影片
開飯介紹
主打任飲任食涮涮鍋及壽喜燒，湯底有數十款選擇。任食配菜款式多，更有各類熟食和自助甜品區供應乳酪雪糕。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
天氣轉涼又係最適合打邊爐嘅時候，經過「牛気」見到火鍋之餘仲有「和洋祭」，一於黎滾一滾。放題有6個level可以選擇，豐儉由人，最後我地揀咗level 4，有澳洲穀飼黑安格斯牛及SRF美國極黑牛，仲有好多款海鮮，加十蚊可以有鴛鴦湯底，啱晒同太太一人一口味，最後揀咗黑蒜豚骨湯及蕃茄濃湯。湯底未到之前，先出去熟食區睇下呢個「和洋祭」，有好多嘢食，當中最吸引一定係關東煮，有魚糕、蘿蔔、冬菇等等，湯汁清甜，每樣都好入味；另外日式蟹棒冷豆腐好香滑，加上蟹棒及木魚絲，食落好清新。返到位湯底同肉已經到齊喇，第一round梗係每款肉都試下。個人最喜歡美國極黑牛，牛味好濃郁；澳洲穀飼黑安格斯牛肉質較柔軟，切得唔會太厚，淥十幾秒就食得；而牛小排及肉眼食落都唔錯。海鮮有大蝦、水魷魚及帆立貝等等，當中大蝦新鮮爽口，帆立貝亦好鮮甜，另外特別推薦極上蝦滑，好多蝦肉夠晒彈牙，啱晒懶得剝殼嘅我地。另外仲有三文魚刺身，厚切鮮甜，忍唔住encore咗幾次。出面自助區亦有多款丸、菇及菜，仲有牛気自家製麻吉燒，淥完後味道外鹹內甜，煙煙韌韌口感好過癮。飲品都有好多種類，有糖無糖嘅都有，亦有咖啡及茶。最後梗係要食埋甜品，除咗自助雪糕外，亦有中式糖水及豆腐花，仲可以自製棉花糖，亦叫咗楊枝金露，細細樽包裝得好可愛。埋單仲送一把遮，又食又拎真開心。
繼續閱讀
在屯門市廣場的牛気放題，服務十分好，這次晚餐體驗值得分享。來到門口，職員會先介紹不同放題套餐有什麼分別，惠顧level 4以上的放題套餐，就可以包括和洋祭餐牌的食物，有燒生蠔，我們就選level 4 $338一位的放題吧！選好放題然後選湯底，加$10可轉鴛鴦鍋，這樣最好，可配合各人口味。職員還介紹，如果拍攝火鍋照片或祈願板，在社交平台打卡，送御守一個，很漂亮！我們都很喜歡呢！一入坐便有禮物了！上菜速度很快，level 4 套餐包括澳洲穀飼黑安格斯牛和美國極黑牛放題，加海鮮放題，食物選擇充足。如果想點和洋祭的燒生蠔，職員提我們要早些下單，因為生蠔是即開即燒的，要大約20分鐘。套餐隨即上桌，湯底也熱得快。一款是黑蒜豚骨湯，一款是日式牛骨濃湯。食物煮在牛骨湯裏味道夠濃，有微辣，可以不點醬料，而黑蒜豚骨湯味道很香甜，大家一致喜歡。SRF美國極黑牛非常好吃，肉質爽，牛肉味濃；澳洲穀飼安格斯牛，肉質較結實，牛肉味也香；我們比較喜歡美國極黑牛的口感，一再翻點；穀飼牛肩肉質比較普通，一般放題都食到，所以主打要吃SRF美國極黑牛和澳洲穀飼安格斯牛。海鮮放題，我們最喜歡大蝦，非常新鮮大隻，咬下爽口鮮甜；水魷魚都非常好吃，煙韌軟滑，與其他放題餐廳有分別，新鮮是吃得出的。還有大片花膠，女士至愛。另外還有青口、帆立貝、脆鯛魚片等等，質素都上乘，很新鮮。三文魚刺身，也是包括在海鮮放題裏呢！而和洋祭的食物值得一試，因為日式蟹棒冷豆腐，在日式餐廳吃也不便宜，這個冷豆腐口感香滑，灑上蟹棒肉碎和木魚絲，味道鮮香很好吃。