影片
港鐵太子站 C2 出口, 步行約5分鐘
繼續閱讀
電話號碼
56903290
開飯介紹
Bauhaus風格扒房，裝潢帶點復古氣息，打卡一流。用餐區劃分為不同區域，適合約會、閨密聚餐及派對活動。
繼續閱讀
營業時間
今日營業
12:30 - 22:00
星期一至日
12:30 - 22:00
以上資料只供參考, 請與餐廳確認詳情
有關獎賞計劃
影片
相片
全日早餐配水果奶酪碗
明太子牛油果蟹肉意粉
BaileysBlackSugarMilK
+1.2K
+66
食家推介
近排係咁食串燒/燒烤/打邊爐，呢日想食「好西」！今次試喺其他Foodie 度見到食物好吸引嘅餐廳！呢間餐廳裝修行懷舊風格，有型嘅橙啡色設計，再加黃色嘅燈光+獨特嘅燈，好型格👍 題外話，我好鍾意啡色皮櫈，屋企嗰張都係咁上下顏色，呢度仲要係卡位🥰 Menu上面好多款都好吸引，但我胃就得一個，用咗好多時間揀食咩🤣 仲有啲揀唔到唯有下次再嚟試❤️呢度係用QR code落單，飲品先上，酒鬼見到最開心😍Otto Athenian Spritz $78好清新，個杯圓碌碌好得意好特別，餐前小酌一杯好開胃Glenelly Glass Collection Merlot (by glass) $78另外叫咗杯紅酒，呢排飲多咗Sake，終於有得飲紅酒🥰#安格斯Prime有骨肉眼 15oz 配沙律 $258 + #焗蒜 $12一上菜就聞到好香牛油味，好大塊，雖然無得揀幾成熟但燒到啱啱好，我哋仲叫咗焗蒜做side dish，個面焗到少少燶，好食❤️#滿滿蜆肉蝴蝶粉 $118超！級！推介呢個！尤其是鍾意食蜆唔好錯過，真係爆～多蜆，未試過食極都仲有，超滿足🫶🏻個汁勁Creamy ，好香有微辣，好惹味，蝴蝶粉索晒啲汁不得了👍👍我哋食晒個意粉同蜆都仲有飲埋啲汁🤣#甜薯條 $38唔係好多地方有甜薯條食，見到呢度即刻點嚟食🤭推介蜆肉蝴蝶粉👍👍 其實我仲想試個羊架，仲有啲side dish都好吸引，可惜食唔落喇😂 揾次再嚟食～
繼續閱讀
香港還有不少食店水準甚高，只是不會太多人知悉。The Steakhaus 就是其中一間，店舖雖小，但食物質素和廚藝甚高，好好品嚐，也是對店舖肯定。******************************The Steakhaus選址於人流不多，附近食店也不多，雖然如此，但餐廳還是以食物質素和味道吸引食客。餐廳地方不算很大，但座位都足夠。餐廳以柔和燈光，以增加浪漫氣氛，所以入座也很舒適。餐牌食物安排非常有彈性，如小食沙律薯條。主食有肉類，麵包、麵條、薄餅，最重要係主打肉食，可再加配小食或醬料，任君選擇，確實不錯。飲品除了酒類飲品，還有Cocktail、咖啡或茶飲等。餐廳以Steak為名，當然要好好品嚐下。小綠色沙律 HKD28，以綠色沙律菜為主，配上黑醋汁，夠清新開胃，吃那麼多肉，當然要吃點菜。蟹羔蟹餅 HKD78，蟹鮮味道確實無可抗拒，所以蟹羔蟹餅是必吃之選，蟹餅蟹肉滿滿，蟹餅鮮味香濃又帶點微辣，還有伴碟蟹膏，鮮味更上一層樓。安格斯牛肩胛扒7oz HKD98，另加焗蒜 HKD12 和奧斯卡 (螃蟹和蘆筍) HKD58，牛肩胛加了蒜蓉粒和香草調味，牛味香濃，口感嫩滑，更沒想到還有蒜蓉香，確實美味。奧斯卡螃蟹肉混成醬汁，又另一番風味，蘆筍鮮嫩美味，值得加配。本身已跟焗蒜一客，蒜粒焗得淋口又甜，另加一客，吃得更滿足。香草羊架3支骨 HKD98，另加奶油蒜蓉蝦 HKD58，羊架沒有要求幾成熟，但主廚已經準備合適熟度上枱，羊架非常新鮮，用上不少薄荷葉，一點羶味都無，甜甜薄荷醬令羊架味道更加豐富，確實出色。奶油蒜蓉蝦，甚感驚喜，蝦肉非常彈牙，奶油蒜蓉汁滿有蒜蓉香，美味到完全要把奶油蒜蓉汁全部吃下。香水檸檬茶少冰 HKD38，最近甚受歡迎香水檸檬茶，茶味清香又不會很甜，都不錯。Otto Athenian Spritz HKD78，另上Elderflower Tonic，除了Elderflower香味，還帶點橙和檸檬味，果酸之中又清甜，酒味又不會很濃，都幾特別。
