花晨月夕

套餐內容豐儉由人，性價比高，同時擅於捕捉與滿足客人心理，將日本時令食材結合仙氣、泡泡效果等「打卡元素」。食物：🌙 Omakase Moon ($1,580)🥢 先付✨鹽焗銀杏、落花生、石川小芋、龍珠果✨水雲：清爽帶酸，有助開胃。✨香魚甘露煮：師傅以甘露煮方式烹調香魚，連骨頭亦已煮至軟化，能呑進肚子，吃起來芬芳甘鮮。🐟 刺身五款✨深海池魚：巨大氮氣泡泡的瞬間爆破，彷彿揭幕了一幅盛於瓶中的畫作。主角是入口細緻帶微甜的深海池魚，它輕柔捲起綿糯的甜蝦，綴以竹炭鹽、奢華的魚子醬及紫蘇花，海洋氣息延綿不絕。✨北海道白象拔蚌：肉質清甜鮮爽，配青檸汁。✨三文魚海子膽杯：金燦燦的模樣，叫人心動！以濃厚鮮美的北海道根室馬糞海膽，搭配餐廳自家醃制的甜美三文魚子，口感豐富。✨剛入季鱈魚白子：滋潤養顏之寶！質感細緻滑溜，燒過後更creamy，配蔥花蘿蔔同吃，有辟腥及提升鮮味之用。✨四國鰹魚：色澤鮮艷，緊實有彈性，裹上洋蔥、茗荷及炸蒜片，香而不膩。🍲 御料理✨雉羽太：即石斑魚，經酥炸後依然細緻味清，伴以青瓜、河蝦、米茄及日本甜薯，溫潤舒適。🍣 寿司十貫✨真鯛：味道清雅柔韌。✨北海道銀鱈魚：肉質幼滑，油脂豐腴，配上黑松露醬更香溢。✨靜岡縣白三文魚：油脂豐厚，好彈潤。✨鹿兒島間八：魚身韌中帶脆感，很獨特。✨鮫鰈魚：緊實爽鮮，頂上燒過的魚邊，增添油香感。✨伊佐木魚：伊佐木魚本味道素雅，以胡椒三星漬增味，延續不一樣的章節。✨北海道網走產的喜之次：輕燒逼出魚油，橙紅魚皮微焦酥香，肉身更顯細膩。✨新鮮鯖魚：非常天然濃郁。✨和歌山大拖羅：呈粉紅色，脂香軟腍又細緻。✨北海道海膽：灑上淡雪鹽，甘甜、入口即溶，令人齒頰留香。🥣 吸い物：大蜆清湯🍮 甜品 (デザート)：提子、赤蜜瓜…查看更多

今晚同朋友食好啲，揀左一間賣相精緻Omakase 盛宴，用餐過程好似欣賞緊一場藝術表演。🌙Omakase Moon 鰻魚 胡麻醬 靜岡蕃茄 日本海蜇配青瓜冬菇鰻魚肉質細膩，帶有略微油脂感，靜岡番茄清甜多汁，海蜇爽脆彈牙，搭配青瓜的清脆口感。深海池魚配北海道馬糞海膽賣相好有心思，用泡泡營造效果，深海池魚肉質柔軟，包住北海道馬糞海膽，口感香醇濃郁，鹹鮮魚籽醬點綴，再加上竹炭鹽調味。北海道厚岸生蠔生蠔肉質細膩，軟滑中帶有彈性，加左酸香檸檬汁，口感清爽。三文魚籽海膽杯北海道馬糞海膽滑溜濃郁，搭配鹹鮮味三文魚籽，搭配柚子皮的，果酸清香。四國鰹魚鰹魚肉質厚實而油脂豐富，微微炙燒後表皮焦香四溢，搭配洋蔥絲、炸蒜片。北海道鰤魚鰤魚煙燻過，肉質滑嫩，檸檬汁和柚子胡椒平衡魚油豐盈。羽太煎香左之後外皮脆，肉質鮮嫩，配搭青瓜苗、蘿蔔蓉、米茄、白蝦。壽司：真鯛魚：肉質緊致，入口新鮮。火炙銀鱈魚：火炙銀鱈魚軟嫩，黑松露醬香氣增添一份高級感。帆立貝：味道鮮甜。靜岡縣白三文魚：爽口、紋理細緻，帶有獨特的風味。火炙鮫鰈魚：口感滑嫩，加入燒香咗嘅魚邊，油脂香氣十足。神津島黑鯥魚：細嫩、肥美帶甜，魚肉彈口。地甲：超大隻，用貝汁浸熟，鮮甜爽嫩，味道濃郁。吞拿魚赤身位醬油漬：堅實、有嚼勁，帶有鮮明的魚香。四國中拖羅：油花分布均勻，入口即化。海膽手卷：北海道赤海膽分量足，味道新鮮鮮甜，加入淡雪鹽，再曬上金粉。蜆肉清湯蜆肉的口感嫩中帶Q，清湯清透，帶有厚實的鮮味。提子赤肉蜜瓜赤肉蜜瓜多汁香甜，提子清脆多汁。…查看更多

