珍珠皇宮印度餐廳

觀賞完叮噹後，跟著error於辣王傳介紹到重慶大廈食咖喱餐廳主打正宗印度菜，環境乾淨衛生，燈光有情調門面貼滿名人明星的照片如喬寶寶、任達華和李治廷等小食乳酪脆米球如乒乓球的大小，外層金黃鬆脆頭盤南印度捲餅用米漿加豆蓉製成，內有薯仔及洋蔥等餡料天多尼印度燒烤香料免治羊肉卷熱辣辣，羊肉味濃主菜瑪莎拉咖喱烤雞啖啖肉，味道微辣帶甜，超開胃即點即製的印度蒜蓉烤餅，鬆軟煙韌帶嚼勁，配咖喱汁一流印度米咖喱蝦仁炒飯顆粒均勻，蝦肉爽口彈牙印度凍奶茶茶味深沉而奶香濃郁，幫助消化…查看更多

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗原來自己已經有好多年冇去重慶大廈食印度咖哩，冇特別做 research 食邊間，決定邊間第一個 approach 我就食邊間！一行到去門口附近就係呢一間嘅 staff approach 我，跟住佢行一層樓梯就到！因為未夠7點，餐廳入面未算好多人，環境感覺舒服，7點半後就開始多人呢～🍴乳酪脆米球 Dahi Poori（$75）呢個係我八卦想試，開頭仲以為係熱嘅，原來係凍嘅！上面有一粒石榴同埋脆粒，外面好脆，入面係爆漿乳酪，仲有薯仔同鷹嘴豆泥，口感好得意，後勁有辣味出嚟，一啖有齊甜酸辣，有趣得嚟開胃又好味！🍴混合肉燒烤拼盤 Tandoori Platter（$178）拼盤有印度燒雞、免治羊肉卷、烤魚塊、乳酪腰果汁燒雞，用鐵板上檯，非常熱辣辣！印度燒雞好惹味，免治羊肉卷辣得好過癮，乳酪腰果汁燒雞香料味好突出，有D 香料茶 feel，呢個拼盤啱晒樣樣都想試吓嘅我！🍴咖哩羊肉 Lamb Curry（$108）咖哩味香帶少少辣，羊肉煮到好腍，個汁用烤餅食一流，開頭以為會浪費D汁，後尾差D 俾我哋食晒😂🍴蒜蓉烤餅 Garlic Naan（$28）有三件大大件，好香蒜味，表面少少脆身，入面鬆軟煙韌，好味！🍴芒果奶昔 Mango Lassi（$38）每次食印度嘢都必點，酸酸甜甜更開胃，就可以食更多嘢😁🍴印度奶茶 Indian Tea（$25）每間餐廳都有自己獨特配方，店員攞住個壺響你面前倒，奶茶好滑，香料味唔錯，好飲～食緊飯時，聽到隔離檯個客人講佢因為 Error 食過所以帶朋友嚟，哈哈，其實我都冇睇過，食完出門口先見到！整體上食物質素好，令我重拾返久違咗嘅印度風味，環境舒服，店員態度同服務都好好，食得好開心！如果大家去重慶大廈唔知揀邊間食，可以試吓呢間！☆My IG @tracyloveliving ☆…查看更多

米爸係印度食物超級愛好者，重慶大廈亦都係米爸經常去食印度餐嘅地方，講到最愛，就係呢一間珍珠印度皇宮餐廳！乳酪脆米球 $75乳酪脆米球是一個小球甜點，外酥內嫩，乳酪香氣濃郁🥛，適作為餐前甜點，口感層次感豐富，酸酸地好開胃。印度燒雞 半份 有4件 $98印度燒雞是一道超級好吃的印度菜，米爸精選之一。它先用香料和酸奶醃製，再放在爐上烤製，之後用鐵板上，口感鮮嫩多汁，熱辣辣，真係好好食阿😋！咖喱羊肉 $98咖喱羊肉一上枱就已經有一道香氣瀰漫，鮮嫩嘅羊肉🐏與濃郁嘅咖喱融合在一起，濃郁的口味讓人難以忘懷，再配上naan，簡直是美味的絕配🥘！牛油烤雞 $108呢款咖喱非常creamy, 味道溫和，仲有少少甜，用黎點naan簡直係一絕，而雞肉就好鮮嫩一啲都唔柴🐓，將啲咖喱同雞肉夾住naan一齊食，唔覺唔覺就食晒成塊naan✨！蒜蓉烤餅 $28蒜味非常突出，餅身夠乾身，仲要好脆口同熱辣辣😍，就算點左咖喱都仲好香脆，超級好味！芝士烤餅 $40點估到芝士naan都可以玩拉絲咁神奇🧀！？呢款芝士naan係鬆軟嘅質地，仲有淡淡芝士味，就咁空口食都好好食。Mango lassi $38用鮮芒果同乳酪打成嘅飲品🥭，酸酸甜甜，非常解膩。Strawberry lassi $38估唔到有士多啤梨版🍓，緊係要試啦，最估唔到係用真士多啤梨打成，仲食到有啲果肉！📍 珍珠皇宮印度餐廳 (尖沙咀)尖沙咀彌敦道36-44號重慶大廈1樓96-97號舖…查看更多

