珍珠皇宮印度餐廳

米爸係印度食物超級愛好者，重慶大廈亦都係米爸經常去食印度餐嘅地方，講到最愛，就係呢一間珍珠印度皇宮餐廳！乳酪脆米球 $75乳酪脆米球是一個小球甜點，外酥內嫩，乳酪香氣濃郁🥛，適作為餐前甜點，口感層次感豐富，酸酸地好開胃。印度燒雞 半份 有4件 $98印度燒雞是一道超級好吃的印度菜，米爸精選之一。它先用香料和酸奶醃製，再放在爐上烤製，之後用鐵板上，口感鮮嫩多汁，熱辣辣，真係好好食阿😋！咖喱羊肉 $98咖喱羊肉一上枱就已經有一道香氣瀰漫，鮮嫩嘅羊肉🐏與濃郁嘅咖喱融合在一起，濃郁的口味讓人難以忘懷，再配上naan，簡直是美味的絕配🥘！牛油烤雞 $108呢款咖喱非常creamy, 味道溫和，仲有少少甜，用黎點naan簡直係一絕，而雞肉就好鮮嫩一啲都唔柴🐓，將啲咖喱同雞肉夾住naan一齊食，唔覺唔覺就食晒成塊naan✨！蒜蓉烤餅 $28蒜味非常突出，餅身夠乾身，仲要好脆口同熱辣辣😍，就算點左咖喱都仲好香脆，超級好味！芝士烤餅 $40點估到芝士naan都可以玩拉絲咁神奇🧀！？呢款芝士naan係鬆軟嘅質地，仲有淡淡芝士味，就咁空口食都好好食。Mango lassi $38用鮮芒果同乳酪打成嘅飲品🥭，酸酸甜甜，非常解膩。Strawberry lassi $38估唔到有士多啤梨版🍓，緊係要試啦，最估唔到係用真士多啤梨打成，仲食到有啲果肉！📍 珍珠皇宮印度餐廳 (尖沙咀)尖沙咀彌敦道36-44號重慶大廈1樓96-97號舖…查看更多

已經是第二次到訪，記憶中的老闆很有善☺️☺️乳酪脆米球，集甜酸辣為一。有馬鈴薯泥、鷹嘴豆、酸甜乳酪、微辣香料，釀入橢圓中空的脆球，香味相互加乘，非常開胃！！！！😋😋念念不忘。不過往時有盛着石榴籽，這次沒有。牛油烤雞，不辛辣。以牛油為主軸，味道溫和。香料味道層層堆疊，咖喱口感豐厚，停不下來的口和手，享受舌尖上的豐富👅🫶🏻。雞件不滑，份量適中。薄餅是印式咖哩的絕配。👍🏻原味烤餅口感較煙韌。烤麥餅，顧名思義麥香更重。用餅挖起滿滿一口咖喱，不禁一件接一件🥰🥰…查看更多

到左生日月，食不停😋 多謝各位朋友厚愛🫶🏻 今次朋友邀請我去食印度咖哩，仲要係良心店的😍.位於重慶大廈內最角落的位置，不好找，但好彩在門口時啲「朋友」問中左係咪食珍珠皇宮，佢就帶我地路。 餐廳環好紅lolll，literally 色tone好紅，客人都比想像中還要少。入到餐廳基本上是隨便揀位，氣氛casual 到有啲似去左food court。不過，唔緊要，最緊要野好食！.呢到最多人推介的兩款菜式都係重奶的，所以乳糖不耐症患者我都一早食定藥黎。.✤ 乳酪脆米球 Dahi Poori 💲75推介之一，薄薄的’poori‘十分脆，包著滿滿的’Dahi‘即乳酪，內有薯仔、鷹嘴豆、洋蔥、石榴籽，味道豐富酸酸地，十分開胃。✤ 牛油烤雞 Butter Chicken 💲108推介之二，好creamy 的咖喱，味道很不錯，炸雞都好嫩滑。點naan 食一流，最後都差不多食晒啲咖喱。✤ 瑪莎拉咖喱羊 Lamb Masala 💲108羊肉不太羶，咖哩偏深紅色，味道較濃，但個人感不太配合羊。整體感覺對比牛油烤雞之下較為普通，羊肉控表示少失望。✤ 蒜蓉烤餅 Garlic Naan 💲28好乾身好香蒜味的烤餅，好軟熟，熱辣辣超好味意猶未盡地再追加了食物，結果唔覺意就太飽了🙈.✤ 香辣蝦球 Chilli Prawns 💲138上枱一刻，我和朋友都覺好似咕嚕肉，橙橙地色係有少少似的，不過味道上這個香辣蝦球都幾辣，蝦都算爽，但炸粉有少少厚。✤ 芝士烤餅 Cheese Naan💲40朋友本來就想多試一款naan bread，芝士naan bread同樣地熱辣辣的，仲可以拉到絲添，做得很不錯！整體觀感不錯，每樣食物份量不算太大，可以多點幾款試試，性價比都好高。餐廳環境雖不算很美，但算坐得舒服，可以好好同朋友暢談的地方。…查看更多

