柴夫人魚館

營業中

休息中

餐廳喺尖沙咀旺區，未到六點都已經好多人。裝修好有四川特色，仲有霓虹燈，都幾有味道。睇返Menu價錢又唔貴喎，一人餐幾十蚊到二人鍋物都係二百幾。香辣豆花肥腸香辣豆花肥腸鍋呢個係一人食嘅份量，佢嘅湯底類似螺絲粉，佢都係有竹筍嘅加上肥腸，所以都幾惹味，佢嘅份量都幾多㗎。米線口感彈牙。鮑魚雞煲小鍋呢個鮑魚雞鍋小窩係細嘅份量，但係都夠兩至三人食，鮑魚size都唔細架。而雞嘅數量都有好多，個湯底係唔辣嘅，所以食唔到辣嘅朋友都可以揀呢個。出邊少見啲加豆花呢一款，但係加落去有幾夾喎，豆花又夠滑同埋好有豆香。另外佢會包主食兩碗同埋汽水/豆漿兩杯。麻辣拌魚皮個人推介呢個前菜，佢係涼拌魚皮伴上大量芫荽同埋洋蔥。酸酸辣辣咁好好食。咸檸七 檸檬可樂鹹檸七佢入邊有成半個鹹檸檬，所以鹹檸檬味超級足。檸檬可樂入邊有三片檸檬左右味道正正常常。