今晚去咗尖沙咀試19道Omakase Moon套餐，一入門口就被簡約雅致嘅日式裝修吸引，環境私隱度幾高～Bar 枱可以近距離欣賞師傅手藝👨🍳。.✨前菜三品首先上場係「先付」：鰻魚烤得微微焦香，搭配清甜多汁嘅靜岡蕃茄同爽脆海蜇，三種口感完美融合，瞬間打開味蕾！.🐟刺身五款視覺盛宴1️⃣ 深海池魚包裹拖羅：師傅即場倒入液態氮，成個枱面煙霧瀰漫🌫️！池魚清爽包裹着油脂豐腴嘅拖羅，上面鋪滿魚子醬同紫蘇花，鹹鮮爆發之餘打卡度滿分📸2️⃣ 赤貝：師傅輕輕拍打赤貝令其收縮，更加爽脆！滴上檸檬汁後鮮味提升，口感好似喺舌尖跳舞💃3️⃣ 北海道蟹配海膽：用紫菜捲住北海道蟹肉同creamy海膽，海膽濃郁到好似食緊海洋版奶黃醬🧡4️⃣ 時令秋刀魚二食：原味魚味濃郁帶甘香；火灸後魚油香氣更突出，兩種食法都好驚喜🔥5️⃣ 火灸煙霧鰤魚：上枱時煙霧繚繞，鰤魚經火灸後魚皮香脆，魚油滴落嚟超誘人～.🍲御料理羽太魚蒸得恰到好處，魚肉滑嫩如豆腐！配搭迷你青瓜仔、蘿蔔蓉同炸蝦仔，清新中帶脆脆口感～.🍣壽司十貫匠心之作師傅手握壽司功架十足，每件醋飯溫度同酸度都平衡得剛剛好：1️⃣ 深海池魚｜清爽開場2️⃣ 帆立貝｜厚身鮮甜，師傅輕輕界花更易入味3️⃣ 靜崗縣白三文魚｜油花細膩，入口即化4️⃣ 火灸銀雪魚｜油脂經火灸後香氣逼人5️⃣ 鯖魚｜小肌魚處理得宜，魚味濃而不腥6️⃣ 金目雕｜肉質緊實鮮美7️⃣ 吞拿魚赤身牆油漬｜經過油漬熟成，口感更軟滑，風味更有層次8️⃣ 拖羅｜大理石紋油脂入口融化💎9️⃣ 安康魚肝｜配西瓜漬意外地夾，回甘味重，口感綿滑🔟 海膽壽司｜灑上淡雪鹽同食用金粉，奢華感爆棚✨.🍵吸物硯湯清甜暖胃，完美中和之前嘅豐富味道～.🍈果物最後以日本提子同靜岡蜜瓜作結，蜜瓜甜到好似食緊蜜糖一樣🍈！.💫整體體驗師傅成晚同客人有講有笑，介紹每道菜時仲會講吓食材故事，成場氣氛輕鬆愉快😆！店員服務亦值得一讚，我每次飲咗兩啖茶就已經主動斟滿，完全唔使揚手叫人～…查看更多

