類有卡樂Beef、豚肉片、酒嫩雞件、牛胸爽同牛板腱。👦🏻👧🏻鐘意肉味香濃嘅牛板腱同滑溜溜有酒香味嘅雞件😍！🍗小食有串燒牛/雞/豬、薄餅、豬頸肉、泰式豬手、炸墨魚丸、炸魚餅、炸貢丸等等。燒豬頸肉質地爽口又腍滑，油香可口。三款串燒肉質都滑嫩唔鞋口，配上香濃嘅沙嗲醬汁唔錯。🥬火鍋除咗有出面嘅自助區蔬菜類，仲可以order烏冬、白菜餃、韭菜餃、墨魚滑、蝦滑等等嘅配料。🧋飲品方面有梳打飲品、綠茶飲品、港式飲品同泰式飲品，食泰式火鍋梗係要飲泰式飲品啦！泰式奶茶同椰島雪香真係好抵飲，平時出面飲都係3x-4x一杯，我地每人飲咗兩杯🤭。泰式奶茶味又香又濃，椰島雪香清新香甜又解渴。📍 泰·初夏 (荃灣)荃灣青山公路 - 荃灣段398號愉景新城2樓2030號舖
繼續閱讀
港式火鍋台式火鍋就食得多，泰式火鍋都真係好少見🤔咁岩行開荃灣見到愉城有間係食泰式火鍋放題，仲有得食埋雞煲，好好奇，於是就同男朋友仔決定walkin去食🙆🏻♀️-🌟Set B 泰·初夏之雞煲+牛板腱火鍋放題 $278/位 (120分鐘)-🎈湯底比較特別一定係冬陰功同椰汁雞湯底🥳椰汁雞混合左椰奶同清雞湯，相對清甜啲；冬陰功個人比較推薦，直程係出邊平時飲既冬陰功味道，酸酸辣辣，好重泰國香料味道😋用黎做打邊爐既湯底真係幾唔錯👍🏻-🎈雞煲+肉類一黎就有雞煲食😆雞煲食落幾有泰式風味，好惹味～每件雞件都索哂個醬汁🙆🏻♀️🙆🏻♀️至於肉類方面，有五款可以order，分別係卡樂beef、豚肉片、酒嫩雞件、牛胸爽同牛板腱。個人比較推薦牛板腱，有口感得黎肉味夠哂濃郁！而牛胸爽都好特別，食落係相對爽脆一點～-🎈泰式小食Encore左兩round既沙嗲串燒😍😍超級好食！果然餐廳係主打泰國菜，啲小食都真係唔同啲🤭仲有薄餅、豬頸肉、豬手、炸魚餅等，試左好多款覺得最好食都係沙嗲串燒同埋啲炸丸類😝-🎈自助區呢度既自助區就好似其他火鍋店咁，基本上所有火鍋配菜如丸類蔬菜類等都一應俱全✌🏻仲有得拎炸物，好似炸雞翼春卷薯角等～一定要提既係佢既粉絲沙律，酸酸辣辣，好開胃🤤-🎈甜品甜品除左有千層糕同椰汁西米糕之外，仲有啲雪條🍧不過真係太飽了，都冇咩食到🥹-🎈飲品估唔到呢度既飲品都有咁多選擇😙有梳打系列，例如泰式青檸梳打、金桔檸檬梳打、芒果梳打等，仲有啲綠茶同港式飲品～當然唔少得就係泰式飲品啦，好開心地飲左兩杯泰式奶茶😳😳-🔸泰·初夏📍荃灣青山公路 - 荃灣段398號愉景新城2樓2030號舖
繼續閱讀
呢排迷上咗泰式火鍋 所以呢晚搵咗荃灣嘅呢間火鍋放題 叫咗佢哋嘅B餐 有雞煲同火鍋90分鐘任食😎泰•初夏之雞煲本來以為係先食雞煲 後打邊爐嘅呢一種火鍋😮 點知原來係打邊爐以外 有份泰式嘅雞煲🐥 我哋嗌咗小辣 呢一個雞煲同坊間嘅雞煲有啲分別 用上咗泰式嘅香料 令到個雞煲更有風味鍋底唔駛加錢都可以嗌鴛鴦鍋 沙嗲湯底 一上碟已經聞到花生嘅香味 沙嗲味道唔錯👍🏻 椰汁雞湯底 呢一個相對清啲 但係幾有泰國特色肉類呢個套餐包括精選牛板腱 澳洲250日谷飼卡樂beef 牛胸爽 西班牙栗飼豚肉片 同埋酒嫩雞件 共五款肉類🍖 個人就最鍾意精選牛板腱 牛味香濃 肉質又有咬口自助吧基本嘅火鍋丸類同埋蔬菜都有 當中牛丸係比較有驚喜 入面會爆汁🥰 除咗炸魚皮 響鈴 炸蝦片之外 仲有個炸物嘅小食區 當中炸雞翼都係好有水準㗎🤣 仲有啲泰式鳳爪等等嘅泰式小食可以拎小食沙嗲串燒 有豬牛雞三款選擇 我哋三款都試咗 