大讚美式煙肉白汁焗生蠔，真的非常鮮嫩，有白汁焗完，仍然吃到海水味，鹹度適中，可以無限追加，要提早下單啊！要提特色甜品日式朱古力大福，非常好味！絕對有和果子店舖水準。朱古力味最受歡迎，咬下外層軟糯，朱古力cream香滑不會太甜，入口即溶的感覺超治愈！自助區有關東煮，是我最喜歡的。湯底味道香甜，煮在裏面的食物已經非常入味，最喜歡蘿蔔和芋絲，吸收湯味超好吃。丸類和蔬菜類，款式齊全，都很新鮮。還有炸物放在熱櫃內，保持溫度和香脆口感。最後來杯低糖牛奶軟雪糕，隨意加小熊軟糖和棉花糖，漂亮又好吃，有得食有得玩。由於吃得很滿意，朋友決定做會員，即時送了會員禮物，是牛気的雨傘和鎖匙扣，真的吃得滿載而歸了。
繼續閱讀
*牛氣火鍋食評：質素差且價格高昂*最近我光顧了牛氣火鍋，這次用餐經驗讓我非常失望。這家火鍋店的整體表現完全不值它的高昂價格。首先，餐廳的環境和服務質量並沒有達到應有的標準。進店時，服務員態度冷漠，缺乏應有的熱情。桌椅擺設凌亂，餐桌上甚至還殘留著上一桌客人的食物，這讓人對衛生狀況感到擔憂。其次，食物的質量也不盡如人意。火鍋的湯底味道普通，毫無特色。肉類和海鮮的質量差，吃起來完全不新鮮。而且，配菜的份量少得可憐，蔬菜和其他配料質量也欠佳，讓人難以滿足。更讓人無法接受的是，牛氣火鍋的價格遠遠超過了同類型火鍋店。這次用餐花費了不少，但我卻覺得這餐錢花得毫無價值，實在是性價比極低。總結來說，牛氣火鍋的質素差勁，完全不值高昂的價格。我個人是不會再光顧這家火鍋店，也不會推薦給其他人。如果你對火鍋有一定的要求，建議避開這家店，選擇其他更有品質保障的用餐場所。
繼續閱讀
牛気十周年呀🤩🤩只要食平時澳洲極上和牛(lv5)或以上嘅放題套餐，就可以免費升級食日本熊本縣嘅和牛，真係牛気充天🤩🤩而且推出好多十周年限定嘅美食，咁抵，點可以唔去食呀😍想回本真係好容易，一人食2碟日本和牛就已經回本，而且佢一碟份量都唔少，唔洗不停加👍🏻牛肉肥瘦相間，口感一流，睇色澤都知質素唔差☺️除咗牛，仲有好多海鮮同其他美食可以手機qr code落單，不過因為太飽，好多野都冇試到，出面仲有好多自助嘅美食可以隨便攞。建議可以試吓10周年限定嘅美食，味道都好唔錯。而家lv5做緊優惠，$398就食到，仲可以飲生啤，真係好開心😀所以平日去都好快坐滿，鍾意食牛嘅朋友仔，快啲約屋企人同朋友去食啦🥰
繼續閱讀
天氣凍凍地，又係時候打下邊爐🫕屯門都有好幾間既任食邊爐，今日簡左牛気，餐廳位置好方便，電梯一上就見到，而且佢座位闊落，食物種類又多☺️叫咗個鴛鴦湯底，壽喜燒拼蕃茄湯，即刻出去睇吓有咩食拎醬料區、沙律區、熟食區、蔬菜區、丸類、甜品同飲品櫃…就咁數數都覺得好夠食，而肉類、海鮮、壽司等就用qr code落單拎完醬料已經見到牛肉同海鮮係枱，牛肉紋路清晰睇落好新鮮，澳洲安格斯牛肉味濃，美國極黑牛有口感。海鮮有我最愛帆立貝、青口、鯛魚片同大蝦🍤，仲有條墨魚滑，想講佢地隻大蝦彈牙到不得了😌為左留肚，我地冇叫壽司，但我地叫左迷你丼飯，一口一啖非常精緻，推介吞拿魚蓉👍🏻飲品種類都非常多，除咗凍嘅仲有啲室溫可以拎好貼心❤️甜品除左出面拎之外，我仲落左個楊枝甘露，細細樽岩哂可以試多d唔同野，馬卡龍唔甜，最鍾意食芝士蛋糕🍰順帶一提，職員做嘢都好快手同埋好有禮貌，會話我知我d野食既進度😚
繼續閱讀