今次食咗Omakase Moon $1580/person😚前菜💖 鰻魚 靜崗蕃茄 胡麻醬 海哲 青瓜刺身💖真鯛魚包蝦肉真鯛魚刺身裡面包住甜蝦，上面鋪咗魚子醬，好精緻！之後仲會加氮氣嘅打卡泡泡🫧 真係又靚又好味😋💖北海道象拔蚌之後嘅象拔蚌切成一條條，口感比較爽，可以沾上芥末同醬油食☺️💖北海道毛蟹北海道海膽呢個毛蟹海膽配上紫菜，好鮮甜😋💖秋刀魚刺身秋刀魚刺身有原味、火炙各兩件，可以配上薑蔥同芥末，味道香濃☺️💖鰤魚鰤魚即係大條嘅油甘魚，師傅做咗煙燻，味道超香👅御料理💖 蘿蔔蓉煮羽太魚（斑類）仲加入咗米煮茄子、青瓜花、蝦添🦐 魚身嫩滑啖啖肉😚壽司🍣💖深海池魚💖帆立貝💖日本靜崗縣白三文魚💖金目鯛💖鹿兒島鱆紅💖火炙魚皮 鮫鰈魚（右口魚）💖醬油漬吞拿魚赤身💖赤龍大拖羅魚腩💖喜之次壽司每款都好有心機同好精緻，配上唔好嘅醬料，亦有啲有火炙❤️‍🔥 每一味都好特別💗 我最鍾意帆立貝，口感柔軟；第一次食鹿兒島鱆紅，口感爽口，好特別；大拖羅油脂感豐富，雖然魚腩位有筯但師傅全部切開晒，入口即化🤤🤤🌟金萡淡雪海膽最正係呢個手卷！海膽多到癲咗！超佛心😍 另外仲灑上一層淡雪鹽同金萡，好睇又好食😋甜品🍧巨峰提子🍇赤肉蜜瓜🍈日本水果甜度超高，而且唔會死甜，食完飯清新口腔，舒服晒🥳🥳…查看更多

只有你不知道的浪漫驚喜尖沙咀浪漫約會，隱藏版廚師發辦，打卡CP值高，環境典雅神秘，裝潢融合了現代與傳統日本元素，柔和的燈光，營造出溫馨舒適的氣氛。這裡的菜品堪稱藝術品，充滿着驚喜同浪漫，食物亦好有水準，真材實料。刺身及前菜真雕甜蝦刺身，精彩，簡直係一個藝術品嘅表演，一個食用的泡泡表演，色澤鮮豔，肉質鮮嫩，配上清新的醬汁，令人垂涎。魔術般的精彩。象拔蚌刺身，口感獨特，彈牙十足，搭配一些柚子，提升了海鮮的鮮味。馬糞海膽搭配魚子醬，海膽的醇厚與魚子醬的鹹香相得益彰，層次感豐富。日本生蠔，新鮮，帶點海水味道，搭配特製少少酸嘅醬汁，肥美又鮮甜的海洋風味。鰹魚，煙燻的香氣令人驚喜，口感實肉彈牙，鮮味。北海道毛蟹，北海道馬糞海膽，毛蟹蟹膏混合，色香味俱全，極致鮮味，蟹膏的濃郁，口感同層次感都淡滿足，充滿着驚喜熟食方面，羽太魚，口感細膩，外脆內軟，配上炸蝦米，真係有創意同驚喜，非常滿意。青魚兩食兩種不同的風味，冇腥味，現在是季節，肥美，清甜，配上燒嘅食法，味道更提升，魚油味更重，更好味。見到廚師細心地挑魚骨，真係有心思有誠意。壽司部份金木雕，深海池魚與帶子、白色三文魚的搭配，鮮美無比。交碟魚的細膩口感，讓人感受到日本料理的精髓。而養殖銀鱈魚的肉質更是滑嫩。花竹蝦，又大又新鮮。赤鯥和中拖羅的呈現，讓人感受到海鮮的多樣性與新鮮，特別是中拖羅，無根，入口即溶，滿滿嘅新鮮拖羅味，令人大滿足最後一個馬糞海膽巨無霸，還有白雪飛花的鹽飄雪下來，跟一個金粉的霜降，視覺般嘅享受，令到食物咁添精彩層次，滿滿嘅海膽味，加上鹽味提鮮，又精彩又美味。甜品的葡萄與日本哈密瓜，清新又香甜多汁。餐廳的服務生親切熱情，對於每一道菜品都能詳盡解釋，展現出專業的水準。餐廳的環境也十分安靜，能夠輕鬆享受美食。整體，「花晨月夕」的用餐體驗令人難忘，無論是菜品的精緻、環境的舒適，還是服務的周到，都讓人感受到日本料理的獨特魅力，更能夠感到餐廳嘅用心同誠意。推薦啊。…查看更多