沙嗲醬嘅味道香濃🍡 泰式豬手 炭燒豬頸肉 兩款都係必食之選 同坊間泰國菜嘅質素無異🐷 可以任食真係好正 仲有炸魚餅 炸墨魚丸同埋炸牛丸 全部小食落單後併湊成一個小食拼盤都唔錯😌飲品飲品都係落單後即叫即沖 我哋試咗泰式奶茶 檸檬蘆薈綠茶 港式啲嘅凍檸茶同埋奶茶都有😗 幾鍾意佢個泰式奶茶 雖然冇特別再嗌少甜 但係都唔係好甜👍🏻 飲返兩杯都似去咗泰國甜品自助區有泰式甜品 椰汁千層糕同埋椰汁西米糕可以選擇 兩款都好高質🫢 仲有西式甜品 提拉米蘇同芝士蛋糕🍰 另外仲有個雪糕櫃 本地品牌嘅雪糕 同埋水果味嘅雪條都有好多口味🍦呢間火鍋放題幾有泰式風情 由湯底 小食 甜品到飲品都有泰式嘅選擇🤩 真係瞬間去到泰國咁啊
繼續閱讀
天氣持續炎熱🥵，胃口都欠奉，除咗凍野外，最想食就係酸辣食物🌶️。荃灣愉景新城既「泰.初夏」主打泰式火鍋放題，酸酸辣辣岩晒夏天食。店舖設計簡約光潔，大量卡位寬敞舒適，適合一家人或朋友飯聚。放題有幾款不同組合，我哋就選了雞煲+牛板鍵火鍋放題，90分鐘成人$238、小童$148、長者$188。先上雞煲🥘，可選不同辣度，醬料加入不同的泰式香料如香茅、檸檬葉🍃等增添香氣。雞件炒得乾身，醬汁惹味，點了小辣香辣但不搶喉。啖啖肉食得好過癮，還可以無限refill。火鍋湯底選了鴛鴦鍋 - 沙嗲湯底 +椰子雞湯底🥥。沙嗲湯較平常吃的薄身，味道香而不膩，十分醒胃。椰子雞湯則清潤鮮甜，加入香料好有泰式風味。有5款肉類任食：牛板鍵🥓、澳洲250日穀飼卡樂beef、牛胸爽、西班牙栗心豚肉片、酒嫩雞件。牛板鍵口感實在，牛味濃郁。卡樂Beef 捲曲真的有點像薯片，油份較多，味道甘腴。牛胸爽雖是牛心藏的脂肪膜，但質感爽脆，完全沒有油膩的感覺，口感獨特。多款泰式小食都好值得試，泰式酸辣鳳爪惹味開胃，嚼勁十足；秘製豬手香稔軟滑，充滿骨膠原；豬頸肉爽彈富油香。串燒有雞牛豬三種肉類，大大串抵食。自助食物區有各式丸類、響鈴、牛柏葉、炸魚皮、蔬菜、仲有辛辣麵、王子麵，不同醬料、泰式甜品任食。飲品款式都多，任飲類包括多款特飲和梳打、蘆薈綠茶、椰島雪香、龍眼冰等，全部都凍涼解渴，食雞煲火鍋啱晒。仲有多款雪糕冰條，食完透心涼好消暑。
繼續閱讀
泰·初夏，位於荃灣青山公路 - 荃灣段398號愉景新城2樓2030號舖。 第一次食泰式火鍋， 店內環境舒適，設有自助區， 服務有禮，沒有漏單情況。套餐有三個價錢📋，我揀了中價，$278雞煲加牛板腱火鍋放題餐 120 分鐘，已經包括有雞煲、牛板腱、卡樂Beef、 牛胸爽、 酒嫩雞件、 豚肉片、 泰式甜品、熟食、飲品超過15種火鍋和配料超過30款。 📍雞煲 ～ 我們點了小辣， 雞件幼嫩，啖啖滋味。 📍湯底 ～ 鴛鴦鍋(椰子雞和冬陰功湯底) ， 椰子雞湯底有椰奶的香甜，濃郁開胃。 冬陰功湯底酸酸辣辣，美味咸鮮。 📍牛板腱、卡樂Beef、 牛胸爽、 酒嫩雞件、 豚肉片 ～ 各款肉類都好新鮮，而我最推介牛板腱， 肉質細嫩， 濃郁牛味。📍火鍋配料 ～ 多款丸類和蔬菜可供選擇。 📍熟食～ 推介串燒、豬頸肉和泰式豬手， 三款都啖啖肉，很惹味。 📍甜品 ～ 有泰式甜品、雪糕、雪條和蛋糕， 我最喜歡吃泰式椰汁西米糕，口感清甜軟滑，另外榴槤雪條味道都不錯。 📍飲品 ～ 多款泰式飲品，推介青檸檸檬茶和泰式奶茶。 整體性價比高， 火鍋控一定要來試下。 🏷️溫馨提示～ 整個用餐體驗均屬個人分享意見， 只作參考😊。
繼續閱讀