影片
港鐵太子站 C2 出口, 步行約5分鐘
繼續閱讀
電話號碼
56903290
開飯介紹
Bauhaus風格扒房，裝潢帶點復古氣息，打卡一流。用餐區劃分為不同區域，適合約會、閨密聚餐及派對活動。
繼續閱讀
營業時間
今日營業
12:30 - 22:00
星期一至日
12:30 - 22:00
以上資料只供參考, 請與餐廳確認詳情
有關獎賞計劃
前排同朋友去咗The Steakhaus食飯，真係有啲驚喜！整體感覺係性價比好高，價錢合理之餘，食物質素同味道都好出色，值得推介！首先叫咗個綠色小沙律，$28一碟真係意想不到咁抵！分量好大，而且菜好新鮮，食落清爽又開胃，超值！之後試咗啖啖蟹膏蟹餅，呢個真係我同朋友嘅心頭好！蟹餅份量夠大，入面滿滿蟹肉同蟹膏，咬落去好juicy，味道濃郁又唔會過膩，超鐘意，絕對係必點之選！主菜方面，我哋叫咗滿滿蜆肉蝴蝶粉，我揀咗普通版（佢有雙倍蜆選擇），但普通版已經有超多蜆肉，蜆肉鮮甜又無沙，湯汁濃郁，飲完都回味無窮！唯一小遺憾係蝴蝶粉嘅份量略為少咗啲，如果多啲就完美。重頭戲係安格斯Prime牛肩胛扒（7oz）配烤大蒜，牛扒煎得啱啱好，肉質嫩滑多汁，配上烤大蒜嘅香氣，食落好有層次，份量同質素對得住個價，滿足！飲品方面，我哋叫咗兩杯cocktail：青蘋果莫吉托同百利甜黑糖奶。青蘋果莫吉托清新開胃，酸酸甜甜，適合夏天飲；百利甜黑糖奶就濃郁香甜，奶味同黑糖好match，飲完有幸福感。甜品係西班牙油炸鬼。真係不得了！油炸鬼炸得香脆，唔會過油，配上開心果雪糕嘅濃香同冰涼口感，甜度剛好，完美收尾！總括嚟講，The Steakhaus真係一間抵食又好味嘅餐廳，無論前菜、主菜定甜品都好有水準，下次一定會再黎試其他菜式！❤️
繼續閱讀
橙色做主題嘅餐廳好少見! 同好耐冇見嘅朋友喺九龍食飯, 嚟到咁有格調, 少少懷舊風嘅餐廳😍傾咗好耐計, 仲試到唔同種類嘅嘢食~ 見到晚市時間有好多客人, 今次又搵到一間性價比高嘅高質小店啦! ————————————————食物:❆ 牛油果芒果蟹肉他他 $88Avocado, mango, crab meat tartare 芒果, 牛油果同蟹肉好夾好清新! 芒果鮮甜, 牛油果夠熟蟹肉份量足夠, 每一啖撈埋三樣嘢都食得出唔同層次🥑 口感豐富! ❆ 滿滿蜆肉蝴蝶粉 $118Spaghetti filled with clams唔駛 double 都已經好多蜆肉, 店員俾我哋裝學嘅兜完全唔夠擺晒所有嘅殼😂 蝴蝶粉食落微辣, 越食越有食慾! 芝士白汁醬汁都好開胃😍 蜆肉鮮甜大大粒❆ 香草羊架 (3支骨) 配脆薄荷葉 $138Lamb rack 3 with crispy mint leaves 羊肉好嫩, 有少少羊臊味但係完全冇腥味🐑 ❆ 安格斯Prime西冷配烤大蒜 $118Usda prime sirloin steak with grilled garlic牛扒賣相好靚又好夠份量, 切開發現冇乜筋😋 充滿肉汁, 連埋大蒜一齊食更加有層次❆ 煎小扇貝 $58Pan fried scallop食落新鮮, 煎完都保持到海鮮嘅軟嫩多汁😆 保留到小扇貝嘅原始風味❆ 成人水果茶 $7818+ Fruit tea呢杯Cocktail完全飲唔岀酒精! 