地點都幾就腳，赫德道金麟商業中心樓上，環境幾清雅。（$1580/pp)金木鯛🐟薄切透光，配酸汁好醒胃白子🤍滑如豆腐，炙燒過後香氣逼人象拔蚌🐚爽脆鮮甜，簡單調味綴已經夠晒北海道毛蟹 🦀毛蟹拆肉堆成小山，舖滿馬糞海膽，蟹肉絲絲清甜同海膽濃郁Creamy口感碰撞，真係齒頰留香鰤魚🐟肥美度恰到好處銀雪魚 🐟油香四溢，加埋烘過嘅松子仁多份堅果香。伊佐木🐟肉質鮮甜帆立貝🐚厚切飽滿深海池魚🐟魚味突出白三文魚🐟爽身唔油膩地甲🐚貝柱部位，咬落爽脆帶嚼勁金目鯛🐟肉嫩，火候掌握得準亦身醬油漬🐟鹹鮮入味拖羅🐟入口即化海膽🤎蜆湯🥣清甜暖胃提子蜜瓜🍇…查看更多

隱身尖沙咀的Omakase秘境🎎主打主題廚師發辦，嚴選日本直送時令食材，每道料理都充滿變化✨🍱 Omakase Moon 套餐推薦🎐 刺身五品🫧深海池魚：有煙霧同埋大泡泡爆破效果😍😍成個presentation非常之吸睛🦪兵庫縣生蠔：蠔肉飽滿🌕 海水鹹香中帶柑橘酸韻 🦀北海道毛蟹x 海膽：蟹肉絲好鮮甜，同海膽一齊食口感豐富👏👏🐟煙燻鰤魚：煙燻味好濃郁，同鰤魚本身魚嘅味道好夾，再用火槍輕輕燒過，香氣即刻提升🦑北海道海膽x墨魚：雙重質感交織🦐 墨魚黏口得嚟有口感，再配上海膽，好正😋🍲 御料理・味噌醬銀鱈魚西京味噌醬味道好濃郁好香🎏 魚肉鮮甜，仲有好多特色配菜😋😋🍣 寿司十貫全部魚生都好新鮮😍😍😍 拖羅入口即化， 赤海膽又份量勁多勁甜：❤️靜岡縣金目鯛❤️帆立貝🐟富士山白三文魚🐟銀鱈魚🦑北海道活八爪魚🦐牡丹蝦🍣味噌根子🐟和歌山中拖羅🍣北海道赤海膽🥣 吸物 · 甜品
蜆清湯每一口都好鮮甜，暖心暖胃～🍈 日本蜜瓜
👑 好多汁好甜，為盛宴畫下完美句點～…查看更多