繼續閱讀
地點雖然比較難揾(喺d車房唐樓之間）但好在喺太子地鐵站出口係十分鐘內一定行到去的👍🏻🤣餐廳環境好有feel😳可以無限打卡😆📸✨蟹羔蟹餅✨ $78🦀必食之選💕🥳好似用左十隻蟹去整呢塊蟹餅甘🤭入口啖啖都係超足料蟹肉好鮮味好正😋✨明太子牛油果蟹肉意粉✨$98🥑睇樣都開心系列🤭濃厚到不得了個明太子醬！仲食到有d blue cheese味添🧀✨鹽蛋黃牛排配薯條及綠色小沙律✨ $88🥩牛扒肉味好香濃肉汁豐富🤤配上咸蛋黃嘅食法又幾特別喎🤭伴碟薯條都熱辣辣好香脆🤣✨西班牙伊比利亞黑毛豬豬鞍配燒薯仔✨ $98🐷私心推介💕估唔到豬鞍都咁好食🐽肉質好嫩又juicy🤤肉味好香濃！✨士拉差雞翼✨ $48🐤炸到超級香脆！表面又有好惹味嘅辣粉！好味😋✨citrus lemon tea✨ $28🍋香水檸檬茶🌱茶味好清香☺️✨pink guava peach oolong tea✨$28🍑好鐘意佢唔會太甜🥰好清香嘅茶底加上微甜嘅蜜桃同石榴味 👍🏻❤️
繼續閱讀
今日同朋友到太子食飯，去到餐廳不需要等位就可以入座 。我們叫了鐵板油泡安格斯牛柳13oz 配烤大蒜，再另加煎扇貝，還有香草羊架（3支骨）配脆薄荷葉，再加奶油蒜蓉蝦，再叫了一份黑松露和帕瑪森起司炸薯條和一杯Green Apple Mojitos 。首先上的是黑松露和帕瑪森起司炸薯條，金黃酥脆的薯條沾滿黑松露醬和帕瑪森起司的香味，外酥里嫩，濃郁香味令人陶醉。之後是香草羊架，品味濃郁的羊肉香氣，配上脆薄荷葉的清香，口感豐富。肉質鮮嫩，回味無窮。還有奶油蒜蓉蝦，蝦鮮嫩多汁，外面裹著香氣四溢的蒜蓉奶油，入口即化。再來是13oz的安格斯牛柳，餐廳是即席在餐枱上面用鐵板煎牛柳 。牛肉鮮嫩多汁，入口即化，散髮濃郁的牛肉香氣。搭配烤大蒜的獨特調味，味道層次分明。接下來是煎扇貝，外酥里嫩，口感飽滿。扇貝保留了鮮美 。至於Green Apple Mojitos，入面有青蘋果的清新口味，帶點甜和氣泡的酒精濃度不高的飲品 。整體而言，性價比高的餐廳 。
繼續閱讀
經過太子見到呢間新扒房餐廳🍴裝修好有風格 餐桌佈置以橙啡色同磚為主🧱座位超寬落舒適 午市套餐仲好抵食添😌.📌西班牙伊比利亞黑毛豬豬鞍配燒薯仔 $98午市豬鞍扒都勁大件又厚肉 好抵食🥩肉質完全唔韌唔鞋 煎得好香 帶微微炭燒香🔥加左香草同香蒜牛油調味 令味道昇華唔少🧄🧈🌿燒薯仔都好綿🥔.📌明太子牛油果蟹肉意粉 $98意粉面頭佈滿蟹肉 好吸引 幾鮮甜 冇雪藏味🦀明太子醬帶微辣 相當惹味🐟醬汁稠杰程度適中 不過多左啲🤏🏻用左寬條麵 好掛汁 不過份量偏少同較淋身🍝牛油果切成大大粒 夠熟好軟滑 成個配搭好味道🥑.📌全日早餐配水果奶酪碗 $108三文魚幾肥美 但煙燻味太濃 有啲苦味🍣炒蛋好香滑 熟度剛好🍳煙肉冇煎到好脆口 較淡口 似火腿咁🥓大啡菇幾juicy 加埋鹹香芝士焗 好食🧀🍄多士同薯餅都好香脆🍞🥔仲有微微炒過嘅蕃茄仔 好豐富🍅乳酪用個玻璃碗裝住 好精緻 應該係無糖乳酪 加埋甜甜嘅藍莓 輕盈健康🫐.📌小綠色沙律 $28沙律大大碟 新鮮爽脆 拌以酸酸嘅黑醋 好開胃🥗.📌甜薯條 $38蕃薯條即叫即炸 上枱熱辣辣 外脆內綿 香甜可口🍠.📌配Hot tea $free用左twinings茶包 夠香醇☕️.📌配抹茶拿鐵(熱) +$28鮮奶好醇厚 抹茶甘苦味濃🍵.📌配肉桂青蘋綠茶+$28用葫蘆型杯裝住 好靚✨綠茶底好香🍵但蘋果味唔太出 🍎面頭灑左少少肉桂粉 仲擺左條肉桂 不過整體肉桂味唔太濃🙈
繼續閱讀