泰·初夏

荃灣泰·初夏泰式火鍋放題必試雞煲牛板腱餐廳環境寬敞舒適，有自助區同落地玻璃窗。120分鐘放題多款肉類同配料，份量十足。6款湯底任選。蕃茄湯湯底開胃，椰汁雞湯甜香濃郁，完美鴛鴦湯底配搭。牛胸爽肉質軟嫩帶嚼勁，香氣十足；豚肉片切得薄滑，脂香滋味；卡樂Beef雪花均勻，入口細膩融化。牛板腱紋理清晰，口感彈牙肉質細嫩有嚼勁，牛味濃郁；M7牛胸腹油脂豐富，肥瘦平衡；精選羊肉卷8片薄切，肉香濃郁軟滑。雞煲：辣度適中，雞件鮮嫩入味，香氣十足令人胃口大開。 炸墨魚丸及炸魚餅外層香脆，內裡鮮甜彈牙。 飲品如蜂蜜蘆薈綠茶、菠蘿梳打清新消暑。泰·初夏地址：荃灣青山公路-荃灣段398號愉景新城2樓2030號舖 …查看更多

又係打風嘅日子，去咗食泰式火鍋放題，叫咗Set B，$288/位/120分鐘，如果揀食90分鐘價錢仲會平啲 ($248)~湯底揀咗椰汁雞湯同芫荽皮蛋湯，自己比較鍾意椰汁雞湯，酸辣味帶有椰奶香，溫和醇厚，同肉類夾啲，烚菜就用返清清地嘅芫荽皮蛋湯~一開始會上個雞煲，一個餸咁上，唔使阻住打邊爐嘅時間，雞件幾肥美同入味~肉類最鍾意牛板腱，肉質柔軟又有牛味，鍾意食肥少少就叫卡樂Beef同M7牛胸腹，另外西班牙豬梅片都幾好食，唔會太肥~蔬菜同丸類就要出去攞，款式都足夠，啲菜仲會refill一啲新款~唔少泰式小食/炸物/熟食供應，好似泰式鳳爪、粉絲沙律、炸蝦片、地瓜丸、春卷、豬手、豬頸肉、豬牛羊串燒等等……數唔晒呀……最後食埋泰式甜品椰汁糕同斑斕千層糕，好香椰汁味同埋煙煙韌韌嘅口感，呢兩款都啱我口味，仲有多款韓式雪條，如果食台式火鍋食到悶，不妨嚟試吓泰式火鍋~…查看更多

好耐冇嚟過愉景新城原來而家呢度開咗好多唔同嘅新餐廳今次就試咗一間好特別嘅泰式火鍋店叫做泰初夏。呢度有得打邊爐放題，今次我就揀咗$278雞煲加牛板腱火鍋放題餐 120 mins。價錢上真係好抵食，而且選擇非常之多，火鍋湯底亦都可以鴛鴦鍋揀，嚟到泰國火鍋店，梗係要試吓佢哋嘅特別湯底，一個我就叫咗冬陰功湯底，另一個呢就叫咗椰子雞湯，辣度方面味道都好適中嘅。而且呢一個火鍋放題套餐仲包埋一個雞煲，真係超級豐富，雞煲有得揀辣，我哋就揀咗小辣，炒得都非常之惹味香口～而泰式火鍋鍋方面，肉類嘅選擇都好多，而且喺出面嘅公共空間仲可以夾其他嘅蔬菜配菜同埋面類，任君選擇。除咗火鍋之外，仲有熟食可以揀，包括串燒同埋唔同嘅炸物，嘢飲方面都選擇非常之多，除咗港式飲品亦都有泰式嘅特飲。基本上呢個價錢真係抵到爛，而且我都好鍾意佢哋嘅湯底，因為喺出面嘅火鍋店都比較少食，特別喜歡佢嘅冬陰功湯底，直接飲落去都好順口，而且椰子雞湯有微微辣度都係好好飲～10分推薦如果佢開荃灣嘅朋友仔可以試吓呢一間泰式火鍋店👍☺️…查看更多

[✨荃灣泰·初夏 ]🍴雞煲加牛板腱火鍋放題餐 120 mins $278💚雞煲辣度可以自由選擇，雞煲肉質鮮嫩，香氣濃郁炒得香口，加配上濃郁泰式冬陰功醬💚湯底 ( 椰汁雞湯 + 泰式清湯 )雙湯底選擇，椰汁雞湯濃郁香滑，泰式清湯清新微辣，口味完美平衡。💚肉類牛板腱切片鮮嫩多汁，雞肉鮮美滑嫩，羊肉都唔錯。整體肉類肉質新鮮，搭配湯底風味絕佳。💚自助區 / 配料自助區蔬菜款式都好齊全，提供左唔少泰式小食，好似豬頸肉、豬手、炸魚餅同沙嗲串燒等等，水準一啲都唔馬虎🤭💚飲品唔係出面普通支裝罐裝飲品敷衍你，呢度係可以任叫泰式飲品，好似青檸梳打、泰式奶茶、椰汁冰等等😳真係勁滿足！————————♡♡♡♡♡♡————————🥂總結少見嘅泰式雞煲X火鍋，提供高性價比雞煲火鍋放題，湯底選擇多樣，食材新鮮豐富，環境舒適，CP值勁高係聚會理想之選。📍泰·初夏🏠荃灣青山公路 - 荃灣段398號愉景新城2樓2030號舖 …查看更多

喺附近Playhouse玩完，順利6點到達餐廳。3大4細，打邊爐嗌咗Set A，食90分鐘。其實都好多嘢食拎，另外QR code落單。一上鴛鴦鍋就嚟卡樂Beef、豚肉片同酒嫩雞件。其餘見以下各圖：仲有港式檸茶檸水奶茶咖啡華田好立克，由於只能upload 12張相，所以不放在這裡。堂食自助有咩拎可見其他評論，不贅。串燒、薄餅(naan) 係我嘅推介。盲盒飲品係正嘅，嗌三次分別出現咗珍多冰、涼粉冰、紅豆冰。我之前最擔心無得揀嘅carbo，原來現場有得拎王子麵同辛辣麵，QR code落單有烏冬、金邊粉、白飯，總有一款啱食！卡樂beef真心唔錯，對得住價錢。唯一美中不足係甜品唔吸引⋯真係飲多兩杯特飲 / 盲盒好過XD帶住小朋友有少少超時，侍應姐姐們都係溫馨提醒，都算唔話得㗎喇。如果唔係距離屋企太遠，一定會多去。…查看更多