第一次去重慶大廈唔知食咩好，門口有幾位印度哥哥拉客🤣，求其跟左一個上去1樓角落既珍珠皇宮印度餐廳🇮🇳。餐廳座位唔算多，會播電視會播印度節目同歌曲，有濃厚印度風情💮。Menu有中英文對照，仲附埋圖片🖼好細心！基本印度菜都有齊，另有素菜、小食、甜品、酒精🍺/無酒精飲品🧃，適合同朋友聚會👍🏻。🔅瑪莎拉咖哩烤雞 ($118)Masala好香濃好惹味，唔算好辣，入面雞件都入晒味好滑🤤。用黎配naan同酥餅又得，就咁食都得😎。🔅混合肉燒烤拼盤 ($178)拼盤超抵食！有印度燒雞、乳酪腰果汁燒雞、烤魚塊同免治羊肉卷各2件，平時食4件燒雞已經要百幾蚊🥺，依家雞羊魚都有齊晒，勁豐富👍🏻。腰果汁燒雞就濃味啲，印度燒雞偏乾身少少。魚都幾嫩滑，羊肉卷以為乾爭爭，但食落又唔錯😍。🔅蒜蓉烤餅 ($28)呢款garlic naan唔會好韌，蒜蓉再加多啲就好啦🤤。🔅馬來鬆餅 ($35)平時鐘意油酥餅，不過太邪惡😂。呢款就唔伯好油，又酥又煙韌🥺，配masala一流！🔅南印度捲餅 ($75)之前試anjappar覺得幾特別，所以呢次試下會唔會有咩唔同😋。呢個餅無咁crispy，中間有薯仔、洋蔥等餡料，食落口感更豐富👍🏻。🔅芒果奶昔 ($38)朋友怕印度野辣所以叫左杯mango lassi俾佢，酸酸甜甜解下辣啱晒😝。💬整體環境都ok，食物價錢頗抵食👍🏻，推薦masala 🤤。…查看更多

到左生日月，食不停😋 多謝各位朋友厚愛🫶🏻 今次朋友邀請我去食印度咖哩，仲要係良心店的😍.位於重慶大廈內最角落的位置，不好找，但好彩在門口時啲「朋友」問中左係咪食珍珠皇宮，佢就帶我地路。 餐廳環好紅lolll，literally 色tone好紅，客人都比想像中還要少。入到餐廳基本上是隨便揀位，氣氛casual 到有啲似去左food court。不過，唔緊要，最緊要野好食！.呢到最多人推介的兩款菜式都係重奶的，所以乳糖不耐症患者我都一早食定藥黎。.✤ 乳酪脆米球 Dahi Poori 💲75推介之一，薄薄的’poori‘十分脆，包著滿滿的’Dahi‘即乳酪，內有薯仔、鷹嘴豆、洋蔥、石榴籽，味道豐富酸酸地，十分開胃。✤ 牛油烤雞 Butter Chicken 💲108推介之二，好creamy 的咖喱，味道很不錯，炸雞都好嫩滑。點naan 食一流，最後都差不多食晒啲咖喱。✤ 瑪莎拉咖喱羊 Lamb Masala 💲108羊肉不太羶，咖哩偏深紅色，味道較濃，但個人感不太配合羊。整體感覺對比牛油烤雞之下較為普通，羊肉控表示少失望。✤ 蒜蓉烤餅 Garlic Naan 💲28好乾身好香蒜味的烤餅，好軟熟，熱辣辣超好味意猶未盡地再追加了食物，結果唔覺意就太飽了🙈.✤ 香辣蝦球 Chilli Prawns 💲138上枱一刻，我和朋友都覺好似咕嚕肉，橙橙地色係有少少似的，不過味道上這個香辣蝦球都幾辣，蝦都算爽，但炸粉有少少厚。✤ 芝士烤餅 Cheese Naan💲40朋友本來就想多試一款naan bread，芝士naan bread同樣地熱辣辣的，仲可以拉到絲添，做得很不錯！整體觀感不錯，每樣食物份量不算太大，可以多點幾款試試，性價比都好高。餐廳環境雖不算很美，但算坐得舒服，可以好好同朋友暢談的地方。…查看更多

