283
9
1
| 餐廳: | 珍珠皇宮印度餐廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵尖沙咀/尖東站 D1 出口, 港鐵尖沙咀/尖東站 L1 出口, 港鐵尖沙咀/尖東站 N5 出口
繼續閱讀
電話號碼
37065772
61740223
開飯介紹
餐廳位於重慶大廈內，主打正宗印度菜，包括當地特色烤餅、咖喱魚、印式串燒等，餐廳選用自印度的材料，由菜式，到飲料、甜點都非常有印度風情。
繼續閱讀
營業時間
今日營業
11:30 - 23:15
星期一至日
11:30 - 23:15
以上資料只供參考, 請與餐廳確認詳情
有關獎賞計劃
優惠
食家推介
-
乳酪脆米球
-
混合肉燒烤拼盤
-
Mango lassi
-
印度燒雞
-
咖喱角+26
招牌菜
最近愛上煮咖喱，大家早排睇我去camping都要煮咖喱飯，今日放工直頭約朋友去重慶大廈食正宗印度咖喱，食完勁滿足！想食印度菜一定要試依間！咖喱超好味😋🍅蕃茄湯 $58即叫即磨印式風味蕃茄湯，味道主要有蕃茄、肉桂味，特別之處蕃茄湯係有辣味，頭啖湯已經好開胃～🥗希臘傳統沙律 $78冰涼新鮮蔬菜入口透心涼，多款足料沙律菜好抵食，希臘芝士好加分，非常推介！🌯南印度捲餅 $78上枱超驚喜！超長嘅一塊捲餅，脆捲餅用米漿+豆蓉製成，餡料有薯仔，洋蔥等，簡單食材已經好好味，加上可按個人口味加入3款醬汁食，3款醬汁分別有：酸辣醬、豆蓉醬、乳酪芝士醬，我最鍾意酸辣醬，酸味十足加上微辣用嚟「點」捲餅食好夾！🦐香烤帝王大蝦 $248鐵板烤蝦非常有風味～上枱已經聞到超級香醬汁味，大蝦肉質彈牙又多膏，隻蝦真係好大隻，長過我隻手㗎！🍗牛油烤雞 $118係OpenRice 見到推介必試，咁我都試下，好多汁加上少少辣撈飯勁惹味，烤雞入哂味，加上烤餅食又另一番風味，醬汁辣中帶甜又有牛油香超開胃，唔覺意食多好多飯～🥘瑪莎拉咖喱烤雞 $118依款咖喱可選辣度，我揀咗中辣都唔係好辣，下次可以揀大辣試下，比起牛油烤雞醬汁會少d，同樣撈飯食好正！味道係偏鹹加辣，鍾意濃味菜必試！🍚印度黃飯 $45食咖喱當然要配飯la！平時食開白飯，食印度菜緊係要食黃飯，黃飯好香，配咖喱真係無敵！🫓蒜蓉烤餅 $30印度菜必食烤餅！鍾意蒜蓉味就一定要揀蒜蓉，蒜蓉味好香，烤餅烤得好脆口，就算唔加咖喱單獨食都超正！🍦乳酪脆米球 $75見到每枱人都嗌，我都跟風叫咗嚟試下。外層係脆卜卜炸皮包裹凍涼乳酪，口感似炸雪糕，另外外面好多印度香料，酸酸甜甜好解渴～🇮🇳印度脆米球 $75依款甜品好特別，食嘅時候自己倒瓶裝糖水入脆米球，酸酸甜甜充滿異國風味🥭芒果優格奶昔 $42每次去食印度菜都好期待杯芒果飲品，依杯芒果優格奶昔真係必試！超香濃芒果味，加上乳酪濃厚感勁好飲！🍓士多啤梨優格奶昔 $42同樣有香濃士多啤梨味，乳酪濃厚感比芒果優格奶昔少一點珍珠皇宮印度餐廳 📍地址：尖沙咀彌敦道36-44號重慶大廈1樓96-97號舖
繼續閱讀
我地今次去咗一間印度餐廳，試咗好多唔同嘅菜式，其中有啲真係令我印象深刻。Seekh Kebab佢哋用咗羊肉製成，口感好嫩滑，啖啖有咬勁。當我咬落去嘅時候，啲肉汁就慢慢釋放出嚟，真係好美味。味道方面，佢哋用咗啲香料同調味料為肉賦予咗濃郁嘅香氣同味道，唔會太辣，好適合唔太愛辣嘅人食。Lamb VindalooLamb Vindaloo係一道辣味嘅菜式，但辣味唔會壓過啲肉嘅鮮美。肉質鮮嫩，入口即化，而啲香料同埋醬汁都好均衡，令味道更加豐富。Lamb KormaLamb Korma就相對而言唔辣咁多，但仍然有獨特嘅味道。佢哋用咗啲椰汁同乳酪嚟營造出咗一個濃郁而柔滑嘅醬汁，同啲香料一齊融合，令味道更加濃郁，肉質亦好滑嫩。Butter Naan, Garlic 🫓 Butter Nan係一款軟綿綿嘅印度烤餅，表面塗上啲牛油，令佢更加香脆。入口時，可以感受到啲麵粉嘅香甜同埋牛油嘅滋味，好適合搭配埋其他菜式一齊食。Garlic Naan就加咗蒜蓉喇，個香味散發出嚟，同埋啲蒜味同麵粉嘅結合，真係好好味。Strawberry Lassi呢杯冰涼嘅草莓酸奶飲品好解渴，草莓嘅鮮甜同酸奶嘅滑順完美結合，令味蕾都感到愉悅。呢杯Lassi好滋味，係一個完美嘅結束。