🌜Omakase Moon 🌛先付打頭陣的有健康小食：銀杏、花生、枝豆、甘露珠、清爽、冰涼開胃的水雲、甘露魚刺身五款深海池魚包住甜蝦，有層次感，上面有竹炭鹽、魚子醬，配埋紫蘇花嘅特殊芳香感，令刺身更添獨特。最令人眼前一亮係個泡泡，成個畫面好夢幻、幸福～梭子魚燒完後逼出更多魚油，wasabi同檸汁令到刺身少了油膩感。海膽杯底層係自家醃製嘅三文魚籽，味道特別甜，中間有柚子皮，主角係北海道根室馬糞海膽，濃郁鮮甜、肥厚飽滿，係我最愛的菜式鱈魚白子口感似豆腐花咁，跟蔥頭蘿蔔撈勻醬汁一齊食，唔怕食到仼何腥味～鰤魚即係大條嘅油甘魚，進行過煙熏味工序，smoky味散開就會食到濃郁嘅魚味。熟食銀鱈魚肉質細嫩，配菜五花八門，有米茄、河蝦仔等，所有蔬菜來自日本🇯🇵～壽司十貫真鯛、黑松露醬養殖銀鱈魚、鹿兒島間八魚、鮫鰈拼魚邊、神津島黑鯥今日嘅壽司以魚類為主，入口新鮮。其中鮫鰈拼魚邊係最深得我心，下層的鮫鰈清甜滑潤，上層的魚邊油脂四溢，同一時間食到2個texture，咁都比師傳諗到嘅食法～神津島黑鯥的魚皮係亮點，好少刺身會連魚皮，經炙燒魚皮後，我覺得個魚皮比魚肉更好吃🤣柚子胡椒赤身、和歌山中拖羅吞拿魚的2個部位，前者色澤紅潤，瘦肉魚味較濃；後者比較多脂肪，感受截然不同的口感和魚香，各具特色。帆立貝好夠厚身北海道象拔蚌帶來爽脆利落淡雪鹽海膽手卷師傅噴上金粉，金碧輝煌，儀式感爆棚，象徵完美的落幕。蜆肉清湯大粒的蜆肉，湯頭清澈。提子赤肉蜜瓜赤肉蜜瓜多汁香甜，提子清脆多汁。…查看更多

今次 Omakase 盛宴, 有三款套餐可以選擇，餐廳裝修見到用日式禪風裝潢，最緊要比你近距離欣賞廚師師傅精湛表演🤩🥢 先付開胃四重奏鹽焗銀杏、落花生、石川小芋、龍珠果酸酸甜甜，非常脆爽！！🐟 刺身三式池魚配左甜蝦：鮮甜得黎又非常彈牙三文魚子海膽：食到入邊爆漿又濃郁煙燻鰤魚：油脂好甘香，入口即化🔥 御料理亮點銀鱈魚竹葉燒魚肉好嫩滑，配埋秘製麵豉醬汁，味道再昇華又暖胃！🍣 壽司九貫 + 手卷壓軸每貫壽司米飯Q彈，魚脂豐盈，師傅手法一流👍🏻👍🏻真鯛、帆立貝、白三文魚、燒香鯖鰈魚邊、象拔蚌、北海道秋刀魚、和歌山中拖羅而我最推介就係：北海道赤海膽手卷 + 淡雪鹽奶油般濃郁海膽，用左鹽花點綴！🌿 甜美收尾大蜆清湯 + 香甜蜜瓜清甜鮮美，完美平衡所有風味，滿足感爆棚！…查看更多