星期五晚想食印度嘢，心血來潮一闖重慶大廈😆。不過我哋事前當然做足功課，上網搵定食邊間，見到「珍珠皇宮印度餐廳」訂枱有85折就試吓。一踏入大廈，就有一眾印度餐廳嘅宣傳單張遞到面前🙈，好彩見到珍珠皇宮嘅代表，然後就跟隨佢上一樓。餐廳環境乾淨整齊，並無一大浸味，另外仲有得睇世界杯添，哈哈。店員們幾親切，而且好似識用廣東話溝通👍。餐牌設計圖文並茂，最重要係有中文，咁就唔使查字典或者求其揀。Tandoori Platter混合肉燒烤拼盤($178)，印度燒烤出名香口，用鐵板盛上，熱辣辣🔥。拼盤蘊含四款肉，包括印度燒雞、免治羊肉卷、烤魚塊同埋乳酪腰果汁燒雞，每款各兩件。🍗燒雞有兩款口味，一濃一淡，我鍾意乳酪汁嗰款多啲，大大啖肉。🐟烤魚塊蘸上黃椒粉，魚肉滿有彈性。羊肉卷用免治肉整成，富香料味，羊羶味適中。Butter Chicken牛油烤雞($108)，🥘呢款咖喱汁好惹味，並混入蕃茄同乳酪，辣度溫和兼唔會太重口味。但如果鍾意食辣，就應該要揀第款喇。🐔無骨雞件約有十嚿，肉質細嫩，同燒雞唔同，係另一番風味。Palak Paneer芝士菠菜($88)，我並唔係第一次食呢道菜式，不過餐廳嘅出品令人印象深刻，因為菠菜份量多🌿，打得夠溶，唔會過稀，食食吓仲滲出微微辣，就咁食或者伴薄餅食都得。同時，佢加入咗洋蔥粒同茅屋芝士🧀，食落口感唔單調。Bread Basket雜錦薄餅($65)，🫓薄餅籃有七至八塊Naan，拎上手暖笠笠，未食都知質感軟熟。薄餅款式有兩至三款，我估計應該有原味同蒜蓉，但始終估估下，所以我建議散嗌兩份，咁就可以食到心儀嘅款式！Kesar Kulf印度番紅花杏仁雪糕($55)，店員留意住我哋幾時食完主菜，就主動適時送上甜品。🍨印度雪糕口感偏淋，冰感一般。佢係由煉奶整成，所以甜甜的🥛，帶點杏仁香，都OK。番紅花味道唔出，但就化身成天然嘅食用色素作點綴。Rose Lassi玫瑰奶昔($38)，呢度嘅奶昔有多款口味，我揀咗玫瑰味🌹，呈粉紅色💕，幾靚。奶昔酸酸哋，好開胃，玫瑰糖漿第一啖飲落偏甜，但撈匀之後又自然返。總括嚟講，重慶大廈入面嘅珍珠皇宮好高質🌟，無論食物味道、定價、環境定服務都令人滿意。如果想試吓正宗嘅印度菜🇮🇳，不妨幫襯呢度啊！…查看更多

