影片
港鐵尖沙咀/尖東站 B2 出口, 步行約4分鐘
繼續閱讀
電話號碼
29076666
開飯介紹
始於2001年的深圳川菜品牌，其招牌「豆花魚鍋」加入手工磨製的豆花，口感及風味獨特，午市更設有一人前分量，照顧不同食客需要。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
柴夫人魚館係尖沙咀金馬倫道，地點十分方便！🌞鮑魚雞煲🌞新鮮彈牙的鮑魚和嫩滑的雞肉經過燉煮，香味濃郁，並帶有少少川菜的微辣，鮑魚雞煲內仲有豆花，好特別！第一次食！香氣四溢。重點:小鍋198蚊 2-3人食，份量充足，仲有3,4隻鮑魚！係尖沙咀地區性價比高！🌞豉汁排骨煲仔飯🌞排骨經過豉汁醃製後，再煮至軟爛，味道鮮香。煲仔飯的米飯吸收了豉汁和排骨的精華，米粒粒分明、香氣撲鼻，仲有飯焦！讓人食指大動！🌞香脆薄餅🌞香脆薄餅真係令人難以抗拒。金黃酥脆，口感輕盈，又不油膩，令人一口接一口，欲罷不能。🌞墨魚餅🌞墨魚餅是爽口彈牙，有墨魚粒，口感獨特。🌞紅糖糍粑🌞紅糖糍粑外脆內軟，而且會爆漿，好食！仲有免費雪糕可以食！👍🏻
繼續閱讀
今日同吳太去左尖沙咀食呢間「柴夫人魚館」...平！靚！正！😍 @chaifurenyuguan呢間餐廳始於2001年，主打川菜。餐廳的招牌菜「豆花魚鍋」特別加入手工磨製的豆花，口感嫩滑，風味獨特，實在係一試難忘。午市更加設有一人前，十分貼心，滿足不同食客的需求😁至於食物方面，招牌豆花鱸魚係必既！😍鱸魚肉質鮮嫩，再配上手工豆花，入口即化，美味無比。鍋鍋刷肥牛亦都係必試，肥牛片薄而不散，口感豐富，同鍋底的湯味完美結合。煲仔飯則粒粒分明，鍋巴香脆，配料豐富，係一味熱門的主食😋。最後的爆漿糍粑甜品，豆花滑溜溜，味道濃郁，為整餐晚飯畫上完美句號🫶🏻吳太都表示好滿意🥳價格方面，柴夫人魚館相當合理，性價比高。而且餐廳位置便利，從尖沙咀站步行大約5分鐘就到，超級方便👍🏻。總體來講，柴夫人魚館無論是食物質素還是用餐體驗，都非常值得推薦😌#柴夫人魚館 #香港探店 #香港 #美食 #美食推介 #foodie #yummy #kol
繼續閱讀
餐廳喺尖沙咀旺區，未到六點都已經好多人。裝修好有四川特色，仲有霓虹燈，都幾有味道。睇返Menu價錢又唔貴喎，一人餐幾十蚊到二人鍋物都係二百幾。香辣豆花肥腸香辣豆花肥腸鍋呢個係一人食嘅份量，佢嘅湯底類似螺絲粉，佢都係有竹筍嘅加上肥腸，所以都幾惹味，佢嘅份量都幾多㗎。米線口感彈牙。鮑魚雞煲小鍋呢個鮑魚雞鍋小窩係細嘅份量，但係都夠兩至三人食，鮑魚size都唔細架。而雞嘅數量都有好多，個湯底係唔辣嘅，所以食唔到辣嘅朋友都可以揀呢個。出邊少見啲加豆花呢一款，但係加落去有幾夾喎，豆花又夠滑同埋好有豆香。另外佢會包主食兩碗同埋汽水/豆漿兩杯。麻辣拌魚皮個人推介呢個前菜，佢係涼拌魚皮伴上大量芫荽同埋洋蔥。酸酸辣辣咁好好食。咸檸七 檸檬可樂鹹檸七佢入邊有成半個鹹檸檬，所以鹹檸檬味超級足。檸檬可樂入邊有三片檸檬左右味道正正常常。
繼續閱讀
👦🏻👧🏻係尖沙咀行過見到呢間中式火鍋店，裏面坐滿食客好熱鬧。原來係2001年開始嘅深圳川菜品牌，佢地嘅招牌菜叫「豆花魚鍋」，裡面加了手工磨製的豆花，口感同味道很獨特。午市晚市二人套餐包米線/飯2碗、汽水/豆漿2份，中午仲有提供一人份量，適合不同需求的食客。🐟番茄豆花鱸魚 $238 （二人套餐）如果好似我哋咁唔食辣，可以揀呢款❣️番茄湯底清甜帶輕微薑味，鱸魚份量有唔少，口感滑嫩鮮美！上面嘅豆花香滑又濃郁，果然係呢度嘅主打😍！落埋米線係蕃茄湯到煮，米線索晒湯汁，口感煙靭彈牙！將豆花撈落米線到食，口感好豐富。🍲鮑魚雞煲 小鍋$198 （二人套餐）鮑魚雞煲可揀辣度，我地叫咗唔辣。鮑魚鮮嫩爽彈，雞件份量多，仲有好多嫩滑嘅雞髀肉，吸收晒湯底嘅精華！同樣面頭都有啲豆花喺上面🥰。🧆爆漿糍粑 $15/2件炸得香脆可口，口感軟糯煙韌，咬落去甜甜嘅紅糖漿爆出嚟，甜度剛好，小食推介嗌呢款阿🥰！🥤自磨豆漿二人套餐可以免費叫自磨豆漿！豆味香濃細膩！📍 柴夫人魚館 尖沙咀金馬倫道27號東輝大廈地舖
繼續閱讀
今日去試咗佢哋嘅酸菜豆花魚，真係超級正！唔單止魚新鮮彈牙，仲加咗竹笙、肥腸、鴨血同萵筍，全部吸曬湯，好爽。特別係佢哋嘅酸菜醃漬得恰到好處，唔會太酸太辣，啱啱好。最令我印象深刻嘅係佢哋嘅爆漿糍粑，外脆內軟，甜度啱啱好。口水雞、海蜇、夫妻肺片全部都試左，價錢勁抵，每樣都味道正宗。口水雞肉嫩，醬汁香濃，海蜇爽脆清甜，夫妻肺片醬汁入味，肺片軟腍咬落去，口感極佳。相當滿足總括而言，係正宗嘅川菜，價錢相宜，食物新鮮，環境整潔，尖沙咀諗唔倒食咩，呢度都係個唔錯嘅選擇。絕對值得一試。下次會嚟試埋佢嘅煲仔飯同雞煲。
繼續閱讀