尖沙咀秘境omakase｜花晨月夕Omakase Moon & Sun 夢幻饗宴！推門即入禪意日式幽境，木質暖光輕灑，瞬間洗淨塵囂。師傅Kuno親掌22道時令傑作，每一口都係用心製作，視覺味蕾雙重昇華，打卡首選！開胃深海池魚淋魚子醬、綴紫蘇花，鮮脆爆汁，紫蘇芬芳，仲有大大個肥皂泡，視覺打卡一流！兵庫生蠔肥美綿滑，鱈魚白子奶香濃郁融心。四國鏗魚佐脆洋蔥，層次交織，齒間迸發驚喜。巔峰北海道毛蟹堆蟹膏、海膽、紫菜，奢華四重奏，蟹鮮海膽在舌尖化作雲朵！銀鱈竹葉燒配意大利青瓜，煙燻焦香遇瓜清甜，絕妙解膩。壽司高潮9貫輪番上陣：真鯛Q彈晶瑩、銀鱈黑松露奢靡絲滑、帆立貝甜蜜如蜜、靜岡白鮭油花綻放、象拔蚌彈牙鮮活、秋刀魚野性回甘、交鰈細膩入味、筋子珠爆歡愉、和歌山中拖羅入口即融，極樂無邊！大蜆清湯溫潤撫慰，蜜瓜甜潤畫圓。CP值逆天！生日約會、饕客聖地，不過店舖位置有限一定要book位先得！…查看更多

視覺的盛宴，食物質素亦不錯！有而家當造嘅白子食咗幾款海膽，極致鮮甜🥹🥹調味令食材味道更昇華有幸福嘅感覺😍🌟Omakase Moon $1580pp✨前菜花生·鹽焗銀杏·甜薯·秋刀魚·水雲✨刺身-深海池魚（推介😍包住甜蝦，配搭竹炭鹽同魚子醬產生鹹甜嘅化學作用，好食-✨兵庫縣生蠔加少少檸檬汁，肉質飽滿✨北海道根室馬糞海膽（推介😍海膽甜中帶鹹，淡淡海水味配搭三文魚籽，魷魚係自家醃製比起平時嘅三文魚籽更鮮甜加埋柚子皮，層次感豐富😍✨鱈魚白子又到白子嘅季節！由以前抗拒白子，到而家接受到白子火炙後帶點焦香，配搭蔥花，蘿蔔蓉蘸上柚子醋～味道Creamy，完全無苦味😋✨獅魚魚味濃，油脂豐富淡淡煙燻香氣，唔會過鹹✨銀鱈魚卜葉燒（推介😍令人有「叮一聲」嘅好食感覺～外皮焦脆鹹香，魚肉滑嫩麵豉醬令味道更昇華✨真鯛配柚子皮✨北海道銀鱈魚配黑松露醬（推介😍✨新鮮帆立貝（推介😍✨鹿兒島間白魚✨富士山白三文魚✨鮫鰈魚，燒香左既魚邊位✨北海道象拔蚌（推介😍✨靜岡縣金目鯛（推介😍✨和歌山大拖羅✨北海道赤海膽配淡雪鹽（推介😍最後以湯同水果作結✨份量豐富，未食壽司已經飽咗六成壽司食材新鮮海膽真係好出色🤤🤤…查看更多

