影片
港鐵尖沙咀/尖東站 J 出口, 步行約5分鐘
繼續閱讀
電話號碼
23132313
開飯介紹
活力、香氣與風味交織的自助餐體驗，匯聚西方與亞洲的特色佳餚，透過美食帶您走訪各地市集。置身維多利亞港畔，一邊享用豐盛的自助午餐及自助晚餐，一邊欣賞熙來攘往的都市一隅，感受箇中活力。
繼續閱讀
獎項殊榮
最優秀開飯自助餐 (2016)
特色
慶祝紀念日
營業時間
今日營業
07:00 - 10:30
12:00 - 14:30
18:00 - 22:00
星期一至五
07:00 - 10:30
12:00 - 14:30
18:00 - 22:00
星期六
07:00 - 11:00
12:00 - 15:00
17:30 - 23:00
星期日
07:00 - 11:00
12:00 - 15:00
18:00 - 22:00
公眾假期
07:00 - 11:00
12:00 - 15:00
17:30 - 23:00
*自助晚餐
星期一至星期四
6:00pm - 10:00pm
星期六及公眾假期
5:30pm - 8:00pm (First Seating)
8:30pm - 11:00pm (Second Seating)
星期五及星期日
6:00pm - 10:00pm
以上資料只供參考, 請與餐廳確認詳情
相關文章
提早慶祝中秋節,我,太太,外父和外母相約往尖沙咀麗晶酒店港畔餐廳食自助晚餐,謝謝太太提早兩個月前訂位,我們食頭場17:30至19:30,自助餐食品豐富,這裡有冷盤,凍海鮮,刺身,熱食和甜品,冷盤有谷巴火腿,巴馬火腿和沙樂美腸,食落咸度剛剛好 ,凍海鮮有蝦和青口,食落味道新鮮鮮甜,刺身有蝦,拖羅,帶子,油甘魚,三文魚和吞拿魚,蝦,帶子和三文魚食落新鮮,吞拿魚,拖羅和油甘魚肉質鮮甜味美,金萡三文魚籽味道鮮甜,熱食有花雕南瓜燴鴨肝,蒸龍蝦,片皮鴨,花膠冬菇鵝掌,炆鮑魚作主打,花雕南瓜燴鴨肝食落有花雕酒香,鴨肝入口即熔,南瓜香滑,蒸龍蝦肉質鮮甜新鮮,口感一流,片皮鴨食落有油花,花膠冬菇鵝掌花膠爽口,冬菇和鵝掌食落軟腍,炆鮑魚食落彈牙,烤肉肉味香濃,另外有意大利雲吞,煎多寶魚,羊架和炆牛肋肉,意大利雲吞皮薄,口感一流,煎多寶魚肉質鮮嫩,煎得爽脆,羊架比較生,如熟一點口感更佳,炆牛肋肉肉味香濃,西湯有意大利雜菜湯,飲落口感清新,甜品提拉米蘇口感香滑,另外酒店有肉眼,肉眼食落肉味香濃,甜品款式多有焦糖燉蛋,面包布甸,朱古力蛋糕和自家製雪糕,焦糖燉蛋甜度適中,面包布甸口感順滑,朱古力蛋糕味道香濃,雪糕我選了雲呢拿,奶茶和朱古力,朱古力和奶茶雪糕味道香濃,食落口感滿足,酒店有凍奶茶提供,飲落奶味香滑甜度適中,酒店座位闊落舒適,食物美味,冷盤, 凍海鮮和熱食高質我和家人十分滿意,食了一頓美味中秋節自助餐
繼續閱讀
港畔餐廳自助晚餐一向比較難book,親友訂了酒店房間及預訂了自助晚餐，一行數人去食自助餐，餐廳環境不是非常豪華但不失典雅，侍應生及工作人員服務細心有禮。海鮮有海蝦，長腳蟹， 翡翠螺，麵包蟹，海鮮冷盤都算新鮮。刺身壽司有多款壽司及卷物可供選擇，刺身有亦有多數，有金槍魚，三文魚，海膽，帶子，全部都好新鮮，本身自己唔接受腥味，所以一唔新鮮就食唔到，但今晚食最多係刺身。半邊燒龍蝦不停供應，你想要幾多隻都可以，龍蝦是急凍已熟龍蝦，當然不及新鮮好食，但都是合格以上。燒西冷牛扒原條燒制，想食幾多工作人員切幾多比你，牛扒的確有驚喜，外面燒香，內裏粉紅色一點血水都沒有，肉質嫩滑有肉味。還有多款熱食，煮鮑魚，海參，花膠全部任食。甜品亦有很多選擇。雖然自助餐費係比較高，但所有食物都係任攞任食，不像其他自助餐較高級食材會限量供應，大致所有食物都滿意，大家都食得好滿足。
