唐坊火鍋私房菜

位於旺角彌敦道樓上舖的「唐坊火鍋私房菜」，環境私密舒適，適合同朋友慢慢打邊爐。今次試咗佢哋嘅OpenRice上面的二人套餐，份量同款式都幾豐富！而家OpenRice訂座仲有優惠～今次湯底揀咗唐老鴨湯，鴨香濃郁又唔會太油，飲落暖身又開胃。店員話呢個湯底用原隻鴨燉湯三至四個鐘，燉到個骨都腍晒😍唐老鴨湯表面仲有素翅，仲要每日限定只有幾煲，賣晒就冇～真係睇你好唔好彩😝肉類選了封門柳（細），雖然係「細」份，但肉質嫩滑而且牛味重，微微厚切，輕輕一淥就食得三寶丸係手打蝦丸、手打花枝丸、極品牛丸，全部都係手打，煮熟左都幾似平時D丸一樣咁牙，新鮮打出嚟健康好多😀韮菜餃拼蟹肉餃都係手工風格，彈牙有嚼勁，而且味道都OK！善良響鈴係餐廳自己整，Size會比出邊嗰啲長少少，係新鮮炸出嚟，出果下仲係熱熱地有油😍二人海鮮盆有齊蝦、蜆、鮑魚、扇貝、魚片，新鮮度不錯，啲海鮮都幾鮮甜，啲海鮮都係即日拎貨，又係賣晒就冇….配料仲有田園雜菜籃，有粟米、娃娃菜同生菜～另外仲有手打烏冬，全部留返最尾食吸晒湯汁精華😍竹蔗茅根水，清甜解渴，糖分唔會太重，適合打邊爐想清熱又想健康嘅人～最尾每個客人都會送一份椰汁雪燕作為尾聲～整體嚟講，食材質素對得住價錢，服務態度友善，係一間適合傾偈慢慢食嘅樓上私房火鍋店！…查看更多

想搵間坐得耐可以慢慢食嘅火鍋店，上網search搵到唐坊，見地點方便就book咗枱嚟試下，大概八點鐘上到嚟，幾乎全店滿座，氣氛熱鬧。點咗個二人套餐，揀完湯底就邊傾計慢慢等食啦😋湯底選了⭐煲冬瓜瑤柱美腿鍋，湯底真係好鮮味，飲咗一碗先至開始打邊爐😆入口係香濃嘅瑤柱味，飲完都冇後喝㗎。個餐包括⭐靚牛一碟，淥一淥就食得，入口嫩滑冇渣。而⭐海鮮盤就有扇貝、蠔、蝦等，全部都新鮮鮮味。仲有⭐韮菜餃併蟹肉餃同⭐三寶丸，手工製嘅新鮮貨，粒墨丸勁彈牙😍唔少得嘅⭐蔬菜盤啦，入面有菜心、娃娃菜、油麥菜同唐生菜，吸咗湯底啲菜勁甜。仲有飽肚之物⭐手打烏冬，亦可選公仔麵的，個湯底好味，淥起嘅烏冬都特別正。最遲先上嘅⭐響鈴，差啲唔記得佢，自家製貨同盒裝係有分別嘅。個餐仲包兩杯飲品，有自家⭐竹蔗茅根水或者罐裝汽水可選，呵呵，個富士山杯幾靚呀。食飽飽後仲送上一碗糖水，係椰汁雪燕，冰冰涼涼又微甜，作為尾聲真係食得幾舒服。可以食足全晚唔趕客，店內坐得舒服，食物高質有水準，係傾偈好地方呢。…查看更多

是日拍拖日兼旺角一日遊，上午同老公在Moko睇咗IMAX 版你的名字、下午繼續旺角嘆推油按摩💆‍♀️，晚上便到位於油麻地心臟地帶，樓下交通方便四通八達，仲可以俯瞰着油麻地旺角美景的火鍋店用餐！呢一間火鍋店個名叫做唐坊火鍋私房菜，以港式養生火鍋為賣點，裝潢糅合西式元素，打造環境雅致，而且店內溫度夠舒適、抽風亦非常好👍🏻 平時小妹一邊食飯一邊流汗，在唐坊打緊邊爐嘅時候竟然沒有出現流汗情況😲令成晚用餐過程非常開心🥳，小妹兩公婆在選擇困難症嘅情況下，決定要二人餐！（減少苦惱）唐坊最出名的《唐老鴨湯鍋》，當晚因太受歡迎嘅關係而賣晒嚕🥺，唯有揀另一款主打湯底《煲冬瓜瑤柱美腿鍋》，冬瓜瑤柱金華火腿湯做邊爐湯底真係超級滋補，有住家靚湯嘅味道，鮮甜濃郁超好飲💕二人餐包括以下美食：1️⃣二人海鮮拼盤（鮮蝦、大蜆、鮑魚、扇貝、鮮魚片）～鮑魚4分鐘啱啱好鮮味十足，大蜆肉質大大粒又脹卜卜，海鮮拼盤所有海鮮都非常新鮮甜美。2️⃣手切封門柳（細）～牛味都幾香，牛肉肉質少油脂，可能本身鍾意食肥啲啲的牛肉，所以覺得肉質有少少偏瘦。3️⃣三寶丸（手打牛丸、蝦丸、花枝丸）～三款丸起晒膠咬落超彈牙，調味都非常好👍🏻仲有粒粒花枝肉（小妹平時有煮開飯所以識少少😆）4️⃣韭菜餃拼蟹肉餃（每款兩件）～蟹肉餃都係第一次食，原來咁鮮甜好味🤤而且都幾大粒，肉餡也實心㗎，調味及味道相對唔錯！5️⃣善良響鈴（細）～響鈴新鮮無「油益味」6️⃣田園菜籃（四款蔬菜，超甜粟米）～菜籃有娃娃菜、油麥菜、菜心同超甜粟米🌽，蔬菜們同湯底超夾，一啖菜一啖湯，飲落超舒服😍7️⃣一份出前一丁～二人餐只包一份麵食，因為小妹老公平時唔食烏冬，所以決定要出前一丁，可能冬瓜瑤柱金華火腿湯太出色，所以連平時嘅出前一丁都覺得超正😋8️⃣兩杯無酒精飲品（竹蔗茅根水）～香港人打邊爐梗係要飲竹蔗茅根啦，實在太好飲同唔夠飲，之後仲額外加多咗一「渣」竹蔗茅根，繼續享用！9️⃣椰汁雪燕糖水～飯後糖水，椰汁雪燕糖水凍冰冰超好味😍😍額外再要多碟豬界貴族《橡果豬》，原來係西班牙伊比利亞橡果豬，伊比利亞豬不嬲都係好嘢嚟，豬紋勁靚、豬味夠濃厚、肉質又彈牙，仲唔係豬界貴族👑唐坊服務真係好好呀，老闆會幫手畢起嗰啲泡泡，平時都係小妹自己動手，因此覺得特別窩心☺️，有服務有環境有質素，相對以私房菜嚟講價錢唔算係好貴，二人套餐未加一價格不用$700，下次帶埋老爺奶奶嚟食先😚😚…查看更多

