影片
開飯介紹
佐賀燒肉谷主打日本九州佐賀縣農場空運直送的佐賀和牛，提供無限量的肉類和海鮮放題，讓您慢慢享受100分鐘的滋味。餐牌上有超過140多種菜色可供品嚐，味蕾會忍不住隨著菜式的變化而起舞。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
上次食完一人燒肉之後，個心都仲係好想再食燒肉，今次同決定食返個燒肉放題，咁就夠哂滿足啦！喺屯門市廣場見到呢間佐賀燒肉谷，而家仲有期間限定嘅水果祭，主打多款創意料理，既可以食到美味嘅燒肉，又可以感受到水果嘅清新滋味，即刻入餐廳大吃特吃先😝Lv 3 澳洲和牛海鮮放題(120分鐘)💰每位HK$488呢個套餐食物選擇超過128品+，有多款肉類、海鮮、日式料理同主食等等可以任叫😋除咗用QR code落單之外，餐廳仲設有食物自助吧，有多款前菜、熟食同蔬菜等等任均選擇～✨頭盤賣相非常之適合打卡，有美國牛胸腹肉、嚴選牛肩腹里肌肉、牛舌、特選牛小排、骨付牛助肉、澳洲穀飼原塊牛板健、澳洲和牛·上級牛胸腹肉同埋澳洲和牛·特上牛肋肉等等！每個部位嘅牛肉都特點分明，風味十足！個人最推薦澳洲和牛·上級牛胸腹肉，油脂分布平均，入口即溶🤤～✨海鮮拼盤海鮮全部都勁大隻，而且好新鮮！有青口、鮑魚、帆立貝、大蝦、海螺等等！款款都各有千秋，充滿海鮮嘅鮮甜味！個人最推薦帆立貝同埋大蝦，爽口彈牙～✨呂宋芒雜果沙律(期間限定)味道與別不同，最特別嘅係有呂宋芒、火龍果、菠蘿同煙三文魚等等食材，味道清新，好有驚喜～✨雜果醬封門柳壺漬(期間限定)封門柳口感軟腍，再加上用咗雜果醬去醃製，所以除咗有濃郁嘅牛肉香味之外，仲多咗一份甜美嘅果香，將封門柳嘅味道再昇華到一個更高嘅層次～✨甜品喵爪福餅賣相可愛，糯米皮超軟糯，內裡係海鹽曲奇味嘅忌廉，味道甜而不漏！雪之戀大福同樣都係外皮超軟糯，內裡就變咗係雲尼拿嘅忌廉，一啖食哂好滿足！芝士蛋糕結實細膩，好出色～✨雪糕最後食返杯雪糕就大滿足啦！有好多醬料同配料可以自由添加，今次就加咗曲奇碎碎、粟米片同埋麻薯粒粒，可以一次過感受哂多重口感，超正👍🏻～✨飲品設有飲品自助櫃，有各式各樣嘅飲品提供～值得一讚，餐廳唔單止環境闊落舒適，抽風系統做得好，而且所有食物都好有水準，無論係肉類海鮮定係其他自助任食嘅食物，都同樣咁高質👍🏻下次一定會來再encore😍
繼續閱讀
💖 佐賀燒肉谷 (屯門市廣場1期) (屯門)✨屯門屯順街1號屯門市廣場1期3樓3229號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️之前行過屯市已經好想食，不過次次行過都Full哂😤。好彩今日我地好早就達陣🤤，食早啲唔使同人爭🤫-澳洲和牛海鮮放題🔥 $488坐埋枱冇5分鐘就有職員上左個頭盤🥳，有澳洲和牛特上牛肋肉、澳洲和牛上級牛胸腹肉、澳洲穀飼原塊牛板健、骨付牛肋肉、特選牛小排、牛舌、嚴選牛肩里肌肉同美國牛胸腹肉🥩，最底仲有個海鮮拼盤🤤，有螺、青口、虎蝦、帶子等🫶🏻。一黎就已經好豐富😏除左有128+品美食任選之外，佢今期做緊水果夏祭☀️，多左幾款野食😳。最好食嘅就係雜果醬封門柳壺漬😍，既有果香亦有肉香🥳。