影片
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
一向都喜歡吃火鍋既我，台式火鍋係唔錯嘅選擇。餐廳以十分車站和十分老街為靈感，裝潢打造台灣懷舊氣息風格。入去前先選套餐，因應揀既唔同套餐，有唔同食品款式。火鍋有多款湯底選擇，可以任選2款湯底再組成一鍋，同時可以滿足唔同客人，又或者全鍋一款湯底 ; 我就揀左 椰子雞鍋 ，椰子雞鍋，好清新既椰青水，帶著雞既香味，雞肉嫩滑彈牙，滋潤清甜。我地揀選左 Lv5 殿堂日本A4和牛海鮮吃到飽套餐，供應無限肉類及海鮮，120分鐘放題套餐包唔同種類嘅肉類，包括日本A4黑毛和牛、珍寶海扇蛤、鮮灼象拔蚌、深海珊瑚蚌、廣島蠔等等太多選擇啦！珍寶海扇蛤超大隻，好厚身，肉質爽甜。鮮灼象拔蚌 及 深海珊瑚蚌，兩款蚌同樣新鮮，爽口，帶海水鮮味，廣島蠔 - 肥美飽滿，肉質鮮甜嫩滑，甘香可口 ; 原隻大海蝦 - 肉有彈性，蝦味重味道鮮美，原隻鮑魚 - 鮮嫩Q彈，福隆沙白 - 濃濃海水味，肉質鮮味無比，新鮮白鱔片 - 口感爽脆、滑身，食起嚟軟軟綿口感，花膠 - 爽身黏口，有豐富骨膠原。日本A4黑毛和牛 - 入口充滿油香味，色澤紅潤，牛味特別濃，好嫩滑。澳洲和牛肩胛肉眼 - 色澤鮮艷，肉質軟嫩，充滿濃厚嘅牛肉香味，每一啖都香氣十足。牛扑肉 - 賣相已經好吸引，品質極佳，入口即化，肉質Q彈。頂級無骨牛小排 - 油花分佈均勻，質地柔軟，牛味香濃。牛爽腩 - 肉質較為結實帶有嚼勁，牛味最濃，優質靚牛。阿公花雕醉雞 - 肉質彈性有咬口，富有雞鮮味，嫩滑好滋味，花雕酒香入味。精選梅花肉 - 肉味香濃，肉質鬆軟，食落唔會有油膩感。自助區無限追加台式食品和甜品，包括多款台式夜市小食，炸豬排、麻辣鴨血、柯仔煎、夜市鹽酥雞、鹽焗雞蛋、糖水、蛋糕，仲有自家製嘅手工雪糕、芋泥巴斯克、雲石芝士蛋糕，濃郁軟滑，香甜滋味，仲有多款美味嘅台式美食選擇。冷凍櫃擺放各類蔬菜、丸類、菌菇，另有粉麵、前菜小食，以及多種飲品供應，包括台灣紙包飲品、罐裝茶、自家製樽裝冷泡茶，揀咗白桃烏龍冷泡茶、桑椹洛神花冷泡茶、番石榴檸檬綠茶，解渴解膩，好飲。呢度嘅台式火鍋真係食到飽飽，而且又好味，下次一定要再嚟呀！
繼續閱讀
好耐冇食火鍋了，今晚約友人在旺角搵食。碰巧見一間台式火鍋店，裝潢簡約，坐位寬敞，自助區擺放整齊衛生，一於試吓。選擇了 LV4 特選澳洲和牛海鮮餐，價錢實惠。鴛鴦鍋底揀選了椰子雞湯配鮮鳳梨本菌蕃茄湯。椰子雞湯非常清甜滋潤。蕃茄湯味道濃郁，帶有甜香。肉類分別有澳洲和牛肩胛肉，牛扑肉，牛小排，黑毛豬，羊肩肉…….，質量十分重要，有肉香，軟腍。海鮮可享用花膠，大海蝦，鮑魚，刺参，蜆，款款新鮮味美。蔬菜區有好多特別台灣蔬菜，如水蓮，翡翠石斛苗，水耕小松菜，水耕白鳯菜…新鮮翠綠。還有熟食區，甜品區，飲品區，種類繁多。甜品最驚喜係有台式芋圓， 仙草。飲飽食醉之後，門口位有部夾公仔機，根據消費金額而可得到金幣碰碰運氣，好玩！
繼續閱讀
山見之前吃過，最近轉了模式，分lv1-lv5/6所有lv都能出去自助吧自行取食物。但自助吧熟食不吸引。炸物唔夠鬆脆。蔬菜款底很多，相比肉丸肉類太少不平均。但肉丸等是特別的，很少見，值得讚。整體上不錯。員工服務態度不錯。有位不著制服的不知道是老闆還是經理，感覺很有人情味。我們未齊人，見我們拿著重物，邀請我們可先入去坐，到點必須叫餐，因要齊人才可入座。其他男員工可增加多點笑肉，男的偏向苦口苦臉。環境食物都很好。
繼續閱讀
裝潢很漂亮的網紅店，座位不錯，坐得算舒服。但實際上並沒有多少時間邊坐邊享受食物，因為湯底超過20分鐘快30分鐘才上，其他各種菜品也是需要各種催單才上齊，只來得及叫了兩輪，就被說要last order截單。店內人手並不是不足，經常有空閒人員在聊天，但客人總要截很久才過來幫忙，到了last order時倒是很準時地過來說要截單，彷彿像是要趕客的，對話時的語氣也感覺他們並不是很想上班（前台那位應該是店經理的女士態度最差，看到也有其他評論說到類似的事情，應該是常態），可以說是因為服務態度差而吃得不盡興。除此之外，食物的質素也普通（這是比較仁慈的說法了），兩種湯底的味道都很奇怪，可選擇的蔬菜種類也不如其他火鍋放題般多。整體性價比極低，不推薦。
繼續閱讀
我哋10位,其中兩位早20分鐘先到達，已攞飛等到我哋全部齊人門口的staff，要我地再等40分鐘，原因係因為我哋太多人要我地分兩張枱！其實分兩張枱係冇問題，至於未入去問清楚咁我哋係咪可以分開兩張枱唔同叫唔同價錢嘅套餐啊？因為當中有人唔食牛，嗰位職員就話唔得唔可以，分單都唔可以！仲猛咁叫我哋食啲牛嘅套餐，因為比較貴嘅！同埋一路俾說話我哋聽，話我哋就咁行嚟，即係Walk in又咁多人，即係責怪我哋咁多人麻煩咗佢！食嘢係為咗開心唔係受氣！隔離上海嘢知道我哋10位佢哋舖頭都係滿座，但係10分鐘內即刻安排到張長檯俾我地，真心山見門口位女staff 咁嘅態度，已black list！
繼續閱讀