影片
港鐵尖沙咀/尖東站 N3 出口, 步行約2分鐘
繼續閱讀
電話號碼
29555288
營業時間
今日營業
12:00 - 15:00
18:00 - 22:00
星期一
全日休息
星期二至日
12:00 - 15:00
18:00 - 22:00
*午市：12:00-1:15，1:30-2:45
以上資料只供參考, 請與餐廳確認詳情
優惠
85折
晚市 Omakase (月)套餐(1位) (2位起) 歎10款時令壽司5款刺身
$1,343
$1,580
相關文章
日式料理控的我，只要有刺身壽司嘅日式料理，我都愛不釋手😚 ᴏᴍᴀᴋᴀsᴇお任せ 由選米飯、調醋比例、魚食材，調味，以及刀工，每一個步驟都不能輕視。每貫壽司蘊藏著職人嘅精心安排，此家更混入藝術創意元素，帶來完美嘅味覺和視覺享受。ᴼᴹᴬᴷᴬˢᴱ ᴰᴵᴺᴺᴱᴿ ˢᴱᵀ ༓･⁺‧͙ 月 • 全十九品 $1,580 ༓･⁺‧͙ •∗ 先付∗ 刺身五品∗御料理∗ 壽司十貫∗ 湯∗ 甜品༓･⁺‧͙ 日 • 全十六品 $,1380 ༓･⁺‧͙ •∗ 先付∗ 刺身三品∗御料理∗ 壽司九貫∗ 湯∗ 甜品∗先付 前菜有 蓮藕赤梅煮．鮮百合．柑橘蜜煮 櫻餅． 三文魚子金菇鮮帶子。月 刺身五品 ∗生蠔Ｉ螢光魷魚Ｉ魚子醬北海道花魚刺身Ｉ澳洲鮑魚Ｉ獅魚每道菜都擺款精緻，有用心裝飾，感到誠意滿滿🫶🏻🦪嚴選較新品種 - 日本長崎縣 小長井華蓮 生蠔，聽師傅介紹早於2年前曾獲No.1 金獎🥇屬非常出名品種，近呢2個月係當造，蠔嘅肉質飽滿圓潤，滑嫩鮮味，仲好清甜。🦑兵庫縣盛產嘅螢光魷魚ほうこういか，係春天的當造季節性食材，大廚將佢燒過，魷魚膏味更突出更香😌🐟魚子醬 北海道花魚刺身，用咗食用番梘泡🫧打造咗好有gimmick嘅打卡效果，必定要拍片啊🤩花魚刺身以白身魚嚟講，係較重味，但唔會太濃。🐚澳洲鮑魚係加貝類一起汁煮，大廚以慢煮8-10鐘，再淋上身，好味😋🐠獅魚其實係大條嘅油甘魚，油份同魚味較豐富，而且火炙過油香更出。日 刺身三品 ∗ 象拔蚌Ｉ地金目錭Ｉ三文魚子海膽杯加拿大象拔蚌好爽彈；地金目錭雖然油份不算太多，不過味道好出；三文魚子海膽杯有色澤鮮明嘅大大件海膽，配上自家醃製過嘅三文魚籽，中間仲有柚子皮。∗御料理春魚櫻花🌸汁煮，旁邊有加上櫻花🌸點綴（櫻花麵根製作）。∗壽司依助木壽司Ｉ帆立貝壽司Ｉ深海池魚Ｉ小白蝦Ｉ關池魚Ｉ花竹蝦 Ｉ鮫鰈魚Ｉ赤鯥魚Ｉ中拖羅由最淡味依助木壽司開始，帆立貝壽司，到比較有咀勁嘅深海池魚。小妹偏愛小白蝦，佢係由富山縣 10-20隻蝦仔🦐，加上岩鹽同柚子皮，好彈牙又清爽。佐賀關既關池魚 (自大浜縣） , 其實係喺水流急速之地出產嘅池魚青魚，佢活動量高，所以肉質較實同大條，白身魚嚟講算係魚味較突出👍🏻花竹蝦就比魚更貴價，好比拖羅，蝦味都好重。輪到我最愛嘅右口魚（即係膠碟魚），以3片薄切做法，再上面放咗一片火炙過嘅膠碟魚魚邊位，入口有幾個層次感。比較少見嘅赤鯥魚，係中南部地區盛產嘅「最貴拖羅」，因為深海魚，要用魚船機器才釣到，油脂比較豐富。最後就係中拖羅。∗湯 (月 第18道/日 第15道）∗甜品 (月 第19道/日 第16道）