突然之間今日好想食印度咖喱 上咗最正宗嘅重慶大廈一樓度行下 點知見到呢間都幾大間 而且最近ERROR都有打過卡添❣️𝒫𝒜𝐿𝒜𝒦 𝒫𝒜𝒩𝐸𝐸𝑅 芝士菠菜 $88將菠菜打成蓉 仲混雜左啲洋蔥🧅粒 芝士粒 菠菜蓉食落好Creamy 略帶鮮奶香味 一粒粒嘅芝士粒十分香濃 係濃縮左嘅芝士味道❣️𝐿𝒜𝑀𝐵 𝑅𝒪𝒢𝒜𝒩 𝒥𝒪𝒮𝐻 印式燴羊肉(多汁，小辣) $118平時食呢啲都係一大兜汁得多少少肉 估唔到呢一間咁足料 每匙羹不起都有🐏肉 舊舊都勁入味 薑絲令羊肉騷味走曬 微辣口感更加突顯肉香 ❣️𝒢𝒜𝑅𝐿𝐼𝒞 𝒩𝒜𝒜𝒩 蒜蓉烤餅 $28蒜粒除咗夾雜喺烤餅入邊 連面頭都舖滿曬 咬落略帶微微蒜香🧄 好啱香港人口味 我哋拎咗嚟沾羊肉咖喱食 蒜香加上羊肉香 帶少少微辣 好match ❣️𝑀𝒜𝒮𝒜𝐿𝒜 𝒫𝒜𝒫𝒜𝒟 瑪莎拉薄脆 $18餅上面放滿青椒🫑洋蔥🧅蕃茄🍅粒 仲灑咗啲辣粉 賣相相當吸引 七彩繽紛嘅餅食落好多層次 蕃茄嘅清甜再加上青椒同洋蔥嘅刺激 最後仲有辣粉嘅辛辣 呢個小食真係值得推薦🫶🏻❣️𝒯𝒜𝒩𝒟𝒪𝒪𝑅𝐼 𝒫𝐿𝒜𝒯𝒯𝐸𝑅 混合肉燒烤拼盤 $178用鐵板上嘅燒燒拼盤放左印度燒雞x2 免治羊肉卷x2 烤魚塊x2 乳酪腰果汁燒雞x2肉食系嘅我哋期待咗好耐 每一款都唔同顏色 醃咗唔同嘅調味料免治羊肉卷好得意 平時好少見 成碌好似蛋捲咁相對其他肉類比較乾爽 一拮落去就散開 羊肉味同樣夠濃至於最鍾意嘅係烤魚塊 黃色嘅外層咬開魚肉依然保持嫩滑 無被烤至乾身 唔使再點其他調味料都有淡淡咖喱香❣️𝒦𝐸𝒮𝒜𝑅 𝒦𝒰𝐿𝐹𝐼 印度番紅花杏仁雪糕 $55切成粒粒咁食落好似雪芭 甜甜地好香煉奶味 淋咗啲番紅花醬做topping 賣相都好靚💖成餐由頭辣到尾 最後食呢個雪糕解辣啱晒…查看更多