同老朋友聚舊, 搵咗間旺中帶靜、位於油麻地譽發廣場樓上其中一間火鍋店, 居高臨下, 環境舒適寬敞, 我地兩個人點了呢款火鍋二人餐, 自選火鍋湯底、部份火鍋配料同樣可以自選, 整體份量絕對滿足兩個人食量。我地揀咗---老鴨湯底半隻細鴨在湯底中, 滾起就食得, 鴨肉好林, 用筷子夾起都能撕出梳梳鴨肉, 湯底香甜濃郁, 未開動打邊爐, 我倆都飲咗半個湯底。海鮮拼盤: 包括有蝦、扇貝、蜆、鮑魚、鱔片, 其中鮑魚較為出色, 鮮甜彈牙。手切特級牛(細):牛肉呈棕紅色, 稍為烚幾秒食, 肉嫩非常。三寶丸、韭菜餃及蟹肉餃三寶丸有墨丸、牛丸、蝦丸, 粒粒手打爽口彈牙; 兩款餃好足料, 韭菜餃韭菜味好重, 蟹肉餃滲出鮮香味。響鈴: 即炸響鈴口感鬆脆, 落鍋可以做到一秒響鈴, 食到湯汁味道同時又食到鬆脆口感, 正! 不過話明二人餐, 唔明點解只得三條。套餐包括了田園雜菜籃、自選麵食同埋自選飲品。最後老闆娘仲送糖水, 用北海道3.6牛乳煮成糖水, 其中更凝固成蛋白狀, 香滑奶味重, 正!!!…查看更多

♡♡♡📍 唐坊火鍋私房菜 (油麻地)油麻地彌敦道560號譽發廣場23樓二人套餐 $678喺旺角都可以一邊望住日落海景一邊打邊爐🌅 真係好幸福啊♥️呢個二人套餐啱晒情侶 /朋友上嚟望住靚景嘆火鍋💖依家係openrice 訂台仲有優惠🤭⭐️煲冬瓜瑤柱美腿鍋🍲湯底奶白色 入口鮮甜，材料有鮮甜冬瓜、大大粒瑤柱同金華火腿，湯底真係好有驚喜停唔到口 夏天冬瓜當做特別好味！建議喺未開始打邊爐之前已經要飲返幾碗湯👍⭐️三寶丸三寶丸有墨丸、牛丸、蝦丸，粒粒手打爽口彈牙。牛丸咬落爆汁，墨丸仲有墨魚肉好有咬口。一式三款，就算只得兩個人都已經可以試盡唔同嘅丸😊⭐️海鮮拼盤份量充足款式又多，一個拼盤有齊鮮蝦、扇貝、大蜆、鮑魚、魚片，唔使再驚得兩個人試唔晒咁多海鮮🦐🐟！將海鮮嘅鮮甜混合埋冬瓜湯底滋味再提升⬆️✨✨最後加埋個手打烏冬最完美🤩⭐️韭菜餃及蟹肉餃一入口 第一樣要即刻讚賞餃子皮夠薄夠滑😻😋而且餃子餡料口感紮實夠曬厚肉，入面包住滿滿既韭菜同蟹肉。絕對係出色既火鍋配料😎👍👍⭐️邪惡響鈴由於湯底太好味☺️ 立即追加多個響鈴吸收湯底精華。響鈴新鮮鬆脆，淥多幾秒又滑溜軟嫩，讓人欲罷不能，必須要有！😗⭐️刺身拼盤⭐️手切特級牛（細）⭐️田園雜菜籃⭐️手打烏冬⭐️竹蔗茅根水…查看更多