繼續閱讀
🥢難得朋友過黎搵我食晏，緊係要食好啲，兩個人又想坐耐啲靜靜地傾下計，最後揀左Omakase😆✨今次個set包括 : 先付 + 4款刺身+御料理+6貫壽司+吸物+甜品🔸先付有3款，擺盤好精緻蓮藕赤梅煮：蓮藕爽脆，味道酸甜好開胃櫻餅：🌸櫻餅口感香甜軟糯，中間係紅豆餡🫘外層包住紫蘇葉，側邊配左柑桔蜜🍊同鮮百合三文魚籽金菇鮮帶子：帶子厚身鮮甜，加埋三文魚籽，口感更豐富🔸伊佐木真鯛卷尼款超級打卡😍真鯛魚入面包住北海道馬糞海膽，真鯛魚味偏淡帶甜，唔會搶左海膽既甜味，兩樣加埋一齊味道更突出，面頭灑滿金粉同竹炭鹽，仲用左魚籽醬做點綴，另外可以配埋🪻紫蘇花一齊食🔸長崎縣小長井華漣生蠔🦪外殼呈花型，肉身飽滿，貝柱位置鮮甜，口感清爽帶海水咸味🔸三文魚籽海膽杯同樣係用左北海道馬糞海膽，海膽既粉量都好多，三文魚籽醃過，所以味道會比較甜，面頭加左柑子皮，味道清新😋🔸 對馬港鰹魚鰹魚外層用火炙既方式處理過，魚肉脂肪較少，肉質軟腍，如果鍾意食重口味既，可以加埋日本🧄蒜蓉同蔥 ，夾住一齊食🔸御料理熟食係鰆魚櫻花煮，魚肉炸過，粉漿唔會好厚，魚肉白雪雪，肉質嫩滑鮮甜，帶有油脂香，則邊既櫻花麵筋🍥🔸真鯛魚肉質有彈性，味道清淡同時帶有甘甜味，面頭加左柚子片，味道清新🔸養殖銀鱈魚 銀鱈魚脂肪豐富，經過火炙之後，油脂味更突出，肉質爽口，面頭加左黑松露，松露既香加埋魚油香，層次豐富🔸北海道白象拔蚌味道濃厚鮮甜，充滿海水既味道，口感爽脆利落🔸太刀魚姐係平時既牙帶魚，肉質肥美，經火炙後的魚皮帶油香🔸大分縣大拖羅拖羅厚切，脂肪含量豐富，脂肪分佈好似雪花咁❄️入口即溶🔸北海道赤海膽 超級滿足🤤赤海膽味道濃郁，味道非常鮮甜，而且口感creamy，配埋淡雪鹽，帶出海膽既鮮味🔸蜆湯個湯相對遜色，味道清淡，除左蜆就無其他配料，略嫌無乜味🔸甜品甜品亦都好豐富😚赤肉蜜瓜同白酒啫喱提子，先食啫喱再食蜜瓜，白酒啫喱味道清新，酒味唔會好濃，有解膩既感覺🍈蜜瓜甜量極高，多汁軟腍
繼續閱讀
今次想分享個Omakase dinner 體驗，呢間餐廳嘅菜單精心設計過，擺盤好靚，係一個同時滿足眼球同味蕾嘅一次用餐體驗😆🫶🏻1️⃣Omakase Moon $1580✨先付🦪吉列廣島蠔吉列廣島蠔炸得好Juicy，口感好脆，再配上沙津醬，清新又開胃✨刺身第一款係呢個超靚打卡able嘅波波，師傅用咗食用番梘🫧🫧🫧面頭仲有魚子醬同金箔做點綴，非常有創意同好多心機位🥰金鯛魚同蝦，再加埋紫蘇花增加味道層次，最後再加埋魚子醬，增添豐富口感。