前排放假去咗尖沙咀行街，順便去咗好耐無去嘅重慶大廈食印度菜😗 相信大家都試過，只要一經過重慶大廈門口都會比人係咁sell😂 好彩我今次目標明確，鎖定咗之前Error拍過節目嘅嗰間印度餐廳😆 一坐低，店員首先送上一份薄脆餅作前菜，點住薄荷醬嚟食都幾唔錯，可以比我哋食住睇menu揀菜式，幾貼心！見好多人推薦呢個菜式，跟風都嗌咗份🤓 原來佢係凍食嘅，每個波波入面都充滿酸酸甜甜嘅乳酪，仲有啲薯仔同豆蓉，好特別😚好少食印度野會嗌呢道菜式，但唔知點解嗰日見到就好想嗌嚟試吓🤪 果然，真係好有驚喜🤤 每隻蝦都爽口彈牙，而個醬真係不得了，充滿牛油蒜香味，再加少少芫荽吊味，一流！見佢呢度嘅咖喱曾經喺2021年獲獎，所以過到嚟當然要試一下😆 嗌咗最細嘅辣，食落都有啲辣同幾重香料味，雞嘅份量屬於「食極都有」嘅級數🤣 整體嚟講都幾唔錯！嗌得咖喱通常都會嗌烤餅點😋 之前通常都係嗌開芝士烤餅，今次就試下蒜蓉烤餅！新鮮整好熱辣辣，就咁聞都好香蒜味，之後我哋用嚟點咖喱之外，仲發現原來點蒜蓉蝦嘅醬汁更好味，雙重蒜味，正🤪我哋一日嗌咗一杯Lassi，一杯士多啤梨味，令一杯係雜果味。士多啤梨飲落會甜啲，而雜果就啱啱好😌總括而言，今次係我第二次喺重慶大廈食嘢，估唔到都幾驚喜，冇諗過佢嘅蒜蓉蝦咁好食，當然仲有佢嘅得獎咖喱，真係特別香特別惹味🤓 另外，如果係Error嘅fans應該會幾鍾意嚟，因為店鋪門外痴滿晒Error嘅應援物😝…查看更多

四個字：名不虛傳果然好好食，真係唔算辣個人甚至認為係微辣，怕辣嘅人都食得！個人就覺得套餐入邊冇瑪沙拉咖喱叫（定係我唔識叫？），散叫就有啲貴 （我用左$107蚊叫左一個瑪沙拉咖喱雞同一個印度蒜蓉烤餅）如果有餐可以平啲嘅話就Perfect留醫間餐廳係喺重慶大廈嘅2樓，嗰度好似剩係得條樓梯或者搭lift上去，如果行樓梯會比較熱，不過間餐廳邊有冷氣所以唔怕會考慮堂食，聽環境我睇過下都覺得唔錯可以帶吃貨去試會再幫襯！（瑪莎拉咖喱雞+蒜蓉烤餅）…查看更多

🌸尖沙咀得獎印度菜🌸珍珠皇宮印度餐廳‍🍳👨‍🍳想吃正滋味印度菜？今天我便相約好友到了位於尖沙咀重慶大廈一間由印度人開設的得獎咖喱印度餐廳-「珍珠皇宮印度餐廳」品嚐是日晚餐❗餐廳鋪面寬敞，裝修呈印度風情，甚有情調，座位舒適❗店員十分親切殷勤有禮，店員細心為客人下單及不時收拾碗碟。我們一行2人點了以下菜式：1️⃣🌟香草串燒雞塊 $108份量十足的鐵板香草串燒雞即叫即製，熱炳炳上菜，燒春雞肉質嫩滑，味道香濃，鹹度適中，相當滋味❗2️⃣🌟瑪莎拉咖喱魚塊 $118餐廳的咖喱獲得「2021年度咖哩」的美譽，一定要品嚐一下！瑪沙拉咖喱魚塊肉質嫩滑，魚肉非常入味，瑪沙拉咖喱味道香濃，辣度適中，配搭魚肉及烤餅一流❗️3️⃣🌟雞翼拼魷魚圈 $108雞翼外皮香脆，肉質嫩滑，帶香濃辣汁，而魷魚圈炸得黃金香脆，魷魚肉質彈牙。4️⃣🌟蒜蓉烤餅 $28蒜蓉烤餅份量十足，烤餅質地香脆，帶香濃蒜蓉香味，配搭咖喱非常惹味❗️5️⃣🌟芒果奶昔 $38這是餐廳必點的飲品，奶昔以新鮮芒果肉及鮮奶製成，甜度適中，帶清新香甜芒果果味。🌟為是次餐廳用膳的推薦菜色❗🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為滿分總括而言，此餐廳的食物質素高，菜式即叫即製，價錢親民，餐廳地點鄰近尖沙咀站，絕對是重慶大廈的滋味印度菜之選❗ 📍珍珠皇宮印度餐廳 (尖沙咀)：尖沙咀彌敦道36-44號重慶大廈1樓96-97號舖…查看更多

