Park café

呢晚嚟咗尖沙咀食呢間酒店嘅自助晚餐，而家餐廳做緊星馬泰海鮮主題自助餐，都有幾多種食物選擇😙凍海鮮回本之選一定係佢嘅凍海鮮，有爆膏麵包蟹、鱈場蟹腳、青口、蜆同埋大蝦🦐 encore咗好多次麵包蟹🦀 另外仲有即開嘅新鮮生蠔，配埋檸檬汁，更加鮮味🍋刺身刺身非常厚切，有三文魚、吞拿魚、希靈魚、八爪魚同埋蟹棒，三文魚都幾肥美🍣爐端燒今日嘅爐端燒種類都有6款，有燒羊架、照燒汁鯖魚、蒜香燒牛肋條、杏鮑菇、翠玉瓜同埋燒汁燒茄子🍆 見到師傅密密手係鐵板上面燒，都有好大浸香味飄出。熟食因為係星馬泰主題，所以都有好多新加坡同埋泰國嘅特色菜，有火山排骨、金沙三文魚頭腩、咖喱燒鴨、芝士焗蠔、仲有個泰式砂鍋翅，連酥皮湯都係冬陰功湯嚟㗎😛甜品差唔多8點嘅時候師傅推咗個火焰雪山出嚟，可以望住師傅即席淋上烈酒，再排隊分享火焰雪山🏔️飲品除咗外面嘅無糖茶同埋汽水嘅飲品之外，餐廳仲做緊promotion紅酒、白酒同埋啤酒任飲🍷而家經網上訂座，三位同行只需$1111，平均$370就食到，真係好抵食啊😄…查看更多

今次我地嚟到百樂酒店嘅Park Cafe，今次嘅比佢個《百樂開心果祭下午茶自助餐》呢個主題吸引咗，加上佢有做緊買一送一嘅活動，$308蚊再加原價嘅10%服務費，講真堅係抵。我地2:50左右到，已經有唔少人排緊隊，但係入到去後都係坐唔滿。我地被安排坐埋一角，感覺都好舒服。出去行一個圈睇下有咩食，有好多款我好鍾意嘅開心果甜品，佢開心果系列嘅菜式有「華都夫開心果沙律」、「蟹柳青瓜開心果壽司卷」、「蟹肉牛油果粟米片壽司卷」、「脆銀魚仔天婦羅壽司卷」、「開心果煙肉卡邦尼薄餅」、「開心果玉米蝦仁炒飯」、「開心果醬閱青條麵」、「開心果麻糬蛋撻」、「開心果拿破崙」、「開心果意大利芝士蛋糕」、「開心果三重奏」、「開心果忌廉蛋糕」、「開心果慕絲杯」及「開心果梳乎厘等」。開心果嘅食品，我推介「開心果麻糬蛋撻」佢個撻皮好鬆脆，麻糬做到流心效果，絕對係誠意之作；另一款係「開心果慕絲杯」，開心果味非常突出同好濃郁，係我最愛嘅開心果味道。咸點我覺得「開心果醬閱青條麵」唔錯，佢個青醬味好突出，加上開心果粒嘅口感，呢個係值得推介。我嚟之前我以佢個下午茶自助餐只係得啲甜品同小量嘅冷盤食，始終優惠價只係百幾蚊人一個人，感覺唔會有好多嘢食，但我估唔到佢嘅熟食嘅選擇都唔少，中、西、日、泰甚至連星馬嘅肉骨茶都有，佢個肉骨茶嘅藥材味好濃郁，係我鍾意嘅口味。最正係佢有煙三文魚，平時响超市買一包仔都唔平，我忍唔住夾咗好多，佢個煙三文魚嘅咸度係剛好，係爭咁杯白酒就perfect；最估唔到嘅係，百幾蚊一個人，竟然都有三款刺身咁多，有三文魚、希靈魚同比較少响自助餐出現嘅鯛魚刺身，實在有驚喜。最後埋單一人只係$185蚊(連加一)，就有咁多嘅嘢食，一個下午茶都可以食到飽，呢個下唔茶堅值得推介。…查看更多

