影片
港鐵東涌站 A 出口, 步行約12分鐘; 逸東邨居逸樓對面
繼續閱讀
電話號碼
29881770
營業時間
今日營業
09:00 - 22:00
星期一至日
09:00 - 22:00
以上資料只供參考, 請與餐廳確認詳情
原來東涌逸東邨附近都有好嘢食，仲要係風味大排檔，呢啲嘢惹味我最鍾意，Google map嘅地址都好準確，揸車去好方便，仲可以泊車喺門口，食完就揸車走，冇得頂。呢間＜大頭蝦＞ 幾特別，竟然有一個自己嘅燒味檔，唔通佢啲燒味出品唔錯？ 另外，外賣單都一張接一張，相信係東涌市民嘅飯堂。餐廳都有分室外同室內，我坐係室內，位置都唔少。事不宜遲，點幾樣嘢食下先。燒味雙拼餐廳職員話呢度啲燒腩仔好正，係幾得喎！暖暖地皮又脆。另外油雞都好滑，而且份量都唔少，啲個價幾好幾好！蜜桃沙律蝦球份量爆多，尤其是啲蝦球，薄薄嘅炸粉炸咗再撈沙律醬，仲係有啲脆，配埋蜜桃一齊食，就好似巴馬臣火腿配蜜瓜一樣，好夾！避風塘茄子必點！超級出色嘅避風塘菜色，茄子炸粉唔厚，茄子裏面一啲都唔油，傳統避風塘炒法，有洋蔥、豆豉、辣椒一齊炒，非常惹味！＜大頭蝦＞啲嘢食非常多元化，我見有人食酸菜魚，有人食全隻燒鵝，都有人食蒸海鮮，值得一讚係佢啲燒味，真係唔錯！另外，我都對佢啲小炒有信心，個避風塘真係煮得幾好，我睇返佢餐廳啲相，竟然仲有烤乳豬，不過呢個就真係可能要預訂，有興趣嘅真係要問一問先，整體嚟講，我好鍾意呢間餐廳嘅味道同氛圍，真心推介！
繼續閱讀
和親戚在東涌逛完Outlet後，親戚提議來大頭蝦南風海鮮酒家食晚飯。酒家位處黃泥屋村，雖是村屋，但都方便易達，毗鄰逸東邨及北大嶼山醫院，搭5分鐘巴士車程或由東涌站步行20分鐘可達。酒家有室內及室外座位，室外座位有帳篷瓦遮頭，滿有風味，坐室外的食客比坐室內的多。酒家除了供應小菜，也有烤魚及雞煲，選擇充足。我們不太餓，所以就選小菜。惟等候上菜的時間頗長，落單後等了有30分鐘才上菜，鄰桌也有食客追問職員是否漏單。獲回覆是一桌一桌的單輪住煮，果不期然，上了第一道菜後，其他菜式都緊接送上。椒鹽雞軟骨，雞軟骨炸得乾身脆口又不油膩，椒鹽味調得恰好，微微鹹香又有點微辣，好惹味！粉絲雜菜煲，雜菜煲加入蝦乾及魷魚去烹煮，湯底味道鮮甜。粉絲份量十足，爽滑又吸湯！南風小炒王，配料有韭菜花、帶子、魷魚、蝦仁及腰果，韭菜花鮮嫩爽脆不起渣，炒得夠鑊氣，送飯食一流！蜜椒薯仔牛柳粒，牛柳粒份量好足！牛柳口感軟嫩得來又有咬口，有黑椒汁的香氣之餘，帶蜜糖淡淡微甜，醬汁惹味又不會嗆口。薑蔥魚雲煲，魚雲表層沾上粉後先走油，令魚雲微脆又不會煮得鬆散。用大量薑葱爆炒，魚雲味道鮮味且嫩滑。豉椒炒蜆，味道惹味，雖然蜆肉飽滿不瘦削，惟蜆的份量不多。整體菜式美味又抵食，只是等候上菜的時間長，要有些耐性才可！
繼續閱讀
今次想同大家介紹一間真隱世大排檔餐廳，點解咁樣講呢？因為餐廳嘅位置真係唔係咁容易搵到，唔係住附近嘅人都未必識佢。正正因為咁所以佢先可以保留住最傳統嘅港式大排檔風味，好處係勝在地方夠大，可以有室內同室內可以選擇。☺️**燒味三拼**燒味喺呢度餐廳嘅招牌菜之一，今次試咗佢哋三拼分別係燒肉叉燒同燒鵝。鮮紅欲滴嘅燒鵝皮，淋咗柚子汁更加香滑可口。旁邊仲有焦脆香甜嘅叉燒同厚身多汁嘅燒肉，叉燒係厚切啖啖肉。至於燒肉嘅皮就係脆卜卜，配合佢哋特製嘅芥末醬，真係完美無瑕。🤤**椒鹽魷魚酥**呢個真係港式小食必點嘅經典菜式，我自己都好鍾意食。佢哋用咗新鮮肥美嘅魷魚，炸至外酥內嫩，仲灑埋一大把秘製椒鹽，真係食到停唔到口。值得一讚嘅係佢嘅炸粉唔會好厚身，薄薄地入口即溶。🦑**肉碎生菜煲**煲仔菜呢道餸一上枱嘅時候，已經俾佢嘅香氣迷住咗。佢哋用咗好嫩滑嘅肉碎，同新鮮嘅生菜一齊煮，生菜爽脆之餘仲好入味，用嚟送飯真係一流。🥬
繼續閱讀
近日去了東涌玩，在樹林中竟然有一間小炒大排檔～ 個餐廳叫大頭蝦海鮮酒家，個名幾得意😂眼見都有唔少街坊食，所以就食呢間！ 食大排檔最鐘意就係食黑椒牛柳粒！ 呢度既黑椒牛柳粒炒得好入味，入口甜甜地因為加左蜜汁～ 咬落唔會好硬好柴，嫩滑爽口😋值得推介！之後叫左個肉碎生菜煲～ 份量好多！ 而且好好味！ 啲生菜又唔會煮到太熟，食落仲係好爽口，入面有好多肉碎，同蝦米，好餸飯！🤤之後仲叫左半隻豉油雞，啲肉都ok 滑～ 不過都係小炒好食啲！ 下次會同一大班朋友黎食！咁樣就可以叫多啲唔同既小炒！
繼續閱讀
去開 東涌 行東薈城行到腳郁攰 要大吃大喝 又想泊到車東薈城商場入面應該好難搵到一間淨係5分鐘 車程 行路15-20分鍾可以嚟到海鮮風味酒樓起東涌 屹立左10幾年多種 食物選擇、任選 一定希岩主打燒味、特色小菜、烤魚🥢
香港大頭蝦南風海鮮酒家地址: 東涌黃泥屋村2號地下蜜椒薯仔牛柳粒 $118推薦指數：8/10成碟菜 炒得夠乾身薯仔炒得好脆口牛柳粒都唔會太Un金銀蛋時菜 $82 推薦指數：7/10皮蛋數量得宜每一次夾菜嘅時候 都可以食到皮蛋做到 啖啖 菜蛋燒味雙拼 （白切雞+燒鵝）例牌$168 推薦指數：8.5/10果然係主打燒味燒鵝燒得好味新鮮 皮又脆口雞🐓都肥美酸菜味烤魚$218推薦指數：5/10適合喜歡吮骨 慢慢咀嚼的人士魚肉片大塊還有多種配菜芽菜、豆卜、菇、枝竹⋯
繼續閱讀
您可能會有興趣的...