繼續閱讀
臨近聖誕，當然係約三五知已慶祝下啦！今日黎到尖沙咀好出名既五星酒店，試下佢既自助餐先！食物款色都幾多，refill 都好快。刺身係好高質的，最中意係佢既帶子，大大粒甘比完全唔手軟，鮮度夠，係吃到海鮮既甜味，正！另外鵝肝係必食！好大舊又煎到表面香脆，內里爆汁，好邪教但真係好好味！熱食既選擇都唔少，今晚有蠔蟹煲，蠔肉好嫩滑，隻醬有少少似雞煲個隻味，好惹味！最後甜品都非常好，竟然有開心果窩夫！OMG, 想講個窩夫即叫即整，等左3分鐘左右，好脆！而我另外加左個開心果雪糕落去，好正。 我一個人吃左3轉。。真係正總結依個自助餐絕對值得一試
繼續閱讀
今日，一行五人去咗尖沙咀，Regent酒店的Harbourside食lunch buffet, 有些人說Harbourside是buffet天花板， 所以，來試試。我食咗沙律，parma ham, 芝士，西湯，北京填鴨，燒牛，羊腿，咖哩，牛仔骨，凍蝦，雪場蟹，蜘蛛蟹，三文魚，hamachi, 帶子, 甜品，雪糕。其中，parma ham是高質的，凍蝦很新鮮，蜘蛛蟹的肉很硬，無味道，羊腿味很羶，北京填鴨，內面加了日本的新香 (酸羅白), 味道搶了填鴨的味，不太好食。咖哩普通，牛仔骨，鬆肉粉太多，甜品方面，朱古力馬卡龍好味，朱古力蛋糕過甜，自家制雪糕高質，有8 款味道，推价芝麻雪糕，同埋士多啤利雪糕。生果方面，西瓜，蜜瓜也可以一食。仲可以試下百香果。飲品有凍的冷泡茶，椰子水，buffet本身另包埋港式奶茶，薑茶，咖啡。我試了港式奶茶，味道普通，茶餐廳會更加好飲。價錢$619 已包加10% (用kkday), 食物方面，可能其他酒店會更勝一籌。
繼續閱讀
今晚約咗班識咗好多年嘅中、小學同學聚會，之前大家都想搵一間高質自助晚餐，不約而同大家都想去麗晶酒店Harbourside港畔餐廳。雖然冇重新開張咁難訂枱，但我哋都早一個月訂定星期日10位先。自助晚餐食物種類好多選擇，我最愛食海鮮，今晚凍海鮮有長腳蟹、麵包蟹及蜘蛛蟹，翡翠螺，海蝦，青口，仲有蒸波士頓龍蝦，上湯烚熱先上碟，蟹鉗已經拆好肉，抵讚，可以配不同口味醬料。刺身我試咗大粒帶子、拖羅、吞拿魚、油甘魚、三文魚、赤蝦、北寄貝、金箔三文魚籽及加拿大海膽壽司，每樣都非常新鮮，無腥味😋，所有凍海鮮及刺身都 Refill 好快👍🏻熱葷我揀咗名貴食材花膠、鮑魚、海參、鵝掌，都炆得軟腍入味。鴨肝拼蟹黃洞庭烏冬，連蟹仔都食埋，烏冬彈牙。再食一件片皮鴨及一件羊架（肉汁嫩滑又無羊騷味），要留肚食甜品。甜品我試咗無花果cake,芝士蛋糕，綠茶蛋糕及朱古力馬卡龍，及即制可麗餅。最後我食埋自家製嘅開心果及奶茶雪糕，玫瑰荔枝及柑橘🍊雪芭，唔太甜好好味。雖然自助晚餐價錢要$1000蚊，但成晚對住咁靚嘅維多利亞港仲睇埋幻彩詠香江，加埋有咁多高質素既食物及服務，真係值得再去食。( Remarks: 我哋10 個人食自助晚餐，全部自費）
繼續閱讀