影片
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
諗住簡簡單單快快脆脆食啲嘢，路過呢度，朋友👩🏻🌾見到有燒鵝食🦢，話想食，咁就拉咗我入去開餐🤣呢度有多款「一人套餐」可以選擇，咁揀咗 $180「原隻燒鵝脾🦢拼乳豬🐷 Whole Roast Goose Leg 🦢 + Suckling Pig 🐷 」，「一人套餐」跟「油菜一碟、小食一碟，白飯一碗，老火湯一碗」，再加 $5「熱奶茶」🤩「原隻燒鵝脾🦢拼乳豬🐷 Whole Roast Goose Leg 🦢」：燒鵝脾🦢同燒乳豬🐷都係外皮燒到脆脆哋，鵝脾肉好鵝味，乳豬基本上偏瘦但係又有少少肥好甘香👍「油菜」係菜心🥬「小食」係拍青瓜同埋雲耳「老火湯」係青紅蘿蔔湯$88「玫瑰豉油雞半隻」：雞皮吸收晒醬油咖啡色非常有醬油香味，朋友👩🏻🌾同我都忍唔住食咗兩塊雞皮🤣；雞肉基本上都夠滑，仲有一碟薑蓉可以沾雞食，更加惹味👍「熱奶茶」大大杯夠熱夠滑🤣我哋用餐期間見到不停有燒乳豬🐷同燒鵝🦢出爐👍😋
繼續閱讀
呢排喺灣仔新開張左間燒鵝店，來頭就勁啦，係由米芝蓮2星中餐廳燒味部主廚創業， 中菜嘅米芝蓮確實係好難得先攞到仲要係兩星，所以絕對要體驗一下。😛特別係下午茶時段嘅時候價錢更加抵，而且份量亦都唔使性價比極級高🤩燒鵝拼切雞飯— 🪿呢一度嘅燒鵝知名度，當然不必多講， 而且為咗確保新鮮，佢哋亦都會不停咁樣去燒，🍖難怪咁好生意啦，燒鵝嘅皮非常深潤，而且鵝油香滿滿，肉質亦都係柔軟，油而不膩，越食越上癮。 🍗至於貴妃雞亦都唔簡單。雖然同白切雞一樣，🐥但係肉質遠比外觀勵德新鮮而且一絲絲嘅肉好輕易咁樣分離，最緊要做到唔乾。 🐥以呢個價錢嚟講已經係直晒回票價。🥢燒味三拼-燒腩仔，肥燶叉，乳豬🐷依個份量絕對唔少。🤤首先講吓燒腩仔每日新鮮嘅炭火燒令到外皮脆卜卜而且分層亦都好分明，🥩同樣都係唔肥膩可以成塊放落去厚度慢慢品嚐到每一層嘅變化。🥓至於肥窿叉更加係呢一度嘅特色之作。🥩半肥瘦嘅Pattern 再配合埋邊邊少少燶咗嘅位更加有味道，🍖出邊塗咗層蜜糖更加甜美，🍯送飯一流。 最後當然唔少得佢哋不停咁樣去燒嘅乳豬。🐷皮同肉分離，肥嘅地方都已經去除咗剩低嘅就係好似豬肉紙一樣咁脆嘅乳豬皮同埋精挑細選嘅瘦肉, 🐽比炭火烤完之後味道零舍出， 色澤實在吸引😍滷水豬腳仔— 🐷呢一度除咗燒味係殿堂級之外，滷水亦都唔輸蝕， 🐽豬腳仔好整齊咁樣排列而且師傅就已經切到非常容易入口，😛而且皮同肉都滲透住好清香嘅滷水味，完全唔廢牙就可以食得乾乾淨淨，處理認真超班。🍖天龍燒鵝 (灣仔)灣仔軒尼詩道354號昌業大廈地舖
繼續閱讀
老公話想食去食燒味，即刻介紹佢去一間由米芝蓮2星中餐廳燒味部主廚創業嘅燒味店，餐廳全日不停燒製乳豬及燒鵝，保證新鮮。我哋一人一個套餐share食，一人套餐已經包咗油菜、湯、小食。我點咗原隻燒鵝髀拼乳豬配飯$108。老公點咗燒味雙拼（叉燒拼貴妃雞）$80。套餐裏既前菜係拍青瓜同埋雲耳，好爽脆。油菜係蠔油菜心，都爽嫩。粉葛湯幾真材實料，味道濃厚，飲得出係老火湯。燒味先係主角，燒鵝髀皮脆肉嫩，好有鵝油香，但肥膏不會好多，都幾厚肉。乳豬同燒鵝一樣脆皮，好肥美，豬肉嫩滑。叉燒雖然係瘦叉燒，但一啲都唔會肉韌，邊位嘅焦燶恰到好處。貴妃雞，雞肉就算係雞胸食落唔嚡，幾日味，連埋薑蔥一齊食，好味。然後，我哋仲點了個小食麻辣尖椒皮蛋$20。不錯的小食麻辣味不會太嗆，皮蛋甘香。總括，燒味質素不錯，尤其是燒鵝同埋乳豬。
繼續閱讀
果日去左天龍燒鵝既灣仔新分店食野😛係由米芝蓮2星中餐廳燒味部主廚創業架，仲係全日不停燒製乳豬同燒鵝。可以食到新鮮出爐既燒味🥰餐廳都夠闊落同幾光猛，都有多種燒味套餐揀🤣今次揀左原隻燒鵝髀拼乳豬套餐，套餐包括白飯、是日油菜、小菜及老火湯。另外叫左個涼拌海蜇及凍檸檬菜蜜🤤原隻燒鵝髀拼乳豬套餐燒鵝皮好酥脆，入面啲肉好嫩滑多汁，而乳豬皮脆肉嫩，味道好出，肉汁好豐富，食落口入面啲脂肪爆出黎😆佢地油菜係菜心黎，小菜係涼拌雲耳，老火湯係青紅蘿蔔湯黎😚涼拌海蜇海蜇絲好爽脆，仲好有咀嚼感，而且仲有啲酸甜又辣辣地，幾開胃😍凍檸檬菜蜜唔會好甜，好解渴😍食緊野都見到不停有乳豬同燒鵝出爐🤣
繼續閱讀
位於灣仔既天龍燒鵝餐廳由米芝蓮2星中餐廳燒味部主廚所創業所以燒味既質素絕對有保證而且乳豬同燒鵝係全日不停燒製 💯確保新鮮美味 誠意之作👍🏻🌟燒鵝脾配肥燶腩叉燒鵝燒得好均勻色澤靚又夠企身外皮夠哂香脆 帶濃厚既鵝油香氣兼肉嫩多汁而肥燶腩叉都係好不錯油脂甘香 肥燶夠惹味 入口鬆化多汁🥢👍🏻🌟雞脾配叉燒雞脾肉質嫩滑 蘸上薑蓉更正搭配肥瘦均勻既叉燒👍🏻套餐仲有包老火例湯,油菜,小食同白飯夠哂豐富😋
繼續閱讀