影片
港鐵荃灣站 A1 出口, 步行約5分鐘
繼續閱讀
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
以上資料只供參考, 請與餐廳確認詳情
#chuchu食在荃灣📍 一生懸麵喺荃灣間分店由千色匯搬咗嚟路德圍，🐷緊係要嚟支持下！同以前一樣都係open kitchen，可以望到師傅整野食，有分bar 枱同一張大檯！💡位置就係捐血站對面，力生廣場地下！ —————————————————————❣️ 雞白湯拉麵 $125 + $20 +$10加咗慢熟豚叉燒（$20） 同紫菜（$10），好豐富！奶白嘅湯底好吸引，仲要好多泡泡，味道夠濃，幼身拉麵都好掛湯！雞肉好嫩滑，薄切叉燒都唔錯，仲有全隻溏心蛋😍.❣️白湯豚骨拉麵 $72 食左最classic嘅湯底，湯底偏重口味，叉燒都係薄切，好嫩！仲有半隻溏心蛋！.❣️ 煎餃子 $29煎得夠香口，個餃都好夠饀，好味道！.❣️ Sage 桂花烏龍冷泡茶 $20無糖的！淡淡嘅桂花味，桂花個香甜味一直徘徊.❣️ Sage 蜜桃紅茶有氣茶 $22 兩款都好飲！香港品牌！香港製造！因為罐身有好多香港特色嘅野！味道都好好，唔會話好甜，有微微嘅蜜桃味出！.💬本身其實見到人哋食左新出嘅蜆貝羊肚菌拉麵不過賣曬，下次希望仲有得食👉🏻👈🏻—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 一生懸麵 (荃灣)荃灣富榮街7號富裕樓地下7號舖👉🏻旺角九龍灣都有分店🕑營業時間: 12:00-22:00—————————————————————需要你的支持喔🥺🙆🏻♀🐷💬每一篇食評都好認真打架
繼續閱讀
Bookmark咗呢間拉麵店好耐，佢哋間唔中就推出期間限定拉麵，都幾吸引！今次去咗荃灣店，環境唔大，有bar枱望住廚房煮麵，都幾日式拉麵店風格～ 用OR code落單好方便～ 定價適中唔會太高，叫咗一碗沾麵一碗拉麵，加咗配料，仲有餃子、飲品，唔使加一，埋單唔使$300，算係幾抵食！🔸海老沾麵 $88+慢熟豚叉燒 $20呢款沾麵都多人推介，海老湯有勁多櫻花蝦，湯好濃好夠熱，唔會太鹹太油膩～ 麵條係粗麵，可以揀軟硬度，今次揀咗標準，鍾意爽麵可以揀較硬，應該會更鍾意個口感！粗麵幾香麵粉味，少少煙韌！本身有兩塊炙燒厚叉燒，幾香口唔會乾爭爭！另外加咗慢熟豚叉燒，有3塊，薄身軟腍！雖然唔算好大驚喜，但都算幾好食嘅沾麵！🔸雞白湯拉麵 $95+加麵底 $15雞白湯拉麵個湯好奶白綿密，味道幾好，唔會好淡或過濃～ 麵條係幼麵，同個湯幾夾！雞肉好軟滑，豚叉燒都好腍，有半隻半熟蛋，好流心！整體幾好味！🔸煎餃子 $29有5件，味道正常發揮，無咩特別～ 🔸Sage蘋果桂花烏龍有氣茶 $22🔸綠茶可樂 $20呢度有得叫本地出嘅有氣茶，味道幾特別，唔甜，值得飲吓！綠茶可樂就日本出產，無咩可樂味，綠茶味甜甜地，都幾特別！
繼續閱讀
荃灣都有好多拉麵拉麵店，之前以雪糕拉麵聞名嘅一生懸麵，最近搬咗舖，見近近地就試吓▪️雞白湯拉麵$95店長推薦款！雞白湯奶白濃厚，有雞肉同豚肉，仲有原隻溏心蛋，湯底加入大蔥，配料豐富▪️海老拉麵$88湯底以櫻花蝦熬製，櫻花蝦鋪滿半碗拉麵，湯底帶鮮味，濃郁而有微脆口感，拉麵為曲幼麵底，比較掛湯▪️煎餃子$295隻日式白菜豬肉餃子，煎得恰到好處▪️綠茶可樂$20食拉麵必點😳唔會有綠茶嘅澀味，可樂味道輕盈▪️Sage 蘋果桂花有氣茶$22見幾特別所以試吓，仲要made in hk，帶桂花清香，微甜，個人比較鍾意無氣嘅😁晚飯時間黎都好快滿座，搬位後人氣不減！
繼續閱讀
偶爾經過荃灣搵野食，想搵個舒適既環境食拉麵🍜，就來到呢間出名既一生懸麵🍜呢度主打既日式拉麵真係超級受歡迎，下午已經爆場，有出名既拉麵同沾麵，我不作選擇，兩樣都要食😛1. 海老沾麵 （另加紫菜） $98 ， 沾麵彈牙爽口，沾上熱辣辣的拉麵湯食得夠滋味。2. 辛辣🌶️拉麵🍜 $82 鍾意食辣既不容錯過，不會太辣味道剛剛好，如果想辣D就可以加七味粉😋最正係沾麵同拉麵都有厚切豚肉，燒得好香既豚肉真係好juicy 夠口感，好出色的麵餐另外小食可以試下煎餃子🥟 $29，香脆又好味飲品就點左香港好少餐廳見到的綠茶可樂 $20，好特別，仲有桂花烏龍冷泡茶 $20 也是不錯喔
繼續閱讀
呢間拉麵幾多人話好味，就在荃灣站轉轉天橋橋底，有日去左呢度食lunch，環境日式，整潔明亮👍🏻餐牌有4款拉麵和3款沾麵 。海老沾麵（$88）賣相吸引，一碗濃湯舖滿櫻花蝦，配的是有質感的粗麵，可以選擇冷麵上或熱麵上，這個很好！！我認為這碗拉麵最出色的是叉燒！半肥瘦兼有炙燒油香味，入口柔軟又有肉香 ，份量不算很多，女士食OK，男士可以考慮加麵底 。我的雞白湯拉麵（$95）湯頭打泡了，增加綿滑口感，湯底濃郁但不咸，是個不錯的雞白湯，雞肉厚切而唔鞋口，同埋有成粒溏心蛋，都是它可取之處 。我另外加配了慢熟豚叉燒（+$20）這個很好吃！總體上，我覺得這裡處理豚肉特別出色 。飲品方面，這裡提供SAGE的微碳酸有氣茶，是我第一次試的香港本地品牌，標榜本地製造，點了蘋果桂花烏龍和日本蜜桃紅茶，兩個都好飲！我鍾意佢一d都唔甜！鋁罐包裝都好靚同特別，好有香港風味 ，值得一試 。
繼續閱讀