大家有無去過重慶大廈食咖哩呢？我大大話話都講左10年但都無行動，直至知道有一間印度餐廳拎左2021年度咖哩既奬項，就推動左我進入這個我覺得神秘既地方😂😂@motipalacehk 珍珠皇宮印度餐廳，除左拎到2021年既咖哩奬外🎖，仲見到原來Error 三子都有黎食過😂店主仲話肥仔好鍾意食😆老闆除左識廣東話外仲非常熱情，其他店員好好禮貌服務真係好好，如果你諗唔到叫咁佢仲會推薦下🤗餐廳氣氛好好，有一種寧靜既感覺😌當叫完食物後，餐廳會先上一份薄脆既食物配薄荷汁係免費的，我個人比較喜歡用佢黎解辣🤪咖哩角（素）$52三大件脹卜卜咖哩角，入面有豆同咖哩薯蓉，個炸皮厚身而超脆🤩熱辣辣好好食，我一個人絕對食到三隻😆乳酪脆米球$75超大驚喜🌟🌟我知道佢係出名既印度小食，但我從末試過，一試立即愛上💕一個炸左既波波球入面有薯蓉？咖哩汁？其實我真係唔知有咩，只係知好好食～面頭有脆米米同石榴粒加好多好多乳酪，外凍內暖，一粒啪入口真係好到痴線🥹瑪莎拉雞（可選擇辣度）$118黎印度餐廳主角一定係咖哩，何況佢仲得過奬🎖真心講好好好好食，嗰種辣係食得好舒服，辣度我選擇左微辣，每一啖口感都好豐富，一路配蒜蓉烤餅同薄脆，真係好爽🤪蒜蓉烤餅$28必點系列！配咖哩係無敵♥️上枱時仲熱辣辣，淨食更顯蒜香味🧄芝士餡餅$40我太喜歡芝士😋唔可以錯過佢既餡餅，用佢黎配咖哩味道層次再有不同，大家可以試下芒果乳酪$38食咖哩飲乳酪你懂的😂😂總結：我已經約左下一組朋友黎食喇😂好食又抵食服務又好，回頭率100%…查看更多

食唔食一間餐廳，有啲人就睇餐廳門口貼咗啲咩而決定，有啲人就睇有冇偶像文宣難得有間印度餐廳黐咗Error Poster喺門口，連印度人都撐香港男團，太神奇喇事關Error都嚟食過，肥仔好鍾意食。有咩咁犀利？只食一粒脆米球，已經知佢咩料倒啲酸酸地又甜甜地又辣辣地嘅液體，入去炸到脆卜卜有啲餡料嘅米球，又脆又fresh咁爆汁，同Error一樣咁衝擊同樣係炸米球，不過乳酪版嘅感覺就截然不同，豐富嘅乳酪覆蓋住炸米球，趁新鮮食又正，浸到腍腍地食又好正印度薄餅千變萬化，唔只得roti㗎，仲有叫Dosa嘅大捲餅，原來係南印度食品，係用米漿加豆蓉製成特別在內有薯仔同洋蔥等嘅餡料，外有三種醬任你點，其實都幾飽肚充實印度烤肉樣樣都好味，唔想揀就嚟個拼盤，有印度燒雞、免治羊肉卷、烤魚塊同乳酪腰果汁燒雞四種肉，件件都香濃惹味，鑊氣十足呢間嘅咖喱攞過「2021年度咖喱」美譽，其中印度招牌就有瑪莎拉咖喱，濃濃香料調味同乳香，配飯配naan一定樣樣清，裡面有印度芝士，反而清清地似豆腐，咁嘅配搭好夾嚟食印度嘢，naan一定走唔甩，蒜蓉味令佢生色不少，同瑪莎拉係最佳拍檔嘢飲除咗拉茶，食大餐一定係飲Lassi，就咁飲會好甜，食住嘢咁飲，你就會好快想飲多杯玫瑰味第一次飲，估唔到乳酪味好出，好好飲呀嚟重慶大廈食飯，大胃都係第一次，未入重慶門口，已經有好多朋友嚟拉客，其中有位哥哥攞住寫明「珍珠皇宮印度餐廳」嘅leaflet俾我地睇，是是正正咁，同埋喺1樓啫，就跟佢上去，冇中伏之餘，服務態度又誠懇，食得安心…查看更多

