影片
港鐵灣仔站 A3 出口, 步行約6分鐘
繼續閱讀
電話號碼
23661332
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
*截單時間: 14:30(午市); 21:30(晚市)
以上資料只供參考, 請與餐廳確認詳情
❰鳥華亭❱ 至極雞🐓白湯拉麵🍜📍灣仔交加里22-30號華都樓地下15號舖本來我都有d信心，香港比較值得食嘅拉麵店我都食得八八九九，點知真係有漏網之魚。呢間 ❰鳥華亭❱，印象中係我比較早期做 research 嘅時候留意到，不過因為佢主打雞白湯，而又响灣仔呢個拉麵激戰區，所以比其他更出名嘅店搶左Fo。幸得d拉麵關注組嘅谷友提起，我赫然發現，灣仔我都食過七，八間左右，就係食漏左佢。既然風評不俗，一於抽個時間試一試。香味 (4/5)柔和香醇嘅雞香味，好聞。湯 (4.5/5)比起其他口味，雞白湯嘅味道變化，我認為發揮嘅空間相對唔大，多數都係”嗰種味”。有d日本拉麵店會加松露油去增加層次同風味，呢間店雖然冇咁做，不過响既定範圍內可以做到嘅，佢都做得極至。首先雞味夠自然，夠鮮，夠濃郁，鹹度正常。湯嘅質地比較厚身，膠膠地，估計可能加左雞腳去煲。整個湯好味到係可以一啖接一啖咁去飲，而個量又唔係少，唔駛就住就住。唯一少扣分，只係因為我比較鍾意淡口味，佢佢個鹹度對我來講稍稍偏多左d。麵條 (5/5)麵嘅種類有兩款：直身麵同捲曲麵。而硬度都有得揀。我因為第一次食，而見佢有得選擇”大廚推介”，咁我就唔做決定啦，一於廚師發辦。結果佢配左捲曲麵，硬度應該係硬。麵嘅口感，味道，同咬勁都係我最鍾意嘅，夾個湯又係好，所以直接比滿分。配料 (5/5)又係比滿分，點解？叫得雞白湯，個主角當然就係塊雞叉燒啦。部份係雞胸肉，唔知係個廚師廚藝了得定點，塊雞肉我食落，直情係覺得食緊新鮮雞咁。佢有新鮮雞嘅鮮味，嫩滑度，食落亦有新鮮雞肉應有嘅纖維，要用少少力去咀嚼。另外一款料要重點一提係塊炸蓮藕片，有少少似另外兩間專做雞白湯拉麵嘅炸牛蒡絲咁，有d炸薯仔嘅味道，香脆美味。蘆筍嘅味道同生熟度就正常，冇話特別好與壞。溏心蛋算中上，味道同生熟度都控制得好 。整體 - 值得推薦 👍👍👍👍👍有唔少店家為左完食一刻會放d心思，响個碗底部印d字，好似一蘭咁 。呢間店都有呢個做法，不過除左字，仲有隻好可愛嘅雞仔同我講多謝。店家嘅份體貼我係收到晒。
繼續閱讀
今日試咗碗「至極白湯拉麵」，真係有驚喜！個湯底超濃郁，一入口就feel到啖啖骨膠原，濃到攤凍少少就會凝固一層薄薄嘅嘢，證明真材實料！麵質亦都好彈牙，仲有淡淡蛋香，同個湯底好夾。最令我印象深刻嘅係啲藕片，超級脆口，食落去「索索聲」，完全係畫龍點睛，令成碗麵昇華咗！至於雞肉就中規中矩，雖然唔差，但如果可以再嫰滑啲就更加完美。價錢方面就進取咗少少，不過勝在地點方便，喺市中心食到咁高質嘅拉麵都算合理。整體來講，呢碗拉麵絕對值得一試，尤其係鍾意濃湯嘅朋友，一定會愛上！
繼續閱讀
我們於21/2（五）約下午兩點十五分左右🕑到達餐廳，只有一枱客人，另一枱是店員正在做私事。小店風格好日本🇯🇵，窄窄小小，氛圍十足。我們叫了2碗拉麵，自己用點單紙圈，比店員嘅時候，店員居然講普通話🙈❶煙薰鴨胸肉雞白湯拉麵🍜（$99）：叫了原味鴨肉，有幼蘆薈，筍等，5-6片鴨胸肉，正常厚度，雞白湯超好飲👍🏻，面份量剛好足夠❷檸檬拉麵🍜（$99）：有4-5塊雞胸肉❸炸蓮藕片（$35）：好食，炸得脆小店風味十足，價格實惠
繼續閱讀
$45 忌廉蟹餅（三件）🌕🌕🌑🌑🌑對唔住價錢。15蚊一件，麵身又厚又硬，冇乜蟹味。$15 迷你關東煮 🌕🌑🌑🌑🌑得一舊蘿蔔，三個勁細嘅唔知乜丸，兩個（應該係魚腐做嘅？）竹輪。全部唔入味，湯冇乜味。$99 雞白湯拉麵 🌕🌕🌑🌑🌑麵嘅評論喺第二碗麵嗰度有講。湯好過醬油湯，起碼有味，但唔係話好鮮好濃郁。溏心蛋係唯一好評，雞肉唔錯。但呢個價錢嚟講都係幾失望。環境唔錯，服務正常。只不過食物質素同價錢嚴重不匹配，中伏。
繼續閱讀
這天晚上我約了朋友在灣仔吃飯，經過網上的介紹，便決定來到這一間日式拉麵店試一試，店內環境十分清潔衛生，餐廳會播放日文歌曲至極雞白湯拉麵($99)軟身的捲曲麵有嚼勁， 雞肉嫩滑細密，十分新鮮，炸蓮藕片很脆口，用蔥粒，洋蔥做陪襯，豆十分爽口，糖心蛋稔香軟彈魚介白湯拉麵($93)軟身的直身麵，十分爽口，雞肉新鮮，肉味濃郁，湯底經過長時間熬製，味道非常濃郁，用料非常新鮮，份量十分多煎餃子($48)餃子皮薄，豬肉餡稔香軟彈，用料非常新鮮，富有肉汁，配上豉油和醋，味道酸中帶一點甜，令人十分開胃日式忌廉蟹餅($45)忌廉夾心，加上用蟹肉製成，用料非常新鮮，十分足料，是即點即炸的，所以食物溫度非常熱整體來說，食物的質素非常高，食物的選擇足夠多，食物的份量十分多，食物的用料十分新鮮，食物的賣相非常不錯，食物的定價相對合理，店員有積極的服務態度和有禮貌，所以我認為這間餐廳是值得再去惠顧的
繼續閱讀