影片
港鐵會展站B2出口, 步行約10分鐘
繼續閱讀
電話號碼
25827729
56973088 (WhatsApp)
開飯介紹
現由米芝蓮推介食府所負責的「生記餐廳集團」營運，以傳統手藝把本地食材及時令海鮮，製成精美又富創意的粵菜。
繼續閱讀
附加資料
獎項殊榮: 《香港澳門米芝蓮指南》餐廳2022, 2024
營業時間
今日營業
11:30 - 15:30
18:00 - 23:00
星期一至日
11:30 - 15:30
18:00 - 23:00
以上資料只供參考, 請與餐廳確認詳情
有關獎賞計劃
會展裏面有間特高玻璃幕牆，飽覽維港景色嘅粵菜廳✨呢度可以睇到煙花㗎🎆 開業一年就入選米芝蓮推介🏵️ 承傳傳統粵菜精髓，保留45年傳統手工菜式，加上創新的意念及配搭，帶出新派粵菜的獨特精髓，全因洪家種師傅堅持嚴選優質食材及力求精緻製作，獲得讚賞及支持👏🏻👏🏻🤎自家製作手工極品XO醬，裡面有乾瑤柱，醬香濃郁，瑤柱鮮香，帶點微辣配搭麵食好惹味🧡琥珀合桃：香甜濃郁，入口酥脆帶甜甜哋，令人愈食愈想食😹前菜🍖焦糖伊比利亞黑毛豬叉燒：配搭蜜豆❤️ 叉燒表層呈焦糖色，入口肉質鮮嫩，甘香四溢，半肥瘦都好美味😋🫔龍井煙燻素鵝：外皮略脆，中間包住紅蘿蔔絲、木耳絲、入口清爽帶有獨特煙燻香味湯品🍲竹笙杞子肉汁燉花膠：用煲暖住上枱，湯底濃濃肉汁香氣，花膠滑嫩，滋補養生🥰主菜🦞雪裡蕻焗鮮拆波士頓蝦球：龍蝦鉗啖啖肉鮮美，仲有蝦球鮮甜美味，雪裡蕻喺芥菜嘅一種，入口清爽香氣四溢！🦪陳皮菌香醬蒸南非鮑魚：鮑魚質感厚實彈牙，已經剪開3小塊，方便食用，表面嘅陳皮醬超濃郁！！🐟香蔥鹹肉蒸馬友柳：魚肉嫩滑鹹鮮好味！外皮略脆～🫛崧子百合蜜豆：清甜可口，百合脆嫩，口感豐富！🍜鵝蔥油撈手工麵：麵條Q彈，鵝油香氣撲鼻，表面撒有蝦米🦐 配搭蜜豆一齊食唔錯！甜品☕️薑茶豆花：菊花豆花超靚🌼刀工一流😍 薑汁味濃郁，豆花靚靚滑嫩，飲完成個人都好暖笠笠🖤伴懷舊芝麻卷：表面有金箔，芝麻香氣撲鼻，質感柔軟點略Q彈～
繼續閱讀
嚟會展不外乎去美食展書展動漫節之類，都未試過行入啲原來有個博覽商場，裡面有間粵菜廳，米芝連嚟㗎，環境寬敞沉實典雅，有啲feel首先嚟壺靚茶，有好多種茶選擇，竟然有龍井，嗰種香醇坊間鮮有，茶香之餘更有花香滲出佢地會用蠟燭座暖啲茶，飲完一杯就有專人會幫你fill返琥珀合桃作為候餐小食，實在驚喜。每粒合桃都非常脆口，唔會太甜，同時好有芝麻嘅香味，會食唔停口前菜嚟份焦糖叉燒先，用鐵板上菜，同樣會用蠟燭座暖佢，表面嘅焦糖令叉燒閃炩炩食起嚟肥美香甜，肉香爆發，伊比利亞黑毛豬非同凡香要食茄子，平時鍾意嗌魚香茄子煲，今次同豬肉眼筋嘅配搭，椒香十足但唔會辣茄子質感拿捏得宜，爽口又濕潤，豬肉有嚼勁又香口用M9和牛炒出嚟嚟飯，牛香超乎意料咁豐富，每啖飯都係滿滿油脂香氣，加上用砂鍋炒出嚟，超有鑊氣，呢個季節食一流最後嚟個芝麻卷，係一款好有情懷嘅甜品，簡單點綴，食落芝麻味好突出，有生磨嘅風味，確實係唔簡單原來到最後都有碗糖水送，今次係紅豆沙，簡單一碗，但豆香滿滿飲落又係有種獨特香味，唔只陳皮，仲有啲花香咁嘅味道𠻹
繼續閱讀
