大頭蝦南風海鮮酒家

東涌我成日都去行outet, 附近成日都覺得冇乜香港風味既地道野食，今次住東涌既朋友仔介紹左呢間大頭蝦比我，揸車過去附近泊車都好方便，佢有室外同室內位，天氣有d涼, 我地一行人就坐係入面傾傾計豉椒炒蜆蜆肉飽滿, 豉汁好香口撈飯應該好正,大凍天時上枱熱辣辣仲幾有鑊氣面醬肉碎唐生菜🥬呢個唐生菜有肉碎同埋面醬加起黎好惹味😋味道偏向濃郁川椒豆椒雞煲雞肉肉嫩加上川椒辣味好香口, 入面既配菜青椒洋蔥都好味道香煎墨魚餅墨魚餅金黃得黎一D都唔油, 入面有D粟米粒粒幾有咬口,件件都幾厚下豉汁惹味烤魚(烏頭)因為同行有人唔食得辣, 就點左呢個豉汁惹味烤魚,味道好味但個人更愛川味烤魚🌶️, 4個人食呢個岩岩好南風燒鴨佢出面戶外位已經見到佢有個燒味檔, 就叫左個燒鴨食, 燒鴨味道唔錯😋…查看更多

大滿足鑊氣十足小炒酒家🤭.放工後坐朋友車嚟食嘢🙆🏻‍♀️地點近馬路但有少少穩閉。門面非常靚。東涌的大排檔，意外地室內位置舒服有冷氣嘆，仲有卡位坐🤭.今日特別肚餓，第一道菜上枱時我哋已經好興奮，非常肥美又厚肉脆皮的南風燒鴨。南風燒鴨 - 例牌$108望到燒鴨皮的光澤已經垂涎三尺。燒鴨的肥瘦剛好，唔會一大層膏係皮下。脆皮燒鴨連皮食，厚厚的肉不會太實和韌，晚餐加餸買番屋企一啲都唔失禮。店內設有燒味部非常專業。燒鴨配合酸甜醬，解膩之餘讓燒鴨食落層次更豐富。開胃的酸甜醬>脆皮帶少許油脂香脆的外皮>有燒烤風味的鮮甜嫩鴨肉如果家住附近，😂我應該會經常嚟買燒味回家。.坐低食完第一道菜式，大家都想點飲品，🎶可樂Cola  Zero配上小炒風味一流。第二道菜式色香味都同樣吸引。豉椒炒蜆 - $78香味傳千里，🤭豉汁一向係我頭幾位鐘意嘅醬汁，煮咩都好好食，濃郁嘅豉汁，不太油膩，食完又唔會極度口渴。特別值得一讚海鮮蜆處理得好好，真係無食到沙。鮮甜之餘吸哂其他爆炒過的疏菜嘅味道。洋蔥不太淋但用油爆炒得非常香口，青椒同紅椒都爆炒得好香，特別喜歡配料中有雞髀菇，菇軟軟的又爽口，配合埋豉汁撈飯撈麵不二之選。.第三道菜式川椒豆椒雞煲，一上枱就香噴噴！類近豆豉汁嘅香味，但食落多咗少少辣味，令雞肉更滋味。川椒豆椒雞煲 -  $88雞肉香而不太辣，肉質鮮嫩可口。香滑嘅雞肉因為打咗芡汁，完全鎖住了雞肉的甜味，配菜方面青椒，洋蔥同樣爆炒得好香，仲有我特別愛好的雞髀菇。以一向譚仔10小辣都食唔多到嘅我，都接受到依個辣度。雞肉厚身而一啲都唔韌，烹煮時間要處理得剛剛好，唔太生唔太熟先保留到最好嘅肉質。雞肉份量都幾多，好滿足。.店內嘅小炒菜式真係非常出色，👍🏻全部都夠哂鑊氣。.第四道菜式豉汁惹味烤魚 豉汁惹味烤魚 - $188特地有爐加溫，一大座的魚上枱😂，氣勢十足。店員有指示將湯汁淋上魚身等魚肉慢慢熟🤭。魚肉滑溜，相對地依個豉汁無之前的小炒濃味，但湯頭飲落濃淡度剛好，有魚嘅鮮甜味，同時有醬汁嘅喊味同層次。.魚身多肉小骨，見住朋友一邊淋醬汁多了一種視覺享受，好期待品嘗當中魚肉😂。.湯煲滾一陣水蒸發了少少，醬汁會更濃味。.不能話清淡，但相比起小炒係第二種豉汁風味，同樣惹味。.第五道菜式面醬肉碎唐生菜作為生菜愛好者，見到依個菜煲超級興奮，天氣涼涼地熱鍋，上菜嘅菜煲特別能keep住溫度，加上面醬同肉碎炒得超香。菜身嘅色澤都好吸引。.面醬肉碎唐生菜 -$78小小甜味嘅中式面醬，平時比較少食，肉碎粒有肥有瘦，生菜中食到肉嘅甜味。生菜口感都剛好，吸滿醬汁嘅菜不太油膩爽脆清甜。.最後一道菜香煎墨魚餅香煎墨魚餅 -$98非常考功夫嘅菜式，爽口的墨魚肉，軟軟的肉包裹在金黃鬆脆的外皮中。煎香過的外皮，配上酸甜醬，口感及味道都多重層次。炸過後在底層的米粉都好好食，魚餅都炸得好夠乾身，碟低唔會佈滿油。真係好好食。.因為大家食得好盡興，食飯氣氛環境都好好，所以我哋發揮甜品第二個胃嘅特異功能，明明已經好飽，仲特地點咗1人1個甜品。…查看更多

今日難得早收工，同朋友敘舊，喺東涌站搭巴士早咗一個站落車，當散下步，順便係附近搵吓有咩食，行行吓見到喺山附近有幾間舖頭，有食pizza、有食大排檔朋友話近排熱氣，所以想食下啲小菜，我哋就揀咗隔離呢間大排檔啦見有位可以坐，就同朋友入去試吓原來係食大排檔嘅小菜見佢有個例牌拼盤，好似幾正我哋叫咗一碟滷水拼盤試下有滷水鴨、腸、豬腳、鴨腎等，煙煙韌韌，味道岩岩好第一次食香煎墨魚餅，啱啱煎完好正，味道幾香個人鍾意佢啲醬料，好入味👍🏻咁多碟之中最鍾意呢個金銀蛋時菜，啲菜煮到啱啱好，配搭埋金銀蛋煮出嚟嘅菜汁，食落好似家常小菜咁，好味道👍🏻…查看更多