今晚朋友升職加人工請食飯☺️我特登揀🌸花晨月夕，叫佢嘅Omakase Moon🌙之前已經覺得賣相靚到爆燈，只係打卡都值回票價！🤣先付（開胃小食）一開始有鹽焗銀杏、落花生、石川小芋、龍珠果，脆口香脆，跟香魚甘露煮*師傅用甘露煮法，連骨頭都軟到可以吞落肚！配埋水雲（清爽帶酸），即刻開胃！刺身五款（Sashimi）刺身部分勁過癮：深海池魚：巨大氮氣泡爆破一刻，好似揭幕畫作，魚肉細緻微甜，捲甜蝦加魚子醬、紫蘇花，海洋味延綿不絕，入口即化！鱈魚白子：滑溜滋潤，養顏神器！配蔥花蘿蔔去腥提鮮，完美。 北海道白象拔蚌：清甜鮮爽，淋青檸汁，彈牙到飛起。北海道蟹配海膽：紫菜捲蟹肉同creamy海膽，海膽濃郁！時令秋刀魚二食：原味甘香濃郁，火灸後魚油香更突出，兩款都驚喜🔥。御料理銀鱈魚朴葉燒：經典味噌燒，魚皮脆juicy，甜鹹味噌滲入每絲魚肉中！壽司十貫（Nigiri）師傅手握壽司功架勁穩，醋飯溫熱酸度啱啱好深海池魚：清爽開場。帆立貝：厚實鮮甜，輕按界花易入味。靜岡白三文魚：油脂豐厚，入口即化！鮫鰈魚：緊實爽口，頂燒魚邊加油香。金目鯛：清雅柔韌。 北海道銀鱈魚：火灸油香逼人，幼滑豐腴！ 鰤魚、喜之次:輕燒魚油橙紅皮酥香和歌山大拖羅:粉紅脂香軟腍北海道海膽：灑淡雪鹽+金萡，甘甜即溶，超多料好食😋，齒頰留香！大蜆清湯（吸い物）清甜解膩甜品有提子、赤蜜瓜，完美的一餐。整體嚟講，呢間Omakase 食材新鮮時令，而且啲嘢食好靚好適合打卡😍，尖沙咀位置在尖沙咀都超方便…查看更多

尖沙咀 | 花晨月夕 | 刺身四品°壽司六貫° 烏冬°雪糕甜蝦蓉鯛魚肉質軟糯，點綴甜蝦蓉增加甜味， 灑上幾粒紫蘇花增香三文魚子海膽杯魚子自家醃製，唔會過咸，甜得黎帶點柚子清香日本生蠔聽唔到係日本邊度, 但肉質好飽滿爽口嘅帶礦物味甜身，好似我中意食既法國蠔😍薑芽洋蔥鰹魚魚味比較重， 包裹薑芽洋蔥絲一齊食象拔蚌爽脆鮮甜，醋飯夠酸突出鮮味深海池魚肉質彈牙，魚油甘香，淡淡柚子皮香氣平衡，vip火炙金目鯛未食已經聞到燒魚肉既香味，彈牙淡身煙燻鰤魚柚子胡椒好重既胡椒味，平衡鰤魚大量魚油大拖羅不用解說，軟滑，極度既油香四溢紫菜海膽海鮮既味道入口即化縱觀咁多個Set都係 omakase dusk 既組合最岩我，刺身四品，壽司六貫都超高質，食出新鮮度、刀工、調味設計，到烏冬已經好飽，仲有雪糕，$588超抵食。…查看更多

