影片
港鐵旺角站 E2 出口, 步行約6分鐘
繼續閱讀
電話號碼
37051318
營業時間
今日營業
12:00 - 15:30
17:30 - 00:00
星期一至日
12:00 - 15:30
17:30 - 00:00
*last order：23:15
以上資料只供參考, 請與餐廳確認詳情
有關獎賞計劃
相關文章
🔥正所謂 「串燒一刻值千金 🧡」(✪ω✪)今日同朋友食串燒，揀咗呢間位於旺角嘅店，一定要啤啤佢🍺🍺 ℂ𝕙𝕖𝕖𝕣𝕤 ，呢度好啱同朋友ɢᴀᴛʜᴇʀɪɴɢ。🐟藤椒魚皮 $38魚皮夠晒爽口，一入口係四川嘅麻辣，辣中帶麻香，食得好過癮，幾好食！點咗好多款串燒，每樣味道都唔錯，首先唔會過分調味，平時去大陸加勁多孜然粉，但呢度每樣串燒都配合唔同嘅調味，仲燒得啱啱好。(ﾉ>ω<)ﾉ🐥雞軟骨(2串)$22我本身勁鍾意食雞軟骨，呢度嘅雞軟骨比較大粒，入口有口感，雞軟骨配上簡單嘅鹽同黑胡椒，要讚嘅係唔會使用大量椒鹽粉調味，食到雞軟骨嘅原味。🐔雞皮(2串)$22整得超香脆，但係係唔會好乾身，讚！🐽腸仔$12腸仔本身係普通嘢，估唔到腸仔上面會鎅花，令到受熱更加均勻，都算細心！🐷五花肉(2串) $28超肥美嘅五花腩，食嘅係淡淡油香爆發。🐃👅鹽燒牛舌 (1串) $28牛舌心外面微脆，最緊要要牛舌芯保持嫩滑，有口感之餘唔會太硬。🐃烤美國牛肩肉串(5串) $48呢個價錢有五串，牛粒雖小但肉質有咬口，牛肉味香濃，食牛肉有返牛味 （笑😄）因為有時去燒烤店都唔知食緊咩肉！🦐 烤虎蝦(2串)$36虎蝦燒得啱啱好，並唔會過份燶，抽乾晒蝦嘅水份，所以肉質可以保持彈牙口感，上面加咗簡單調味，食得出蝦嘅鮮味。🥚燒鵪鶉蛋(1串)$15蔬菜之選 🥬🥦🫛🫑🌽💚鮮嫩韭菜$18 🫑虎皮尖椒 $16🍆蒜蓉烤茄子 $38茄子除咗加咗蒜蓉辣椒之外，仲有加咗菜甫，咬入去充滿一絲絲嘅茄子，仲有菜脯增加口感，味道好濃郁！🥬錫紙娃娃菜$34娃娃菜夠晒淋，入面仲有上湯粉絲，呢個調味比其他清淡，只有好輕微辣，可以食到蔬菜嘅鮮味，中和下其他燒烤嘅重口味。💛粗店烤粟米 $32呢個係招牌之一，粟米上面鋪滿辣粉同沙律醬，本身粟米都好香甜，保留粟米嘅鮮味，燒得好好味，必點！碟上面附有有花生碎同辣粉，可以自己點，另外備有小工具可以拆肉，非常貼心。✨另外要讚冷氣好夠，冇平時燒烤店嘅煙霧彌漫，環境比平時大陸串燒店乾淨，所以坐得都幾舒服，食都食得開心啲。💰價錢方面，以香港地嚟講合理，肉🥩真係燒得唔錯，平時大陸燒烤平但啲肉燒到乾晒，控制火候的確要花少少心思。🤎原來不同時段有唔同優惠：早烏超平： 65折（5:30pm - 7pm）今日就屬於正價時段都有88折（7pm - 10pm）夜鬼😈就宵夜時段85折（10pm - 2am）
繼續閱讀
今日同朋友聚舊，去咗旺角嘅一間燒烤店餐牌上面有好多唔同款式嘅肉類選擇，十分豐富😋入到座見到一舊物體吊喺天花板上面，以為係暖燈，點知原來係紙巾🤣✨夜市炒飯✨炒飯採用濕炒方式，加上粟米、椰菜同辣椒，十分惹味不過真係有啲辣🥵✨串燒類✨叫咗牛五花趾、美國牛肩肉、雞皮同雞軟骨，每款都曬上辣粉同孜然粉，調味適中牛五花趾比較薄，比較普通；牛肩肉反而就好厚肉，唔錯；最欣賞雞軟骨同雞皮，雞軟骨好脆口，雞皮十分重油香🤤燒菠蘿都唔錯，超級多汁😋😋茄子超級大條，撕開佢一絲絲療癒🤪🤪✨海鮮類✨生蠔同扇貝雖然比較細隻，但係都好新鮮，用蒜蓉同辣椒調味，啖啖肉😀總括而言，一間好平民化嘅燒烤店😋
繼續閱讀