中國有八大菜系今天要介紹的食店亦有自己八大名菜！全是用料上乘的手工菜非常值得好好細味。這天去到位於會展內的金紫荊生記粵菜廳，享用了一頓非常豐盛的精彩午宴。踏進一個既熟悉又陌生的地方！從前或現在同樣是為迎接美食而來，於晴朗的一天安坐於落地玻璃窗旁，看著金紫荊廣場的繁華來品嚐這個午餐好愜意耶。打頭陣有焦糖伊比利亞黑毛豬叉燒$288！叉燒永遠也是我品嚐中菜必吃之物，生記用上伊比利亞黑毛豬來炮製叉燒口感肯定腍滑，吃下肉香味濃沒帶上丁點臊味，配襯點點焦香的蜜味總叫我吃得滋味，伴碟的蠔油豆亦是坊間少見之物，充滿童年回憶的好味道有了它即時加分。除了蠔油豆之外還拼了兩顆嫣紅的聖女果！細心地經已去了外皮所以入口非常細嫩，酸酸甜甜的味道有肋解膩配搭得宜。蜜餞火方玻璃明蝦球$288/位！雪白的大蝦球身材非常健碩極度飽滿，師傅細心地將紅色筋膜除去得出這雪白肌膚，潔白晶瑩的蝦肉很脆彈口感生動，可配襯鹹香的蜜餞火方一起品嚐，鮮甜味濃帶出不止於一個層次的美味。招牌火焰鹽焗雞$988/隻！以三斤重的新鮮雞醃好後以牛油紙及粗鹽緊緊擁抱來焗製而成。上檯的時候更於席前灑下白酒燃起火焰！除了可以增添香氣更成為打卡首選的菜式。燃燒過後非常有儀式感地以錘仔破開鹽層！剪開牛油紙之後那份鹹香味道即時充斥於空間。於斬好的鹽焗雞上再次灑下白酒燃火令香氣更加細緻入味。幸福地分到雞髀而且還有新鮮雞什，我分到喜歡的雞腸太幸運了吧！雞腸外爽脆內粉腍富有雞油香氣味道精彩，鹽焗雞鹹香的雞皮絕對不能錯過，內裏肉質仍然保持到嫩滑口感味道是吸引的。柚子黑醋脆皮百花釀遼参$238/位！賣相猶如水墨畫般非常有氣質，綴以金箔的鬆化脆皮非常輕身而且不油膩，為第一口感帶來非常美好的感覺。爽滑遼參內釀滿了彈牙鮮味的蝦膠，沾點柚子黑醋一起品嚐鮮味層次更加豐富。香蔥海鹽煎馬友$398/條素聞此乃大廚的得意之作！已去骨的馬友魚魚皮煎得非常甘香脆口魚肉紮實鹹鮮味濃，墊底的香蔥絕非池中物配搭品嚐帶出誘人鮮香，看似簡單的一道菜內裏充斥了大廚的心思很讚喔。花雕雞油鮮拆澳洲龍蝦配陳村粉$688！這道龍蝦充滿霸氣的賣相非常好打卡，鮮甜龍蝦已經拆肉吃得方便舒適，墊底的陳村粉以雞油、蛋黃及花雕來炮製，索盡了海、陸鮮氣加上陣陣走香味道超級迷人。同場食友喜歡吃點心於是點來蝦餃、燒賣品嚐，質素非常不俗有機會要再來飲茶嘗試其他點心。大家也喜歡品嚐鮮雞恃著人多再點來玻璃脆皮貴妃雞$288/半隻來嘆！如果喜歡吃鹹香味道的朋友這隻貴妃雞必定合心意，用上以火腿、瑤柱蝦米等惹味食材來浸鮮雞，再以滾油將雞皮至如薯片般香脆，鹹香味道滲至入骨這雞非常唰嘴。焗鮮拆蟹砵$588一客蟹足夠四至六位享用份量不少！以蟹湯、鮮肉混合蟹肉加入雞蛋蒸製，口感如布甸般綿滑充滿蛋香鮮嫩迷人。如果喜歡品嚐傳統手工菜金紫荊生記必定合心意，服務也挺到位會是不錯的美食體驗。
繼續閱讀
0 瀏覽
生記飯店呢個招牌應該好多愛吃嘅人都會有認識，自1976年創立以嚟，一直主打傳統粵菜，幾年前金紫荊旁香港會議展覽中心嘅生記粵菜廳，更加係商務食客必到嘅好地方。上次食飯，由於朋友要搞局招呼大部份未食過嘅食客，冇咗佢哋可以試到大部份嘅招牌，佢叫洪師傅精心挑選咗八道最受歡迎嘅佳餚，咁你唔會錯過任何嘅好菜式。「焦糖伊比利亞黑毛豬叉燒」係其中一個必試嘅菜式，佢選用西班牙黑毛豬嘅最佳部位，外表烤至紅褐色，還要用明火炙燒，出嚟嘅叉燒烘托出一種焦香四溢嘅香味。食落去實在柔軟多汁，脂香濃郁，層次感好豐富，當你咬下去嘅時候，嗰種甜中帶鹹嘅滋味真係令人想不停回味。接下來的「香蔥海鹽煎馬友」，就係用咗一啲小心思，馬友魚首先人手去骨，然後浸泡入味，最後用蔥油慢煎至金黃色。