呂宋芒雜果沙律亦好唔錯👍🏻，有牛油果醬、菠蘿、火龍果、煙三文魚等嘅材料製成，好清新🌿Qrcode必點推介:鰻魚、生蠔、魷魚、凍烏冬、冷豆腐、芝士竹輪卷，呢一推食物係必食😋自選區有雜菜、水果、甜品、飲品等💁🏻♀️呢普通野好多人介紹過~我今日要分享下佢嘅熟食‼️佢竟然有汁煮蘿蔔😋好有日本7仔關東煮Feel🤫。旁邊有紫菜飯可以任添😌，另外佢嘅蜜糖芥末醬做燒肉醬勁正🤩，出面真係好少見到呢款醬😏。自選區設有雪糕機，大家可以自己試下吱😂，不過幾得唔好心急‼️吱好後可以加配料同果醬😝。我最鍾意就係加彩針同Oreo碎。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀
頂級日本佐賀A4和牛+魚羊鮮放題佐賀燒肉谷出名食材高質又新鮮，而佢地仲有個頂級「LV4日本佐賀A4和牛海鮮」放題套餐，早前就同老公黎體驗來自日本嘅高級美味！套餐包括6款頂級日本A4佐賀和牛部位任食，仲有煙燻壼漬封門柳（ 醬油味）， 一大條成條封門柳，入口即化，喺鐵網上燒烤仲香氣四溢，肉質嫰滑🥩!「香草羊架🐑」，鮮嫩多汁，香氣撲鼻。「燒白鱔🐟」搭配鰻魚汁及檸檬鹽醬，口感豐富！還有多款海鮮無限享用，包括大海老🦐、生蠔🦪、原條魷魚筒🦑勁新鮮，超過140款精選美食飲料，無限追加黑魚片湯、吉列多春魚、羊黑毛肚串、羊小腸串等一系列特色料理，為您的燒肉體驗增添更多驚喜！此外，自助區還增添了多款季節性美食，包括番薯天婦羅、日式蒜香杏鮑菇炒牛肉和魚湯羊肉餃子等！甜品方面一定要食雪糕，有蜜瓜味同埋朱古力味！仲可以加toppings 好正啊！真心強烈推介佐賀燒肉谷，大家都快d黎享受這些由魚類、羊肉及當季食材打造嘅精緻燒肉饗宴啦！佐賀燒肉谷 (屯門分店)屯門屯盛街1號屯門市廣場一期3樓3229號舖#yakinikuguu #GUU #yakiniku #Gudzilla #japanesefood #hkfood #hkfoodie #佐賀燒肉谷 #燒肉谷 #燒肉 #日式燒肉 #燒肉放題 #會員優惠 #LV4 #日本佐賀A4和牛海鮮 #放題 #套餐
繼續閱讀
120分鐘Level 3澳洲和牛海鮮放題（$448），呢個Level性價比都唔錯,已經有好多野食選擇😋，基本上係多到唔會全部試得哂～·都有更平同更開心既價錢選擇 睇吓大家想食咩一開始會先上最震撼既頭盤，最大塊既封門柳，有出色的大理石花紋，濃郁的牛肉風味，肉汁豐富而且鮮嫩,燒完肉味十足!!仲有澳洲和牛上級牛胸腹肉🐃、澳洲和牛特上牛肋肉🐂、美國牛胸腹肉🐮、牛肩里肌肉、厚切牛舌等，每款牛肉各具不同口感及肉味，有原味、燒汁、黑椒、蒜蓉味噌、辛味,尤以澳洲和牛嘅肉味最為濃厚👍🏻仲有🦑🦐🐟 鮮甜肥美的日本原隻生蠔、彈牙多汁的大海老，以及口感滑嫩的帆立貝, 原條魷魚筒,醬燒廣島蠔,鹽燒三文魚鰭 ,蒲燒鰻魚 ,海魚魚干 ,花魚一夜干 ,原隻鮑魚燒 ,燒日本原隻生蠔,個胃都full 左,雪糕專區冇能拒絕,超過10幾種既配料,有朱古力味同蜜瓜味。🐷🐔🐥🐂🐮
繼續閱讀
整體食物不錯、服務態度專業。海鮮選擇也很多，大小朋友都很喜歡選擇也十分多元化。飲品選擇也算多。甜品方面也是很好。水果（哈蜜瓜、菠蘿）非常甜。燒菠蘿非常好味。適合一家大小。
繼續閱讀