喺新寶睇完戲喺隔離搵嘢食 見到這間燒烤店就入去坐低食下野時間尚早所以唔使等位每張枱上都有個布袋仔原來係包紙巾，呢個設計都幾貼心 舉起手就拎到紙巾掃qr code落單都好方便朋友一嚟到就見到藍妹生啤買一送一燒翠玉瓜， 仍然好juicy燒烤店係一定要叫燒矮瓜大大份食完都係唔夠喉燒土豆， 別有一番風味燒菠蘿， 上面仲有一啲焦糖，食落脆身夠甜烤美國牛肩肉五串先至45蚊好抵食朋友一見到炸饅頭就話要食睇相都知好夠脆最尾想叫多少少碳水化合物，就叫咗這個夜市炒飯， 都幾特別，有少少羊肉的騷味朋友一見到雪櫃有玻璃樽裝可樂又話要叫我就見到這個朱古力煉奶麻薯， 我覺得有少少似糍粑感覺， 煙煙靭靭皮脆內軟整體覺得餐廳通風整體都覺得好好，食完成身唔會有陣油煙味，坐得都好舒服
繼續閱讀
粗店燒烤今次係我第二次回訪呢間「粗店燒烤」，佢哋間燒烤店門口係有一級，想去食嘅輪椅人士記得要自備斜板，今次入去發現座位佈局唔同咗，座位好似少咗，感覺闊落咗，每個座位上仍然保留住吊住紙巾方便食客抹嘴抹手，呢個係佢哋咁多年嘅特色！1.烤雞翼（1串2隻）$18（8/10）呢串烤雞翼烤到雞翼外皮有少少脆，不過雞翼面頭孜然粉可能落得太多有少少咸，一串有兩隻烤雞翼！2.烤雞軟骨（一份2串）$22（9/10）呢份烤雞軟骨烤出嚟雞軟骨唔會乾身，雞軟骨又唔會咬唔到太硬，粒粒軟骨咬到卜卜聲，一份有兩串雞軟骨！3.鹽燒牛舌心（2串6舊）$56（10/10）呢串鹽燒牛舌心外面有少少脆，而牛舌心入面都幾嫩滑，保持肉汁，唔會好似其他店舖燒得好乾身，又鞋柴，1串有3舊牛舌心，我叫咗2串，實在太好味！4.金菇肥牛卷（4串8舊）$64（10/10）呢串金菇肥牛卷個牛肉鮮嫩，唔會乾身，金菇好juicy，1串有2舊金菇肥牛卷，我叫咗4串，實在太好食！5.烤蒙古羊架（2支）$76（10/10）呢個蒙古羊架睇起嚟以為好硬又瘦，點知咬落去唔會乾身，有肉汁流出嚟，羊架帶少少肥，最唔鍾意羊架好瘦，今次無叫錯呢個蒙古羊架，簡直係必食之選！6.烤扇貝（一份3隻）$54（10/10）呢一份三隻烤扇貝烤得非常好，扇貝唔乾身之餘，仲加入咗粉絲、蒜蓉、辣椒同蔥花，食落去有少少辣辣地，粉絲吸哂蒜蓉味，真係非常好食！7.烤新鮮生蠔（芝士味）（一份3隻）$48（10/10）呢隻烤新鮮生蠔揀咗芝士味，生蠔好飽滿，食落新鮮之餘仲帶一點少少芝士咸，一份有3隻新鮮生蠔，好好味！8.哈爾濱啤酒（大支裝）$28（10/10）嚟得燒烤店點可以唔啤啤佢，我就叫咗哈爾濱啤酒，一大支啤酒夠自己飲，正！9.支裝雪碧$15（10/10）唔飲啤酒可以揀汽水，食燒烤野點可以唔叫返枝支裝雪碧嚟解喝呢！2人總共價錢$419，其他有加一服務費！個人口味總評分：9.67/10@coudimsiuhaau @maphk2021 地址：旺角豉油街60-104號XX Arcade地下AB號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#粗店燒烤 #串燒店 #燒烤店 #旺角 #旺角好去處 #旺角美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
今日同朋友去咗旺角一間串燒店食宵夜佢哋主打即叫即烤串燒，用上唔同的肉類同海鮮，加上東北風味的香料，燒起來特別惹味得不得了😍而且價錢合理，人均只需 $200-300 就可以食到飽，真係超值☺️🔸 烤美國牛肩肉 咬落去肉質鮮嫩，味道十足，必食推介😀🔸 烤爆汁五花肉 肥瘦適中，每一口都爆汁，非常惹味👍🏻🔸 烤雞肉串 雞肉味道香濃，搭配特製醬汁，真係唔錯🔸 泰式豬頸肉 豬頸肉帶有一點甜酸味，非常開胃🤤🔸 椒鹽魷魚鬚🦑魷魚鬚外皮酥脆，內裏嫩滑腍身，加埋椒鹽，惹味到不得了，真係食到停唔到口😆🔸 烤扇貝用上新鮮扇貝，加上大量蒜蓉，烤得好入味粉絲都有充滿蒜蓉嘅味道🔸 娃娃菜清新又爽口，係幫助消化唔錯嘅選擇🔸 炸黃金小饅頭 外脆內軟，加上煉奶，好好食😋🔸 焦糖燒菠蘿 🍍焦糖味道好香，加上甜甜的菠蘿，美味既甜品
繼續閱讀
您可能會有興趣的...