繼續閱讀
第一次入到嚟 #重慶大廈，環境原來無想像中複雜，#小秘書 反而有啲衝動想行埋去啲小店八卦吓👀 不過始終對周圍嘅環境唔熟悉，只好跟住大隊向前行😉 沿着條長樓梯上到嚟一樓，終於嚟到我哋嘅目的地「Moti Palace Indian Restaurant」。餐廳嘅裝飾充滿印度嘅色彩，有啲似返咗去七八十年代嘅感覺😉 嚟得食 #印度菜，梗係要整杯 #MangoLassi（#芒果乳酪）🥭先啦🤤 飲落口味道唔算太甜，用 #乳酪 嚟配襯呢餐以辣為主嘅 #印度菜 就啱晒！剛剛見完牙醫嘅我，麻醉藥都未過… 本來諗住坐低飲杯嘢、同朋友講聲「生日快樂」就走嘅我，居然比面前嘅 #Samosa（#咖喱角）🥠 吸引住👀 新鮮炸起嘅samosa充滿咖喱香氣，入口完全冇油膩嘅感覺，非常鬆化，雖然我個口當時擘唔得太大，但係都寧願將🥠切到細細嚿咁，慢慢將成個吞落喉嚨… 哈 為食得我吖🤭如果大家鍾意食肉，不妨可以試吓佢哋嘅 #燒雞，香辣嘅雞肉放喺鐵板上面份外惹味🤤 之後我哋又嗌咗各式各樣嘅 #咖喱 用嚟同 #Naan（#烤餅）一齊食，味道辣辣地非常有風味🤤 雖然呢度冇靚裝修，不過就夠晒地道，而且啲員工都非常有善，難怪個個幫襯完都有彈冇讚啦😉📍 Moti Palace Indian Restaurant(尖沙咀)彌敦道36-44號重慶大廈1樓96-97號舖
繼續閱讀
好耐冇去重慶大廈搵食啦對上一次食印度菜亦都係好耐之前咁啱喺附近買完波鞋 走咗去試吓啦印度脆米球（$75）呢道菜Puri球係我去餐廳嘅首選之一😝😝係一款印度街頭常見嘅小食脆米球外層酥脆 炸到金黃飽滿裡面係鬆軟嘅鷹嘴豆同埋香料 倒入薄荷綠汁 口感好豐富同香濃 絕對值得試下印度燴羊肉（$118）嫩滑嘅羊肉 配埋濃郁嘅印度香料同醬汁好好食呀🩵而且份量都好多如果你鐘意食羊肉 一定要試試芝士菠菜（$98）我地叫左素菜試試看將新鮮嘅菠菜同芝士混合埋一齊煮出濃郁嘅口味😉 菠菜嘅質地嫩滑 芝士令味道更香濃配上plain naan超好食的Plain Naan原味烤餅（$25）印度烤餅 外層酥脆 裡面鬆軟呢道菜可以當同其他主菜一齊食 多汁雖然味道相對簡單，但非常好味。飲品：凍檸茶（$30）& 芒果奶昔（$42）凍檸茶發揮正常 味道比較清淡芒果奶昔濃稠同香甜 芒果味道好突出飲落甜甜地 用嚟解辣一流！上面嗰張飲咗幾啖 補返張完整嘅相先整體嚟講呢間都算係正宗嘅印度菜無論係肉食愛好者定係素食者都可以揀到適合自己口味嘅菜式餐廳嘅店員服務態度都好友善 環境舒適乾淨又衛生🩵原來之前error同埋其他明星都嚟過🤪🤪呢間應該算係少有人氣嘅印度餐廳
繼續閱讀
經常聽重慶大廈的名字，但第一次進入，並沒有想像中的可怕，一入地下門口已經有餐廳的職員帶我們上去雖然外邊沒有冷氣，但餐廳內有十足的冷氣老闆廣東話流利，用心說出菜式特點，亦會關顧顧客的食量，務求令客戶享受的同事不會浪費食物多道菜式都非常美味😋乳酪脆米球、芝士菠菜。。。烤餅款式多，新鮮軟熟、熱辣辣老闆誠意推介印度雪糕，但無緣嘗試，希望下次有機會再過來品嚐！老闆好可愛，親切友善，願意分享經歷，有社會責任不得了不得了，不得了！
繼續閱讀
您可能會有興趣的...