餐廳：麵匠風龍地點：灣仔軒尼詩道菜式：拉麵餐牌：3款拉麵、兩款小食、飲品，都有套餐蝦味噌拉麵套餐 $120蝦味噌拉麵湯底呈橙色，飲啖湯先，質感厚身，而味道真係好濃蝦味，但係完全唔油，好正！面頭仲加有櫻花蝦仔，配料有一隻半熟玉子，蔥花，一片紫菜同粟米粒，口感豐富。麵條係超級幼身，味道唔錯。半熟玉子真係流心，味道唔會太濃。兩片叉燒另上，面頭加上蔥花，肉質半肥瘦，燒得好香，豬味濃，唔會太硬。個汁唔錯。枱面特別提示要快食。濃厚胡椒雞白湯拉麵套餐 $125濃厚胡椒雞白湯拉麵個湯底絕對係奶白色，飲落雞味濃，口感厚身，完全唔油膩。雞胸有四片，嫩到入口即化咁滯，完全唔肥，健康又好味。其他配料半熟玉子一隻，好多爽脆黑木耳，蔥花同藏紅花，面頭加上適量胡椒調味，令味道更出色。小龍蝦蟹籽沙律小龍蝦蟹籽沙律有6片正方形紫菜圍邊，中間一球小龍蝦蟹籽沙律球，面頭加有櫻花蝦仔。沙律球冰涼而口感脆脆地，味道鹹香，配脆身紫菜口感好正。餃子餃子一客四隻，呢度餃子皮超級報而帶少少煙韌，入面有韭菜同肉，味道唔錯，口感一級棒。配醋食更好味。枱面有辣芽菜，白芝麻，蒜蓉等調味料。飲品除左冰水仲有冰麥茶，好解渴。今餐拉麵湯底真係非常出色，而餃子都係令人驚艷。入面座位都好闊落，坐得舒服，比一般拉麵店好好多。…查看更多