咬下去外皮先係香脆，然後再嚐到魚肉的鹹香和鮮嫩，特別搭配細蔥一齊食，送飯一流。「柚子黑醋脆皮百花釀遼參」，外面脆皮包住鮮甜嘅蝦膠，加上柚子黑醋汁，實在係個味覺盛宴。每一口咬落去都能感受到脆、嫩、甜、酸的多重味道，絕對係不得不試嘅一款。「蜜餞火方玻璃明蝦球」，呢個明蝦球真係大得驚人，遠睇差唔多一個雞包咁大，食落去感覺鮮嫩而且與蜜餞火方一齊食時，嗰種甜中帶鹹嘅滋味好夾，絕對令人難以忘懷。「花雕雞油鮮拆澳洲龍蝦配陳村粉」就更是驚喜嘅一款，雞油同花雕酒蒸出來的陳村粉，每一口都吸滿酒香，加上新鮮嘅澳洲龍蝦肉，同之前喺嬌姐食到嘅各有千秋。「玻璃脆皮貴妃雞」，雞肉用火腿、瑤柱同蝦米咁熬製出來，味道已經很不錯，最特別就係上桌前用熱油淋上去，令到雞皮薄如紙、脆如玻璃，口感層次非常豐富，真係好嫩滑。至於「招牌火焰鹽焗雞」，呢道菜就係深受食客熱愛，雞肉浸過粗海鹽，然後用牛油紙包裹，最後上桌前用白酒點火，嗰陣香氣真係令人食指大動。撬開洩出嘅鹽層，你會發現雞肉嫩滑，仲有多咗一份獨特嘅濃郁滋味，最正嘅係好玩又好睇。最後，「焗鮮拆蟹砵」用上膏蟹蒸熟拆肉，蟹殼用來熬湯，加上各種食材，真係唔浪費任何材料。不過，火侯有啲過左少少，如果時間掌握好一啲，可以更輕盈就更加完美。
繼續閱讀
灣仔生記呢個老字號，作為老饕既筆者當然已品嚐過，印象最深係佢隻雞，同埋白糖糕。會展分店，金紫荊生記，我卻仍未有機會到訪，直至今次的老朋友飯聚。廢話唔多講，今篇帶大家一次過睇晒呢度既八大招牌名菜。打頭陣的叉燒，採用西班牙黑毛豬梅頭，入口鬆化有蜜味，脂香豐富，帶少少燶邊，乎合晒優質叉燒既特徵。吃擺一件靚叉，再嚐旁邊清甜爆汁的聖女果，岩晒！在不少地方嚐過玻璃蝦球，體型都係唔細，但巨得如此地步的，又真係好罕見。拳頭咁大既蝦球，誇張。不難想像，如此的龐然巨物必定是爽甜，沾點旁邊的蝦醬，更能引出鮮味。最後伴以甜蜜的火方，兩者原來咁夾。接著來的，是有點互動的招牌火焰鹽焗雞。店員先在席前淋上一圈白酒再點火，大家有興緻既話可以出來扑雞，之後店員就會將原隻雞恭整地擺好上碟，賣相有幾分像法式做法。成品自然酒香四溢，雞肉在鹽焗過程中逼出多餘油脂，做到皮香肉嫩。由於用上新鮮雞，附有雞什同吃，相當滋味。脆皮百花釀遼參，我早幾日前在某酒店嚐過類似的菜色，但主角就是花膠。外層十分鬆脆靚仔，海參釀入了鮮甜彈牙的蝦膠，口感更為豐富，自行沾上柚子黑醋汁，有助提鮮解膩。呢個汁醬，為整道菜色拉高了唔少分數。一向喜歡食馬友，卻又怕多刺，呢道已去骨的香蔥海鹽煎馬友就岩晒我。單是金黃的色澤已告之一切，吃起來的確是皮香肉嫩，記緊夾埋香蔥一齊食，正好多。隨之而來的澳洲龍蝦氣勢磅礡，用上熟悉的雞油花雕來炮製，毫無疑問是鮮甜彈牙，香氣撲鼻，陳村粉索盡精華，更是不可錯過。既然呢度既雞做得出色，再來款另一做法的又何妨。以火腿、瑤柱、蝦米熬製的鹵水浸雞，除了雞肉可口，雞皮更是薄如紙，吃起來清脆，重點所在。最後的焗鮮拆蟹砵霸氣登場，成品既充分保留了膏蟹的原汁原味，加上微脆的外層，實在吸引。吃至此時雖已是十一分飽，但都令我誓要將之消滅。印象中以前灣仔生記是沒有點心供應，呢度又會有，其蝦餃燒賣都幾有水準。咁舒適既用餐環境，不論是商務應酬或是家庭飯聚，都肯定錯不了。若是放煙花既日子，呢度真係首選，當然也是一位難求。
繼續閱讀
您可能會有興趣的...