好耐無食印度野就同朋友去重慶大廈覓食🤭去到大廈門口就已經有唔同餐廳既staff係門口可以帶你去餐廳🍴牛油烤雞 $108唔太食得辣嘅我基本上每次食印度野都會叫butter chicken嚟食😝醬汁帶點微辣 仲有好香濃嘅牛油味 雞肉份量幾多同唔「鞋」 好岩配埋烤餅或者送飯😋 🍴蒜蓉蝦 $138上到枱就聞到好香蒜蓉味~啲蝦食落好爽口 味道鮮甜😆🍴乳酪脆米球 $75一個個香脆嘅米球 入面裝左好多乳酪同一啲配料 面頭仲有好多脆米 食落好清新 係一款好開胃嘅小食😋🍴蒜蓉烤餅 $28 & 印度白飯 $30食印度菜必點烤餅~印度米聽講比較健康(?)☕熱印度奶茶 $25 & 凍檸茶 $30…查看更多

【重慶大廈．印度咖喱】呢2個組合一直都好想試下，再加上見到呢間上年仲拎到OCC頒發既年度咖喱獎項🏅（最重要既係門口見到好多Error既相同應援，更加有親切感😆😆😆）一於就揀左呢間食下正宗咖喱🥘印度脆米球 $68印度菜必食街頭小食🇮🇳超推介❗️金黃空心脆球內放左薯仔類、少許豆同調味料，重點係開口倒入薄荷酸辣汁，一啖放晒成個入口，米球既薄脆，餡料軟腍香濃既薯仔，酸酸辣辣既醬汁爆晒出黎，多重口感食落好得意😳因為醬汁帶少少薄荷成分，清新既感覺好開胃，做餐前小食一流！Lime soda 🍹🥭Mango Lassi $38飲品甜度適中，芒果奶昔係本人食印度/咖喱類必叫既飲品😆微酸，少少甜，冇假味，食完濃味食物飲返啖即刻冇咁漏👍🏻🐥牛油烤雞 $108唔食得辣既朋友仔可以試呢款，既有咖喱香味，但又冇乜辛辣感，而且雞肉好嫩滑，唔鞋，唔好以為佢細細兜，雞肉量都幾多架！🐑瑪莎拉咖喱羊 $108呢款醬汁比較香濃同惹味，羊肉都煮得好腍，冇膻味，如果有碗飯既話應該會秒速清晒🤣🤣🥛乳酪 $38其實呢碟乳酪係餐牌既沙律類，不過同行友人話一定要叫，初初都唔明，不過食到中段就完全明晒🙈因為呢餐我地叫烤餅黎沾咖喱，keep住食一定會好漏，如果中間沾返啲乳酪黎食，就可以消消滯🤤…查看更多

