253
18
11
| 餐廳: | 金公館 (康怡廣場北座) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
高質小菜館，必飲真材實料杏汁白肺燉湯！推薦招牌北京填鴨、酸菜魚。
繼續閱讀
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
一向都知道這間酒樓的服務員對熟客有特別待遇，熟客可任意挑選座位就坐，二人也可坐大圓枱，但其他茶客就要被服務員大姐安排入坐。就算早茶時段有不少空枱，也不能擅自就坐，否則會被要求起身轉枱，老弱傷殘者也無例外。由於年近九十的媽媽對這酒樓的「黑椒豬大腸」情有獨鍾，所以明知飲茶坐位要受氣，也會陪她和坐輪椅的爸爸每星期到這裏光顧一次。今天到達酒樓時，服務員阿姐叫我先拿票等位，於是便聽從指示站在門外等位。但過了一段時間，仍沒見員工來叫位，便走進店內看看。發現近窗邊有三張圓枱是丟空的，於是我便逕自坐在其中一張。不久，就聽見服務員大姐對我怒吼，責罵我「鍾意坐邊就坐邊，不聽安排」。等了良久，沒有人來開茶給我們，我禮貌地請兩位女服務員來開茶，但她們避開沒有理會。我只好自己到茶水間拿茶壺和茶葉來開茶。寫了點心紙，遞給收銀阿姐入單。之後，收銀阿姐來到我們桌前，說今次是勉為其難替我們入單，這樣做她會被人罵的。唉！今次我們未經批准私自入坐似是犯了彌天大罪！我終於忍不住氣，對收銀阿姐說：「我不會令你難做，今次會是我們最後一次到這裏飲茶。若不是媽媽愛吃這裏的黑椒豬大腸，我一定不會來光顧，飲茶要俾錢受氣真係慘過來乞食！」今天的「慘痛」經歷，終於明白為何港人要北上消費！一間食肆就算點心小菜做得如何出色，但侍應服務態度如此惡劣，最終也是趕客收場！另外，這間「金公館」在幾個月還在售賣現金券，但三星期前我埋單時收銀阿姐卻說已停用現金券了，原因是酒樓已易手，轉換了老闆，連商場下層的金記冰室也不能再使用現金券。收銀阿姐叫我去金記集團其他區的分店使用這些現金券。請問這酒樓的做法合理嗎？😠😡
繼續閱讀
蔥油雞蛋豆乾 $56上菜時以為係豆乾，食落口先知係用蛋白做，有滷水香味，加埋啲蔥油都幾好食蒜泥白玉 $92超爆多蒜泥，唔算太辣，朋友唔食辣都食到，白肉夾住青瓜片一齊食無咁膩，唔錯！四川擔擔麵 $58份量足夠！味道唔錯，唔會好似有啲川菜館咁個湯好濃好多花生醬咁，唔太辣，抵食之選。雙椒魚 $238 （小份）經理知道我哋唔係好食辣，所以推介我哋食雙椒魚，可以叫佢哋做小辣。魚肉係用鱸魚，啲魚片好滑同埋都算鮮甜，細份黎講都算大盆，三個人都食唔哂，因為仲有手打烏冬係底！抵食～
繼續閱讀
今年公司提早係康怡 金工館食冬至飯。頭盤好豐富 ，閃電式俾同事食晒影唔到相。我最鍾意係涼拌皮蛋，川鹵鴨舌 ，同蒜泥白肉配青瓜好特別。北京填鴨 皮好脆，配埋嗰種醬汁好味。酸菜魚係招牌，同事們都想試。 味道好過太二， 加埋紅薯粉連埋湯一齊食。👍🏻咸蛋大虎蝦賣相都幾好。帶子珊瑚蚌，花膠鮑魚海鮮羮做到水平以上薯仔安格斯牛柳粒好惹味，下次可以配飯。個套餐仲有伊麵，上素 ，甜品。我實在太飽，打包返屋企食。 Overall, 今餐大家都滿意，涼拌菜，北京填鴨，酸菜魚同薯仔牛柳粒都可以encore。下次lunch再嚟試吓。
繼續閱讀
好耐無食片皮鴨，見到金公館片皮鴨做緊工作日半價優惠，滿懷期待來返一隻試下。竟然今次俾我第一次食到凍既片皮鴨，同店員問點解片皮鴨係凍既，佢竟然propose 叮熱返俾我地食😖仲要叮熱返來，都只係暖少少😢😢應該一開始發現片皮鴨係凍既就要退左佢，都唔知擺左幾耐擺到凍⋯⋯ 就連皮蛋瘦肉粥，竟然都只係暖暖地，唔係熱辣辣，粥唔係應該一直擺係煲度保持溫度既咩，實在諗唔明點解可以做到粥都唔夠熱，實在差到無得再差，之後一定唔會再去
繼續閱讀
一家七口去康怡廣場3樓金公館食晚飯，分5點半及8點鐘兩輪，而我哋早兩日就訂咗8點鐘7位。當晚去到準時入座，其中一位女職員好細心，幫我哋揀咗張較大嘅枱，而我哋亦好快地揀咗個6人套餐，冷盤有有雞絲粉皮、酸辣秋葵、紅油豬耳，3樣都好好味，好爽口。熱嘅有酸菜魚、菜膽雲吞雞湯、鮑魚紅燒肉、竹笙上素、雪菜火鴨絲炆米、烤北京填鴨，樣樣都好足料，而且都好味道，特別係佢用嚟包片皮鴨嘅粉皮，放係蒸籠內，每張粉皮都有張紙隔開，方便攞上嚟及揸住嚟包，感覺幾特別。總結：食物水準高，足份量，可能我哋比較細食，所以食剩好多嘢，最後我哋都入落自備食物盒內，帶返走。餐廳環境都算乾淨，職員都好有禮貌，回家後，睇返張單，先發現仲有甜品未俾我哋，而我哋又忘記咗問，所以就唔知金公館嘅桂花糕好唔好味啦。
繼續閱讀
您可能會有興趣的...