//𝘗𝘢𝘳𝘬 𝘤𝘢𝘧é☕️——————-𝘗𝘢𝘳𝘬 𝘤𝘢𝘧é — 「仲夏海味之旅🍍」以夏日水果做主題嘅自助餐融合新鮮水果🥭及鮮味海鮮🦞為味蕾帶嚟清新難忘嘅美食體驗🤤~🎖️推介主題美食：辣味芒果三文魚沙律｜酥皮海鮮龍蝦湯｜燒牛肋排｜烤豬肋排配車厘胡椒汁｜新加坡海鮮叻沙鍋｜香辣芒果雞｜奇異脆大蝦球｜香桃椰漿金沙海鮮炒飯｜菠蘿車厘茄雞肉🦀海鮮凍盤有我最鍾意嘅：麵包蟹｜長腳蟹｜白蜆｜青口｜蝦生蠔 (星期五、六、日、公眾假期及前夕供應)🍣必食刺身：三文魚｜天使紅蝦｜鯛魚｜希靈魚｜八爪魚｜帝王蟹柳🍖多款沙律、熟食、即整鐵板燒及自選粉麵：燒羊架｜牛柳｜片皮鴨｜牛仔骨｜芝士焗蠔｜雞肉串燒｜菠蘿咕嚕肉｜日式咖喱豬扒｜豬肉燒賣｜餃子 等等….🧁大推甜品：師傅現場即整火焰蛋糕 (超驚喜)誘人嘅朱古力噴泉𝘋𝟤𝟦榴槤瑞士卷｜榴槤芝士餅｜各款特色小蛋糕瑞士𝘔Ö𝘝𝘌𝘕𝘗𝘐𝘊𝘒雪糕 & 美國𝘏ä𝘢𝘨𝘦𝘯-𝘋𝘢𝘻𝘴雪糕…查看更多

indulge in a Bloom Poetry Afternoon Tea at Park Café @parkhotelhongkong_ 🫖 featuring savoury bites and sweet delights infused 🍰 with enchanting floral flavours 🌸香港百樂酒店 @parkhotelhongkong_ 推出期間限定「花漾詩集」下午茶 🫖 品嚐鹹點及甜點 🍰 綻放花香 🌸= 𝗕𝗟𝗢𝗢𝗠𝗜𝗡𝗚 𝗣𝗢𝗘𝗧𝗥𝗬 𝗔𝗙𝗧𝗘𝗥𝗡𝗢𝗢𝗡 𝗧𝗘𝗔 =7月10日至10月2日 | 下午3時至下午5時星期一至五 $218 / 一位 | $408 / 兩位星期六、日及公眾假期：$228 / 一位 | $428 / 兩位🌺 大蝦芝士雞卷伴洛神花黑醋汁chicken shrimp roll with roselle vinegar dressing 🍇 無花果牛油果帶子多士scallop toast with avocado and goldenrod🌼 洋甘菊蜜桃三文魚酥盒chamomile salmon vol-au-vent with peach🌹 玫瑰藜麥蟹棒米紙卷crab stick rice paper roll with rose and quinoa🏵️ 吉列蝴蝶蝦伴桂花乳酪汁cutlet butterfly shrimp with osmanthus yogurt sauce🪻 薰衣草蜂蜜蛋糕 lavender honey cake🪷 茉莉花奶凍 jasmine panna cotta🌸 櫻花芝士蛋糕 sakura cheesecake💐 花晶凍 flower jelly🦋 蝶豆花吉士鳳梨拿破崙pineapple mille-feuille with butterfly pea custard🌷 玫瑰馬卡龍 rose macaron☕️ 咖啡/茶或特飲coffee or tea· 薰衣草檸檬梳打 lavender lemon soda· 蘋果洛神花茶 apple roselle tea- 𝗼𝗽𝘁𝗶𝗼𝗻𝗮𝗹 𝗮𝗱𝗱-𝗼𝗻 -🧇 窩夫配 Mövenpick雪糕 + HKD$38waffle with @movenpickfinefood_hk ice cream🍨 熱情果草莓乳酪花香芭菲 + HKD$38passion fruit, strawberry, and edible flower parfait📍尖沙咀漆咸道南61-65號香港百樂酒店4樓🇭🇰*…查看更多

竟然比我發現到性價比極高嘅自助餐仲要係開心果主題😍就係Park Café週末限定供應既「百樂開心果祭下午茶自助餐」主要食物有：• 開心果煙肉卡邦尼薄餅• 開心果玉米蝦仁炒飯• 開心果青醬闊條麵• 開心果麻糬蛋撻• 開心果拿破崙• 開心果意大利芝士蛋糕• 開心果三重奏• 開心果梳乎厘• 開心果忌廉蛋糕• 開心果慕絲杯💚最鍾意開心果麻糬撻! 比坊間嗰啲都好食！呢個價錢仲有Dreyer’s同埋Häagen-Dazs雪糕任食！真係冇得輸！…查看更多