重慶雖然有好多印度餐廳，但香港人通常來來去去都係去某兩間，最近去左一間從未去過嘅印度餐廳就俾倒好深刻印象我，因為啲咖哩比起香港好多印度餐廳都要辣，唔會特登較到冇咁辣咁，似返印度人食開嘅辣度，最重要係店面都比較乾淨同企理，食得更放心。講緊嘅就係珍珠皇宮，佢喺重慶大廈1樓，喺地下中間看更位後面就有樓梯上去。哩度嘅定價比重慶其他印度餐廳貴少少，但基本上人均$150-200已經食到飽。胡椒餅(免費) - 點完餐侍應就送上一份胡椒餅，好薄好脆，蘸埋辣辣地嘅薄荷醬，惹味又好食。炸洋蔥圈($52) - 賣相雖然同想像中有啲出入，不過我反而幾鍾意，因為啲炸洋蔥炸皮冇平時西餐廳食倒嘅咁厚咁硬，好似食緊炸白飯魚咁，係脆得黎軟身嘅，蘸埋佢個甜甜地嘅醬汁味道都唔錯，加上夠大份，如果有叫酒飲嘅叫哩碟炸洋蔥圈就啱晒。瑪沙拉煮魚($118) - 瑪沙拉本身的確係應該食倒辣味嘅，不過之前喺香港食過唔少印度餐廳，啲咖哩都較到就返香港人冇咁辣，所以瑪沙拉通常都較到唔辣嘅，但哩度嘅瑪沙拉就真係辣辣地，辣度大約係小辣，鍾意食辣嘅朋友就會覺得惹味好食，如果本身唔食得辣我會建議點椰汁咖哩。魚塊大約有五六舊，肉質唔會太腍，食倒少少彈口。蒜蓉烤餅($28) - 烤餅一客有三大塊，好腍好軟身，就算唔想用手，淨係用匙羹同叉都好易切開小塊食。芒果奶昔($35) - 食咖哩當然唔少得一杯芒果奶昔，佢地嘅奶昔都打得幾滑唔會太稀，芒果味好香甜。士多啤梨奶昔($35) - 哩度嘅奶昔都算多口味，除左常見嘅芒果、甜味同咸味奶昔，仲有士多啤梨、香蕉同玫瑰，朋友叫左士多啤梨，酸酸甜甜一啲都唔藥水味，味道唔錯。總結，雖然哩度嘅價錢比重慶其他餐廳貴少少，但環境就乾沬企理好多，張枱唔會立痴痴咁，而且每張枱都有枝酒精搓手液喺度，我最鍾意係佢啲咖哩好夠辣，除左頭先講到嘅瑪沙拉，佢地仲有一款叫勁辣咖哩，有機會都想挑戰下。…查看更多

今晚想吃印度咖喱，知重慶大廈有很多印度餐廳，就去碰碰運氣。一進門前就有好多餐廳店員招手，最後我選了一樓的Moti Palace。餐廳內播著當地歌手的mv，加上昏暗的燈光、鮮色的傢具，環境很有印度特色。我好喜歡chicken tikka，是每次去不同的印度餐廳都會點的菜式。用鐵板上菜，橙色的大塊雞肉滋滋聲的，聽到都覺得會好吃。這種烤雞的肉又嫩又有汁，加上外層包裹的香料夠香口，吃得我們津津有味。份量不少啊！咖喱有好多款，既然已吃了燒雞，就選了瑪莎拉煮羊肉，配蒜蓉烤餅。我發現每枱食客的咖喱和烤餅都必定是一起上菜的，這點很細心。深啡色的瑪莎拉羊肉無論是質感和味道都很濃稠，飄來陣陣香味。用烤餅沾著色真的可以一滴不漏清掉咖喱汁呢。羊肉的份量比想像中多，切成小粒容易吃，味道香而不膻，肉質軟又不黏牙。蒜蓉烤餅的氣味很香，單吃也可以。剛烤起的餅，底部還有點脆呢！飲品方面，我喝了熱的印度奶茶，茶底跟港式不同，有獨得的甘香味道，絕對不是加好多糖的樣子。男友喝mango lassi，質感柔滑，乳酪夠酸，好醒胃，非常適合吃咖喱的時候喝。兩人只需312元已經有這麼豐富的一餐，吃得很飽足！其實他們的份量真的不少，雞、羊的肉量都很多，非常抵食啊！！…查看更多