第二款就係蠔，濃郁嘅味道同肉質creamy肥美。第三款係三文魚子海膽杯，北海道海膽同自家醃製嘅三文魚子帶有淡淡嘅柚子味🦪第四款係日本北海道毛蟹肉，配上紫菜同紫蘇一齊食，可以加啲紫蘇提味🦀第五款係煙燻過嘅黑鯥魚，煙熏味道好特別，帶出魚肉嘅豐富層次。✨熟食御料理鮮淮山用Wasabi醃製過，搭配上薑同牛膀，仲有鰆魚做主角🎣✨壽司十貫今次食咗10款壽司，好滿足！師傅介紹係選用咗特級越光米，細食嘅朋友仲可以揀少飯😆今次試咗深海池魚、帆立貝、鰈魚、象拔蚌、小白蝦、地金目鯛、鰤魚、鯖魚棒、中拖羅同最後北海道海膽😚🤤✨甜品白酒提子啫喱同赤肉蜜瓜，好夾好食❣️📍Address📍花晨月夕尖沙咀赫德道2號金麟商業中心2樓
繼續閱讀
對自己同家人好啲，帶媽媽去食好啲。朋友介紹呢間尖沙咀樓上人世有高質的廚師發辦日式料理。廚師發辦有8 個價位，價錢好親民，豐儉由人。餐牌有幾個價錢選擇。由$288 九件壽司，$388 十二件壽司，$588，$888 到 $1580 ，我覺得咁樣分價錢幾好。孝敬媽媽就當然食$1380 由前菜、刺身、熱食、湯、壽司、甜品，夠晒滿足。先付：有黑煮蜜豆，小女魚脆卜卜，比較少食豆類的我，清晒黑豆，甜蜜蜜嘅黑豆好有營養。百合柑桔，白飯魚乾，燒刺身帶子，金菇漬。前菜已經好滿意。刺身四款：真鯛魚卷甜蝦，魚子醬鱈魚白子，好香，完全冇腥味。象拔蚌刺身，柚子皮北海道海膽毛蟹肉A4 和牛葛粉絲，一人一小碗，暖下胃，和牛入口溶化。壽司6 件，帆立貝壽司 ，清甜。小白蝦，口感好幼細。絲魚，柚子胡椒中和油膩感。地金木鯛，靜崗出產的濃厚的魚香。中拖羅，無得彈。海膽，份量好大方。蜆肉湯甜品家人食得開心，會再訪，師傅細心又搞笑。
繼續閱讀
發現到一間隱世日本料理，冇大招牌，專做omakase，都容易book位。餐廳係商業大廈二樓，純黑嘅大門，如果冇預約都唔知入面有間餐廳。都係以壽司吧為主嘅格局。佢哋有幾款餐，今次叫嗰餐有前菜+刺身四品＋御料理+寿司六貫＋吸い物+甜品柑桔蜜煮配百合醋煮海參帆立貝配三文魚子、金菇柑桔同海蔘都係酸酸甜甜好醒胃，帆立貝溫和平衡返準備食刺身。鮫鰈魚，甜蝦膠配竹炭鹽北寄貝配青檸漬三文魚子配北海道馬糞及柚子皮炙燒白子配香蔥、辣蘿蔔蓉最鍾意呢一part，鮫鰈魚配甜蝦再加啲紫蘇花，好鮮甜。青檸又去曬北寄貝啲腥味。三文魚子配海膽就一定正。個白子炙燒之後冇咗啲滑潺潺嘅口感，非常之唔錯。塩燒鰆魚配鱈の芽鱈の芽第一次食，被譽為山菜之王，甘甘甜甜又爽口。鰆魚油香夠。真鯛炙燒銀鱈魚配黑松露醬帆立貝富山灣白蝦大分県中拖羅海膽手卷壽司魚生份量十足，一定夠飽。大蜆清湯湯清甜，比起味噌湯更好。密瓜，開心果雪糕開心果雪糕幾好食，又特別。
繼續閱讀