清甜好易入口, 荔枝、菠蘿、桃等等嘅生果可以筆出嚟食埋🍹————————————————整體:✦ 價格: 4.5/5✦ 味道: 4.4/5✦ 服務: 4.3/5✦ 環境: 4.4/5✦ 再訪指數: 4.4/5The Steakhaus 📍地址: The Steakhaus (太子)太子太子道西91-91A號地舖⏰營業時間: 星期一至日 12:30-22:00☎️電話: 56903290
繼續閱讀
呢間steakhouse對於成日用地鐵代步的我來說唔算好就腳， 但經過今次 用餐， 我覺得我會再來！M9和牛牛內裙配薯條及沙律首先介紹這款blue monday 推介的M9和牛牛內裙, 這部分相信在其他餐廳非常少見, 但少見並不等於不好， 牛內裙有獨特的裙邊口感， 帶點肉的爽口易咬， 同時牛肉味濃， 好介紹。 豬仔骨 可以選擇四支或者八支骨的， 結果來到真的大大件， 肉質軟淋入味帶點油脂， 雖然得兩個人但都有少少後悔唔叫八支， 配菜的小黃瓜不會過鹹，夾肉吃很清新醒胃。黑松露和帕泊瑪森起司炸薯條薯條一等一的香脆可口 ，看得出時整個薯仔切條而成。靈魂當然是提供的松露醬， 香味直接攻入口腔鼻孔， 松露fans必選。西班牙油炸鬼食完甜品更加覺得這間餐廳的全面， 這份甜品質素絕對已經可以成為一間甜品舖的生招牌， 油炸鬼做到那種香脆得來煙韌 的質感， 配搭極濃朱古力雪糕， 冷熱交融實在美味。 百利甜黑糖奶 屬於cocktail的一款， 酒味唔算濃烈， 但Bailey 夾雜黑糖和奶的香味中和出一杯軟滑順喉的甜奶酒， 喝極都唔厭！
繼續閱讀
隱藏太子一角格調西餐廳 好耐冇食過西餐 於是嚟到太子搵到一間充滿格調橙色做主題的西餐廳 環境佈置充滿一點懷舊感🫶🏾 有一種花樣年華嘅感覺 先講一講飲品百利甜黑糖奶 百利酒本身自自己喜愛 加入黑糖淡奶令到飲品變成一杯黑糖奶茶一樣，帶點百利酒嘅味道鐵觀音奶茶配咖啡凍 鐵觀音茶底 已經另外一隻夠香濃 加入咖啡凍 令到佢變成中西合璧嘅鴛鴦一樣食物陸續登場啖啖蟹膏蟹餅 完全配合到個名 切開內層啖淡蟹肉 外層炸得脆脆的好香口 好豐富滿滿蜆肉蝴蝶粉 蜆肉滿佈在蝴蝶粉之上 蜆肉飽滿 食完一隻又一隻 芝士白汁，做得好出色 食得出帶點辣味蝴蝶粉朔晒芝士白汁 非常入味👍安格斯Prime 牛骨肉眼 15安士配沙律 這頓飯嘅重頭戲 牛扒份量十足 叫咗七成熟 餐廳烹調牛扒技術做得剛剛好 啖啖肉口味好濃 亦好腍身每一餐飯一定要有甜品先至圓滿提拉米蘇 晚上相當吸引 餅層濕潤到剛好 奶油好香滑加上咖啡粉嘅香濃 配合得非常好座位舒服，裝修細緻絕對係一個食飯嘅好地方
繼續閱讀
上次lunch嚟，午市冇蜆食，今次故意晚市嚟食蜆意粉，但失望了。叫左份西冷8oz ($118)，一份double蜆肉炒蝴蝶粉（$198）。份西冷扒跟埋半隻大蒜頭，用左好多牛油去煎，但冇炭燒香味，塊扒肉味唔夠濃，似用原味去煎，連salt pepper都冇咩點用，冇醬汁點，8oz呢個size唔算大塊，$118呢個價錢，試一次就夠了另外個蜆，係細細粒果款，應該似係新鮮蜆？因為食左好幾隻都有沙，蝴蝶粉用牛油香草炒，但係依然好淡味，因為蜆肉有沙，成碟粉好啖而無咩味，今次試完，真係唔會再翻轉頭了
繼續閱讀