在香港想吃正宗印度菜，第一時間就會想起尖沙咀的重慶大廈，今次就來到這間2021年度得獎咖哩 - 珍珠皇宮印度餐廳。餐廳面積不大，不過環境乾淨衛生，燈光昏黃頗有情調，印度本身是一個很熱情的國度，裝修以紅色作主色帶來視覺上的衝擊。這裡由廚師到侍應都是南亞裔，但部份店員卻能說一口流利的廣東話，服務態度親切有禮，再加上餐牌亦有中文附註，點菜時也不怕會看不懂。點菜後就會奉上薄脆胡椒餅和特製薄荷醬，不另收費。餐廳選用來自印度的原材料，令每道菜式洋溢著異國風情。咖喱角 $52Samosa是印度的家常小食，厚實外層用麵糰搓成脹卜卜的三角形，炸得香脆而不油膩。裏面包裹著飽滿的全素食內餡，主要以咖喱青豆薯蓉製成，沾上甜酸醬尤其惹味。乳酪脆米球 $75橢圓形中空的脆米球是印度常見的街頭小吃，size 有如乒乓球的大小，外層金黃鬆脆。內裡混合馬鈴薯及多種香料作餡，淋上酸甜清涼的乳酪，即時令人胃口一醒，可以作為開胃前菜。牛油烤雞 $108 由於咖喱已跟牛油調和，質地濃稠順滑，平衡了辛香料的刺激，不像一般想像的印度咖哩味道較嗆口。雞肉煮得入味，微辣中帶香甜奶香，辣度溫和，即使是吃不了辣的也會覺得容易入口。鍋煮咖喱蝦球 $138印度人是天生的香料魔術師，將蝦球與青辣椒、番茄與焦化洋蔥等煮製而成，香氣濃郁，五味雜陳，衝擊味蕾。各種香料交織出的獨特風味徹底融合至爽彈的蝦肉，突顯辣味上的豐富層次感，不是一味平板的死辣。品嚐印度菜又怎能缺少Naan，絕對是吃咖哩的搭配首選，撕下一片烤餅，蘸上咖喱汁，豪邁地一手放進口內。雜錦薄餅 $65手工製作的印度烤餅外形簡樸粗礦，烤焗過後的Naan表面佈滿具有彈性張力的泡泡，富有蓬鬆空氣感，吃起來綿密煙韌，一盤拼盤份量十足，足夠 2-3人share。…查看更多

好耐冇食印度菜，那裡出名印度菜呢？一諗就想起重慶大廈，咁就去走一趟吧～我地選擇左呢間「珍珠皇宮印度餐廳」，室內裝潢幾特別，燈光有點昏暗，有點浪漫，都幾適合情侶嚟食㗎！混合肉拼盤 $168服務員好好，落單時知道我唔食羊之後就換咗雞俾我哋。有魚、雞腿、雞胸、雞件，魚用咖喱醃料，唔辣的，雞就用同一種醃料，是香料，沒有咖哩也不辣，雞肉肉質嫩滑，用鐵板上碟熱辣辣，趁熱食好好味😋牛油烤雞 $98咖喱汁甜甜地用嚟點烤餅，味道非常夾，雞肉出奇地唔鞋，雖然都係咖哩但係一啲都唔辣既，好喜歡呢個菜呢😍個咖哩真係好正！好正！好正！👍🏻瑪莎拉脆餅 $16薄得來脆口，沾芥末雖然有少少辣，但係都好野未。芝士烤餅 （上）$40有芝士味，但一定要沾咖哩醬。好鬆軟，上碟熱辣辣一定要食先。蒜蓉烤餅 （下）$28比較大件，烤餅黎講好彈牙，一樣都要配埋咖哩醬，超級冇得彈。👍🏻印度奶茶$25係薑汁味嘅奶茶囉，我接受到嘅，幾好飲架，其實味道幾特別，大家可以試下。Kingfisher 印度啤酒🍻估唔到酒既味道好甜架喎，好強酒精味，好夠氣，夠凍。…查看更多

第一次去重慶大廈食印度菜，一入到重慶大廈就有好多好親切嘅叔叔介紹自己嘅餐廳。不過聽人講呢間幾好而且book咗枱就唔洗揀，直接去咗呢間。我地兩個目標都係烤餅，所以叫咗一個 Garlic nan 同一個butter nan。兩款都好香好煙韌，而且有啲位係脆嘅Main dish方面叫咗一個 butter chicken 同一個椰汁忌廉煮蝦。Butter chicken 好香好惹味，加埋烤餅好夾！不過就咁食就鹹咗啲。椰汁忌廉煮蝦就同一般咖喱差唔多味，我唔食辣嚟講有少少辣不過係可接受嘅。飲品方面我叫咗杯香蕉奶昔，唔係好甜不過飲得出真嘅香蕉味～一路食嘢一路都有幾個叔叔行過嚟問我地好唔好食，睇得出佢地好緊張客人嘅comment！最後仲請我地食印度湯圓～不過就好甜喇。整體來講今次去重慶大廈食印度菜係一個好特別嘅體驗🤩印度菜果然好好食！如果你重慶大廈好陌生不妨入去食餐飯，感受下香港入面不一樣嘅地方～…查看更多