同朋友決定一個揀Menu Sun (1380)同Moon ($1580)再share，用料味道環境都值得讚！😍 餐廳仲有包廂座位，啱晒I人淨係同朋友傾偈🙊 店員都好親切，一開始都會問清楚客人有冇嘢唔食。直接講就OK，師傅一定幫到你😆Omakase Moon 先付 
先付有落花生、鹽焗銀杏、龍珠果、秋刀魚同水雲（食用海藻）。銀杏香脆，龍珠果清甜，秋刀魚鮮味魚嫩，水雲酸酸地幾清爽開胃。刺身5款* 真鯛（甜蝦他他）：真鯛包住甜蝦他他，灑上竹炭鹽同魚子醬，食落口好有飽滿嘅感覺，又鮮甜！記得唔好咁快食啊，店員仲會配液態氮同食用泡泡，感覺入左仙境咁，賣相打卡一流！* 象拔蚌：有兩款，一款爽口清新彈牙，一款口感厚實，兩款都好鮮。* 海膽搭配魚子醬：海膽鮮甜濃郁🤩魚子醬加鹹香，但唔會好鹹，犀利！* 鱈魚白子：第一次食，望落怪怪地，口感都怪怪地，不過味道唔怪仲係養顏野！😍白子綿滑唔腥，入口化開，不過配上蔥花蘿蔔，味道更提升，好特別！* 煙燻鰤魚：煙燻香氣濃（唔會覺得臭），魚肉肥美，微鹹惹味唔錯～御料理 銀鱈魚朴葉燒熱辣辣銀鱈魚散發出朴葉清香，味噌同清酒等調味，令魚肉口感豐富，加上皮脆肉嫩，好有驚喜！壽司10貫 * 深海池魚：魚肉嫩滑，帶海洋清香，入口鮮甜細膩。* 銀鱈魚：油脂較豐富。* 金目鯛：肉質結實，帶淡淡甜味，口感清爽。* 鯖魚：魚味濃郁。* 地甲（？唔記得係咩）：肉質幾彈牙* 鮫鰈魚（燒魚邊）：魚邊燒得微焦，香脆帶煙燻味，口感豐富。* 喜之池：魚肉細膩，帶點油香，入口順滑。* 醬油漬赤身：赤身浸醬油後鹹香濃厚，肉質結實有咬口，偏濃味。* 拖羅：油花均勻，肥美鮮甜超滿足😌* 北海道海膽：大愛this!😍 海膽配淡雪鹽（其實係好淡味嘅鹽）幾夾，鮮甜爆汁。加上店員上碟時先會噴灑食用金箔，視覺效果勁加分，好豪華！😆10款壽司都好新鮮，各有特色！☺️ 飯量較少，可以突出魚肉嘅鮮，亦都岩我唔想食咁多飯（不過廚師發辦，份量應該可以調節？）吸物 
大蜆清湯湯底清甜，蜆肉鮮美，暖胃解膩。甜品 
赤肉蜜瓜同提子，蜜瓜睇顏色已經好吸引，的確超級清甜，提子都甜，不過比下去🤣 完美作結！好味度：9.2/10賣點：食材新鮮、美味、服務、環境…查看更多

偶爾獎勵下自己，一個人去食Omakase～ 喜歡坐在吧枱前面，睇住師傅專心處理食材，由切魚到手握壽司，邊望住邊享受美食，呢種Me-time真係好治癒😚 ✨✨✨Omakase Dusk✨✨✨🔶前菜、茶碗蒸、味噌湯｜茶碗蒸滑溜，沙律菜開胃，飲埋個湯暖笠笠咁打開咗個胃！🔶刺身四品：◾️鮫鰈魚+甜蝦｜鮫鰈魚爽口+ 鮮甜甜蝦，配酸汁食，加埋清香紫蘇花一齊食又幾正！◾️北海道白象拔蚌｜象拔蚌超爽脆！師傅加了少少青檸汁，帶出鮮味之餘感覺好清新。◾️三文魚籽海膽杯｜三文魚籽卜卜脆，海膽creamy鮮甜到不得了，兩者夾埋一啖放入口，真係幸福感爆棚💯◾️黑鯥魚｜肉質彈牙魚味濃郁，魚皮微炙過迫出油脂，食落帶少許焦香。🔶壽司六貫：◾️真鯛｜清淡得嚟又彈牙，好適合做壽司開場◾️銀鱈魚｜火炙過令魚油香爆發，加上少許黑松露醬令味道層次更提升～◾️帆立貝｜厚身鮮甜◾️間八魚｜肉質結實，鮮味慢慢喺口入面散開～◾️和哥山中拖羅｜油脂豐富，入口即化！大愛🤩◾️北海道海膽｜海膽多到呢～加上淡雪鹽，食落鮮甜無比，呢個真係令人回味無窮～🔶腐皮烏冬｜甜甜地嘅腐皮吸晒清甜湯汁，烏冬Q彈🔶開心果味雪糕｜濃郁嘅開心果味，為成餐畫上完美句號！ …查看更多